انا في راي الشخصي ان النصب دا موهبه ضاره فعلا عند بعض الناس فالبعض يعتمد علي اللسان والبعض يعتمد علي شيء غير مالوف والبعض علي شذاجة الي امامه وكل ماكانت طريقة النصب جديده كل ما حققت اهدافها عند النصابا فالنصاب حرامي لذيذ لانه بيسرق برضي الشخص المسروق وهو في غفلة والعموم خالي بالك يافتوح انته راجل طبيب وتقبل مروري فريج عماره

على فكره الرساله دى على ايميلات كتير وعادى جدا ان يكون واحد قاعد يهزر هو واصحابه ويشوف ردود الناس ايه اصل عادى يعنى يعنى بالله عليك الرساله على الايميل هينصب عليك ازاى وبعدين احنا شعب مرقع مش بياكل من الحورات دى

يا إخونا ده نصب رسمى بعد كده حيقولك إبعت لى فلوس علشان أحولك الفلوس أو إبعتلى فلوس علشان الشركه اللى حتشيل الشيك لحد عندك أو أى سبب أخر

السلام عليكم
الرجاء الإنتباه

نفس الموضوع تكرر معايا من حوالى سنيتن

الموضوع بإختصار أشبه بقرصنة حيث يتم مخاطبتك بأكثر من طريقة و الغريبة إن جميع هذه المخاطبات بتتم كلها فى فترة زمنية واحدة خلال أسبوع مثلا حتى يوهموك إن الموضوع فعلا حقيقى

و الخطوات تتم كالآتى :-

1- رسالة تفيد إن الإميل الخاص بيك فاز فى المسابقة الفلانية اللى منظمها شركة كذا و يعطوك موقع الشركة أو البنك على النت و تدخل و تلاقيه و غالبا يكون ملحق بأسماء شركات شهيرة زى ميكروسوفت أو ياهو او إسم بنك شهير او إى إسم آخر

2- بعدها تلاقى فى حد يبارك لك على فوزك فى المسابقة و غالبا بيكون الإسم خليجى و يا سلام لو بعت لك صورة فى زى خليجى .

3- شوية و تلاقى حد بيطلب منك مساعدة لأنه يعرف إنك فوزت فى المسابقة اللى فاتت لأنها أرملة و تعول و مريض لا يقدر على نفقات العلاج و غالبا بيكون بإسم شخص مسلم .

4- و بعدها حد يخاطبك أنه له أموال محتجزه فى بنك كذا او بلد كذا و مش عارف يخرجها لأسباب سياسية او غيره و غالبا بتكون من دولة أفريقية .

5- وبعد كدا يخاطبوك إن الأموال الخاصة بيك محتجزة بالبنك و مطلوب تفويض مكتب محاماة بنفس البلد اللى الأموال محتجزة فيها لإنهاء الحجر على الأموال او تسافر إنت لإنهاء الحجز و إنت طبعا بتختار إن المكتب يقوم بجميع الأعمال بالنيابة عندك .

6- تفاجأ برسالة جاى لك من مكتب المحاماة و برضة ليه موقع الى النت بيعرض عليك خدماته و طبعا بيذكر المقابل المادى اللى هو عايزه مقابل إنهاء إجرءات حجز الأموال و تسفيرها لك و بيرسل لك رقم حساب على بنك معين لتحويل أتعاب مكتب المحاماة السابق و لو طلبت منهم يأخذوا من الأموال الموجودة عندهم يقولوا لك إن الوديعة مغلقة و ممنوع فتحها و لا يجوز لأحد أى يفتحها غيرك إنت .

الغرض من الخطوات السابقة كلها حاجتين :-

1- معرفة رقم حسابك الشخصى بالبنك و بالتالى لهم طرق معينة للدخول على حسابكم و معرفة الرقم السرى و سحب جميع الأموال الموجود بحسابك .

2- ربما يكون حسابك فاضى و لا يوجد به أموال بيأخذ منك على الأقل المبلغ المطلوب منك لمكتب المحاماة و بيكون حوالى 4 ألاف دولار .

المهم فى النهاية ماتردش على حد مجرد ما تشوف الرسالة إحذها فوراً و ريح رأسك .

أرجو ان أكون وضحت بعض الشيىء
و آسف على الإطالة

لقد تم إستقبال الفيرس

كثيرا من الإيميلات بالطريقة دي

الحمد لله مفلـــــــــــــــــــــس
وكارتي فاضي