اسماء مقترحة
الدكتور نصر البغدادى
الأستاذ محمود حشلة
الدكتور حمدى النشرتاوى
الأستاذ محمود المعداوى
ولو معجبكمش دول يبقى انا

اسم تانى
الأستاذ عماد النشرتاوى

مين

الله اكبر يا حمدون الله اكبر يا ابو الزهراء
افيقوا يا شباس
افيقوا من الغيبوبة
افيقوا يا شرفاء
الضوء الشارد انا ارشحة
د نصر البغدادي انا ارشحة
احمد شهاب الدين انا ارشحة

بالاضافة الى
شريف عز العرب
د/ وسام الحشاش
د/ محمد ابو المجد سليم
أ/ محمود حشلة

الاخوه الأعزاء أعتقد أن جميع هذه الأسماء تستحق الإحترام والتقدير وهناك كثير من الأسماء غيرها ولكن أنا أعتقد أننا نحتاج إلى فتره بسيطه لإلتقاط الأنفاس بعد ثلاثة أسابيع من الأحداث المتسارعه وأعتقد أن التغيير قادم لا محاله

بصراحة انا مكنتش احب اتناول المسائل دي في الوقت الراهن لكن انا حأحاول اتناول المسألة ببعض الإيجاز السريع لبيان وجة نظري :
1- نيابة البرلمان في الوقت الحالي ليست مغنما بكل المقاييس لان النائب في المرحلة المقبلة سوف تختلف وظيفته عن الوقت الحالي تماما مثلا في الوقت الحالي النائب يخدم خدمات شخصية وعامة مثلا توظيف الشباب ووالطرق كمثالين للخدمات الشخصية والخدمات العامة وببعض التدقيق في المسألتين نجد أن النائب الذي يخدم بتوظيف شاب مثلا هو في الحقيقة يسرق وظيفة من شاب آخر ليست له واسطة ( وأرجو أن يكون ذلك واضحا ) والدستور ينص على ان الوظيفة العامة بالمسابقة بمعني ان النائب الذي وظف 200 في بلده هو في الحقيقة منع 200 مستحق للوظيفة من توليها وقطع عيشهم دا على مستوي الخدمات الشخصية وعلى مستوي الخدمات العامة فهذا سوف يكون دور المحليات في إطار خطة الدولة وميزانية كل وحدة محلية وليست سياسة اللهف واخطف واجري ( دا بيفكروني بمسقة البط عندنا في البيت لما تحط في صينية المية رغيف مبلول )
2- الدستور الجديد سوف يحتوي على تنظيم جديد للإدارة المحلية وأنا أتوقع ان يكون المحافظ بالإنتخاب ورئيس المدينة بالإنتخاب ورئيس القرية بالإنتخاب كما سوف تنشط الرقابة الإدارية و الرقابة المالية يعني لن يكون هناك فرصة للمجاملة والمحسوبية فالمسألة جد الجد مهما كان النظام الجديد .
3- بالنسبة لقرية شباس عمير بالذات فأنا أعتقد أن العمل السياسي فيها ليس هو المهم وإنما العمل الشعبي والخيري بمعني أن القرية محتاجة الي تنظيمات تطوعية للعمل الخيري تكون على قدر من العلم والوعي والثقة لعمل شبكة متكاملة من الإتصال والتغطية لحالات الفقر في القرية والتحرك بها نحو الأفضل .
4- اشكر الذين ذكروا اسمي ولو علي سبيل المجاملة ولكن انا ليست لدي اي خطط للترشح في اي مركز سياسي ولكن انا شخصيا سوف اهتم بالعمل الخيري والتطوعي على قد ما اقدر مش بصفتي قيادي كنائب أو كلام من ده ولكن كفرد عادي اتلقي الأوامر فأنفذها فورا طالما انا مقتنع بها ولو أن الذي يعطيني الأوامر واحد اصغر مني ولو ان الذي يعطيني الاوامر شخص انا مش بأستريح له طالما انا شخصيا مقتنع بالأمر و أن الإنقياد له يقربني من الله سبحانه وتعالي .
5- أحذر الشباب من الإندفاع نحو المشاركة السياسية وإغفال التوعية وإغفال العمل الخيري والتطوعي والرقابي ، عايزين نتعلم نبقى احرار وعايزين نتعلم نبقى ثوار علي الظلم وعلى الفساد ومش عايزين الجهل ، كفاية جهل بقه كفاية جهل كفاية جهل في البلد ، الجهلاء يمتنعون والمنتفعين يمتنعون ، والحرامية يمتنعون ، انا أعتقد ان دوري كمعارض ومراقب افضل الف مرة من دوري كسياسي .
6- أنا متأكد مية في المية ان القرية سوف تفرز افضل ما فيها والموضوع ليس موضوع ناجح وساقط زي زمان ونبابيت وجهلة وإنما الموضوع الآن برامج عايزين نشوف البرامج وعايزين نشوف الأفكار عايزين نشوف مين اكتر واحد يقدر يفيد البلد وهو خارج الكراسي المتحركة علشان نحطه على الكراسي عايزين نعمل مسابقة مين اكتر واحد يقدر يخدم البلد من فلوسه الخاصة ومن وقته الخاص ، مين أكتر واحد يقدر يساعد في التعليم والصحة مين اللي جمعيته الخيرية جمعت اكبر قدر من الفلوس ومين اللي نشاطة الخدمي خدم اكتر عدد من الشباب ، أنشأ كام مشروع في البلد ، آوي كام اسرة فقيرة ، مسح دموع كام يتيم ، ستر كام ارملة وغناها عن مذلة السؤال .
يا شباب شباس عمير في كل مكان
اتحدوا

