أود ترشيح نفسى يا أستاذ شريف على منطقة الشكفه حلوه الشكفة دى يعنى غرب البلد وانت طالع وأوعدك إنى هحكم فى الناس بالعدل و بالفكر وشعارى هيكون
( لا ظلم بعد اليوم )
بس عاوزين الموارد و الإمكانيات ومحاسب شاطر هى دى الحاجة الوحيدة اللى تنقصنى ومش عاوزين نعتمدوا على المعونات من شرق البلد ولا جنوبها ولا شمالها بس إنت وافق ياعمده وكل شئ هينحل زى مجلس الشعب كدة بس بصراحة أنا وطنى .

ياريت نعجل بالموضوع دة ياغ جماعة لأنة ان شاء الله هيكون مفيد للمنتدى
فمثلا موضوع مثل موضوع كلام خطير جدا حصل جدل علية كبير من الأعضاء لدرجة ان صاحب فكرة المنتدى ندم علىانه عمله من الاول والناس بتكلم بعض باسلوب غير لائق
أما لو موجود واحد فى المنتدى يكون لة الرأى والناس تسمع كلامة مكنش حدث كل هذا الجدل على هذا الموضوع
فأرجوا الاسراع بتفعيل هذة الفكرة

والله يافريد فعلا انت عارف ان اول ما لقيت ناس بتسجل باسماء مستعارة قلت كلمة ياريت ال يسجل باسم مستعار يعرف نفسه للجميع ولكن هناك بعض الاعضاء زعلوا بس والله فعلا الواحد كان عامل الحاجة دى لوجه الله علشان نجمع ولاد بلدنا فى مكان واحد بس للاسف طبيعتنا كشعب ليس عندنا ثقافة الحوار ان كل واحد يقول رأيه لكن ال انا شايفه ان كلنا بنشكك فى بعض يعنى لو واحد قال رأى مخالف يبقى على الدنيا السلامة وعن نفسى انا فضلت عدم التعليق على اى موضوع من موضوعات المنتدى حتى لا يتم التشكيك .....

شكرا لجميع من رشحوني واتمنى ان اكون عند حسن ثقتكم بي

عز العرب كتب:

فيه اخبار في جدة ......................
صح ولا ايه

جدة معاك يا عمدة

قشطة

السلام عليكم
هل تسمحوا لي ان اتكلم في الموضوع جد بعد ان كتبت فيه مرتين مرة جد ومرة عن الإنقلاب عسكري ؟
يا جماعة الموضوع ده مهم جدا فعلا لأن المنتدي أصبح بالفعل مجتمع مدني وسوف يتحول الى صحيفة إن شاء الله وأيضا سوف يكون المنبر الأول لحل مشاكل البلد فيما بعد ولذلك فإنني :
1- أعيد ترشيح الأخ شريف كعمدة للمنتدي لفترة انتقالية مدتها من ثلاث الى ستة اشهر .
2- عليه ان يختار اتنين مساعدين ليس من بينهم الأدمن .
3- يبقى الأدمن كلسطة أخري في المنتدي مشابهه للسلطة التنفيذية في الدولة وإذن فعليه ان يواجه سلطة العمدة ومساعديه والتعاون معهم لأن السلطة تحد السلطة .
4- خلال فترة الثلاث الى ستة اشهر يقوم الأدمن والعمدة بحصر الجمعية العمومية للمنتدي من أعضاء لعمل انتخابات حرة ونزيهة
طيب ما هى مهمة العمدة ؟
كخطوة استباقية يجب وضع لائحة للمنتدي ملزمة للعمدة والأدمن وللأعضاء . مثلا عدد المشاركات على الشريط المتحرك والتصرف في حالة عدم انسجام التعليق مع السياق وعمل اقسام جديدة للإعلانات والتسوق ويكون دخلها للأدمن طبعا لانه هو اللي عمل المنتدي وعموما نفتح باب الإقتراحات للائحة على ان تستمر المناقشات لمدة اسبوعين ويقوم الأدمن بعمل اللائحة وطرحها للمناقشة ولو وافق عليها نشطاء المنتدي أو وافق عليها تلاتين عضو تصبح نافذة وملزمة لجميع أعضاء المنتدي ومنظماته المدنية من عمودية وادمن وجمعية عمومية

ولا ايه ؟

معاك يا ريس ياريت يا بقوش يا اخويه نتوكل على الله

ولا ايه

الله ينور عليك يا باشا

وعليك يا أستاذنا الفاضل الأستاذ كمال الدين جزاكم الله خيرا

انا خايف عليك يا شريف
حتيجي في الاخر وتقول انا فهمتكم
وتسافر علي جده
لانك مش حتعرف تروح شرم لانك ممنوع من السفر


عايزين ميدان علشان المظاهرات قبل الترشيح

جدة فى استقبالك من دلوقتى يا عمدة

إتنحى إنت بس ومالكيش دعوة بالباقى




قشطة

عارف والله يا ابواكرم بس ده بيعيد عن شنب اللي عايز العمدة يتنحى
العمدية قائمة حتى الموت