أصدر وزير الإعلام المصري في الحكومة المقالة أنس الفقي في 30 يناير/كانون الثاني قراراً بإغلاق مكتب قناة "الجزيرة" في البلاد، وسحب بطاقات اعتماد كافة مراسليها بدون استثناء.
من جانبه أعلن اتحاد الاذاعة والتلفزيون انه سينسق مع الجهات الحكومية لوقف تراخيص أجهزة النقل الفضائي المباشر "إس إن جي"، التي كانت قد منحت للقناة وكل ما من شأنه تسهيل الاتصال.
هذا ولم تشر الأنباء الواردة من مصر الى الأسباب التي دفعت وزير الإعلام المصري لاتخاذ هذا القرار، لكن مراقبين يعيدون الى الاذهان ما كان قد صرح به عدد من السياسيين المصريين مراراً بأن القناة "تنتهج سياسة تهدف لزعزعة الأمن في البلاد"، بالإضافة الى ان القناة، بحسب المراقبين أيضاً، توفر مساحة كبيرة من الحرية لمعارضي النظام المصري والمشاركين في المظاهرات والمسيرات الشعبية، كما ان "الجزيرة" كانت تبث على الهواء مباشرة تطورات الأحداث الدائرة في مختلف المدن والأحياء المصرية.
المصدر مدونة هايدي
http://espritmnh2009.blogspot.com/2011/01/blog-post_3902.html

:{}::::

:{}::::

طيب هي لما تعمل كده يبقي مفروض تتقفل _ يعني لما تستضيف معارضه أو تنقل الأحداث مباشره يبقي أجرمت _ سبحان الله بجد

يا اخ عبدالرحمن الجزيرة قناة الرأى الواحد قناة صفراء كل غرضها هو اسقاط مصر وليس اسقاط النظام كما يدعون قناة محمية من اكبر قاعدة امريكية فى الشرق الاوسط وسلامى للمتظاهرين ال كل واحد بيقبض خمسين جنية .

الاخ عبد الرحمن
نتكلم
بالبلدي لسه بتسمع الجزيره
ياعم احنا شعب طيب اوي
نسينا الجزيره وكم تكلمت وسائت لمصر ولاهلها
آن الاوان ان نصحى من النوم
يا اخ عبد الرحمن

هل نسيتم الحرب على غزة القناة التى كانت تقول ان حماس هى من استفز الجيش الاسرائيلى ؟
هل نسيتم هذا لك الله يامصر

من لم يعرف من هى قناة الجزيرة المغرضة التى تقوم عليها حكومة بكاملها موالية لاسرائيل لتبحثوا ايها الاخوة عن لقاءات اميرهم وقادتهم بقادة اسرائيل لا للجزيرة والف لا لقطر وقادتها
والمقاطعة لكل قناة تبث سمومها بشباب مصر من اجل اغراضها الشخصية ولسنا مع قمع المعارضة ولكن لا لاثارة الفتنة

وقناة الجزيرة فتنة

فعلا فتنة وقناة حقيرة وهو دعاة الفتنة فى كل بلد عربى ومش هتسيب الشعب المصرى الا لما يحصل حرب اهلية حتى لو تنحى مبارك وبكره الايام تثبت لنا

حسبى الله ونعم الوكيل فى دى قناه وياريت محدش يتابعها لان كل اخبارها كذب واغراضها دنيئه وربنا يحمى الشعب المصرى ودائما مصر هتبقى ام الدنياادخلوه امنيين

دائما ما نكره الحقيقة

شكر وعرفان الى هذه القناه التى فضحت النظام ووقفت بجانب الأبطال وانظام ليس مصر مازلن نحب من يستخف عقولنا