ستدور عجلة التغيير فى انحاء مصر كلها يا متر حتى شباس فشباس جزء من ترس

استاذى وحبيبى
كلمات اقل تقدير لها ان تكتب بماء الذهب
هو ده فعلا يا استاذ محمود الوقت اللى لازم لغة العقل هى اللى تتكلم بمعنى انه الان وبعد ان اصبح دور عضو مجلس الشعب محدود فى دورة الرقابى والتشريعى للحكومه وليس دوره الخدمى واللى طبععا هيكون محدود وبشكل كبير لان فعلا سياسة البلد اتغيرت يبقى احنا كمان لازم نغير من منظورنا لدور عضو مجلس الشعب لفكره للبرنامج اللى هيشتغل من خلاله احنا عاوزين لما ننتخب عضو من شباس منبقاش بننتخبه عشان يجيبلنا شبكة صرف او رصف للبلد او تحجير او يجيب قرار علاج لواحد مريض اللى هى بالفعل حقوقنا الطبيعية وليس لاحد اى جميل فى كونها اتحققت احنا عاوزين ننتخب عضو يقول للحكومه لا لما يكون بتنص قانون مثل قانون الطوارىء عاوزين عضو يقول للحكومه لا لما تقر تصدر الغاز لاسرائيل عاوزين عضو يقف بطلب احاطة لمحاسبة وزير فاسد يعنى بالبلدى لما يكون فيه وزير فاسد او اى قانون هيضرتى ويحد من حريتى على سبيل المثال انا انتخبت العضو ده عشان يجيبلى حقى عشان يوصل صوتى عشان ميوصلنيش انى اعمل ثورة عشان اخد حقى من حكومه باطله عاوزين عضو مجلس شعب يتقى الله فى منصبه ويتقى الله فى ثقة الناس فيه كونه اختارته عاوزين برلمان مصرى رقيب على الحكومه رقيب على مصلحة الوطن وليس ليصفق ويقول موافقه ؟؟؟؟
وبعد الجلسه ما تخلص يقول

