ألاقى فين عدالى
البخت لو مال ألاقى فين عداله
والحمل لو مال بيتعب ايد عداله
والقلب لو مال تلاقى الشوق عداله

مش كل صياد راح يرمى الشبك بيصيد
ولا كل من كان بيلعب لعبته يكسب
الظرف عند القدر من غير نشان بيصيب
والحلو تخسر تجارته والوحش يكسب
وأن سعدك الحظ سهمك فى الملام بيصيب
والحلو تخسر تجارته والوحش يكسب

اكسب رفيق م الزمن أحسن م تكسب مال
بشرط نعرف أصزله قبل ما تماشيه
وسيبك من اللى عند غيرك مال
وحتى لو قال كلام فى الجمع ماتمشيه
وصاحب اللى تشوف قلبه لقلبك مال
واترك قليل التنى يا حر ما تماشيه

عديمة الأصل قالت ع الدهب رصاصات
بتخون راجلها وبترص الأذى رصاصات
لو تقفل الباب عليها ترصصه رصاصات
بشعر بنت اختها قال ايه بتتباها
وبفعل غيرها على جوزها بتتباها
وتسوق دلالاها قوى وتحب تتبا
وعينها يندب جواها عشر رصاصات

القط مره حلم ع السبع يتنمرد
كان أولى انه على الفيران يتنمرد
مادام ابتلى بالغرور والكبر يتنمرد

يا معاشر الناس خلى الود يبقى سليم
واسمع لقول المثل تلقى كلامه سليم
اذا كرمت الكريم ينفع ويبقى سليم
ولو كرمت اللئيم تلقيه يتنمرد

العزوه حلوة مادام تلقى القلوب على بعض
والعود فى حزمه ملوش لازمه ويعمل ايه
وأهل الشهامه عيونهم بيكشفو على بعد
والندل عارف طريق أصله ويعمل ايه
اكمنه مالك وعانده من الدهب على بعض
واللى مبيعمش نازل البحر يعمل ايه

الله على هذه الامثال الرائعة جداااااا يا بشمهندس

جميله يا هندسه