النائب العام يقرر التحفظ على أموال يوسف والى وسامح فهمى.. ومنع الوليد بن طلال من التصرف فى 100 ألف فدان بتوشكى.. ويحدد جلسة 12 أبريل لنظر تأييد قرارات التحفظ

الأحد، 10 أبريل 2011 - 16:16


سامح فهمى وزير البترول الأسبق


وافق النائب العام المستشار الدكتور عبد المجيد محمود، اليوم الأحد، على التحفظ على أموال كل من يوسف أمين والى موسى وزير الزراعة الأسبق وسامح سمير فهمى وزير البترول الأسبق، وزوجته ناهد توفيق محمود ومنعهم من التصرف فى أموالهم العقارية والمنقولة والسائلة، والسندات والأسهم والصكوك بالبنوك والشركات وغيرها.

كما قرر التحفظ على الأرض المملوكة للوليد بن طلال بمنطقة توشكى، وذلك بعد أن كشفت تحقيقات النيابة العامة عن قيام يوسف والى بالتعاقد مع شركة المملكة للتنمية الزراعية المملوكة للوليد بن طلال، واشتمال هذا العقد على شروط غير معهودة ومخالفة للقانون، أدت إلى حصول الشركة على مزايا ومنافع بدون وجه حق تمثلت فى التعاقد على مساحة تبلغ ضعف الحد الأقصى المقرر قانوناً، ومنح الشركة حق التملك المطلق للأرض بمجرد سداد كامل الثمن رغم أن التملك يرتبط بتمام الاستصلاح والاستزراع للأرض خلال خمس سنوات، فضلاً عن إعفاء الشركة من كافة الضرائب والرسوم على الأرض محل التعاقد بالمخالفة للقانون.

كما أوضح المتحدث الرسمى للنيابة العامة أن النائب العام قد أمر بمنع الوليد بن طلال بن عبد العزيز من التصرف فى قطعة الأرض محل التعاقد البالغ مساحتها 100 ألف فدان والكائنة بفرع "1" بمشروع توشكى.

وأشار المتحدث الرسمى إلى أن المتهم سامح فهمى وزير البترول الأسبق قام بالإضرار العمدى بالمال العام، وتحقيق مكاسب مادية للغير دون وجه حق، حيث تعاقد وآخرون على تصدير الغاز الطبيعى إلى دولة إسرائيل من خلال وسيط هو رجل الأعمال حسين سالم بالأمر المباشر دون إتباع الإجراءات القانونية، وبسعر لا يتفق مع السعر العالمى، مما ألحق ضرراً بالمال العام بلغ 80 مليار دولار، وحقق مكاسب مالية للمتهم حسين سالم بمبلغ 4 مليارات دولار دون وجه حق والسابق صدور قرار بالتحفظ على أمواله من قبل، ومازال التحقيق فى القضيتين مستمراً.

وأوضح المتحدث الرسمى أنه قد تحدد جلسة 12 أبريل الجارى أمام محكمة جنايات القاهرة، الدائرة السادسة شمال القاهرة، للنظر فى تأييد أوامر التحفظ المشار إليها.

الله على المقاله يأستاذ جمال عنوانها خطييييييير . ما قولتلك يا استاذ جمال اللى فينا فينا وعمره ما هيتغير وأكيد إن اللبيب بالإشارة يفهم يعنى إنت عارف أنا بتكلم عن ايه ؟ .

