يقدم مركز الجزيرة للدراسات هذا الملف البحثي حول مصر، ليغطي حقولا بحثية متنوعة تتراوح بين الاجتماع والسياسة والثقافة والاقتصاد والعلاقات الخارجية، فيتيح للقارئ العربي عامة، والمصري خاصة، مادة متميزة تساعد على فهم ما يجري اليوم في عموم مصر من فوران ثوري في القاهرة وغيرها من المدن والقرى المصرية الأخرى.

الملف من هنا

انقلبت سياسي خطير مرة واحده يا ابوصهيب
ناوي تترشح ولا ايه
فيه وظيفة خلت من رموز الفساد في شباس
انا مرشحك ليها

هل تعلم ان :

حسني مبارك عاصر9 رؤساء إسرائيليين, 3 فرنسيين, 5 أمريكان, إضافة إلى 12 رئيس وزراء بريطاني, 4 مستشارين ألمان, 3 ملوك سعوديين، أميرين قطريين،ملكين بحرينيين، رئيسين إماراتيين، ملكين أردنين ، رأيسين سوريين، رئيسين فلسطينين، رئيسين جزائرين، 700 رئيسا وزراء عراقي ولبناني , 8 بطولات كأس العالم ......

غريب يا أدمن والله ....
انته بقيت مع الثوره ??!!

ربنا يصلح حالنا و حالك و يهدينا و إياك للخير

الضوء الشارد كتب:

غريب يا أدمن والله ....
انته بقيت مع الثوره ??!!

ربنا يصلح حالنا و حالك و يهدينا و إياك للخير

ومين قالك انى ضد الثورة انا ضد الفتنة وضد قناة الحقيرة وضد المتأمرين على
مصر وضد موزة وضد النظام بس مع عدم اهانة رئيس مصر اى كان .

عز العرب كتب:

انقلبت سياسي خطير مرة واحده يا ابوصهيب
ناوي تترشح ولا ايه
فيه وظيفة خلت من رموز الفساد في شباس
انا مرشحك ليها

أى خدمة ياباشا . حسنى خلى البلد كلها تتكلم فى السياسة . لو كان مشى من بدرى مفيش حد كان خد باله منه . بس هو أصر يعلمنا السياسة
انت بترمى عليه الوظيفة ؟ عايز تهرب من التوكتوك؟

ضد اي فتنه ?
اكيد تقصد الفتنه بين الشعب و الرئيس ونظامه
و أي متامرين ??
اكيد تقصد اللي اسقطوا الرئيس و حزبه و برلمانه و مجلس شيوخه ...

و لو انته قصدك كده تبقى بتتكلم على اللي استشهدو و اللي اتجرحو و على الملايين اللي ثارو ....
اكيد دول همه المتامرين و الفتانين ......

و كده يا ادمن ما ينفعش تقول انا مش ضد الثوره ,,,,,

مع احترامى لوجهة نظرك ممكن اسالك سؤال هل تعتقد ان كل الشعب المصرى سعيد بالطريقة التى خرج بها مبارك من رئاسة مصر ؟

لو كنت تعرف الشعب المصرى واحد واحد اسألهم ..
مع العلم ان الشعب المصرى وجميع طوائفه مظلوم من النظام .

اعتقد يا احمد ان بعد كمية الفساد اللى شفناها فى مصر بعد سقوط مبارك واللى ظهرت بانفجار الثورات الفئوية فى جميع مصالح البلد بلا استثنا ان مصر كلها لازم تكون سعيده بخروج مبارك وليس فحسسب بل لابد ان يطالب الشعب بمحاكمة مبارك وكل انظمته الفاسدة من بنوك مؤسسات دولة ناهبة خير البلد لصالح افراد معدودة بعلم مبارك ونظامه
اعتقد يا احمد ان رمز الرئيس يحترم اذا كان صالحا عادلا اما اذا كان فاسدا او راعيا للفساد او متواطئا مع الفساد مع العلم بجمعه لكل الصفات فلا يشرفنا ان نشرفه او نخرجه بشكل كريم
ولازلت عن راى بخصوص خروجة بشكل غير كريم
ان دى دعوات امهات لابناء مظلومين وربنا سبحانه وتعالى عدل ولا يرد دعوة المظلوم

قشدة

وبعدين يا حمو : الريس طلع سليم مفيش فيه خدش بل طلع كسبان مئات المليارات من جيوبنا وجيوب الغلابة . الدور والباقى على المئات اللى ماتلهم شباب زى الورد والالاف اللى اتعجزوا أو اتعموا . لكن الريس طالع سليم بعياله

مع احترامى لوجهة نظر الجميع فان كثير من المصريين غير سعيدين بالطريقة التى رحل بها مبارك .