قشده يا ريس

كمان أعتقد يا إخواننا ان مسألة العمال والفلاحين دي حتتغير وده معناه بالضرورة ان كل دايرة حتطلع نائب واحد فقط وده حيستلزم ان دائرة زي قلين تنقسم الى دائرتين يعني بالعربي دائرة شباس عمير ودائرة قلين وده نظام جديد وتكتيك جديد ووضع جديد خالص نفر واحد بس هو المطلوب وده حيخلي الإنتخابات في شباس عمير فقط معني كدة ىايه :
1- الحوامد حيحبوا يعملوا بشوات تاني علينا وحيطلعوا مرشح وأنا من ألأول كدة بقول انه مرفوض بالكلية
2- طبعا الأخ محيي لازم حيجرب حظه بردة ولو من باب تحصيل الحاصل وطبعا هو برده مرفوض بالكلية
3- يبقى لازم احنا نختار واحد محترم نثق فيه ولما ربنا يسألنا عن اختيارنا نقوله اخترناه لاننا ظظنا انه على عهدك ووعدك ما استطاع

كلام ممتاز جدا انا معاك فآ كده

ياريت نغير احنا كمان بجد ونجيب حد نثق فى قداراته

دا أنا اللي معاك ويشرفني اني اكون معاك

شباس عمير جزئ من دايرة قلين والانتخابات بتم في الدواير
ومينفعش نعمل عضو نائب عن قريه كلها ميكملش 100 الف
بالنسبه للحوامد بيعملو علينا بشوات
لا هما مش بيعملو... هما فعلا كده ولما ندور على حد محترم وثقه يبق لازم يكون ...حوامد...مع كل التقدير والاحترام لاي حد يترشح كلنا ولاد نفس اللبلد..

الأخ شو فيت
أعتقد ان حضرتك فهمت كلامي على نحو غير الذي أقصده وأنا كما قلت لم أكن أريد أن أدلي برأيي في موضوع مجلس الشعب لولا الحاح بعض الأخوة زوار المنتدي وأعضاؤه ولكن أحب أذكر لسيادتك فهمي للموضوع مرة أخري آملا ان حضرتك تكون صديق عزيز وأنت في جميع الحالات أخ فاضل لأن المسلمين كلهم أخوة :
1- لا يجوز لي ولا لأي شخص قل شأنه أو علا أن يجحب حق مسلم مثله في الترشيح وبالتالي لا يحق لي ولا أستطيع أني أقول الحوامد يترشحوا أو لا يترشحوا .
2- لا يجوز لي اني ادعي اني بأمثل البلد ولا يجوز لأي واحد انه يقول ان دي بلد وقضية بلد زي زمان يعني البلد مفتوحة للجميع .
3- ما قصدته بأن الحوامد ( يعملوا علينا بشوات ) هو اتباع سياسة الإستعلاء والتكبر والإنعزال كطائفة ( جامعة مانعة ) لإحتكار الفكر السياسي على اساس عرقي أو طائفي وعلى فكرة ده حرام شرعا .
إنما لو ترشيح واحد من الحوامد جاء نتيجة تقديم شعبي فهذا امر مستحب جدا ولعل حضرتك وانا وشباس عمير كلها تذكر المرحوم المهندس العظيم عبد الباعث حامد وهو صاحب فضل علينا جميعا وأقصد بذلك كل خريجي مدرسة شباس عمير الثانوية اللي كافح ونجح انه يؤسسها في البلد في حين انها كانت جاية كمدرسة اعدادية لمجرد ارضاء البعض في شباس لحل مشكلة الكراسي . وأعتقد ان حضرتك لم تكن تعلم هذه المعلومة لكن أنا متذكرها جيدا
4- إذا كانت هذه الكلمة أساءت لحضرتك فأنا اعتذر بشدة لك ولأعضاء المنتدي و أرجو فعلا انك تقبل اعتذاري لكن برده احب اقول لحضرتك إن المسلمين جميعا سواء تتساوي دماؤهم ويسعي بذمتهم أدناهم ولو حبينا نطلع واحد محترم من البلد فممكن زي ما حضرتك قلت يكون من الحوامد واحد لكن من البلد ككل ومنهم الحوامد أنا أؤكد لسيادتك ان مئات في البلد يصلحوا وأنا لست واحد منهم .
5- لي طلب أخير عند حضرتك كأخ مسلم أنك تستغل علاقاتك داخل العائلة للبدء في عمل خيري في شباس عمير لإظهار الوجه الحقيقي للحوامد بالتعاون مع الشباب في شباس وأنا متأكد أن كثيرا منهم خارج البلد بالذات وهم من كرهوا دخول البلد بسبب الظلم اللي فيها أعتقد انه آن الأوان انهم يعودوا من خلال الأعمال الخيرية في البلد وده أولا فيه ثواب كبير جدا وحضرتك طبعا غني عن التذكير بآيات الأعمال الصالحة في القرآن والسنة المطهرة .
وأخيرا يا باشا الحوامد أحسن ناس والكلام ده من قلبي والله العظيم دا كفاية ان المرحوم عبد الباعث كان اسمه عبد الباعث حامد

