[b] السلام عليكم ورحمت اللة وبركاتة فى البداية لابد ان نتفق على ان المرحلة القادمة بعد الثورة تحتاج الى مواصفات جديدة للشخص الذى ينبغى ان يكون عضو مجلس الشعب فى العهد السابق كان اى عضو فى اى دائرة مهامة المعتادة هى اصدار قرارات علاج حل المشاكل الشخصية لاى فرد فى المصالح الحكومية -حل مشكلة تاخر تنفيذ الصرف الصحى فى القرى التابعة لة -توظيف الاشخاص المقربين منة والمؤيدين لة وبعض المحتاجين واشياء اخرى فردية وليست عامة فهل هذة المواصفات مطلوبة فى المرحلة القادمة ارجو من الاعضاء المشاركة فى وضع موصفات لعضو مجلس الشعب القادم وبالنسبة لقريتنا هل كل من الاشخاص الاتية تنطبق عليها الموصفات الجديدة (الكابتن محى القطان -الكابتن مراد القطان - الدكتور سامى حامد -اى شخصية اخرى من المرشحين السابقين)وللعلم بالنسبة لى فانى فى كل فترات السابقة من مؤيدى الكابتن محى القطان لانه قام بعمل خدمة شخصية لوالدى وهى عملية قلب مفتوح عام 1998

كويس ان يكون الواحد فاكر للجميل
بس مش معنى كدة انى انتخبة

مبدأينا فمن لم يشكر الناس لا يشكر الله_ فنحن لا ننكر فضل كل من أحسن إلينا _ ولكن هل هذه الخدمات خالصه لوجه الله أم يريد صاحبها مقابل ؟ وعلي أي حال أظن ان لابد أن تتوافر هذه الشروط ف العضو القادم
_ أن يكون شاب لايزيد عن ال 35 أو 40 سنه
_أن يكون شخص ذو خلق ومعروف عنه النزاهة وصحة ذمته الماليه
_أن يكون ذو فكر عالي وثقافه كافية ليمثل من سينتخبه
_أن يكون من أبناء قريتنا ويكون من المقيمين الدائمين بها وان لا يكون مجرد زائر لها

ازيك يا محمد اولا اتمنى ان تكون بصحة جيد انا حبيت ان اعبر عن اتجاهى فى الفترة السابقة واننى حتى الان لم احدد اتجاهى نحو اى مرشح لان محدش عارف لحد الان من اللى هيترشح اما فى الفترة السابقة انا كنت بنخب الكابتن محى القطان مش بس علشان خدمة قدمها لى بس لاسباب اخرى وحبيت اكون واضح من الاول والسؤال هل كل من الكابتن محى القطان ولا الكابتن مراد القطان ولا الدكتور سامى حامد او غيرهم من المرشحين

اكمل ينفعو ا ليكونوا مرشحين للفترة القادمة جايز حد فيهم ينفع

ازيك يا عبدالرحمن بتفق معاك بس فى صفات تنية ارجو اقتراحها

اسف عن الخطأ الاملائى (صفات ثانية او اخرى )

أنا بصراحة طالما فيه حرية رأي مش شايف حد فيهم ينفع حتي يكون عضو مجلس قروي مش محلي حتي

الحمد لله يا أبو مصطفي _ إذيك إنت ؟
أنا نسيت كمان صفه وهي
_إنه مايكونش ظابط ولا له أي علاقه بالداخليه من قريب أو بعيد
وبعدين إقترح إنت ياريس بقي

اقترح ان يكون هتاك مجلس شورى لشباس عمير حيث تقدم كل عائلة فى البلد شخص يتكلم باسمها ويتم عرض مجموعة من الشخصيات العامة فى البلد ويتم اختيار المرشخ بالتصويت وعلى العائلات الالتزام بنتيجة التصويت

اريد ان اوضح انة فى الاوانة الاخيرة توجد انقسامات فى العائلة الواحدة لذ اقترح ان ندعو للتصالح والتسامح داخل العائلة الواحدة لعودة العادات والتقاليد الاسلامية الحميدة التى ان شاء اللة هترفع من قدر قريتنا وشعبنا وامتنا

وانا اقتراحى لو شباس عمير كلها عاوزة تترشح عادى جدااا كل واحد يدى صوته والصندوق هو الفيصل لاننا اليوم فى عصر الحريات ومش من حق اى واحد انه يجبر حد على عدم الترشيح .

وانا اختلف معاك يا عبدالرحمن فى مسألة العمل لان ممكن يكون ضابط البوليس ده رجل كويس لانه من الشعب وممكن يكون شغال فى نظام فاسد بس هو رجل كويس وكان بيعمل الشئ الذى يرضى الله.

السلام عليكم ورحمة الله وبركاته
والله يا ابو مصطفى فكره خطيره جدا فكرة مجلس شورى البلد بس ياترى ينفع فى شباس انا عن نفسى باقول ياريت يتحقق يبقى خطوه روعه

ازيك يا محمد انا على فكرة خالك ومشكور على المشاركة

يعني ايه خاله هو تهديد
او فرض رايك يا ابومحمود
هههههههههههههههه
وعلى العموم فكرة مجلس الشورى ممتازة

ازيك يا شريف باشا ايوة انا خال محمد يعنى يسمع الكلام واجو منك طرح بعض المواصفات بعيدا عن الميول الشخصية

محمود باشا وحبيب قلبى اولا انت وحشنى جدا ويا رب تكون بخير وده اول تعليق ليه فى الموضوع لان العمده كان داخل من عندى وهو اللىكان بيعلق

