مش عارف يا محمد الموضوع صعب جداااا الله يكون فى عون اى واحد متحمل مسؤلية ما بالك اذا كنت رئيس جمهورية لان اى واحد من الشعب مظلوم سوف يتحمل مسؤليته امام الله . لو عارف المقولة الا قلها سيدنا عمر لو عطرت بغلة فى الشام لسؤلت عنها ما بالك بقا بالشعب ...

لوطلب مني ان اكون رئسيا لتنحيت جانبا عن هذه المكانة فانا لست اهلا لها هذا في البدايه اما من وجهت نظرا الخاصة فنقول كما في ديننا الكريم العظيم وامرهم شوري بينهم هذا هو الاساس والجوهر لعملية الرئاسة والحكم فاذا اختير الشخص من فبل اغلبية الافراد كان عليه ان يلبي النداء يتخذ القرار الترشيح للرئاسه وتسلم الايادي يابو امنيه علي الموضعات المثيره للجدل دي ياباشا

عارف يا محمد رغم ان الحكايه صعبه بس لذيذة عارف تعالى نبسط الحكايه ونصغرها شويه ونقول لو انت بقيت رئيس جمهوريه شباس عمير هتعمل ايه وايه اللى انتى شايفه ينقص البلد دلوقت ونفسك تعمله وهل هتقدر تعمله لو بقيت رئيس جمهوريه البلدوايه تصوراتك للنهوض بالبلد وايه المشروعات الرئيسيه اللى هتقدر من خلالها تحط البلد على الطريق السليم مع العلم ان المشروعات دى لازم تمس المجتمع الشباسى وتدخل كل بيت وتفيد كل فرد وياريت نعدد بقى لو احناكويسين اللى البلد محتاجاه لان لو عرفنا الاحتياجات وحددناها هنعرف نصلحها ونعالجها

شكرا يا جماعه على ردودكم بس والله ياجماعه الموضوع فعلا صعب جدا مافيش حد ينكر فى سلبيات كتير موجوده بس برده الموضوع صعب انك تحكم 80 مليون يااااااااااااااااااااااااااااااااااااااه ده رقم كبير قوى ويكون عندك نهضه فى الاقتصاد والمستوى المعيشه والعلاقات الخارجيه ومعونات للدول الفقيره اقصد يعنى اللى اقل فقرا مننا وتعمل جيش كويس ويكون مؤهل للحرب فى اى وقت وا وا وا وا وا وا الخ
فعلا مسئوليه ثقيله وصعبه والله يكون فى العون

شكر يا ياسر على رؤيتك الواضحه والمميزة.بس انا كان قصدى على البساطه اننا نبسط الموضوع من حيث المساحه يعنى نعتبر شباس هى الجمهوريه ونصب نفسنا رؤساء عليها ونشوف هنقدر نعمل ايه فى بلد محدودة الامكانيات ومحدودة الموارد وازاى هنتغلب على كل السلبيات اللى فيها وازاى هنقضى على الفساد المنتشر فيها من محسوبيات وعدم الاهتمام بمرافقها وازاى هنخلى شبابها ايجابى .وله دور وازاى كنا كرؤساء لهذه الدوله او القريه هنعمل تداول للسلطه ونغير قواننها لان الفرعون حرام يبقى فى القرن الواحد والعشرين..وكمان نطبق المبدأ الدستورى السلطه المطلقه مفسدة مطلقه

شكرا ياشباب على الرؤيه الجيده للموضوع
بس برده الحكايه صعبه جدا

عن نفسى
همنع الفول والطعميه
واجيب كرمله وعسليه
واخلى الحمه بنص جنيه
وياكلها الفقير قبل البيه
واجيب لكل واحد سياره
وميكنش فى الدوله حماره
وابنى بيوت كتير وكتير
واغرق الناس بالملا يين
واجيب دش فى كل بيت
ومحدش يسرح تانى الغيط
وافتح مكتبى لكل الناس
ولا حد يقول انا محتاس
اصل انا قلبى طيب ونضيف
لانى متربى بالريف
بس ده كلهم كلام اوهام
ووقت الساعه اقول يا سلام
هرضى مين ولا مين
دى عيشه صعبه زى الطين
الناس كل يوم فى ذياده
وكل واحد يقول يا رئيس
قلنا يا ناس حددو النسل
قالو هنعمل ايه فا ضيين
شوفو اخونكم فى فلسطين
من صوت المدفع خا يفين
وانتم يا دوب بتقولو فا ضيين
ومن الشغل محرومين
وارجع واقول احنا ملنا
يا اهل شباس خلونا فى حلنا
دا انتم على عضو مختلفين
بس اهو كله كلام وكلام
ونرجع احسن للرحمن
هو العالم بالاحوال
وتقبل مرورى استاذ محمد

منور صفحتى استاذ محمد بالتاكيد يسعدنى مرورك

السلام عليكم أ0محمد
سلامي لكل السادة/ المحترمين
تعالوا بينا نعمل مقارنة ما بين الصين ومصر و نشوف الأرقام 0
مصر-
والعدد 80مليون
بلـــــــــــــــــد فيها :
1-البحر المتوسط
2-البحر الأحمر
3-نهر النيل
4-بحيرة البرلس
5-بحيرة ناصر
6-بحيرة قارون
7-بحيرة المنزله
8-قناة السويس
9- أكثر من 1/3من اثار العالم
10-اراضي زراعية
11-مصانع
12-اكتفاء ذاتي علي اقل تقدير من البترول
13-معادن كمواد خام في الجبال
14-السد العالي وتصدير الكهرباء
15-القطن المصري اللي طهروه ليه ما عرفش
الخ 00000000000
الصين
والعدد اكثر من مليار يعني (قد مصر حوالي 12مره)
موارد محدودة
يبقي من الطبيعي انه يكون سهل جداً منصب رئيس الجمهورية

على فكره انت نسيت الغاز الطبيعى وما ادراك ما الغاز الطبيعى بنصدره لاسرائيل ببلاش وبشتريه احنا بالغالى مع ان المثل بيقول عز التمر لاصحابه

مشكور مرورك الرائع استاذ عادل

والله لوكنت رئيس الجمهورية

أرفع من مكانة العلم والعلماء واهتم بالبحث العلمي والمدن الصناعية واوفر الفول

واهتم بكباب الغلابة طبعاً وهو الطعمية

والله يامحمد الموضوع صعب لكن بالنسبة للرئيس حتماً ولبد يكون مطلوب

للرئاسة مش مفروض على الرئاسة

شكرا لمرورك حبيب قلبى فتح الله

يعنى با قى الاعضاء رافضين الموقف
ولا خايفين الموضوع يقلب جاد

والله ياجماعة احنا دولة فيها خير كتير
سألوا رئيس دولة من الدول العربية اي الدول أغني فقال مصر
لاأنها دوله صناعية وتجارية وزراعية ثلاث أشياء مش متوفرين في أي دولة