معلش سقط سهوا اني ابين وجهه نظري لحضرتك في مسألة الترشيحات وأن القرية لا تصلح لخروج نائب ولابد من الإرتباط بقلين فيها أقول لحضرتك أنه هناك ثلاث سيناريوهات في ذهني لهذه المسألة كالآتي :
1- أن تكون الإنتخابات بالقائمة النسبية وفي هذه الحالة سوف يكون هناك نطاق جغرافي للقائمة النسبية بالمحافظة مثلا كمحافظة كفر الشيخ يعني المعركة حتكون معركة احزاب وأعتقد ان مصر ينفع فيها هذا النظام بإمتياز لكن ليس الآن لان الأحزاب المطروحة على الساحة الآن كلها أحزاب ( حسني مبارك الله ................) طيب شباس فين ؟ خلاص مفيش شباس ولا غيره المعركة معركة احزاب وعلي نطاق كبير وتأكد أن الأحزاب سوف تقدم افضل ما لديها علشان تقنع الرأي العام لكن لو برزت في شباس شخصية مثقفة تسطيع اقناع الأحزاب والرأي العام فده كويس وإلا مفيش مشكلة لان البرلمان حيكون عقليات كبيرة وحيتحول موضوع شباس وقلين والكلام ده الى كلام فارغ لان المصالح حتكون من خلال المحليات ووفقا لخطة مركزية موجزة وخطط لا مركزية تفصيليه . والبرلمان حيكون مهمته قومية مش وظائف وعلاج وماسورة ميه وطريق قروي .
2- موضوع العمال والفلاحين فرض ان كل دايرة فيها اتنين واحد عامل على الأقل إنما الوضع الطبيعي ان كل دايرة تطلع واحد بس وده في العالم كله . طيب مصر فيها 250 دايرة معني كدة انه حيكون فيه 250 نائب ؟ لا طبعا
إذن لو ظلت الإنتخابات بالنظام الفردي يبقى لابد من قسمة الدوائر حتي يكون عدد الأعضاء متناسبا مع السكان . وعلى فكرة ممكن يتم اضافة اماكن من مراكز اخري الى دائرة البلد زي زمان كدة ما كانت اريمون تبع مركز قلين في الإنتخابات .
3- إن تظل نسبة العمال والفلاحين زي ما هى وساعتها انا حأطلع فوق برج القاهرة وارمي نفسي أو اولع في نفسي زي بو عزيزي

تحليل جيد جدا يا استاذ محمود بس ننتظر شويه حتى نرى ما سوف تسفر عنه الأيام القادمه لأنه حتى الأن لم تتضح الصوره بالنسبه لمصر ككل وواضح من التصريحات إن مافيش أى تصور للدستور القادم وهل ستظل كل الصلاحيات للرئيس كما كانت أم ستتقلص وما هى صلاحيات مجلس الشعب القادم .ولكن أرى أن شمس الحريه والكرامه أشرقت