أكيد يا كمال عارف

طبعا عارف هو المطلوب ان بعد الثورة نقول ان الفترة السابقة دي كانت صح مثلا عشان اللي فينا ميبقاش فينا ونبقي اتغيرنا
يا كمال حماية الفاسدين فساد ، السكوت عن ظلم فساد ، الايمان بفكر الحزب الوطني فساد ، الدفاع عن الظالمين فساد ، الاقتداء بهم وتعليق صورهم في الشولرع فساد ، أقولك ايه ولا ايه
يا كمال فعلا (اللى فينا فينا وعمره ما هيتغير )
لو عشت نفس الظروف اللي احنا عشناها برضه مش هتتغير
لو ذقت المرارة اللي احنا ذقناها برضه مش هتتغير
لو اتنهب منك صوتك غصب عنك مش هتتغير
هي الثورة قامت ليه

السلام عليكم روق يا استاذ جمال المفروض ان كلامك هذا يفرح كل واحد حر عبد لله لا يرضى بالظلم ولا بهؤلاء الظلمة الذين كانوا يتصرفون فى اموال الناس وحقوقهم الخاصة والعامة وكذلك من المفترض ان الناس تعى الأشياء على حقائقها وتعرف فين الحق من غيره مش تصر على ما هى فيه ولا ايه يا خال جمال !!!!!!!!!!!!!!!!!!!!!!!!!!!!سلامى للجماعة كلك محمد واحمد وامير والحاجه

ياشيخ يا احمد محدش قال انه زعلان ان اى واحد حرامى يتحاكم وكلنا لازم نكون فرحانين ان اى واحد حرامى لازم يتحاسب وياخد عقابه .. ومشكور يا استاذ جمال على المقالة ...

العفو يا احمد علي المجامله الرقيقة دي

و الله يا أستاذ جمال أنا إتحيرت معاكم الواحد لما يتكلم كلمة حق فى الماضى تقولوا خلاص الماضى إنتهى إنسوا الماضى خلينا فى الحاضر و المستقبل نتكلم فى التغيير ونقول خلاص نسينا الماضى وهنرميه وراء ظهورنا تقولا لا الماضى كان فيه كذا وكذا وكله مساوئ وتقعدوا تقلبوا فيه مع إن لحد اليوم لسه مجاش دليل واحد عينى بالسرقه ولا بالفساد غير الاشاعات وكلام الجرائد و الله يكرمك ماتردش عليا بالكلام اللى أنا عارفه بأن وتقولى بنشربوا ميه مجارى والغاز وكل الكلام المكرر اللى إحنا حافظينه و العيال الصغيرة حافظاه كمان . وبعدين خلينا صريحين يا أستاذ جمال الدنيا كلها ماشة على النفاق يعنى لما اقول أبويا يوسف والى عشان يعملى خدمة ولا يقضيلى مصلحه ولا عشان يجيبنى فى الحزب الحزب اللى كان كل المرشحيييين بلا استثناء هيموتوا عشان ييجوا فيه عشان هو الحزب الحاكم ماكانوش هيموتوا طبعا عشان يضروا بمصلحة البلد لا .يا أستاذ جمال الله يكرمك هنبقوا ناس جديده وعقول جديده ونفكر بقه فى المصلحة العامه ولا هيفضل برده اللى فينا فينا ههههههههههههه وهيمشى على نهجنا اللى بعدينا .حدد؟

سبحانك اللهم وبحمدك اشهد أن لا إله إلا أنت أستغفرك وأتوب إليك

يا ابو حميد انا والله ما قصدى كمال ولا غيره انا قصدى الكلام على عمومه بس وخلاص سلاامى للجماعة عندك وابوغانم