يا أخ أدمن ياتري الناس ال بتدفع ال 50 جنيه دول دفعوا ل 12 مليون أو حتي ل 2 مليون ال ف التحرير_ وياتري لو الإعلام المصري ده صادق لماذا إستقالت المذيعتان المصريتان من هذا التلفزيون وأكيد إنت عارف السبب _ وياتري لما فضحوا نفسهم وهم ف أول الثوره كانوا بيقولوا دول 50 متظاهر وبيسألوا المذيع بتاعهم عن الجرحي قال 61 جريح _ أظن حتي لو الجزيره بتبالغ فالتلفلزيون بتاعنا مخليها قشطه

و محمود سعد يا مصريين استقال ليه من أول يوم فى الثورة ورفض يطلع يقول أوهام ؟

مظاهرات 25 يناير كانت لشباب واعى ومثقف ليس له اغراض تخريب ولكن هذه المظاهرات استغلها الاحزاب والاخوان شوف قناة الحياة وشوف السيد البدوى بيقول ايه فى برنامج مع عمرو اديب عن الاخوان ازاى كانت امريكا بتستخدمهم للضغط على النظام اظن ان كلام رجل من حزب معارض لمبارك .
وبعدين فى ناس كتير فى الميدان ليس لهم اغراض تخريب وفيه ناس رايحة تاخد فلوس وخلاص يعنى مش كل ال فى الميدان بيخدوا فلوس فيه ناس عندها مبادئ وناس معندهاش .
انا كنت واحد من الناس بايد مظاهرات 25 يناير لكن مظاهرات التخريب بتاعت يوم الجمعة كانت تخريبة .
ويا استاذ عبدالرحمن كلمة تانية فيه ناس كتير فى مصر مع الاستقرار وعدم تجديد مبارك لان كل الناس ال فى ميدان التحرير ليسوا كل شعب مصر لانهم لو شعب مصر كان مبارك اتنحى من زمان .
وحزين جدا لما وصلت له مصر والله العظيم قلبى يحزن عندما ارى ان مصر وقعت فى فتنة ندع قنوات صفراء مثل قناة الحقيرة القناة التى تنقل الرأى الواحد لماذا قناة الحقيرة لم تنقل مظاهرة الاستقرار فى ميدان مصطفى محمود ولا هما كمان واخدين فلوس علشان يؤيدوا الاستقرار .
كل املى الا يكون هناك منظمات خارجية تتحرض بنا لكى ترى نار الفتنة بيننا .
واذا كان التليفزيون يعرض هذا حتى لايشعل نار الفتنة .
بس لى تساؤل ياريت تعرف ازاى الاخ الادمن بتاع صفحة كلنا خالد سعيد كان بيدخل النت والنت كان فاصل فى مصر كلها حتى النت الخاص بشركات المحمول.
مع العلم اننا خالد سعيد فعلا ولكن لسنا متامرين على مصر .

يا أخ أدمن تقصد تقول انها عصابة من الموساد؟

ابو الزهراء كتب:

دائما ما نكره الحقيقة

شكر وعرفان الى هذه القناه التى فضحت النظام ووقفت بجانب الأبطال وانظام ليس مصر مازلن نحب من يستخف عقولنا

اظن يا استاذ سيد ان ربنا ادانا عقل نفكر بيه ونحكم الامور ونشوف مين ال بينقل الحقيقة كاملة ومين ال بينقل الاخبار المختارة فقط يعنى عندك مثلا خبر من ضمن الاخبار خبر حريق المتحف لم يحدث وخبر مظاهرات تاييد الاستقرار فى ميدان مصطفى محمود كان هناك فى الميدان 500 شخص فقط ليه هو التليفزيون مكنشى جايب المظاهرة وبنشوف كويس وبعدين القناة الحقيرة ايام الحرب على غزة كانت بتنصر الاسرائيلين وبعدين ما شفناش خبر مرة عن القاعدة الامريكية فى قطر اكبر قاعدة فى الشرق الاوسط ..
ربنا ينتقم من كل رؤؤس الفتنة التى تتعرض لها مصر .
واذا كان التليفزيون بينقل الاخبار التى لاتثير الفتنة بيننا فنحن فى وقت فتنة ولعن الله من يشعلها .
رسالة الى قناة الحقيرة ( مصر تمرض ولا تموت )

انت لا شوفت خبر عن القاعدة الامريكية اللى فى قطر ولا اللى فى شرم الشيخ ولا اللى فى السعودية

لا شوفت بس مش وقته ده وقت فتنة يعنى ربنا يرحمنا من الفتنة ورؤؤس الفتنة يا مسلم .

