نفتح الحوار الآن امامكم جميعا لفرض التوقعات عن ماستؤل اليه شباس عمير
ونبدا بسؤالنا
ماذا بعد محى القطان
طبعا فى ظل الطعون المقدمة فى دائرة قلين فاحتمال كبير ان تعاد الانتخابات وطبعا الفترة المقبلة فى مصر عامة اعتقد ان العضو لن يستطيع خدمة نفسه حتى لأن وظيفة عضو مجلس الشعب هى تشريعية وغير مسئول عن الخدمات اطلاقا وستكون الأنظار مسلطة عليهم
هل سيتكالب المرشحون للانضمام الى الحزب الوطنى
هل العضو الحالى سيتمسك بعضويته فى الحزب الوطنى
هل شباس عمير ستظل مؤيدة له رغم ان مسالة مصلحة البلد اصبحت كذبة قديمة مثل سياسة النظام عامة وهى ان مصلحة مصر مع مبارك
هل نحن سنظل على تاييدنا لأى شخص فى النظام السابق رغم ما رايناه فى التفريط بحقوقنا
من ممكن نختاره من شباس ويجمع عليه الناس داخل شباس وخارجها
هل نحتاج فعلا ابناء البلد ان نختار بانفسنا بدلا ان يفرض علينا اى شخص ما

اسئلة تطرح للعضو الحالى ايضا

: هل صوت لصالح قانون الطوارئ
: هل صوت لصالح تصدير الغاز لإسرائيل
: أداؤه البرلماني داخل المجلس
: هل صدرت منه الفاظ بذيئة
: ما هى القواني التي اقترحها
: ما هى ردوده طبقا للمضبطة علي القوانين والمناقشان
: هل كان يؤيد الحرامي حسني مبارك
: ماهى علاقته باحمد عز

رأيك يحترم يا استاذ سيد ولكن كلنا نعلم ان ليس محى فقط من كان يقدم على التقدم باوراقه للحزب ولكن جميع المرشحين كانوا يقوموا بتقديم اوراقهم للحزب ونعلم ان الحزب ياتى به لانه ذات شعبية بين جميع المتقدمين فاذا كان الناس ينتخبون محى القطان ليس لانتمائه لحزب معين ولكن ينتخبوه لحب الناس له ولذكرى والده وكلنا نعرف ذلك وطبعا لو اعديت الانتخابات فى دائرة قلين فستثبت الايام هل الناس ينتخبوه لشخصه ام لانتمائه الحزبى .
معلومة : الطعن المقدم ضده لم يتم حكم المحكمة فيه حتى الان والله اعلم بما ستاتى به الايام .

لقد قلت انا هذا سابقا فى موضوع شباس عمير معقل الحزب الوطنى ولكن الحوار مقتصر على الأسئله المطروحة الآن

كلامك مظبوط استاذ سيد والوحيد القادر الاجابة على هذه الاسئلة هو محى القطان و الايام فقط ..

هناك من يناضلون من أجل التحرير من العبودية .
وهناك من يناضلون من أجل تحسين شروط العبودية.

والله العظيم كويس احنا الحمد لله بناضل علشان الحرية .

علشان أنا مصرى:
فشلت تعليميا
شحت اقتصاديا
تدهورت صحيا
احتقرونى دوليا
******** لهذا ********

ارحــــــل سلــــــميا

ايه يا جماعة عاوزين تعليقات فى اطار الموضوع تتسم بالموضوعية والتحليل انتم فييييييييييييييييين

هههههههههه معلشى استاذ سيد اصل التعليق واحد فى كل الموضوعات زى ما هدفنا كلنا واحد هيا مصر .

