بسم الله الرحمن الرحيم
الاخوة اعضاء المنتدى من الطبيعى اننا نحب بلدنا بس احنا بنقول كده ومش عارفين ازاى نحبها وازاى نردلها جزء من فضلها علينا .بس علشان نعرف واجباتنا تجاه بلدنا لازم نعرف حقوقنا ونعرف اننا مواطنين مش مقيمين مواطن يعنى بيشترك فكل حاجه داخل بلده يعنى لازم يبقاله رأى ويكون له دور فى نهضه بلده ميبقاش سلبى وميبقاش مواطن درجه تالته .واللى يفرط فى حقوقه مش بيحب بلده لانه بيساعد بسلبيته ان القرار بيبقى بيد اللى مسيتحقوهوش وبعد كده بنرجع نشتكى ونرجع نلوم نفسنا يمكن دلوقت الشباب كله عايز يكون مستقبله والناس بتدور على رزقها بس لازم يبقى لنا دور كشباب واعى مثقف بيفهم الصح من الغلط ونكون قادرين نبللور الاحداث اللى حولينا داخل عقولنا ونحولها لفكر يساعد بلدنا وناخد بايديها واللى يستهين بفكره وقدراته يبقى مواطن درجه تالته ملوش هويه بيكره بلده .وفيه اوقات كتيره بنعمل حاجه ونعتقد انها كويسه لبلدنا وهى بتبقى اسوأ شيى لمصلحه البلد .فانا هطلب من الاخوة الاعضاء انهم يتناقشوا معايا عن حقوقنا داخل بلدنا وواجباتنا وازاى نغير فكر مجتمعنا وانا بتكلم طبعا عن شباس ومش عايز حد يفهمنى صح .وهل احنا قادرين اننا نغير اى افكار سيئه فى مجتمعنا الريفى وناخد بايده ونطوره وحتى لو جزء بسيط وعلى الاقل نبدأ بأنفسنا وعايزكم تعرفوا ان الانسان بيموت ويفضل الفكره بتاعته وعايز كل واحد من الاعضاء يدور بداخله عن حاجه جواه تجاه بلده ونفسه تتحقق ويقولها وميستهنش بيها لانها ممكن تتحقق فى يوم من الايام

كلام جميييييييييييييييييييييييييييييييييييييييييييييييييييييييييييييييييييييييييييييييل شكرا علي الموضوع ولك مني التحية

ا/سيد
اشكرك على كلامك بس انت معلقتش على الموضوع نفسه عايز اسمع فكر شباب بلدى وعلى فكره فيه مواضيع كتير ومهمه تهم القريه كلها وبالاخص الشباب الواعى حاجات كتير منعرفش عنها حاجه وهى داخل بلدنا لان فيه ناس مش من مصلحتها ان حد يعرفها .هنتكلم فيها كلها بس ياريت انا عايز مناقشه فى المواضيع اللى بتتكتب فى المنتدى ولك كل التحيه

اخي العزيز الاستاذ /حسام
فعلا انا علقت علي موضوعك وطرحت اهم مشكلة فيه من وجة نظري المتواضعة ولكن قبل كتابة موضوعك باقل من ساعة وكان ذلك في بند سؤال وجواب حيث انني طرحت مشكلة المياه الملوثة وردي علي موضوعك بالاحترام والتقدير وهذا حق لاني احسبك فعلا من شباب البلد الواعي ولا اذكيك علي الله وكان هذا من اعجابي به الشديد اكرر شكري لك واتمني من كل الاخوة الاعضاء المساهمة في هذا الموضوع حتي نتمكن من حل لمشاكل بلدنا الحبيبة
موفقين باذن الله

مش عارف الاخوة الاعضاء نسوا الموضوع ده ليه مع انه كان اهم موضوع وكنت بتوقع انه ياخد مدى واسع من الحوار اكتر من كده .فارجوا من الاعضاء قراءته مرة تانيه ونتناقش فيه تانى
ولكم جزيل الشكر

