كل شئ بأوان
القمر
أوانه نصف الشهر العربي
شهر رمضان
بيطل علينا مره واحده فى السنه
عيد الفطر وعيد الأضحى
بنشوفهم كل سنه
عارفين وحافظين مواعيد المناسبات ....إللى لا تبتعد عن مثيلتها إلا سنه واحده بس
وكل مناسبه منهم ليها عندنا كل حب وشوق لوجودها
وأغلبهم بنستعد ليه بفرحه بعد طول إنتظار
إيه بقى المناسبه إللى بتجيب لنا الهم والغم كل 4 سنين
؟؟؟؟؟؟؟؟؟؟؟؟؟؟؟؟؟
لاء مش كاس العالم
برده مش كاس كوبا أميركا
الله يفتح عليك كده صح
إنتخابات مكابس الشعب والشوكه
هل هلالهم وبدئوا يظهروا
الحمله الإعلانيه والإعلاميه إشتغلت
إفتكرونا فى أخر لحظه
الناس المؤمنه لما بتمرض
بتقول يــــارب
والإخوه المأسوف عليهم لما بيقربوا من النهايه
بيقولو ياشعب
وطبعا ليهم طائفة صيع وبلطجيه
وشباب غلبان بيجرى وراهم عشان عشرين جنيه
ناس غريبه قوى
إللى طموحه عشرين جنيه
واللى 100 جنيه
واللى 500
واللى 1000
تخيل نفسك بتبيع مستقبل أولادك ب 1000 جنيه
وتفضل خلف المرشح لحد ماربــــنا ينفخ فى سرته وينجح
وبعديها
أبوك فى العش ولا طار
ماخلاص يابنى طاااااااار
حينزل من فوق عشان خاطرك
؟؟؟
ياعالم فوقوا بقى
وإنتم ياممثلينا الحالين والقادمين فى المكابس الشعبيه
إمتى حتعرفوا إن
كلكم راع وكلكم مسؤل عن رعيته
إمتى حتعاملوا ربنا فينا ....وفى مستقبل أولادنا
إما تراعوا ربنا
أو تستنوا عقابه الشديد
,, يوم لا ينفع مال ولا بنون إلا من اتى الله بقلب سليم,,
إوعى تفكر إنك ....بتأمن لأولادك مستقبلهم
لاء والله
إنتى بترميهم فى النار بإديك
إللى بتاخدوه من حقوق الشعب الغلبان ....والدوله
هو حق شرعى لينا مسلوب بإديكم
بتصرفوه ببزخ.... على أولادكم
فاكرين إنكم بتشتروا ليهم السعاده
قال رسول الله صلى الله عليه وسلم:
"كل لحم نبت من سحت فالنار أولى به" (رواه الإمام أحمد في مسنده)، ما معنى شرح هذا الحديث؟ ,