شوفو يا جماعه
انا هاقول اللي ف قلبي و الارزاق على الله

طبعا قبل الثوره كلكم عارفين انتماء الادمن لمين و ليه
و انته برده عارف يا احمد بقوش انك بتحب الحزب الوطني و نفسك يرجع تاني حزب حاكم ,,
و تحديدا محي القطان نفسك يرجع نائب ف البرلمان ,,,,
ده شيء يخصك و ده رأيك و انته حر ....
بس يا حاج احمد :

كلامك عن اهانة الريس ده اسطوانه انته حافظها ,,,,
اسطوانه شغاله من فلول النظام البائد لا أرجعه الله ,,,
نعم
لم ينتهي النظام بعد ,, الالاف من المستفيدين و المنتفعين من خراب بيت الشعب و اللي جابوه على ايدي العصابه البائده لا يزالون في مصر ,,,
هؤلاء المنتفعين مصلحتهم في عودة النظام لكي يحافظو على ما نهبوه من مال الشعب و من خيرات مصر ,,,و لكي لا يتعرضون لمحاكمات و فضائح على ما ارتكبو من جرائم تاريخيه ,,,,
اضف الى ذلك ان عمر سليمان رجل اسرائيل الثاني لازال في القصر الجمهوري...
الشرطة نزلت للشارع من جديد , و الكل يعرف ان الجيش خذلهم و لم يساعدهم في قتل الشعب اثناء الثوره ,,, و الكل يعرف انه لو سارت الامور على طبيعتها فسيفقد كل ضباط الشرطه ما تمتعو به على مدار 30 سنه من سلطات مطلقه في ظل الطواريء ,,,,
لازال احمد شفيق رئيس الوزراء المعين من قبل السفاح و صديقه الحميم على رأس الوزاره ,,,

خلاصة القول :
هناك دعوه من فلول النظام البائد و من اعضاء الحزب الوطني الذين استأجرو بلطجيه لقتل المتظاهرين في التحرير على مرأى من العالم كله ,,, دعوه للوفاء للرئيس المخلوع الهارب اللص الفاسد ,,وذلك يوم الجمعه ,,, مش كده يا /أحمد ?
بيسموه جمعة الوفاء ...
في الوقت الذي اعلن فيه شباب الثوره بان الجمعه هي دعوه مليونيه للاحتفال بنجاح الثوره و سموها جمعة النصر...

و الجيش لايزال في الشوارع و نزلت الشرطه ايضا ,,,,

اشم رائحة الغدر ..
و اتمنى من الله ان يرد كيد الكائدين و الخائنين .....

السيناريو المحتمل :
ان يعمل اصحاب دعوة الوفاء الكاذب على الوقيعه بين قوات الجيش و المحتفلين من شباب الثوره , ليفسدو كل ما تم انجازه ,,,

اشمعنا عندهم وفاء للرئيس و ما عندهمش وفاء للملايين من شعب مصر الذين اكلو السرطان و شربو مجاري و ماتو م الجوع و سكنو المقابر ?!
و اشمعنا الجمعه دي بالذات ,,,
وليه بيحاولو يستعطفو الشعب باشاعة ان الرئيس يا عيني عيان و رافض ياخد الدوا و مش عايز ينام بدري و يشرب اللبن ?
السفاح المخلوع الهارب صحته زي القرد و متلقح في شرم الشيخ ,,,, مستني يشوف الوفاء هيعمل ايه .....

اللهم رد كيد الكائدين و اجعل تدميرهم في تدبيرهم
اللهم خيب ظن اللصوص و الفاسدين ,,
اللهم احمي شباب الثورة الشرفاء الاحرار ,,,