عندك حق يا حسام
انا كنت قلت مشكلة ميه الشرب وهي اساسها عدم اتمام مشروع المجاري
ارجو المساهمه بحل لهذه المشكله وفتح مواضيع عن مشاكل اخري تخص البلد
تحياتي للجميع ارجو المشاركه

بصراحة يا جماعة الموضوع ده مهم جدا
اولا
زى ما قال حسام ان موضوع المواصلات ده موضوع مهم جدا وساة الزنقة بردك مش هتدور هتركب بقى 4 ولا 5 فى الكرسى
وتتفرهد يا معلم قبل ما تروح الكلية توصل الكلية اصلا عاوز تنام تاخد نفسك وتتطلع على قهوة دهب تضربلك حجرين وترجع البلد تانى
يبقى استفدت ايه فى اليوم كله ولا حاجة والسبب مواصلة شباس
ثانيا
موضوع المجارى ده الكلام فيه مش هيجيب نتيجة لان النتيجة هى هى
شباس من غير مجارى متبقاش شباس

ثالثا
خد عندك بقى موضوع الرصف بقالها 100 سنة مش مرصوفة ياعم دى عزبة الحجر اترصفت واحنا لسه
ياراجل دى شوية شتاء لو نزلو كلنا بنلبس ( الترمبات ). وعلى راى اهل قلين شباس بلد الترمبات

رابعا
عندنا عادات فى البلد تخنق الواحد بجد يعنى مثلا ليه لما الواحد بيقرر يتجوز يروح يجيب ب 20 و 30 الف جنيه دهب
ده كده بجد يبقى حرام اذا كان اهل اسكندرية والقاهرة نفسهم ب 2 ولا 3 الاف جنيه دهب

ياعم لو جيت تتكلم على سلبيات البلد مش هتعرف تعد

بس فى الاول وفى الاخر دى بلدك يعنى الحاجة الوحيدة اللى بتخليك تستحمل ده كله
اصحابك واهلك وحبايبك

اهلا وسهلا

شكرا لكل الاعضاء اللى ردوا على الموضوع

محمد السعدني

اللى حاصل دلوقتى يا جماعه حاجه تحزن
كلام كلام كلام كلام كلام كلام كلام
كلام وبس كله كلام مفيش حد بيتحرك ولا ناوى يتحرك ان كان وزير ولا غفير كله سكت وحاضع وخانع للوضع اتعودنا على السكوت والخوف والتمبله وزى ما بيقولو جتتنا نحست كلنا زى بعض زمان كانت مصر فخر ومفخرة العرب لانها فعلا مقبر ة الغزاه وكان شعبنا شعب غيور وعنده نخوه وعزة نفس وما كان يتحمل حد ياخد حقه كانا زمان بيهتفوا ويقولو الاستقلال التام او الموت الزوئام دلوقتى !!!!!!!!!! الاستسلام التام او الموت الزوئام وعجبى عليكى يا بلد هتسكت هاحبك هتنطق هالبك واتعودنا على كده وخلاص بقينا للاسف شعب النكت والافشات والحركات والاغانى والافلام والمسلسلات

شكراياسر شكرا محمد على ردودكم القيمه والمميزة
والله انا حاسس اننا هنتحاسب على تفريطنا فى حق نفسنا وحق بلدنا بالسلبيه اللى احنا عايشين فيها
لازم خطوة يا جماعه لو تفتكروا يا جماعه زمان مكناش لسه اتولدنا اتحررت البلد من الاستعمار بالعزيمه لانهم كانوا شويه ضباط صغيرين فى الجيش بس خدوا الخطوة وسابوا الباقى على ربنا
انا قصدى من كده خطوة صغيرة ونشوف ايه اللى هيحصل وانا بتكلم على قريتنا
وفيه افكار كتير لكده بس العنصر البشرى اهم شيئ فى البدايه لان قوتنا هتبقى فى اتحادنا ورأينا هيبقى له قوة لان احنا مش هنبقى خايفين على منصب او كرسى او مصلحه