ماشى خلينا فى الفتنة اللى بتحصل . ويا ريت كل واحد هيقرا الكلام ده يركز فيه كويس ويجاوبنى .
بما أنك يا أستاذنا مؤيد للنظام وتخشى الفتنة وتحب الحرية وتكره كل من يقمع حرية الرأى زى ماهاجمت القناة اللى لم تأتى بكل المظاهرات المؤيدة للنظام واعتبرته قمع لحرية الرأى . ماشى . احنا متفقين . النهاردة النظام طلع يقولنا ان اللى بيحصل ده من تدبير الاخوان المسلمين أو عناصر خارجية دبرت لفتنة فى مصر .1- اذا كان الاخوان المسلمين هم اللى دبروا المظاهرات دى يبقى الاخوان المسلمين لهم شعبية رهيبة مش هنقول ملايين هنقول مئات الالاف طيب ليه خدوا صفر فى الانتخابات اللى فاتت؟ . يبقى هو كداب فى واخدة من الاتنين .
2- لو هى عناصر خارجية دبرت لانقلاب . ماشى اذا كانت كل الاعداد المهولة دى دبرت مع العناصر الخارجية للانقلاب :طيب كان فين عمر سليمان والمخابرات بتاعته . وهم بيقولوا فى القنوات المحلية ان التنظيم ده شغال من 2005.؟

مصر فوق الجميع

الفتنة نائمة لعن الله من ايقظها
الفتنة نائمة لعن الله من ايقظها
الفتنة نائمة لعن الله من ايقظها
الفتنة نائمة لعن الله من ايقظها
الفتنة نائمة لعن الله من ايقظها

انا لست من مؤيدى النظام بل انا من مؤيدى الاستقرار وبعدين لما قناة الحقيرة تجيب مظاهرات التحرير على ان الشعب كله يريد المظاهرات يبقى كاذبة وتثير الشعب لما تيجى تنقل اخبارها من مظاهرات التحرير بس يبقى قناة ليست حيادية لما كل الناس ال بيتصلوا بيها معارضين يبقى الناس التانية لما يجى واحد ويؤيد الاستقرار وتقطع الكلام فى اقرب فرصة يسكت فيهاوهو بيتكلم يبقى ايه لما المظاهرات بتاعت ميدان مصطفى محمود تطلع ويقولوا عليها 500 فرد يبقى ايه لما المذيعة امبارح تقول للناس ال بيتصلوا بيها وتحثهم على الاستمرار يبقى ايه لما ايام عزة تناصر اسرائيل وهى القناة الوحيد التى كانت تنقل من داخل المبانى الخاصة باسرائيل يبقى ايه لما تقول ان حماس هما ال بستفزوا اسرائيل يبقى ايه ولما تنقل ان المتحف المصرى تم حرقه يبقى ايه .

يبقى حقيـــــــــــــــــــــــــــــــــــــــــــــــــــــــــــــــــــــــــــــــــــــــــــرة بمعنى الكلمة

الناس ال فى ميدان التحرير ليسوا كلهم اخوان فيه جنسيات مختلفة وناس شريفة لعب فى دماغها الاخوان .

وستظهر حقيقة الاخوان بعد رحيل مبارك كرمز من رموز مصر وليس كمجرم لان اسلامنا علمنا ان نحترم كبيرنا وان نسامح الى من اساء الينا وستظهر قوتهم الحقيقية .

ملحوظة هو برده لما الواحد بيتكلم بيكتب اسمه ولا خايف خلاص البلد معدشى فيه امن دولة .

