يا أبناء شباس عمير أعيدوا اكتشاف انفسكم
يا كل رجل وامرأة في شباس عمير يا كل طالب وفلاح وعامل يا كل مثقف وخريج يا كل من تعمل ويا كل من تبحث عن عمل يا كل غني شريف ويا كل فقير عفيف أعيدوا رسم صوركم في أذهانكم
امتلئوا بالثقة في الله ثم في قدراتكم ، لقد وهبكم الله عقلا وضميرا وها انتم اكتشفتم اليوم انكم اصحاب عقول افضل من عقول النخبة وأنكم أصحاب نفوس اعف من نفوس الصفوة
لماذا لا يفكر في كل شاب في أن يخدم قريته . ويخدم محافظته ومركزه ويخدم أمنا مصر والأمة كلها .
لماذا لا يفكر كل شخص في عمل خيري مع مجموعة من الشباب ، في مجموعات تقوية للطلبة لوجه الله . إنها ساعة واحدة في اليوم الملئ بالساعات غير المستعملة من زمن طويل
لماذا لا تفكر مجموعة في حصر كبار السن في القرية الذين تعوزهم الحركة فيذهبون اليهم ليلقوا عليهم التحية ويزورونهم ويعرضون عليهم ما تيسر من الخدمات .
أنا لا أطمع في هذه المرحلة ان تكون هناك مجموعة تقوم بتنظيف القرية ولا بجمع التبرعات لزراعة الأشجار ولا التعاون مع العاملين في الوحدة الصحية في نقل المرضي
لماذا لا تعيدوا اكتشاف أفكاركم
إنني ادعوكم الي ان يفكر كل واحد في مشروع خدمي لوجه الله تعالي ، وأنا شخصيا عندي مشروع خدمي ممتاز سوف اعرضه عليكم غدا بعد ان أتشاور فيه مع بعض الأصدقاء

يا عم انا قلتها من زمان
استاااااااذى وحبيبى

يا شباب احنا لو فكرنا ووحدنا راينا وفكرنا اننا نخدم البلد دى من غير منصب ولا واسطه صدقونى هنقدر من خلال مشروعات الخدمه العامه وان اابدا بطرح فكره على الشباب فى البلد وارجو من بيت المال او مركز الشباب انه يجددها لانها فى الاساس مشروع الخدمه العامه لمجموعه المنار الكشفيه وشباب الجواله فى البلد

الفكره هى (مشروع جمع الادوية الزائده)
الفكره ببساطة اننا كل بيت فينا عنده كمية ادوية زائده غير عادية يعنى انت ممكن تجيب روشته ويكون عندك علبة حبوب لم تسنخدمها ولم تفتح طيب ليه ما نستخدمهاش صح بمعنى اننا نجمعها فى بيت المال بشكل منظم من خلال الخطوات الاتيه ودى كانت اجنده المجموعه فى المشروع
1 - تكوين مجموعات من الشباب فى سن الاعدادى مع قيادات ليهم من سن الجامعه
2- اعلان يوم محدد للمشروع ويتم اعلام جميع مساجد البلد بحيث يتم الاعلان عن المشروع فى صلاة الجمعه من خلال خطباء المساجد
3- ابلاغ كل الاهالى بان كل واحد عنده ادوية زائده لم تستخدم انه يجهزها فى كيس الى ان تمر بيه الحمله
4- تكوين لجنه من صيادلة واطباء البلد لفرز الادوية وتصنيفها
5- عمل كشف بالادوية الصالحة للاستخدام وتوزيعه على الاطباء بالبلد بحيث بتكون الادوية موجوده فى بيت المال وفى حالة وجود حالة عند الطبيب وينفع ليها اى نوع من الادوية فيوجهها لصرف العلاج من بيت المال