والله يا دكتور أيمن : أنا قلقان من موضوع ان شمس الحرية والكرامة أشرقت . لأن عندى بعض التحفظات على موضوع المجلس الاعلى للقوات المسلحة .أخشى أن يتم اجهاض هذه الثورة لصالح النظام الساقط وعندى بعض التفسيرات:

أولا : على مر العصور والثورات كان الجيش هو الذى ينقذ الشعب من بطش الحاكم من ثورة يوليو إلى مقتل السادات. لكن قواتنا المسلحة لم تقول يوما لا للحاكم الظالم الذى بان ظلمه للقاصى والدانى. فأنا أعتقد وده رأى شخصى . أن هذا المجلس ولاؤه لمبارك.و قد رافق مبارك في مسيرة فساده وإفساده على مدى ثلاثين عاماً

ثانيا : المجلس العسكرى سمح باستمرار حكومة شفيق التى لاشرعية لها والتى عينها ساقط الأهلية حسب شرعية الثورة

ثالثا: ولا تزال عملاء الأمن ومخبريه – حسب شهود العيان - يجوبون ميدان التحرير يتحدثون للمتواجدين ويأخذون معهم صورا تذكارية بل وضرب رجال الجيش اليوم وأمس المتظاهرين كما فعل إخوانهم من الشرطة من قبل ولا تزال الإعتقالات قائمة حسب قانون الطوارئ القائم.

رابعا: رئيس المجلس العسكرى لا تزال بينه وبين مبارك شراكات عمل ومعاملات مالية.بأرقام لا يستهان بها.

خامسا : المجلس العسكرى سمح لصفوت الشريف بالهروب فى وضح النهار.

سادسا : فى ظل ما سبق ذكره فإن النظام مازال قائما . وأنا أكتب هذه المداخلة خرج البيان الخامس للجيش يهدد من يتظاهر . ويحذر من الفوضى . هذا يدل على أنه سيستعمل قانون الطوارئ.

أخيرا من وجهة نظرى فلا يزال النظام قائما قويا مسيطرا من خلال هذا المجلس العسكرى . وإن غاب رأس النظام

الدكتور أيمن : التحليل جيد جدا علشان انا حأولع في نفسي ههههه
الدكتور أبو صهيب : انا مش قلقان خالص . ليه ؟
بعد العلقة اللي خدها النظام كل واحد دلوقت بيقول يا سابل الستر استرها وأنفد بس بجلدي
لكن اللي أنا خايف منه ه الإلتفاف على الثورة من الخالرج يعني وقوع حرب غير متوقعة زي ما حصل مع ايران سنة تسعة وسبعين لكن اعتقد ان القيادات سواء الحالية أو القادمة سو ف تكون صاحية للموضوع ده كويس وربنا يستر على كل حال

وبعدين انا اعتقد انهم حيتخلصوا من حسني مبارك لأنه فعلا أصبح عبئ ثقيل عليهم وزي ما حضرتك تفضلت موضوع الأسرار والكلام ده برده مشكله لذا انا متوقع اني اسمع خبره قريبا جدا زي عبد الحكيم عامر كدة

موضوع خبره ده يا أستاذ محمود أنا ظنيته بعد موقعة الجحش اللى حصلت فى التحرير بس مش بطريقة عبدالحكيم عامر . ظننت أنه يقتل على ايد أى شخص قريب منه علشان يخلص الموقف .
لكن موضوع الحرب ده مش خايف منه قد خوفى من الالتفاف حول الثورة واجهاضها لصالح المصالح اليهودية والأمريكية. وقد ذكرت صحيفة ليموند يوم السبت بعد سقوط مبارك أن امريكا فقدت نفوذها فى مصر بسقوط مبارك . فأنا لا أعتقد أن تقف أمريكا أو يقف اليهود مكتوفين الايدى . دون أن يكون لهم حليف فى مصر . وهم يحسنون صناعة الزعيم . و أنا أظن أن الزعيم الذى تريد أمريكا تلميعه هو عمرو موسى.
من الاخر الحرب مش مشكلة . لكن المشكلة اننا نفضل مستعمرين استعمار(محلى) أو محتلين احتلال غير مباشر . كما كنا فى النظام الساقط

