--------------------------------------------------------------------------------
قال لى شريف الحكيم
ماتكتب الاشعار
قلت انا مسكين
قالى فكر وجرب
انا قلت اجرب
واقول زيكم
بصيت شمال ويمين
وفتحت كمان دواوين
يمكن القلم يرق
وقلب القلم يدق
بم بم بم
اشعار اشعار اشعار
ودى بداية المشوار
استرها يا ستار
من الكلمة والاشعار
ابو نظارة يقول
الشعر زى الفول
مرة بزيت تموين
ومرة بزيت الحار
اللحمة فى مصر غليت
وهجرت المصريين
زمان كان فية وزارة
لسكر التموين
والرز كان بالشكارة
ودلوقتى مش لقيين
ما تقولو أية العبارة
هو أحنا بنى أدمين
بناكل البصارة
واللحمة محرومين
لو شفتو طابور العيش
بقا سور الصين العطيم
والعقدة فى الدبارة
حلوها يا مصريين
بقلم ابو نظارة
الله يسمحك ياللى خلتنى اكتب شعر
وترجع بالف سلامة
