كان زمان كل واحد بيحب بلده بالطريقه اللى تناسبه بس كانت واضحه للجميع فمثلا فى العصور السابقه اختلفت طريقه حب الوطن باختلاف الاحداث والظروف الساسيه والاقتصاديه .زمان كان في مصر احتلال وكان حب الوطن بيتمثل فى المظاهرات والشبابى الفدائى اللى كان بيجد فى ذلك اشباع لغريزة الوطنيه .وقبل كده كان فيه ناس بتحب بلدها بمبادئ معينه فكان هناك من يحب بلده من خلال الشيوعيه التى كانت تهدف الى السيطره على مقدرات المجتمع لصالح افراد المجتمع بالتساوى ولا امتياز لفرد على اخر وكان هناك الاشتراكيه التى كانت تهدف الى مشاركه الجميع فى الانتاج والدخل القومى وازابه الطبقات والمساواه بين الجميع ماديا ومعنويا .وظهرت حديثا ناس بتحب بلدها بطريقه ليبراليه يعنى الحريه فى كل شيئ حتى العقيده وده نوع من العلمانيه
بس دلوقت مفيش شيوعيه ومفيش اشتراكيه ازاى بقى نحب بلدنا
ارى اننا نحب بلدنا بأيجابياتنا يعنى ايه اللى نملكه علشان نقدمه لبلدنا .علمنا يمكن موهبتنا يجوز.فكرنا يمكن تخليص المجتمع من اى فساد .فهمنا للى بيدور جوه بلدنا .منسكتش على اى حاجه غلط
الرجاء المناقشه من الاعضاء
اخوكم حسام الكاشف

موضوع شيق جدا ونداء لابد من التلبيه ولكن ياتري في ظل تلك الظروف وانشغال الجميع في اكتساب لقمة العيش والكل يقول ياعم داحب البلد يودي في داهيه وبعدين مين هيدور ويجري ويسأل الكل ملهي في لقمة عيشه-أكيد كلنا بنحب بلدنا ومش راضيين عن الاوضاع الغلط بس مين هيقول ومين هيسمع -زمان كان الناس بيحبوا بعض علشان كده كان صوتهم واحد والكل لازم يسمعهم اما دلوقتى الناس مش فاضيه حتي تحب بعض -ياريت الاول نحب بعض ونود بعض واكيد بعد كده هنلاقي نفسنا تلقائيا بنعبر عن حبنا لبلدنا ..صلاح البلد من صلاح الراعي وصلاح الراعي من صلاح الرعيه...اشكرك جدا علي موضوعك وارجو منك ان تنادي بان نحب بعضنا اولا..وفقك الله وكل عام وانت بصحه جيده وسلامي للجميع....

شكر يابو حميد على الرد

شكر يا احمد على مرورك
ويارب الهمنا حب وطنا والهما طريقه اصلاحه ومساعدته انه يكون احسن وطن فى الدنيا

وخلصه من الفساد والحراميه والمرتشين

اللهم أمين يارب العالمين لو خلصت النوايا و الاعمال لكانت مصر افضل دولة على مستوى العالم....

داحنا عندنا دولقت فى البلد تجار كبار صغار يعنى لسه عيال مطلعتش من البيضه وبيتاجرو على كبير وتحس انهم معلمين على كبير زى افلام زمان بتاعت محمود المليجى وفريد شوقى والمشكله ان المباحث عارفه بس محدش يقدر يجى جنبهم متقولش العيال دى ماسكه عليهم زله.وكمان الشرطه اكيد عارفه مين اللى بيدخل البلد الحاجات دى ومين مصدر تمويلها بس متعرفش ايه السبب
ربنا يهدى الجميع ويتوب على البلد بقى من اى فساد

موضوع اكثر من رائع يا اخ حسام

عارفين ازاى نثبت للجميع اننا بنحب بلدنا
ان كل واحد فينا يفكر بايجابيه وفاعليه ويبداء بنفسه لازم كل واحد فينا يبداء بنفسه ويفكر بايجابيه وبلاش نقول صعب ومش ممكن والتغير شئ صعب على الجميع عارفين السلبيه شئ مميت هى اللى جايبنا الى الخلف مع ان لو اتبعنا الهدى النبوى ( من راى منكم منكرا فليغيرة بيده فإن لم يستطع فبلسانه الى اخر الحديث ) هنلاقى ان لو كل واحد فينا شاف الغلط واتكلم عليه وشاف الصح واثنى عليه هنبقى فعلا بنحب بلدنا ( لو راضينا بلاحتلال الانجليزى على مصر وقلنا صعب نستقل كنا زمنا لحد دلوقت محتلين بس علشان بنحب بلدنا قدرنا نتغير
لازم نحب بلدنا ونعرف الصح فين ونشاور عليه ونسعى عليه بكل ما نملك )

لواتكلمنا عن المشاكل اللى فى البلد هنتعب
لان الايجابيات اللى اصلا فيها تعد على اصابع اليد الواحده
وفيه مشاكل ممكن بالنقاش نجد لها حلول ونقوم بها بانفسنا
زى النظافه والحفاظ على المجارى الجديده
ده ممكن نعمله لو كل واحد بدا بنفسه
لكن حاجه زى الرصف وزى مياه الشرب والمواصلات
والمدارس (الثانوى الزراعى والصناعى والتجارى)ومياه الرى
والثانوى الازهرى بنين وطبعا المستشفى دا هنحله ازاى
الا اذا طلع واحد يهمه مصلحه البلد ويمثلنا فى مجلس الشعب
او حتى الشورى ويساعد البلد اللى اهلها تعبو من ضعف الخدمات
يعنى اقل مثال المستشفى الحل الوحيد اللى الناس ممكن تعمله
لتجنب هذه المشكله انها متتعبش او انها تكون عارف انها هتتعب
كل اسبوع من التعب علشان تلحق تدور على مستشفى جيده
تتعالج فيها
من الاخر احنا خلاص محدش بقى حاسس بينا وكله
ضحك على الدقون بس فيه ناس فالحه تقول مصلحه البلد
كان محدش يعرف مصحله البلد غيرهم وهمه كل همه مصلحتم فقط
ويعيشو تحت شعار مات الملك عاش الملك
وهمه دول اللى مضيعين حقوقنا
واسف على الاطاله