تحية لجميع الاخوة الاعزاء

يارب بلدنا تتحد وتتأكد من الخير اللى هيجى لو حصل تغيير وانامتفائل بوجود عقاله متميزة من اهل البلد
ربنا يسهل ومنتأخرش فى التغيير كفاية لمحى القطان
مش شرط مين ينجح بس مين ينفع
للمرة المليون ياريت نلحق بالتغيير وكفايه قبليه وعصبية الموضوع مش موظف فى الاوقاف ولا فى الازهر الموضوع مستقبل عيالنا ايه
صدقونى عيالنا مابيتعلموش دول بيتعلموا الجهل وخيبة الامل
نعترف جميعا بتأخرنا الرهيب ونتحد ونتفق على التقدم والنجاح والاستمرار لكى نطمئن على مستقبل بلدنا وعيالنا
وسلامى لجميع المشاركين

فيه ناس كتير تستحق العضوية وانا متأكد لو اتعرض عليها ترفض لأنها بتخدم الناس لوجه الله دون طلب شكر او طلب شهرة وانا اعرف منهم كتير بس ما ينفعش اقول اسماء
لانى شهادتى هتكون مجروحه

اهو انا فهمت رد محمود بيه حشلة الحين
بالشهادة المجروحة
ولكن ده برده من الناس المحترمة جدا واصحاب فكر متزن
وانا معاك يا ابوحمدون
فهو مثقف وعلى درجة علمية عالية كما قال الاخ سعيد عكاشة
وخير جدا كما طلب الاستاذ محمود حشلة
وفي سن الشباب ويقدر يخدم مدة كويسة
ومش محتاج السلطة عشان يتغني
انا ارشحه بنسبه 95%

الله يكرمك يا شريف ياخويا حبيبي والله انت كلك ذوق
مين كمان يا أستاذ حمدون
انتت قلت انت عندك أسماء كتير قول يا باشا قول

تحيه طيبه لاخوانى جميعا وبصفتى عضو جديد فى هذا المنتدى اريد ان اوجه رساله للإخوه وهى *
من يريد ان يغير من هذا العضوا أقول له وبكل صدق ؟
كفانا أكثر من 40 عاما لا نعرف طعم الحريه 0
كفانا أكثر من 40 عاما لانعرف معنى الديمقراطيه0
كفانا اكثر من 40 عاما لا نعرف وجوها جديده 0
كفانا أكثر من 60عاما حوامد وقطا نين وكأنهم هم شباس00000؟
كفانا أكثر من 40 عاما لم نرى خيرا لهذه البلده قط ( مصلحة البلد)0
كفانا أكثر من 40 عاما لم نرى فى هذه البلده وكيل نيابه ولا مستشار ولا ضابط 0
كفانا أكثر من 40 عاما لم نشرب ماء نقيا بل كلها (مجارى)0
كفانا أكثر من 40 عاما ذل من أجل مصلحه تقضى 0
كفانا أكثر من 40 عاما نفاق للحوامد والقطانين بدعوى الحب بل هو كذب0
كفانا أكثر من 40 عاما لم نذوق طعم انتخابات حره سواء فى الشعب أو 000
كفانا أكثر من 40 عاما بلطجهههههههههههههههههه فى الانتخابات!!
وغيرها من كفانا0000000000000000000000000000000000000000000000
أما ان لنا ان نتحرر من هؤلاء وغيرهم كما تحررة مصر من مبارك !!!!!!
أما ان لنا ان نتنفس هواء الحريه ونذوق طعم الانتخابات بدون عداء لاحد!!!!!
اما ان لنا ان نقضى انتخابات بدون موت احد سواء كان جسديا او معنويا!!!!
أما ان لنا ان يصافح المهزوم الناجح بكل حب وصفاء!!!!!!!!!!!!!!!!!
اما ان لنا ان تشرق عليا شمس الحريه من جديد!!!!!!!!!!!!!!!!!