اخى الادمن لست مضطر لتقول ذلك انت مؤيد ام معارض ولكننا اليوم بصدد من يثيرون الفتنة



الفتنة نائمة لعن الله من ايقظها
الفتنة نائمة لعن الله من ايقظها
الفتنة نائمة لعن الله من ايقظها
الفتنة نائمة لعن الله من ايقظها
الفتنة نائمة لعن الله من ايقظها

اخى الادمن لست مضطر لتقول ذلك انت مؤيد ام معارض ولكننا اليوم بصدد من يثيرون الفتنة



الفتنة نائمة لعن الله من ايقظها
الفتنة نائمة لعن الله من ايقظها
الفتنة نائمة لعن الله من ايقظها
الفتنة نائمة لعن الله من ايقظها
الفتنة نائمة لعن الله من ايقظها

يا حبيبى حتى أيام أمن الدولة مكنتش خايف وكنت بأكتب اللى انا عايزه ومعظم الناس كانت عارفانى
أصل انت مش عارف ان الله مولانا ولا مولى لهم
واننا عبيد لله مش عبيد اللا مبارك
ومتشكرين على حرية الرأى بتاع المنتدى بتاعك
وياريت لو تعرف تحذف أى حاجة تخصنى لأننى لا أحب التطاول وانت بدأت تتطاول سرا وعلنا
حرية الرأى اللى انت بتتطالب بيها هى تشجيع الحزب الوطنى اللى مص دمنا .
اذا كانت هى دى الحرية أنا هافضل أسير . لأننى لا أحب الطبل والزمر لمن يذبحنى ولا يريدنى أن أنتفض .
أنا بعد الثورة دى فخور انى مصرى وبحب مصر
مش بحب الحزب الوطنى . ولأننى لا أحب التطاول فانا منسحب

معندناش طريقة الحوار وعلى فكرة ليست طريقتى ان امسح تعليقات حد ولا انت الكلام مكنشى على هواك

انا لم اطلب من حد تشجيع الحزب الوطنى لو لى تعليق بيقول يا جماعة الحزب الوطنى احسن حزب ياريت تجيبه على فكرة كل الاحزاب مصر غرضها واحد ...

نائب قناة النيل الدولية تلحق بركاب الشرفاء الذين إستقالوا !

ومع ذلك لازم نقول

قشطه

علي خمائني المرجعية الايراني تحدث الي شعب مصر امس باللغة العربية الفصحي علي الرغم أن الفرس يكرهون اللغة العربية تماما
ماذا تريد إيران ومرجعيتها من مصر وشعبها العظيم ... انهم يريدون الفتنه يا شباب ولكن تبا لكل يد تريد العبث بمصر وشعب مصر

يا عبده نائب قناة النيل ده بكرة هيتقال عليه عميل خائن مشترك فى المؤامرة الى عملاها بلغاريا علشان تقلب نظام الحكم فى مصر