الفكره نفذت من قبل من قبل شباب مجموعة المنار وكان متوسط قيمة الادوية الزائده 11000 الف جنية الفكره اتنفذ على مدى ثلاث سنوات
يا شباب الافكار كتير وممكن باقل مجهود نغير بلدنا للافضل
يعنى مثلا عجبتنى فكره الاستاذ محمود بفكرة مجموعات لنظافة البلد طيب وليه انت مش هتشتغل عند حد احنا كل واحد فينا هينظف الشارع قدام بيته قدام بيتك بس ملكش دعوة ببيت جارك ولو ساعدته مش مشكله بس انت اهم حاجة تنظف الشارع قدام بيتك بكده هتكون شوارع البلد كلها نظيفه من غير مجموعات ولا اى مجهود بس انت ابدا بنفسك وخلى عندك الثقه انك بتعامل ربنا يعنى انت بتنظف قدام بيتك عشان انت مسلم تبتغى رضا الله سبحانه وتعالى يلا يا شباب نعدل من فكرنا يلا نتغير زى مالشباب الحر غيروا فكر العالم يعنى اول الثورة هيلارى كلينتون كانت بتقول لازم يكون لينا قياده على ا رض الواقع عشان نقدر نقود العالم لكن بعد تنحى مبارك فى خطاب اوباما قال الشباب المصرى شباب حر ذو اراده واستطاع ان يقرر مصيره بنفسه الموضوع مش محتاج قياده ولا اى منظمات تحرك الشباب
هههههههههههه مصر دى الوقتى من غيررئيس يعنى كل واحد دى الوقتى رئيس جمهورية نفسه ههههه يعنى احنا نتوكل على الله ونجمع افكارنا وان شاء الله هيكون كل الخير لشباس ولبلدنا الحبيبه ام الدنيا لالا وأبوها

حفظ الله مصر ام الدنيا وحفظ شباس وشبابها

100% يا شبا ب

وجارى التفكير

جزاكى الله خيرا اختى الكريمة
ولكن انا شايف ان كل واحد فينا لازم يبقاله دور فى التغيير بجد من باب الوفاء لبلدنا ان الله لا يغير ما يقوم حتى يغيروا ما بانفسهم لازم نعيش فكر الحرية صح لازم يكون عندك ثقه انك فعلا مهم وانك ليك دور مهما كان صغير فكر قول رايك ممكن تقول فكره عبقريه وانت مش واثق انها مفيده

قشدة

اللة عليك يا محمد
سلمت يداك........سلمت افكارك ........ نعم الشباب انت
ارجوا ان يفكر الجميع بنفس المستوى

السلام عليكم ورحمة الله وبركاته والله يا ابو حميد مشروع جميل لكن لا بد من اتحاد الفكره بالنسبة لموضوع الادويه هذا . اتحاد مجموعه معينه من الشباب تتطوع لذلك او توظف ولو بأجر معين لجمع الدواء المستهلك او الباقى فى بيت كل منا واظن ان هذه الفكره قد عملت بالفعل فى البلد قبل ذلك كما قلت يا ابو حميد بل ان كثير من البلدان تفعل هذه الفكره اما فكرة تنظيف الشوارع فهو على العكس من مشروع جمع الأدويه اذ ان لو كل انسان نظف امام بيته فى شارعه اصبحت البلد نظيفه وجميله وبأقل مجهود ممكن وانا اتوقع ان هذا المشروع لو تم سيستمر بإذن الله جزاكم الله خيرا يا ابو حميد على افكارك الرائعة البناءه (( قال صلى الله عليه وسلم :: خيركم خيركم لأهله وانا خيركم لأهله ))جزاكم الله خيرا .

جزاكى الله خيرا اختى الكريمه على كلماتك التى اسعدتنى كثيرا وكل التحية للاستاذ احمد حامد
بالفعل المشروع اتنفذ قبل كده فى شباس كان قام بتنفيذه مجموعه المنار الكشفيه وان شاء الله يتنفذ مرات تانيه باذن الله

قشدة