السلام عليكم ورحمه الله وبركاته
تحيه مليئه بالأزهار تفوح بعبقها أحييكم بها.
عنوان الموضوع نوعا غريب ولكن بكل أسف ورد فى ذهنى ألاف العنوانين لم أجد سوى هذا العنوان الذى يخرجنى من حاله الأسى والحزن على حالنا.
قبل أى مقال: أبدأ بقول الامام الشافعى رحمه الله:
وأنطقت الدراهم بعد صمت ..... أناسا بعدما كانوا سكوتا
فما عطفوا على أحد بفضل ..... ولا عرفوا لمكرمة ثبوتا
...
نأتى الى لب الموضوع ترددت كثيرا قبل كتابه هذا الموضوع. ولكن لأنى على يقين تام ودرايه تامه ب أن ما يكتب هنا فى المنتدى ينقل بالكامل ل أولى الأمر. ف أحببت أن يصلهم ما نراه وربما لا يروه. من حالنا فى الظلام.
نغير النبره ليصل الكلام بصيغه سلسله على الجميع:
أكدت مصادر سريه .أن:
1.. وزاره الكهرباء والطاقه تعتمد قريتنا .ب أنها أكبر مدينه صناعيه فى مصر. والدليل: انقطاع دائم للكهرباء بلا أى داعى . وكل منسأل يقولو تخفيف أحمال .
طيب ول أمتى ياجماعه .قلك شباس ليها يومين .فى الاسبوع . الى ان تمادى الأمر وأصبحت شباس ماشاء الله تتصدر القائمه ولها كل الاسبوع راحه من الكهرباء.
2: أكدت نفس المصادر اللى فاتت أن وزير الكهرباء زملكاوى.هاهاهاهاها.
لأنها بجد ليست مجرد صدفه. على مدى الاربع شهور الأخيره.لم يصادف ماتش للأهلى الا لابد من انقطاع الكهرباء .صدفه غريبه صح؟؟؟
لدرجه انى أقسم بالله العظيم فى ماتش الاهلى الاخير فى كاس السوبربدأت أسمع الماتش فى بدايته والكشاف جمبى لانى عارف ان الكهربا هتقطع .وبالفعل حدث ما هو متوقع.
3: أكدت نفس المصادر . ان الكهربا بتقطع فى الغالب على نواحى معينه فى البلد . وبكرر غالبا وليس كليا.يعنى أوقات بتقطع على الكل.لكن الغالب بتقطع على نواحى معينه .شوف بقى الصدفه العجيبه... أنها فى الغالب مناطق يسكنها مجموعات من المغضوب عليهم.والحجه:::::::: ان المحولات ضعيفه. مع العلم ان المحولات دى تم تغيرها من فترات بسيطه جدا .أى أنها أحدث عمليا من غيرها.شوف بقى الصدفه الغريبه جدا .. منطقه عائلات مهيا:بين خمس أقواس .(منطقه القصر الملكى)نادرا ما يراها الظلام.بالمقارنه بينا.صدفه دى صح؟؟؟
طيب المفروض .انى أبعت للأهرام فى باب أريد حلا ولا أعمل ايه؟؟؟
كهربا بتقطع بصوره يوميه بالساعات .
ميه بتيجى بالليل بس الفجر ألحق أو ملحقش ونموت بقى مش مهم.
القائمه تطول . ولكن نكتفى .
لما حبيت اتناقش بينى وبين نفسى فى الموضوع ده للأسف لقيت حلول فعليه. وهى كالتالى::
1::ممكن أبيع بيتنا ونعزل فى منطقه القصر الجمهورى مثلا.
2:: أحمد ربنا على اللى احنا فيه وأعرف انهم بيعلمونا اننا ناخد عبره وموعظه من اخواتنا فى العراق وافغانستان.
3::أتناسى كليا أننا فى عصر التطور والكهرباء واحاول أرجع ل أصل الخليقه .والعصر البدائى.
لما بفكر فى كل ده وملقيش حل نافع .أفتكر فى الحال .الست شاديه وهيه بتقول::: قوم ولعلك شمعه.
ولكن أرجع أتذكر قول الامام الشافعى رحمه الله:
ولرب نازلة يضيق لها الفتى ..... ذرعا وعند الله منها المخرج
ضاقت فلما استحكمت حلقاتها ..... فرجت وكنت أظنها لا تفرج
أسبكو على خير علشان ألحق أجهز شمعتين لبكره . مهى بقت عاده وربنا ميقطعلنا عاده.
وفى الختام لكم منى السلام خير ختام و من القلب للقلب.خالص الأحترام .يزيد على هذا.. الحب .. فهو ما تبقى واتمناه يبقى بيننا بااذن الله.
السلام عليكم