بهدوء يا جماعة
1- يا جماعة الموضوع محتاج فعلا مناقشة بس أرجو انها تكون هادئة لاننا جميعا متفقين على ان المصلحة العامة هى غاية النقاش .
2- بالنسبة لمسألة الفتنة التي يثيرها الأخ العزيز الأدمن والأخ الفاضل ابو خالد اللي نفسي اتعرف عليه وبعض الأخوة الآخرين فقط أريد أن أعرف ما معني الفتنة التي يقصدونها لانهما يدعوان دائما على مثيري الفتنة وأنا بقول آمين وخلاص بس الحقيقة نفسي اعرف معني الفتنة علشان لما اقول آمين ابقي فاهم معناها : مثلا هل مقاومة الظلم فتنة ؟ هل مثلا الصعيدي اللي خد مائة كف على قفاه على سهوة لو قال كفاية يبقى كدة بيثير الفتنة ولا لازم يأخد كمان مائة كف ؟ بس بهدوء طبعا
3- المتظاهرين اللي واخدين خمسين جنيه . هل الأخ أحمد زعلان علشان هما متظاهرين ولا علشان هما خدوا خمسين جنيه ؟ أنا شايف ان مفيش حد يقدر يدفع لهم لان معظم المتظاهرين فقراء كمان اخواننا بتوع الحزب هما اللي معاهم فلوس يعني لو استغنوا عن خمسة مليار يبقى ممكن يعملوا مظاهرة فيها مثلا مائة مليون يعني قد شعب مصر مرة وربع بس ده محصلش والنهاردة هما مستعدين انهم يدفعوا اكتر من كدة بس مفيش حد راضي يطلع لهم ولا يتظاهر بإسمهم حتي المساجين اللي طلعوهم وركبوهم حمير وجمال راحوا مرة واحدة بس وقالوا على قد فلوسكم . دا حتي ظباط الشرطة رفضوا انهم يضربوا الناس في كثير من الأماكن ومنها اسكندرية .
4- بالنسبة لقناة الجزيرة وكونها قناة فاشلة وقناة عميلة . طيب هى عميلة لمين ؟ لإسرائيل مثلا ؟ طيب هى ليه دايما بتهاجم اسرائيل ؟ طيب ليه كانت امريكا وانجلترا عايزين يضربوها اثناء حرب العراق ؟ طيب بلاش كدة فين القنوات بتاعتنا ؟ القنوات المصرية فيها مسوخ مشوهه لا بيعرفوا لغات ولا حتي بيعرفوا يقرأوا النشرة صح . طيب بلاش الجزيرة . قطر دولة صغيرة ليه مصر ما بتعملش قناة مضادة للجزيرة تهاجم قطر طالما قطر كدة حاقدة على ذكاءنا وعلى فلاحتنا الزائدة . طيب هل احنا انجح ولا قطر ؟ مثلا قطر دولة صغيرة وزي ما واحد مذيع قال عليها مرة انها خمستاشر نفر . ليه هى خدت حق تنظيم كأس العالم واحنا خدنا صفر . طيب ليه انا دايما بأشوف في قناة الجزيرة رؤساء دول بيتحاوروا مع احمد منصور وعمري ما شفت محاورة حقيقية مع رئيس دولة في التليفزيون المصري
يعني هل مثلا تستطيع مقارنة احمد منصور بمفيد فوزي ؟ أعتقد المقارنة صعبة زي مثلا ما تقارن بين الإنسان والقرد .

سقط سهوا
ولاحظوا اني بقارن هنا الإنسان بالقرد بين اتنين مصريين أحسن واحد يقول اني بأنحاز للقطري على المصري بس الفرق بينهم ان احمد منصور انسان شريف وعصامي وصل لمركزة وشهرته بمجهوده وبشغله ومفيد فوزي وصل بالنفاق والفهلوة والسفالة والتخابر والعمالة . الأول لم يجد فرصته في بلده لان مصر سيطرت عليها عصابة خلت كل شئ بالواسطة بينما المصري في الخارج بيجد فرصته بمنتهي السهولة طالما عنده المؤهلات العلمية والشخصية وأعتقد ان الكلام ده محدش مختلف عليه .
وأنا آسف لو كنت ازعجتكم بتعليقاتي الأسبوع ده لاني بأكون سعيد جدا لما بأكتب في المنتدي وبأعتبرها فرصة سعيدة جدا

انتظروا المزيد من فضائح قناة الحقيرة قناة الفتنة انتظروا كل ما هو فاضح وكشف حقيقة هذه القناة الحقيرة .

انتظروا الحقيرة وقطر تجاه القضية الفلسطنية ..