ماذا بعد محى القطان
سؤال سابق لاوانه ولكن سيفرض نفسه بشكل كبيرفى وقت من الاوقات ولكنه يفرض علينا نحن من الان ماذا بعد ماذا بعد ان انكشف وتعرى الحزب الوطنى هل سيستمر الاعضاء فى التكالب عليه لا لا اعتقد لانه الحقيقه بانت
الحقيقه ان القوة الحقيقيه اصبحت متمثله فى الشباب وفى صوت الحق فعلا نقدر نقول من الان ان العضو اصبح له جهه تحاسبه عن تقصيرة وعدم اداء دوره واصبح المفروض عليه هو يسال نفسه ؟؟؟؟؟؟
ماذا بعد 25 يناير ؟؟؟؟
سوف يظل مستظلا بامانة الحزب الوطنى الان وبعد ان اصبحت لا تنظرالا لمن يعمل فقط لكى تنجح فى عيو ن الناس وبعد ان ا صبحت فى موقف لا تحسد عيه
ام انه سيبدا بالتغيير هو الاخر من سياساته ومنهجه وان الكلام الوردى اللى سمعناه من 15 سنه آن الاوان وان يصبح فعلا واقع وليس عبارات رنانه فى الهوا
هل وبعد ان اندثر مبدا او اهم مؤيد ليه والسبب الرئئيسى فى نجاحه الا وهو سياسة التقفيل واحتكار الاصوات هيتغير عشان فعلا الناس تقتنع انها تنتخبه
سؤال لينا احنا
كم متعلم ومهندس فى بلدنا كم قياده مدفونه مش عاوزة تبان ولا تطور من نفسها انها تطلع السلم بمعنى مشفناش حد من شباس مثلا اترشح فى مجلس المحافظة ولو لمرة وبالتالى يكون تدريجيا وبعد ان يعمل ارضيه يقف عليها سياسيا يقدر يترشح لمجلس الشعب يترشح عشان ينجح مش عشان يسقط مرشح شباس
ولا العضو كان محتكر دى كمان ومش عاوز حد يشم نفسه طيب ان مكنش قادر يفرض نفسه على العضو ازاى هيقدر يترشح قدامه وبنجح ؟؟؟؟؟
اللى انا شايفه
اننا لازم نفكر ونغير من نفسنا لازم نعمل تكتل من الشباب نعمل جمعية تحت اى مسمى من الشباب ويكون ليها مجلس ادارة ومنهج فكرى واكيد هييجى اليوم وهتفرز عضو مجلس محلى وعضو مركز وعضو مجلس محافظة وبالتالى عضو مجلس شعب اختم كلامى بكلمة رجل طالما احبته واعجبت بيه هو المرحوم الاستاذ حسنى صباح
*** ازرع بايدك شجرة لبكره * تكبر تطرح مليون فكره ***

قشدة

لكل مقام مقال

يعنى ايه يا استاذ اشرف لو سمحت

ياجماعة لقد أعلن أمس 7/2/2011 في جريدة الأخبار ثبوت التزوير في دائرة قلين
واليوم 8/2/2011 في جريدة الجمهورية أعلن في الصفحة الأولى أنه من الممكن أن يحدث تعديل عضوية مجلس الشعب بدون الانتخاب مرة أخرة بأن يأتوا بالعضو الذي خسر بسبب التزوير بدلا من الآخر ويحلف اليمين أمام المجلس في أول جلسة بعد الحكم بالتزويرولقد تم ذلك في الدورة السابقة حيث أن هناك المادة رقم 355 في ادستور تنص على ذلك فيصبح العضو الخاسر سابقا هو العضو بالمجلس " لكي يصبح طاغوتا يشرع من دون الله وينهب في أموال الناس "

يعنى تزوير تانى
لا حول ولا قوة الا بالله
الكل كان بيزور بكل قوته والأشطر ال يزور اكتر

سوف ابعد شويه عن الاسلوب السياسي
سوف لا التزم بالمجاملات
سيد يا حجاج
مصر قالت كلمتها لا للحزب الفاسد
الحزب بكل ما يحتويه
فاذا كان رب البيت بالدف ضارب فشيمة الحزب الوطني هي النهب هي السرقة
هي الاختلاس هي المحسوبية هي الواسطة هي تصدير الغاز لاسرائيل
هي بيع الحديد لبناء الجدار العازل بالفين جنيه ويباع في مصر من ستة الى ثمانية الاف
هي المبالغ المغتصبه اللي قال عليها الضؤء الشارد
اذا النتيجة الف مليون لا لحزب الحرامية
الف مليون لا لحزب البلطجية
الف مليون لا لتخريب شباس والدولة المصرية
الف مليون لا لحسني ومحي واحمد عز وكل الحرامية

هلا ابو امال
يا مولعها

عشان كده يا عبده نقول :
الشعب يريد اسقاط النظام
ان النظام الفاسد لا يستطيع ان يقوم بالاصلاح ,,ففاقد الشيء لا يعطيه...
ان المطلوب الان هو الاطاحه بنظام فاسد...و ازالة الطبقة الحاكمه عن بكرة ابيها ..
و بعد ذلك حكومة انتقالية لمدة محدده تتملك زمام الامور , مشكلة من كل الكوادر التي لم تشارك من قبل في حكم مصر و لم تنهب ولم تقتل و لم تزور و لم و لم و لم .
.* يعاد صياغة الدستور و القانون بما يكفل لكل الشعب حقه في الحريه و يحفظ كرامته و يصون ماله و دمه و عرضه,,و بما يمكن الشعب من محاسبة المسؤولين على كل المستويات.....
و بعد كل ذلك يختار الشعب من يمثله ....
# ان محاولة القائمين على شؤون مصر الان اقحام الشعب في خلافات حول من يكون عضو برلمان او من تختار رئيسا لمصر هي محاولة خبيثة لصرف الانظار عن مطالبة الشعب باسقاط النظام الفاسد فيما يسمى بمحاولة (تفتيت ناعم للثوره )....