دعونا من كل الماضى وهيا بنا نبدأ صفحه جديده مع الحياه من حريه ومن حسن خلق ومن حب وود بدون اى حساسيه !!!!!!!!!!!!!!!!!!!!!!!!!

أم اننا سنظل نحلم بها الى ان نموت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أخوكم (أبو عبيده ابن الأزهر)

ياريس قولتلك مجروحه مينفعش اققول
بس بردة مفيش حد ارشحه اكثر منك أمانة
تحياتى ا/عز
&أ / محمود حشلة المرشح الاقوى
اخوكم /حمدون

ياريس قولتلك مجروحه مينفعش اققول
بس بردة مفيش حد ارشحه اكثر منك أمانة
تحياتى ا/عز
&أ / محمود حشلة المرشح الاقوى
اخوكم /حمدون

والله يا عبدالرؤوف انتى عقلية متميزة جدا ومحترمة ودى حاجه تستحق الفخر وانا معاك 100% فى كل كلمة قولتها
حمدون جابر

والله يا عبدالرؤوف انتى عقلية متميزة جدا ومحترمة ودى حاجه تستحق الفخر وانا معاك 100% فى كل كلمة قولتها
حمدون جابر

الله يكرمك يا أستاذ حمدون دا طبعا من ذوقك بس انا غير قادر عليها غير راغب فيها
إنما فيه مش شاء الله شباب في شباس وفي قلين عموما يقدروا ان يحملوا هذه الأمانة ويضطلعوا بها بحقها
وانها لأمانة وانها يوم القيامة لحزي وندامة
تلك الدار الآخرة نجعلها للذين لا يريدون علوا في الأرض ولا فسادا
انا الحمد لله على كدة واا بس نفسي ارجع مصر واهتم بالعمل الخيري داخل شباس مع شباب البلد كواحد منه وهم جميعا ماشاء الله اكفاء وعقليات وطاقات معطلة
لقد توقف التفكير في شباس خمسين عاما احنا في شباس دلوقت سنة ستين وهى السنة التي شدد جمال علد الناصر قبضبته علي مصر وصادر عقلها ووضع مكانة جزمة قديمة انتجت الهزائم والنكسات والفضائح وانتجت أنور السادات كواحد من مدمني الحشيش ثم انتجت حسني مبارك وحسني مبارك انتج ما نراه الآن في مصر وشباس جزء من مصر ، لعلمك انا مش مع الناس اللي بتهاجم محيي القطان خاصة الآن لأن فيه الف واحد في شباس حاولوا يعملوا نفس الشئ ولم يستطيعوا . كام واحد كان بيقدم في الحزب الوطني والحزب الموطني يرفض ترشيحهم ؟ كام واحد حاول يترشح في المحليات على قائمة الحزب الوطني والحزب الوطني خذلهم ويأسوا لكن رضا عبد المجيد لم ييأس ههههههههه
أنا فاكر فيه وقت من الأوقات كانت فيه مسابقة للنفاق في شباس عمير
الجيل القديم في شباس لن يذكره التاريخ بخير
المهم الآن الشباب والعمل الخيري ، فيه اخ فاضل هنا زعل مني لما اتكلمت عن القطانين والحوامد مع أن القطانين والحوامد ممكن يظهروا للبلد بوجه مشرق لو اهتموا بالعمل الخيري لانهم فعلا اكتر ناس اسفادت من عهد حسني مبارك وبالتالي هما اكتر ناس مؤهلة للعمل الخيري الآن لعل ان ربنا يغفر لأي واحد ظلم الناس سواء بالفعل أو بالقول .
أعتقد ان شابس الآن لازم فورا تنسي الماضي وتبدأ على اعتبار انها الآن سنة ستين من القرن الماضي وتحاول تصل الى سنة الفين واحداشر ولو بعد خمس سنوات ولن يكون ذلك الأ بالعمل الخيري والإهتمام بالتعليم