يا أدمن هو اللى اختيار طريقة خروجه .
هو اللى زور فى الانتخابات . وقعد على قلب ناس مش راضية بيه ريس . ويدعى نزاهة الانتخابات وعدم تزويرها وهو متأكد انها مزورة ولما قالوله عليها قالهم : خليهم يتسلوا . والموضوع أشهر من انه يذكر النهاردة . الناس عارفه الموضوع ده واللى مش عارفه يكتب فى محرك البحث (خليهم يتسلوا) .
هو بيحكم بلد من أكبر الدول الاسلامية والعربية ولا بيتسلى؟
ازاى يبقى بيتسلى بينا واحنا نرضى بكده؟
ولما طلبنا منه يتفضل ينزل من عرشه يضربنا بالرصاص؟ الحى؟ بعد خراطيم المية والقنابل المسيلة للدموع المنتهية الصلاحية اللى مستوردها من أمريكا اللى أثبتت الأبحاث ان القنابل المسيلة للدموع لما بتنتهى صلاحيتها بتتحول لغازات سامة . علشان كده الشباب كان بيغمى عليها لما تشمها . دا غير الرصاص المطاطى والعربيات اللى كانت بتدهس الناس من أول العربية الدبلوماسية اللى أثبتت التحقيقات ان كان راكبها ظباط أمن دولة مرورا بعربيات الشرطة والمطافى . حتى الاسعاف ياجماعة . حتى الاسعاف كانت بتنقل ذخيرة للشرطة . وبعد ما فشل فى قمع الحرية اتجه للبلطجة وعلى مرئى ومسمع العالم كله . ومفيش حد يقول محصلش علشان كله بقى على المكشوف ومفيش حد ثبتت خيانته الا الريس وحزبه وأمنه ونمله وقمله .
بعد كل ده هو اللى اختار الطريقة اللى خرج بيها. ولو كان سابهم يوم 25 يناير كانوا طلعوا قالوا رأيهم وروحوا تانى . زى كل مرة رغم العذاب اللى شفناه طول ال30 سنة فى حكمه . الا انه كان الاتفاق ان الناس تطلع تعبر عن رأيها وخلاص لكن الريس اختار يحاربهم ولما فشل فى الحرب بعد ما قتل وخرب عايز يخرج من البلد بتشريفة ؟؟؟
ازاى ؟؟

وبعدين انا لم اتكلم على شخصيتك سواء تؤيد من او تعارض لمن فاذا كنت بتحب مصر فانا كمان بحبها فلك وجهة نظر فى الاوضاع الحالية وانا كمان ليا وجهة نظر برده ولا ده مش حقى برده ولا مصر بتاعت ناس ومش بتاعتنا برده .
مع احترامى لكلامك يا استاذ مدحت فكلامك غلط بالنسبة لى والحمد لله ربنا يعلم مافى قلبى وفى ضميرى ولاتقل كلام لست متأكد منه لان الذى يعلم مافى القلوب هو الله .
واذا كنت اؤيد محى القطان فهذه حرية شخصية لااحد يتتدخل فيها وللعلم انا كنت من الذين ينتقضوا محى القطان والكل يعرف ذلك .
وبعدين الكل له حق الترشيح فى الانتخابات وصوت الاغلبية هو من سيحدد .
اما حكاية الحزب الوطنى فانت تعلم ان جميع المرشحين فى مركز قلين كانوا يقدمون على التقدم للحزب الوطنى لانهم كانوا يتحدوا بعضهم من سياتى به الحزب ..
وبعدين يا استاذ مدحت دى مش حاجة انا حفظها زى ما انت بتقول لو عاوز اسمعك كلام ناس معارضة لمحى القطان والحزب الوطنى انا كل يوم بقعد معاهم ونتكلم فى ال بيحصل فى البلد كلهم موافقين ان الرئيس متيهنشى وده مش كلامى زى ماحضرتك بتقول .
ثانيا والله لو انا مستفيد من النظام الماضى كان زمانى عندى عربية احدث موديل وعلى الاقل متجوز ومكنتش ناوى اسافر علشان اكون مستقبلى ..


اللهم احمى مصرنا من الفتنة وحمى شعبها من المتأمرين واقضى على الفساد .

يا ادمن اسلوبك استفزازي
الجاهل في مصر قبل المتعلم اليوم
المهم مش من حاشية الفاساد ولا من الكلاب تابعي السلطة
اعتقد رايهم ان حسني ما يخرج كدة
المفروض يقف في ميدان عام
ويسلخ من جسمه خمسة جرام بخمسة جرام كلمة سفاح شوية
لو لك اخ مات في الثورة كنت عرفت مين هو حسني
لو لك اخت ينشها القناص وهي وقفا في الدور الرابع كنت عرفت مين هو حسني
اسمع يا اخي الجنزوري وحسب الله الكفراوي
وليه
انت متخرج بقالك كام سنة
كنت متعلم ليه عشان تقعد في البيت
ولا عشان تشتغل زينا عند البدو
بلدك منهوبة
بلدك باعها ووزعها على 80 نفر
بلدك قناه السويس بتدخل يومي خمسة عشرا ملوينا
بلدك اكبر بلد فيها غاز طبيعي
بلدك فيها نهر النيل
واكبر مستورد للقمح
بلدك بتصدر الغاز لليهود
بلدك حديدها بنى الجدار العازل
بلدك اكلت قوت الغلابة
مستنى ايه عشان تكره حسنى ومحي وكل كلاب الحزب الوطني عديمي الوطنية

رايك ويحترم يااستاذ شريف ولكن ياترا مين ال اسلوبه مستفز

وكل واحد له وجهة نظر يا استاذ شريف ..
معلومة انا لاادافع عن اشخاص ولا عن نظام .