تحيا الثوره ,, تحيا مصر
يسقط النطاااااااام

تحيا الثوره ,, تحيا مصر
يسقط النطاااااااام

ايوة كدة عاوزين شباس هى كمان تغير وتتغير ونغير فكرة الناس عننا بقى اصل شكلنا بقى وحش قوى

قول يا ابو الزهراء
قل يا كل فقير أفقره نظام فاسد على مر الزمن
قل يا من كنت تتسول للفقراء يوما بعد 30 سنه من حكم اللامبارك
قل يا كل شريف في مصر
قل يا كل حر في مصر
قل يا كل من تحب الخير لاهلك و بلدك
قل يا كل محب لدينك
قل يا كل من ظلم في مصر
قل يا كل عاطل
قل يا كل متطلع لمياه شرب نقيه و اطعمه غير مسرطنه و مرافق للاستخدام الادمي
قل يا كل من عانى من الرشوه و المحسوبيه و البلطجه و فساد ألنظام

قولو جميعا

تحيا الثوره , تحيا مصر
يسقط النظااااااام

يعنى يا استاذ محمد عندما كان هناك استبداد خارج ارادتنا كنا نمشى مع الموجه اما الان فسيختلف الامر

ومن باب ركوب الموجه ايضا سنطلب من النائب الحالى اذا كان يريد الاستمرار وأن يرى شباس وراءه انه يطلع الاربعين مليون بتوع القرارات ويعطيهم لأهل شباس

ويعمل مؤتمر شعبى للإعتراف بالثوره ومساندتها دا ان كان الراجل ده صوتنا ويمثلنا فعلا؟؟

الى الضوء الشارد
اقول ايه بقى انت خليت حاجة مقلتقاش

لالا كده يا جدعان انا مصراوى شَبسَاوى
تحيا مصر,, ,, تحيا الثورة
يسقط النظاااااااااااااااااااااااااااااااااااااااااااااااااااام

قشدة

بسقوط النظام يسقط من بداخلة واى ممثل لية حتى لو انضم الى الثوار لانة بداخلة عندة قناعة التملك لمصر ككل اعضاء النظام

فليسقط الحزب الوطنى وكل من يمثلوة

اذا نحن هنا امام مسالة منطقية وال كان فى ادبى يفهم الموضوع والبعض من الكل
لا للحزب الوطنى
اذا لا لعضو مجلس الشعب الحالى او اى فرد كان ينتمى له

اقصد بالانتماء هنا الى الحزب الوطنى ليس للعضو

تصحيح

لأ طبعا" مش صحيح حكاية البعض من الكل دى يعنى زيد وحسين وحسام وحشين يبقى شباس كلها وحشه لماذا لونتهم كلهم بنفس اللون الاسود مع العلم ان الله يقبل التوبه من عباده

لا أريد من الاخوه التشدد عشان هو مش هيعمل كده اصلا بس احنا بنقول والحمد لله انه لم تتلوث يده بدم كل الحكايه 40 مليون وبعدين فى ناس اخدت منها خمسين جنيه مشكده ولا إيه!!!

أشرف الصعيدى كتب:

لا أريد من الاخوه التشدد عشان هو مش هيعمل كده اصلا بس احنا بنقول والحمد لله انه لم تتلوث يده بدم كل الحكايه 40 مليون وبعدين فى ناس اخدت منها خمسين جنيه مشكده ولا إيه!!!

ايه حكاية الاربعين مليون دى يا اشرف ؟؟؟؟ واخدها امته دى ده بقاله شهر ونص ؟؟؟ وسؤال معلش من الفضول بس بساله ايه اللى غير موقفك 360 درجة يعنى كده ؟؟؟

ههههه
لأ قصدى الدوره الفاتت
مش اتغير عادى بس دى حقيقه فعلا حكاية القرارات انا عارفها

أشرف الصعيدى كتب:

ههههه
لأ قصدى الدوره الفاتت
مش اتغير عادى بس دى حقيقه فعلا حكاية القرارات انا عارفها

ممكن توضيح اكتر بس يا اشرف اصل الواحد دماغه لفت باين من كتر اللف النهاردة فى ميدان التحرير ياريت يعنى يا أشرف