وأهم بند في التعليم هو اللغات الأجنبية لان اللغة الواحدة تخلق فرصة عمل ولا يمكن تنشيط هذا الوضع طالما ان الحوارات والنقاشات كلها في شباس تجري على اساس قبلي ويديرها في كل عائلة شيوخ اميون لا يعلمون الكتاب الا اماني وان هم الا يظنون كل مؤهلاتهم هى النبابيت فكل عائلة عندها خمسين نبوت مثلا وليس خمسين مشروع ولا خمسين فكرة . المتعلمون داخل العائلات محقود عليهم ومكروهين لذلك يا أخ حمدون أعتقد اننا نحتاج الى الكثير من العمل من أجل التغيير مش بس نغير شخص
هناك هوة الآن بين فكر الشباب وبين عقليات الستينات التي لم تتحرك خطوة واحدة منذ ذلك التاريخ
آليات العمل ، اشخاص العمل ، اهداف العمل ، العقبات ، التاريخ ، الجعغرافيا الفكر الإيمان الروح الإحتكاكات ، ولكن والله بلدنا بخير جدا
كل الناس بتقول اسوأ بلد ، لا والله شباس احسن بلد يا ما شفنا ارياف في منتهي السوء لكن شباس والله بخير ن
أنا حأعطيك مثل : انت عارف انا ستي من بلنكومة ولنا قرايب فيها ، وبلنكومة دي مليانة مستشارين وموظفين كبار في كل الميادين منهم من نعرفه ومنهم من لا نعرفة ، لم يستطيعوا على مدي عشر سنوات التبرع لبناء مسجد ما في شباس قول بس انك عايز تبني مسجد وشوف الناس حتعمل ايه .
يا أخ حمدون شباس عمير بخير وفيها شباب عشرة على عشرة ، محمود حشله ايه . دا فيه شباب أحسن مني الف مرة بس يأخد فرصته وحتشوف المواهب اللي شباس حتطلعها في كل المجالات في الرياضة والأدب والعلوم .
لكن انا عايزك تقول اسماء كمان وكمان وبأطلب من كل عضو في المنتدي ان يذكر اسماء ناس تنفع للعمل العام ومش شرط مجلس الشعب كمان احنا محتاجين مجلس شعبي محلي ومحتاجين اعضاء في الجمعيات و مجلس ادارة النادي وبيت المال ومجالس الآباء وجمعيات المجتمع المدني كالرقابة على المصالح الحكومية
أنا لما افضي شوية حأحكيلك حكاية ظريفة ، عموما شكرا يا أخ حمدون انك اعطتني الفرصة دي للكلام

اشكرك اخويا محمود وترجع بالسلامة ان شاء الله
بس كل اللى خايف منه الثورة المضادة بمعنى ان البلد تعيش فى حالة فوضى ويقول ولا يوم من ايامك يا حسنى بس انا واثق فى عقول شباب مصر
ويارب نشوف بلدنا احسن بلد
وعارف احسن حاجه فى البلد ان كلنا دم ولحم اخوات وقاريب وفى حالة بلدنا بنعيش فى امان وربنا يستر من شر الفاسدين الظالمين
وان شاء الله بعقول البلد هنبقى على الطرق الصح

وسامحينى انى معنديش وقت علشان ادى حضرتك حقك فى الرد على موضوعك الجميل بس انا معاك 100%
وتحيا مصر والف شكر على اسهاماتك الجميلة

يا أخ حمدون شباس عمير بخير وفيها شباب عشرة على عشرة ، محمود حشله ايه . دا فيه شباب أحسن مني الف مرة بس يأخد فرصته وحتشوف المواهب اللي شباس حتطلعها في كل المجالات في الرياضة والأدب والعلوم

تلك الدار الآخرة نجعلها للذين لا يريدون علوا في الأرض ولا فسادا

صدق الله العظيم