ثانيا انا اتفق معاك فى النقطة الخاصة بمجلس الشورى فكرة رائعه واتمنى انها تتحقق فى بلدنا
وبالنسبة لمواصفات عضو مجلس الشعب اوالعضو المناسب لشباس فانا وجهة نظرى انه ليس من حق اى طرف انه يمنع الاخر من الترشيح او المشاركه
بمعنى انه من حق الجميع الترشيح ومن حقنا اننا نختار اللى احنا شايفينه مناسب طبعا بعيدا عن الميول الشخصية فالفترة القادمه محتاجه مننا جميعا ( كشباب ) اننا نشووف الاصلح لبلدنا

وبنكرر للمرة الالف يا ريت الشباب الموجودين فى البلد يكون ليهم مناقشات ولقاءات مع الاعضاء جميعا ويكون فيه مناظرات بين الاعضاء وكل واحد يوضح لينا ايه منهجه وفكرة فى الفترة القادمه وطبعا البرنامج ده مش مقتصر على شباس فقط لالالا ابسونوتلى على راى ابو اكرم اخويه
احنا محتاجين نعرف فكره بالتسبه لدوره الرقابى ودوره فى مجلس الشعب بخصوص القضايا العامه وقضايا الفساد

يعنى من الاخر عاوزين عضو مجلس شعب يكون ليه كيان ودور مش مجرد يحضر يسقف وعشان يعرف يجيب التاشيرة من الوزير يتخلى عن دوره الرقابى فى المجلس

يا شباب احنا محتاجين نغير من فكرتنا ونظرتنا لعضو مجلس الشعب ولدوره الحقيقى فى الفترة القادمه
ولكن وبرغم كل الظروف لازم نقول

قشدة

حلوه أبسونوتلي دي يا قائد محمد
هههههه قشطه ياريس

حبيبى يا عبود انت فين ياعم بتروح فين

قشدة يا قائد عبده

بروح بس باجي بسرعه
هههههههه

ههههههههههه ااااااااه شغل الجوالة هيشتغل اهه فين ايام زمان يا نجم


قشدة

أيام زمان ماتت مع الثورة وبقينا بنعيش زمن تاني يا ريسنا

معلش يا خال انا اسف مش هتكلم تانى غير لما تقولى
ههههههههههه

iiiiiii

مشكور يا ابو مصطفى على الموضوع
فكرتك رائعه نتمناها ولكن طبيعه شباس عمير وعمدة المنتدى سيوافقنى الرأى لها طابع خاص يختلف عن جميع قرى المركز فشباس عمير تعرف معنى الانتخابات والانتخابات تعنى اختلاف الاراء والميول .فمن الصعب الاجماع على شخصيه معينه ومن هنا فحريه الترشح مكفوله للجميع
ثانيا انا لا اعترف بقيد ولا شرط للمرشح غير الشروط الاجتماعيه بمعنى سلوكه وسيرته
غير هذا فلا شرط او قيد غير حبه للعمل العام وقدرته على ارضاء طموح من ينتخبه ومن لا ينتخبه دون النظر لوظيفته او عائلته او قدراته الماليه
ولان السياسه هى الإجراءات و الطرق التي تؤدي إلى اتخاذ قرارات من أجل المجموعات و المجتمعات البشرية
وايضا يمكن أن تستخدم للدلالة على تسيير أمور أي جماعة و قيادتها و معرفة كيفية التوفيق بين التوجهات الإنسانية المختلفة و التفاعلات بين أفراد المجتمع الواحد ،
وايضاكيفية توزع القوة و النفوذ ضمن مجتمع ما أو نظام معين .
من هنا كانت السياسه لاتعترف بأى شيى ولا تقر اى شيئ ومن تحسبه ميت فى السياسه هو حى والعكس

أعتقد أن كل الشعب المصرى كان جزء من النظام السابق ... فأنا وأنت وكلنا كنا جزء من نظام فاشل
فاسد فانا وانت تخرجنا من كلية يرأسها عميد عينه الوزير اللى عينته الحكومة اللى عينها الديكتاتور مبارك

ولذلك أرى برأيى المتواضع ان كل الأسماء المطروحة سابقا لاتنفع ان تكون عضو مجلس شعب فى المرحلة المقبلة
ولا أنا ولا أنت باعتبارنا كلنا من النظام السابق


ولذلك أرى ان الذى يصلح ليكون عضو مجلس شعب قادم أو حتى ليكون رئيس جمهورية قادم

هو أى فرد أو أى إنسان إتولد بعد يوم 26 يناير 2011م


قشطة

ابو اكرم كلامك جميل بس لا تنسى اننا جميعا ولدنا بعد يوم 26 يناير وذلك هو تاريخ ميلادنا الحقيقى

أبو مصطفى كيف حالك و الله العظيم فكرة فى قمة الروعة وأنا شايف ومؤيد إن دى الفكرة الوحيده اللى هتجمع البلد وأنا ناديت بيها فى أحد المواضيع من غير ما أشوف إنك سبقتنى وكتبتها .

فعلا لازم كل عائلة تجتمع على كلمة راجل واحد عاقل يعتبره الجميع زى ما بنقول كبير عائله ويكون له سلطة عليهم وتكون العائلة تحت أمره وتصرفه ودى مسأله مش هتبقى سهلة بالنسبه له لأن أي إساءه منه أو له هتكون وجه العائله كلها. فياليت إخوانا الكبار اللى فى المنتدى يعطونا آرائهم الجديه التى من خلالها هنبدأ التنفيذ.