ع فكره انا مش غيرت ولا حاجه انا كنت ديما بكلم ع كرسى المجلس يامحمد مش عن محى كنت اتمنى ان هذا الكرسى يفضل فى البلد وفى هذه الاثناء مكنش ينفع غير عن طريق محى القطان

لا استنه عندك يوم الجمعه جايلك وأقولك

الأخوة المتحاملين على اشرف
احنا مش قلنا ان مصر بتتغير ولازم كل ال فيها يتغير وكثير منا كان ملتبس عليه الأمر او مش عارف او مش عاوز يعرف وكثير منا كان عاوز مصلحته او مصلحة البلد
والناس ال فى ميدان التحرير من شباس ياريت يكتبوا لوحة يكتبو عليها شباس عمير تريد اسقاط النظام

بسم الله الرحمن الرحيم

والله الحمد لله لوحدة الفكر الموجودة فى المنتدى
وشرف لينا كلنا ان فية ناس من شباس فى ميدان التحرير
يعنى على الأقل ان احنا نثبت للناس أن :-
{شباس عمير ليست معقلاً للحزن الوطنى}
لأن دا عار عليناوشئ يقلل من شأننا وسمعت ان كان فيه عربيات
بتحمل من البلدعلشان تروح ميدان التحريرمقابل 50ج للفرد تأييداً للامبارك
يعنى كان المفروض يوصلو الأربعاء الصبح وبعد ما قبضوا رجعوا الفلوس
تانى الكلام دا صحيح والله المفروض يعملوا نعش كبير أو قبر علشان الناس تبداء تصصح فكرتها عن شباس ويسمى:-
{شباس عميرمدفن الحزن الوطنى الديموقراطى}

اللهم ارزقنا نعمة الفهم اللهم يامفهم سليمان فهمنا

اشكر الجميع على المشاركة واعتبره اهم موضوع يخض بلدنا على الإطلاق : ــ

احنا اطيب واخلص ناس فى العالم علشان كدة بينضحك علينا بسرعة قريه ذى بلدنا ليه ضهر لأكتر من 35 سنة يعنى فيها منصب رفيع ( عضو مجلس شعب ) وللاسف مفيش واحد من بلدنا إشتغل فى النيابة - الجهاز امركزى للمحاسبات .... إلخ أأقصد ان محى القطان ما يفكرش يفيد حد فى البلد بيرمى الفتات على البلطجية اللى بيحموه فى الازمات
اصحى يا بلد واصحوا يا شباب كله يشيل الأقنعه اللى لابسة ومش عاوزين معارضة على الفاضى
فكرو بالعقل واتقوا ربنا فى مستقبلكم ومستقبل عليكم اتحدى ان فيه برنامج لمحى القطان مش كفاية لما اتعارك على الهواء مع محمد السادات علشان زعيم العصابة احمد عز
دى لحظة فارقة فى حياة مصر وعيب شباس تعيش فى عصر الجاهلية
ارجو من الجميع تحديد موقفه بصراح مع محى ولا لأ
وانا بقولهالأوألف لأ لمحى الدين القطان والجميع يعرف كم كنت أحبه
حمدون محمد جابر

معا للتغير
من بعد محى القطان ارجومن الأخ احمد بقوش عمل استفتاء وترشيح بعض الاسماء الصالحه للترشيح عن شباس...........

اسماء مقترحة
الدكتور نصر البغدادى
الأستاذ محمود حشلة
الدكتور حمدى النشرتاوى
الأستاذ محمود المعداوى
ولو معجبكمش دول يبقى انا

اسم تانى
الأستاذ عماد النشرتاوى

مين

الله اكبر يا حمدون الله اكبر يا ابو الزهراء
افيقوا يا شباس
افيقوا من الغيبوبة
افيقوا يا شرفاء
الضوء الشارد انا ارشحة
د نصر البغدادي انا ارشحة
احمد شهاب الدين انا ارشحة

بالاضافة الى
شريف عز العرب
د/ وسام الحشاش
د/ محمد ابو المجد سليم
أ/ محمود حشلة

الاخوه الأعزاء أعتقد أن جميع هذه الأسماء تستحق الإحترام والتقدير وهناك كثير من الأسماء غيرها ولكن أنا أعتقد أننا نحتاج إلى فتره بسيطه لإلتقاط الأنفاس بعد ثلاثة أسابيع من الأحداث المتسارعه وأعتقد أن التغيير قادم لا محاله