انت لا تدافع عن اشخاص ولا نظام يا أدمن .
امال بتدافع عن مين ؟
لما قلت عدم اهانة الريس كنت بتدافع عن مين؟

هو الادمن مش لاقى رد ولا مخاصمنى؟؟

كل ما يخصنى انا يحترم شخص رئيس الجمهورية ايا كان وفى اى فترة من الزمان سواء الحالية او القادمة او الماضية .

ورئيس الجمهورية واى شخص لابد ان يحاكم اذا ثبت تورطه فى شئ فكل الكلام المطروح الان هو كلام وليس لدينا دليل عن ماتطرحه الجزيرة من ارقام عن ثروته فاذا كان لدينا الدليل فليحاكم اى شخص مهما كان ..

فاذا تورط اى شخص فى سرقة شعب مصر فليحاسب ولكن كل الذى لدينا هو كلام ليس الا وتقارير تنشرها الصحافة والاعلام..

وانا مع محاسبة جميع اعضاء مجلس الشعب حتى تثبت اذا كانوا متورطين وحرامية حتى نعرف من الحرامى ومن الشريف ومن الطاهر ومن الذى اكل اموالنا .

فكما يقولون المتهم برئ حتى تثبت ادانته

كل ما يخصنى انا يحترم شخص رئيس الجمهورية ايا كان وفى اى فترة من الزمان سواء الحالية او القادمة او الماضية .

ورئيس الجمهورية واى شخص لابد ان يحاكم اذا ثبت تورطه فى شئ فكل الكلام المطروح الان هو كلام وليس لدينا دليل عن ماتطرحه الجزيرة من ارقام عن ثروته فاذا كان لدينا الدليل فليحاكم اى شخص مهما كان ..

فاذا تورط اى شخص فى سرقة شعب مصر فليحاسب ولكن كل الذى لدينا هو كلام ليس الا وتقارير تنشرها الصحافة والاعلام..

وانا مع محاسبة جميع اعضاء مجلس الشعب حتى تثبت اذا كانوا متورطين وحرامية حتى نعرف من الحرامى ومن الشريف ومن الطاهر ومن الذى اكل اموالنا .

فكما يقولون المتهم برئ حتى تثبت ادانته

مش مقتنع يا احمد عارف ليه ؟؟؟؟؟
عشان انت مش مقتنع باللى بتقوله

قشدة

ومين قالك انى مش مقتنع بل بقوله
علشان فيه اشاعة الايام بيقولوا ان فيه ناس سافرت فرنسا وفيه ناس بيقولوا بيوزع فى الاراضى وفيه ناس بيقولوا فى سجن وادى النطرون وفيه وفيه .......

سيبك من الجزيرة ومن الاعلام تفتكر فلوس مصر راحت فين ؟؟
الريس بتاعنا ليه فلةس فى بنوك سويسرا ولندن أمريكا ودبى ووووو
وليه عقارات فى كل أنحاء العالم دا غير ولاده وعيلته واصحابه وجيرانه
تفتكر جابها منين وأبوه ناس بتقول انه كان محضر وناس بتقول انه كان سواق قطر . تفتكر فلوسه دى منين ؟؟ وعلاء ابنه شريك فى أى مشروع فى مصر . تفتكر علشان كفاءته ولا علشان هو بن الريس؟؟ تفتكر قناة السويس اللى بتجيب 450 مليون دلار شهريا بيروحوا فين؟؟
تفتكر سيد بلال والاربعة اللى كانوا معاه ماتوا ليه؟؟ ومئات الالاف اللى ماتوا قبله؟
تفتكر مين اللى فجر كنيسة القديسين؟
تفتكر ديون مصر الداخلية والخارجية اللى وصلت 1000 مليار جنيه راحت فين؟؟
لو هو مش سارقها يبقى هو فرط فيها وسابها تتسرق. لأنه الريس

بص يادكتور لو فيه اثبات ودليل لابد ان يحاكم من يثبت عليه اى تهمة لمصر ولابد ان يحاكم بتهمة الخيانة العظمى .