وانا ببدأ معاكم اهو ونفكر مع بعض ونسق افكار تساعد بلدنا

انا ليا وجهة نظر متواضعه وراى شخصى وكل له رايه
انا من راى اننا نبدأ نثقف الناس بجد انهم يكون لهم راى حر واختيارات مناسبه لمن يمثلهم ولاينساقو وراء الهراءات والاكاذيب وكل واحد يبدأ ببيته كلنا شباب زى الفل متعلمين ومثقفين ليه كل واحد فينا ما يبدأش يعلم اهل بيته وقرايبه وجيرانه وعرفهم الصح اكيد هيتعب وفيه ناس هتضايق منه بس يحس انه ماقصرش فى حق بلده وهيجى اليوم اللى الناس هتعرف فيه انه هو الصح لابد من وقفة لازم نكون كلنا ايد واحده ضد الظلم والمحسوبيه والمصالح الشخصيه وحطوا تحت المصالح الشخصيه 100 خط لان اكتر الناس بيكون له مصلحه عند مسئول وهو عارف انه المسئول ده لايصلح ومع ذلك يفضل مصلحته الشخصيه على المصلحة العامه وده بيحصل كتير لابد ان يتحد شباب شباس وهو املها ومستقبلها على قلب رجل واحد ونضرب بيد من حديد على ايد الظلم والفساد والله المستعان
ابو امنيه

ما شاء الله
انا مستبشر خير

بس مطلوب مننا احنا مش الحكومه اننا منحجرشي علي رأي حد
بمعني اللي هينتخب اللي احنا عايزينه يخش يدي صوته
واللي مش هينتخب اللي احنا عايزينه ينضرب
ومش هوضح اكتر من كدا كلنا عارفين اللي بيحصل لنساء المسلمين
امام كبار الناس وبيضحكوا علشان الانتخابات تطلع لمصلحتهم
واكاد اجزم انهم بيكونوا مرضي نفسيين عايزين يتفرجوا علي عورات
نساء المسلمين وميهمهمشي مين اللي ينجح المهم يرضوا نفسهم المريضه

كفايه كدا انا حاسس ان فيه حاجه

عندك حق يابو محمود والله انهم مرضى

الله المستعان ويخلصنا وينصرنا بحوله وقوته

حمدالله على السلامة ياعم ياسر فينك من زمان

معلش انا بتكلم فى الموضوع مع انه من فتره
بس بصراحه انا اول مره اقراه وعجبنى جدا
بس لواتكلمنا عن المشاكل اللى فى البلد هنتعب
لان الايجابيات اللى اصلا فيها تعد على اصابع اليد الواحده
وفيه مشاكل ممكن بالنقاش نجد لها حلول
ونقوم بها بانفسنا زى النظافه والحفاظ على المجارى الجديده
ده ممكن نعمله
لكن حاجه زى الرصف وزى مياه الشرب والمواصلات
والمدارس (الثانوى الزراعى والصناعى والتجارى)ومياه الرى
والثانوى الازهرى بنين وطبعا المستشفى دا هنحله ازاى
الا اذا طلع واحد يهمه مصلحه البلد ويمثلنا فى مجلس الشعب
او حتى الشورى ويساعد البلد اللى اهلها تعبو من ضعف الخدمات
يعنى اقل مثال المستشفى الحل الوحيد اللى الناس ممكن تعمله
لتجنب هذه المشكله انها متتعبش او انها تكون عارف انها هتتعب
كل اسبوع من التعب علشان تلحق تدور على مستشفى جيده
تتعالج فيها
من الاخر احنا خلاص محدش بقى حاسس بينا وكله
ضحك على الدقون بس فيه ناس فالحه تقول مصلحه البلد
كان محدش يعرف مصحله البلد غيرهم وهمه كل همه مصلحتم فقط
ويعيشو تحت شعار مات الملك عاش الملك
وهمه دول اللى مضيعين حقوقنا
واسف على الاطاله بس الواحد بيفضفض لانه اتخنق