بصراحة انا مكنتش احب اتناول المسائل دي في الوقت الراهن لكن انا حأحاول اتناول المسألة ببعض الإيجاز السريع لبيان وجة نظري :
1- نيابة البرلمان في الوقت الحالي ليست مغنما بكل المقاييس لان النائب في المرحلة المقبلة سوف تختلف وظيفته عن الوقت الحالي تماما مثلا في الوقت الحالي النائب يخدم خدمات شخصية وعامة مثلا توظيف الشباب ووالطرق كمثالين للخدمات الشخصية والخدمات العامة وببعض التدقيق في المسألتين نجد أن النائب الذي يخدم بتوظيف شاب مثلا هو في الحقيقة يسرق وظيفة من شاب آخر ليست له واسطة ( وأرجو أن يكون ذلك واضحا ) والدستور ينص على ان الوظيفة العامة بالمسابقة بمعني ان النائب الذي وظف 200 في بلده هو في الحقيقة منع 200 مستحق للوظيفة من توليها وقطع عيشهم دا على مستوي الخدمات الشخصية وعلى مستوي الخدمات العامة فهذا سوف يكون دور المحليات في إطار خطة الدولة وميزانية كل وحدة محلية وليست سياسة اللهف واخطف واجري ( دا بيفكروني بمسقة البط عندنا في البيت لما تحط في صينية المية رغيف مبلول )
2- الدستور الجديد سوف يحتوي على تنظيم جديد للإدارة المحلية وأنا أتوقع ان يكون المحافظ بالإنتخاب ورئيس المدينة بالإنتخاب ورئيس القرية بالإنتخاب كما سوف تنشط الرقابة الإدارية و الرقابة المالية يعني لن يكون هناك فرصة للمجاملة والمحسوبية فالمسألة جد الجد مهما كان النظام الجديد .
3- بالنسبة لقرية شباس عمير بالذات فأنا أعتقد أن العمل السياسي فيها ليس هو المهم وإنما العمل الشعبي والخيري بمعني أن القرية محتاجة الي تنظيمات تطوعية للعمل الخيري تكون على قدر من العلم والوعي والثقة لعمل شبكة متكاملة من الإتصال والتغطية لحالات الفقر في القرية والتحرك بها نحو الأفضل .
4- اشكر الذين ذكروا اسمي ولو علي سبيل المجاملة ولكن انا ليست لدي اي خطط للترشح في اي مركز سياسي ولكن انا شخصيا سوف اهتم بالعمل الخيري والتطوعي على قد ما اقدر مش بصفتي قيادي كنائب أو كلام من ده ولكن كفرد عادي اتلقي الأوامر فأنفذها فورا طالما انا مقتنع بها ولو أن الذي يعطيني الأوامر واحد اصغر مني ولو ان الذي يعطيني الاوامر شخص انا مش بأستريح له طالما انا شخصيا مقتنع بالأمر و أن الإنقياد له يقربني من الله سبحانه وتعالي .
5- أحذر الشباب من الإندفاع نحو المشاركة السياسية وإغفال التوعية وإغفال العمل الخيري والتطوعي والرقابي ، عايزين نتعلم نبقى احرار وعايزين نتعلم نبقى ثوار علي الظلم وعلى الفساد ومش عايزين الجهل ، كفاية جهل بقه كفاية جهل كفاية جهل في البلد ، الجهلاء يمتنعون والمنتفعين يمتنعون ، والحرامية يمتنعون ، انا أعتقد ان دوري كمعارض ومراقب افضل الف مرة من دوري كسياسي .
6- أنا متأكد مية في المية ان القرية سوف تفرز افضل ما فيها والموضوع ليس موضوع ناجح وساقط زي زمان ونبابيت وجهلة وإنما الموضوع الآن برامج عايزين نشوف البرامج وعايزين نشوف الأفكار عايزين نشوف مين اكتر واحد يقدر يفيد البلد وهو خارج الكراسي المتحركة علشان نحطه على الكراسي عايزين نعمل مسابقة مين اكتر واحد يقدر يخدم البلد من فلوسه الخاصة ومن وقته الخاص ، مين أكتر واحد يقدر يساعد في التعليم والصحة مين اللي جمعيته الخيرية جمعت اكبر قدر من الفلوس ومين اللي نشاطة الخدمي خدم اكتر عدد من الشباب ، أنشأ كام مشروع في البلد ، آوي كام اسرة فقيرة ، مسح دموع كام يتيم ، ستر كام ارملة وغناها عن مذلة السؤال .
يا شباب شباس عمير في كل مكان
اتحدوا

ستدور عجلة التغيير فى انحاء مصر كلها يا متر حتى شباس فشباس جزء من ترس