(الدنيا كلها ماشة على النفاق)
هو ده الموضوع يا كمال يعني لو قلنا ان السياسة في العهد البائد كانت ماشيه علي النفاق زي انت ما قلت ( مع اختلافي معاك في الرأي ) يبقي العناصر دي تنفع في زمن مفيش فيه نفاق
اختلف معاك في ان السياسة مفيش فيها نفاق لكن فيها اتفاق في الرؤي واختلاف في وسائل التنفيذ
هضرب لك مثال صغير أعضاء الاخوان المسلمين اسمائهم كانت موجوده في الأعضاء الأكثر حصولاً علي قرارات العلاج لناخبيهم ( مع انهم مكنوش بينافقوا الحكومة ) قبل اسماء اعضاء الحزب الوطني والمبالغ أكتر بكتير والله أعلم كانوا برضه واخدين عجل للمعوقين وعمليات تجميل والحاجات دي كلها لسه القضاء هيقول كلمته
هقولك كمان مثال صغير أعضاء الاخوان والمعارضه كانوا بياخدوا تيسيرات الحج زي بتوع الحزب بالضبط لكن بيوزعوها ازاي ولمين وبتوع الحزب بيوزعها لمين
كمان مثال فلوس الحزب اللي اتوزعت دي ( انا مليش دخل هي اتوزعت لمين ) لكن عضو الحزب ( عمال ) في نفس الدايرة عمل بيها مشروع محترم في قريته بيخدم المركز كله ( حضانة أطفال )
عشان كده يا كمال لو حد قال ده كان صح وده كان غلط مش عيب عشان كلنا نتعلم ونفكر في بكرة صح ومفيش مشكله لما يبقي اللي فينا فينا ههههههههههههه

أولا الاستاذ أحمد فيه طريقتين ممكن أوصلك بيهم نصيحة دا لو ممكن تتقبل النصايح من أخ صغير يعنى الطريقة الاولى وهى الطريقه المباشرة و الطريقه التانيه وهي إن أضرب لك مثل عشان تفهم قصدى إلا إنى بفضل دايما الطرق المباشرة ( احمد الله يخليك خد بالك من كلامك لأنك ساعات بتحدف طوب ) .

الاستاذ جمال الغالى اللى والله بسعد جدا وانا بتحاور معاك بحده لأنى بعرف أخليك تقول اللى جواك من غير تزويق وبستفاد كتييييير من كلامك والمفروض مقولكش كده عشان تستمر إلا إنى بجد بكون سعيد فى محاورتك فيه حاجه إنت قولتها وأنا معلقتش عليها قولت خليها بعدين وجا بعدين أهو فلازم أعلق حضرتك قولت ( لو عشت نفس الظروف اللي احنا عشناها برضه مش هتتغير
لو ذقت المرارة اللي احنا ذقناها برضه مش هتتغير
لو اتنهب منك صوتك غصب عنك مش هتتغير ) بالعكس و الله يا أستاذ جمال المفروض حضرتك وجيلكم عموما ميقولش الكلام ده طيب يا ريتنا كنا إتولدتنا فى وقتكم دا إنتو مكنتوش ناعيين هم لا الزواج ولا العمل والتربيه و لا الدراسة ولا الدروس الخصوصيه ولا ناعيين حتى هم السفر للخارج اللى كان عاوز يسافر كان بيسافر بأقل تكلفه وبأسهل الطرق . أيه المرارة بقى اللى دوقتوها مثل شباب اليومين دول ؟ بالعكس زى ما قولت لحضرتك قبل كده إحنا مخدناش منكم غير حاجة واحده بس العصبيه فى الانتخابات. كان على ايامكم حد بيقعد لحد سن الاربعين من غير زواج ؟ آه كان فيه بس بنسبه كام 1% ولا حتى 5% من الشباب دلوقت كام كان على أيامكم فيه بطاله اه كان فيه ؟ كام 3% ولا 4% قد نسبه الخريجين اللى بيشتغلوا دلوقتى يبقى ايه المرارة اللى كانت عندكم . يا أستاذ جمال المفروض الشباب المصرى الموجود دلوقتى و الجيلين اللى قبله يا خدوا جائزة نوبل للصبر أولا وإنهم أتحركوا وأخدوا خطوه إجابيه ثانيا ووعمر جيلكم مكان هيعمل كده بلاش أقول ليه ؟ المفروض جيلكم يشجع بس لكن ما يتكلمش.
وإعذرنى على الكلام ده ورجاء تقبله .

سبحانك اللهم وبحمدك أشهد أن لا إله إلا أنت أستغفرك وأتوب إليك