بعدما أطاحت الثورة المصرية بالرئيس السابق حسني مبارك وتولى المجلس الأعلى للقوات المسلحة إدارة البلاد، بدأ المصريون يتطلعون لأول رئيس يختارونه بأنفسهم في انتخابات حرة، وعرض أكثر
من مرشح محتمل نفسه ووعوده على الساحة، ووضع أعضاء ياهو مكتوب أنفسهم مكانهم وطرحوا السؤال "ماذا تفعل لو أصبحت رئيسا لمصر؟".

فكر المصريون وغيرهم في مستقبل بلاد النيل بعد مبارك، وعلى منتدىdvd4arab وجّهت إحدى المشاركات باسم (الؤلؤة الصغيرة) سؤالاً مباشراً لأعضاء المنتدى: "تخيل لو إنك رئيس مصر القادم، هتعمل إيه في 85 مليون مصري؟ هتحل مشاكلهم إزاي؟".

فكان رد العضو (رجل مصري عربي) مقتضباً وهو يقول: العدل – العلم – العمل، أما العضو (mego1975) فيرى أن هؤلاء الـ85 مليون مصدر الحل لا المشكلة، قائلا إنه لن يفعل شيئاً سوى الإفراج عن ملفات الأفكار والتطويرات المحبوسة داخل الأدراج وطرحها للمناقشة والبدء فيها "على طوووول".

وبسخرية كتب العضو (@yaser) رده: "أول حاجة أكونت (حساب) ع الفيس (بوك) وجروب رئيس الجمهورية عشان أعرف بالمظاهرات، تاني حاجة هروّش (أرضي) الشباب وهظبهم وأشوف نفسي بقى شوية وألم (أجمع) كام مليون وأهرب، مش هستنى تشيلوني (تطيحون بي) طبعاً".

أما العضو (assuom) فقد قال: "هطبق الشريعة تدريجياً ثم أبدأ بإلغاء الضرائب تدريجياً وعودة بيت المال لأخذ أموال الزكاة".

لكن العضو (فتحي فيصل) طرح رداً طريفاً وقال: "هأوزع البانجو (نبات مخدر) على الشعب علشان الشعب ينصطل (يُخدر) وأسرق براحتي".

لم تكن السخرية أو العناوين الفضفاضة فقط هي إجابات الأعضاء، بل اتخذت بعض الإجابات شكل البرنامج المفصل.

فالعضو (adham_adoh2010) تحدث بإسهاب عن خطة عمله التي بدأها بقوله: "أسترد فلوس الشعب من الحرامية" ليضع ميزانية "جبارة" للتعليم مع إلغاء مجانية التعليم العالي ودعم المستحقين، فالجامعات "حالها يصعب ع الكافر بمرتبات الدكاترة الكوميدية". وأضاف أنه سيلغي الدعم للمنتجات ويستبدلها ببطاقات تموين إلكترونية للمستحقين "بدل العيش أبو ظلط والفول المسوس وزيت المواتير ده".

وفي سياق خطة عمله تحدث عن الصناعة والزراعة والبحث العلمي مقترحاً مدناً جديدة على بعد 100 كم "ع الأقل من النيل عشان الزراعة" كما تعهد بتشجيع الاستثمار الأجنبي مع تطوير البنية السياحية. ثم انتقل إلى استقلال الإعلام ودعا لإلغاء وزارته حتى ختم خطة عمله بالدعوة إلى استقلال الأزهر مع تقوية سلطته حتى يبقى مثل القضاء في نفوذه.. "مش زي الكنيسة في الدول العلمانية ما لهاش لزمة"!

وعاد العضو (maher_pop2010) للسخرية قائلاً: "أنا أول حاجة ح أعملها ما أتجوزش واحدة اسمها سوزان ومش ح أسمي عيالي علاء وجمال، والمهم بقى ح ألغي النت والموبايل".