المشكلة ان الحكومة اللى لسة ماسكة البلد هى الحكومة اللى عينها الريس السابق . ازاى هتحكم ؟ عليه؟ ..

اكيد هيتحاسبوا لما الانتخابات تتعمل ويجى رئيس باختيار الشعب وليس اختيار الحكم العسكرى زى الرؤساء السابقين .

الدليل واضح و مش من قناة الجزيره اللي بتقول عليها حقيره ,,,,
الدليل اكيد موجود في غرفة جهنم .....
ولا برده هتقول عايز دليل على ان العادلي قال كده ,,,,,,
سمعتو عن غرفة جهنم يا حضرااااات
غرفة جهنم اللي موجوده في المقر الرئيسي للحزب الواطي ,, قال العادلي ان هوه و السفاح و ابنه جمال و صفوت الشريف همه بس اللي يعرفوها ,,, فيها مستندات لا أخلاقيه على كل مسؤول في مصر ,, ماسكين ذلل على كل الشله عشان يعملو اللي همه عاوزينه في الوقت اللي همه عاوزينه بالطريقه اللي يحددوها ,,,,,
شفتو حكم مصر كان بيتم ازاي ?!
أقذر الطرق المخابراتيه ....
دول ماكانوش نظام ... دول كانو تشكيل عصابي ...
فكروني بكتاب البروتوكولات ,,, و فيلم كشف المستور ....
الدليل ان صحف عالميه قالت ان حسني كان بيأخر في قرار التنحي عشان يداري فضايحه ....
الدليل ان فيه تسجيلات فيديو فيها اعترافات للبلطجيه اللي كانو بيتمسكو يوم معركة الجمل بيقولو فيها اسماء رجالة فتحي سرور اللي أجرو بلطجيه من دايرته في السيده لقتل المتظاهرين ... بذمتكم ده ينفع رئيس برلمان ?!
ولا مجرم حرب ?!
الدليل ......
دليل ايه اللي بتدور عليه عشان تشوف الحق و تقول ده لازم يتعدم بضرب الجزم في ميدان التحرير الساعه 2:30 و الموظفين طالعين ,, عشان كل موظفي مصر يتفو في وشه ...


اللهم أرنا الحق حقا و ارزقنا اتباعه
وأرنا الباطل باطلا و ارزقنا اجتنابه

بس انا شايف انى لك وجه نظرك وتحترم بس ملكشى الحق انك تمنع انى اقول وجه نظرنا برده.

اللهم أرنا الحق حقا و ارزقنا اتباعه
وأرنا الباطل باطلا و ارزقنا اجتنابه

على فكرة :
غرفة جهنم دى مجتش على الجزيرة.
والبلطجية اول ما طلعوا يوم 25 يناير ولعوا فى مقر الحزب علشان يضيعوا المستندات اللى تدين الحزب الوثنى اللاديمقراطى . والمخرج خالد يوسف طلع على قناة العربية اللى هى مش عميلة وقال الناس بتولع فى ورق أحمد عز . دا عشان مفيش حد يثبت حاجة . وده اللى حكومة شفيق بتعمله دلوقت . بتضيع شوية وقت علشان العصابة تعرف تدارى اللى عملته . والا ليه مش عايزين يجيبوا حكومة جديدة وده مطلب كل الشعب . ان الحكومة تتغير.

يا اخي
انا لا قلت لك ولا قلت لغيرك ولا هاقولك ولا هاقول لغيرك ما تقولش وجهة نظرك ,,,
انته ليه بتقول كده ?!
ارجع اقرا من فضلك ,, انا قلت انته حر في رايك ....

لكن يا اخي انا مجرد باتناقش معاك ,,, و قلت زمان أني اريد أن استفيد او أفيد غيري ,,,,,,
مجرد مناقشه

و يا أستاذ / احمد
انته زي أخويا
و لو المناقشه معاك مزعلاك ,, خلاص ...
انا مش هاتناقش معاك تاني ,,
ما تزعلش
يمكن المناقشه حاده لسخونة الموضوع ...
مش عشان انا باستفزك او مش عايزك تقول رأيك ....
يا عم دانته اللي تقدر تمنعنا نكتب ....
و انته صاحب المنتدى ,, وانا بقول كده بهزار ,, عشان ما تفكرش بشكل سلبي ...