قطر لم تحاصر الفلسطينيين و لم تقيم اسوارا فولاذيه لاحكام الحصار على غزه ..
قطر لم تكن ابدا تبعث بمدير مخابراتها اللي بالصلاة ع النبي بقى نائب الرئيس المصري لسنوات يجري في مفاوضات دؤوبه لاطلاق سراح الجندي الاسرائيلي جلعاد شاليط ..
اللذين باعو القضية الفلسطينيه هم قادة الحزب الوطني الديموقراطي في مصر من ايام معاهدة كامب ديفيد حتى ثورة الغضب ..
استقال محمود سعد و 2 مذيعات من التليفزيون المصري قطاع الاخبار و لحق بهم أنس الفقي احتجاجا على التضليل الاعلامي و التعتيم في نقل اخبار مصر أثناء ثورة الغضب في مصر.
قناة الجزيره هي فخر لكل عربي لانها عين الحقيقه بكل حياد و موضوعيه يشهد لها العالم كله ,,,,,
الاعلام المصري كان مثار انتقاد العالم كله خارج مصر لتعتيمه البغيض على احداث ثورة الغضب .. و اللي يجهل ولا ما سمعش يسأل أي حد عايش بره مصر ..

قناة الجزيره و الحكومه القطريه ليست هي التي أفقرت و نكلت بالشعب المصري و اهانت كرامته في الداخل و الخارج ....

و اللي ما يعرفش يقرا التاريخ الاسود في الكتاب الاسود على موقع الوطنيه للتغيير ,,
او يقرا تقرير الشفافيه الدولبه ,,او اي تقرير اقتصادي عالمي و يشوف مصر بقت فين بعد 30 سنه فشل ,,,

و اللي يعرف الحقيقه و الواقع المؤسف اللي مصر فيه بسبب الحكم الفاسد في مصر و ما نزلش المظاهرات بدون عذر يبقى خاين لبلده و شعبه و اهله ,,

اللهم زلزل الارض من تحت مبارك و أولاده و حزبه و حاشيته و أزلامهم و زبانيتهم ,, و أرنا فيهم عجائب قدرتك ,,,,

تحيا مصر و يسقط النظام ,,

يا أستاذ محمود
هنفترض ان قناة الجزيرة عميلة لإسرائيل . طيب ايه مصلحة اسرائيل انها تزيل نظام بيساعدهم بكل ما أوتى من قوة فى الحرب على فلسطين وعلى حسابه وحساب بلده . ومحدش يقول محصلش . دول مش هيلاقوا زى حسحس

وبخصوص المناقشة الهادئة اللى حضرتك عايز تعملها مش هتلاقى حد من أنصار الحزن الواطى يتناقش معك بهدوء .لأن الحزن الواطى لا يتناقش بهدوء وانما بالقمع . والدليل على كده ان شباب الثورة طلعوا يقولوا سلمية وهو باعتلهم الاول بلطجة الشرطة ولما منفعش بعتلهم الحمير زى ما شقت . فالمناقشة الهادئة مش هتنفع مع هذا النظام وهيقولوا علىك متآمر مع يوغزلافيا عشان تعمل انقلاب على مصر

انهم لا يشعرون الا بأصحاب الأقدام الثقيلة

كلامك صحيح يا استاذنا ان الجزيرة نجحت واكتسبت ثقة الناس الا انها فى اغلب الاحيان بتهتم بلاخبار المسيئة لمصر اكتر وبتهول فيها لكن لو الخب فى مصلحة مصر لا تهت م بيه بالمرة لكن اعترف انها واقعية اكثر من التليفزيون المصرى اللى ميدان التحرير كان فيه مزبحة وهو بيصور فى ماسبيرو ماشى بالمنطق العبيط بتاعه بتاع زمان والاخوان ولعوا البلد ههههههههه اى والله ناس عبط
وزير الاعلام بتاعنا اللى ربنا ما ينفخ فى صورته دنيا واخره ومراته تنكد عليه عيشته اللهم امين قول امين يا استاذ محمود هههه
مانع كل القنوات الدينيه من العمل فى مصر الناس عملوا الرحمه قفلها خلوها نسائم الرحمه قفلها خلوها الروضة قفلها ربنا يفلها فى وشك دنيا واخره يا بعيد بس سايبلك روتانا وميلوتى ودريم هو احنا هننهب مهو بيجيبلنا حبيب الجفرى يعكلنا فى قناة دريم لكن الشيوخ اللى كل الدول العربيه بتتهافت على زيارتهم لبلادهم لا ميطلعوش فى التليفزيون المصرى ده بيهاجموا اسرائيل وامريكا يا عم الحج عاوزين يعملوا فتنه الراجل فاهم بردك وعارف مصلحتنا
ارجع واقلك يا استاذنا ان الجزيرة ليه احسن من القنوات بتاعتنا من وجهة نظرى انها عمرها متجيبلك اى خبر وحش على قطر ولا يقدر اى مزيع جرىء من مزيعيها حلوة مزيعيها دى انه يتكلم مثلا عن زيارة امير قطر لاسرائيل ولا عن القاعدة الامريكيه الكبرى فى الوطن العربى فى قطر ولا ان المركز الاعلامى للاحتلال الامريكى كان فى قطر
لكن احنا القنوات بتاعتنا الله يحرقها بجاز وسخ بتاجر بنات ليل وتعمل برامج هايفه تجيبلك شيوخ لا يفقهوا شىءعن الاسلام لكن علماء الامه لا
يبقى الحادثة فى ميدان التحرير وهما يصوروها فى كفر الشيخ وده اللى خلانا خدنا صفر فى المونديال
ولكن انا استوقفنى بردك كلمة سينا عمر
** نحن قوم اعزنا الله بالاسلام فاذا ابيغينا العزة فى غيره ازلنا الله **