وبطرح غريب قال العضو (samoman): "لو أنا رئيس الجمهورية هحكم بالحديد والنار ومش هخلي في معارضة ولا مجلس شعب وأبقى المسؤول عن كل شيء بس ح أحكم بالعدل، وفي حالة فشلي الشعب يحاسبني أنا لوحدي بعد أول فترة".

يااااااااااااااااااه رئيس جمهوريه وآجى فى الاخرة اتحاسب عن 85 مليون واحد كانوا فى رقبتى لا يعم خلينى أتحاسب عن نفسى وأهلى أحسن .
بس لو قدر ربنا إن الواحد يكون رئيس جمهوريه فى يوم من الايام أول حاجه هعملها هخصص ايام فى الاسبوع لمقابلة الشعب ومش يوم واحد وهوطد العلاقات العربيه أكتر وهرفع شأن المصريين بالخارج . هرجع لتطبيق العقوبات الشرعية على سبيل المثال قطع اليد فى السرقة والقتل فى القتل العمد و الخيانة والفساد فى الارض و الرجم فى الزنا . هشوف طبعا حال الطبقة الفقيرة و هعدلها إن شاء الله هستغل الصحارى الواسعة الشرقيه و الغربيه و اللى إستغلوا صحاريهم مش أحسن مننا و الاخ اللى قال هلغى الضرائب ورجع بيت المال فكرته عظيمة هنفذها إن شاء الله . كل واحد هياخد حقه إن شاء الله وطبعا هنصف المظلوم وهردع الظالم وهحارب الفساد الموجود بكل أنواعه وهعمل هيئة معروف ونهى عن منكر فى مصر لكن بحسن وطيب التعامل. وإن شاء الله كل قرش هيتوجه لمكانه الصحيح . و الاهم من دا كله هعمل مجلس شورى من علماء وفقهاء الامه للنظر فى حالة القرارات اللى هاخدها وتطبيق الشريعة .وهعمل شروط دقيقة لابد من توافرها فى أعضاء مجلس الشعب .وهخلى كل وزير يكون عملة من مجال تخرجة وهشدد الرقابة عليهم شويه . و الله فيه حاجات تانيه كتييييييييييييير.

اسمعوا يا جماعه ما تضغطوش عليا والله ما انا مترشح للرئاسه انا ناقص الله الغنى عن ده منصب

اول حاجة هعملها لو بقيت رئيس جمهورية سوف اتوسع في بناء المدارس والمستشفيات فهي الاساس مع تغيير المناهج والتركيز على الابداع وليس الحفظ وتقليل كثافة الفصل ليصبح الحد الاقصى لكل فصل 20 طالب وهعين طبعا حبيبي محمد ابوبكر نائبا بدون انتخابات .

عندما استقلت الهند من الأحتلال الأنجليزى أول شيىء اهتمت بالتعليم
ثانى شيىء اصلاح حال التخطيط العمرانى لأنه أساس المدنية الحديثة
ثالث شيىء أى واحد متزوج مرة نساعدة بالزواج بالثانية عشان نقلل الفساد فى البلد
رابع حاجة اغلاق كل القنوات فى التليفزيون الدينية والغير دينية والأخبارية وغيرها
خامسا كل برامج التوك شو تلغى وتموت الأعلانات ممنوع الأعلانات
سادس حاجة اللى اخترع 0900 والأتصال من اى محمول على الرقم معرفش كام يعدم فى ميدان العتبة
واعتقد ان بكده حال البلد يتصلح وأستقيل والناس هيبقو كويسين ومش محتاجين لريس
آه نسيت كل المحبوسين فى قضايا الفساد يطلعو بكفالة كل أملاكهم فى الداخل والخارج ويشتغلو فى المشروع القومى مقشة لكل مواطن عشان ينضفو البلد

ههههههههه ماشى يا استاذ محمد اذا كنت هابقى معاك انا موافق

دلوقتي الملك فاروق انطرد من مصر ومات مسموم في ايطاليا ومحمد نجيب اتذل قبل ما يشيلوه وجمال عبد الناصر اتسمم والسادات اتقتل في ميدان عام وحسني اتحبس هو لسه فيه حد عنده شوق يحكم مصر