سلام عليكم

لا متزعلنيش المناقشة وانت عارف كده فانا اكن لك كل التقدير والاحترام بس يمكن دى وجه نظرى ممكن تكون مفيدو ويمكن لا .
كل زعلى انك وجهتلى ان الكلام بالذات يعنى قلت عليا من اتباع النظام الفاسد طيب ازاى وانا زى اغلب الشباب ال كانوا فى الميدان عاوزين حقوقهم .
يا دكتور قناة الجزيرة اقول عليها حقيرة ليس من اليوم ولكن من ايام الحرب على غزة لو كنت بتشوفها ايام الحرب على غزة هتعرف فعلا انها حقيرة وهفضل اقول عليها حقيرة وده رايى ..

احنا مناقشتنا مش على الجزيرة خالص يا أدمن مناقشتنا على الفلوس اللى اتسرقت مننا وأهلنا اللى اتقتلوا . أنا بأشوف وبأسمع مش محتاج قناة اخبارية تقوللى اللى بيحصل . كل حاجة واضحة لأى طفل . ومش محتاجة الجزيرة . وأنا مش بأسألك هى ليه حقيرة . انت حر سميها الحقيرة الخنزيرة انت حر. أنا بأناقش ال30 سنة فساد بتوع النظام الساقط الشرعية اللى مش عايز يحل عننا . حتى شوف عنوان الموضوع
(ثلاثون عاما من حكم مبارك)

وبعدين يا أحمد لو عايز تعرف مين أول من خان غزة ومين هو اول عميل اسرائيلى . اسأل صحيفة بديعوت احرنوت وهى تقولك لولا مبارك لخسرت اسرائيل.

واعتقد انى جوبتك قبل كده يا ابوصهيب .
وقلت رائى فى ال بيحصل وال المفروض يحصل عن محاسبة كل من خان او تاجر بهذا الوطن شعبه ..

وبعدين يا أحمد لو عايز تعرف مين أول من خان غزة ومين هو اول عميل اسرائيلى . اسأل صحيفة بديعوت احرنوت وهى تقولك لولا مبارك لخسرت اسرائيل.

من مصلحة مين ان الرئيس المخلوع يظهر فى شكل الوطنى ؟؟
من مصلحة مين التصريحات الصحفية من مثل:
الرئيس يرفض مغادرة البلاد للعلاج ويريد الموت على أرض مصر ، ويرفض تناول الدواء ...الخ .
الهدف من هذه التسريبات اظهار الرئيس قوي الوطنية وحبه للوطن و لن يهرب ليلا كالآخرين...
أنا أو أى مصرى لا يعنينا أين يموت الرئيس المخلوع ، يهمنا فقط استرجاع أموالنا الذي نهبها هذا الرئيس و نظامه طيلة ثلاثة عقود ...
كل اللى بيحصل ده هو (محاولة إعادة هيكلة رئيس مصر المخلوع )
لأن فيه مستفدين كتير من وجود النظام الساقط الشرعية . وعلى رأسهم حكومة شفيق

عبداللطيف المناوى رئيس قطاع الاخبار فى التليفزيون المصرى قال النهاردة فى برنامج مصرالنهاردة ان فيه ناس مسئولين كبار فى الدولة اتصلوا بيه قبل موقعة الجحش اللى حصلت فى ميدان التحرير يوم الأربعاء وقالوله ارفع الكاميرات من ميدان التحرير عشان فيه حاجة هتحصل . دا الراجل كده قال أكتر من الجزيرة .واللى هيسمع اللى بيتقال على التليفزيون المصرى النهاردة هيلاقى ان اللى قناة الجزيرة كانت بتقوله كان صح. يبقى المشكلة فى الجزيرة دلوقت اسمها؟ يعنى لو خليناها شبه الجزيرة هتبقى حلوة؟ أو قناة البحر مثلا : مع احترامى لخالك البحر اذا كان عايش والله يرحمه اذا كان توفى . أو نغير التردد؟؟
الجزيرة على كل ظالم...
ما علينا:
اللى حصل ده اسمه جريمة قتل لعدد من ورد مصر مع سبق الاصرار والترصد وأحسن عقاب ليها هو زى الاستاذ عزالعرب ما قال :
المفروض يقف في ميدان عام
ويسلخ من جسمه خمسة جرام بخمسة جرام
وأنا أرجح انه يكون ميدان التحرير اللى قتل فيه أكبر عدد من الشباب علشان الجزاء من جنس العمل .

او نطبق قانون حسب الله الكفراوي
ويضرب بالجزم حتى الموت