عاوزين نتناقش بشكل فعال فى الأمر ده للأهميه ونسيبنا من الكلام الفارغ انت مع مين وليه ويجب ان نكون جميعا مع الحق وونضع بعض المحاور التى ممكن ان نتفق عليها دون التعصبات القديمة ونعرض بعض الأشخاص التى تصلح للعضوية وتمثيلنا فى المجلس
العضو المنتخب لازم يكون بيفهم ولديه علم على الأقل فى احد المجالات الآتية
اولا الصحة
ثانيا التعليم
ثالثا القانون
رابعا الاقتصاد
ولكل مجال له اهميته بالنسبة لنا جميعا
اما صفاته الشخصية فيجب ان يكون
نظيف اليد
على خلق
مقبول بين الناس
متعلم تعليم جيد
يعرف لغة اجنبية
ونترك بقى الناس ال بتنزل علينا كل خمس سنين زى البارشوت

ما شاء الله تفكير سليم يا ابو الزهراء
هو ده فعلا المعيار اللى لازم نتناقش من خلاله واللى لازم يكون اختيارنا من خلال المحاور دى والصفات المشار اليها بعيدا عن التعصب والخلافات والحركات والاحتجاجات واللى واضح انها مش هتغير حاجه غير انها هتوسع الفجوة بين شباب البلد والموضوع هيبقى احزاب زى زمان
يا ريت فعلا يبقى فكر جديد بمعنى الكلمه

قشطة

جميل وانا معاك يا ابو الزهراء بس ممكن نضيف بعض المواصفات الجديه ولكن لست معك فى صفة اللغه هذه دى وجهة نظرى انا
بس انا اريد ان اضيف صفه وهى الدفاع عن (الدين )والمقدسات الدينيه وان يكون قوى فى الدفاع فى هذا المجال بالذات
وجزاكم الله خيرا على هذه المواصفات وهذه الاختيارات

ربنا معاكو ياشباب
اكيد هنختار الافضل؟؟؟؟؟؟

شكرا مروركم الكريم
ولكل منا وجه نظر يجب ان يعرضها فنتناقش ونتحاور ثم نتفق

طب ايه رايكم لو ال عاوز يترشح يقدم برنامج مكتوب يعبر عن فهمه ووعيه او نختار واحد ونقدمه احنا واكيد البلد فيه ناس كتير جدا على علم وثقافة وخلق

يعنى نختار مرشح ولا نختار برنامج ؟؟؟؟؟
والله انا شايف اننا زى انت ما قلت نحدد ايه اهافنا الاول ايه متطلباتنا وعلى اساس البرنامج اللى العضو يقدمه نشوف الانسب ويكون الاختيار على هذا الاساس

قشدة

موضوع جميل يا ابو الزهراء
وبالنسبه لى
مواصفات عضو مجلس الشعب
- يكون واحد مننا (وننسى قصيدة ابن البلد اللى خلو عقلنا فى ودانا بيها )
ذوأخلاق عالية ولديةمؤهل عالى ويفضل درجة دكتوراه
-لايملك الفدادين والمصانع والشركات
-عارف يعنى اية معنى الجوع والغربة والمشى فى الشمس وقسوة البرد
-لايكون من عائلات ارستقراطية وليس لة تاريخ سلطوى
-يكون وقف فى طوابير العيش وطوابير المصالح الحكومية وشعر بالرشوه
-ان يكون خاضع للسؤال ويحترم الكبير والصغير المثقف والعادى
وكل واحد شايف فى نفسة المواصفات السابقة يترشح
وطريقة الإختيار - كل واحد يكون سيد قراره فى الإختيار
بدون وصايةوفرض الرأى وبعد نهاية الدورة الإنتخابية نقيم
الشخص دة كل واحد مع نفسةدون وصاية وتجمعات وفرض الرأى
بكل بساطة وادب وكل واحد يتحمل مسئولية اختياره نفسة 0
ملحوظة : هيكون دم الشباب اللى مات فى رقبتنا كلنا لو نجح رمزمن رموز الحزن الوطنى السابق لو وصلت اننا نمنعهم من الترشيح على الأقل الدورة
دى ودا للأسف دور الحكومة

هزود حاجه بسيطه بس ان شباس جزء من دائرة قلين يعني احنا نختار من كل مرشحي الدايرة مش مرشحي شباس بس ولا ايه رأيكم

هزود حاجه بسيطه بس ان شباس جزء من دائرة قلين يعني احنا نختار من كل مرشحي الدايرة مش مرشحي شباس بس ولا ايه رأيكم

يجب ان نختارالافضل قبل البلد

جميل جدا الحاجات ال انت قلتها يا عادل ودى شروط وافية جدا للمرشح
محمد الجرن المرشح والبرنامج وجهان لعملة واحدة
الأخ جمال مش شرط يكون من شباس لأنه مش هينفع شباس انه يكون العضو منها او من برة عضو مجلس الشعب دوره رقابى وتشريعى يعنى مش هينفع حد ولا هيجيب وظايف ولا حتى هينفع نفسه بس احنا لازم نختار الشخص ال يعبر عن الجميع ويقف بوجه الظلم