قشدة

يا عم سيبك من الكلام ده هتقعد تعمل شعر نكد على الجزيرة يا حمو؟
خليك فى اللى حصل فى ثورة الغضب التاريخية . انت عامل زى اللى ساب كل حاجة وقعد يقولك البرادعى والاخوان .
يا عم الثورة دى أشرف ثورة عرفها التاريخ . ولا تعرف برادعى ولا اخوان . دول شباب طلعوا يدوروا على حقى وحقك . يبقى لازم نشيلهم على راسنا .مش نقول عليهم متآمرين مع النيجر علشان يقلبوا البلد. بلد ايه اللى هيقلبوها ؟ ما هى كانت مقلوبة أصلا يا حمو . دول هيعدلوها وهافكرك يا حمو .
بالله عليك وانت مبقتش فخور يا حمو؟

طبعا فخور بيهم لانهم نطقوا وانطقوا الدنيا وطلعوا الخوف اللى كان مكبوت جوه ملايين يا مصراوى يا اخويه الناس من خوفها قبل كده حتى لو كانت بتتناقش فى منتدى كانت بتدخل باسم مستعار عشان خايفه من امن الدوله لكن دول خلوا امن الدوله يستخبى فى جحوره وحرروا البلد من نظام كان ممكن يكتم على نفسها بنفس السياسه العقيمه تلاتين سنه جاية
وبعدين يا عم هو انا قلت اخوان او بردعى انا بقول عالتليفزيو نالمصرى واللى بيزيعه
الاخوان والبردعى كانوا فاكرينها هيصه وعاوزين يسروقوا انجاز عمله الشباب وراح فى سبيله 300 زهرة من شباب حر نظيف طاهر بدمه حرر مصر من ظلم تلاتين سنه راحت وتلاتين سنه جايه

قشده يا عم مصراوى

لا يا حمو دول 500 يا حمو مش 300
500 نفس . الواحد أنظف منه ميت مرة

الرئيس التونسى السابق يتصل بروتانا و يهدى أغنية "بستناك " لحسنى مبارك ، وفي مداخلة عاجلة للرئيس المصري لنفس القناة ، صرح بأننا لسنا مثل تونس وأهدى الشعب المصرى أغنية "أخاصمك آه أسيبك لا"

وكلنا لازم نقول قشطة

حبيبي يا أدمن وابن حبيبي حلوة حلوة حلوة حلوة

خد دى كمان
بعد جمعة الغضب(الأسبوع السابق)....وجمعة الرحيل (الأسبوع الحالى)....وجمعة الصمود (الأسبوع القادم)

قرار جمهورى............بالغاء يوم الجمعة

الشعب بيقول لحسحس مع السلامة
رد حسحس وقال هو الشعب رايح فين؟