والله يا جماعة انا زعلان من ال بشوفه من التعليقات لو كنت اعرف ان هيوصل بينا الحال ان ناس تصطاد الاخطاء لناس وان ناس بتغلط ناس وناس بتشتم فى ناس مكنتش فكرت يوم فى هذا المنتدى ولكن الحمد لله على كل شئ .

فياريت من كل الاعضاء الالتزام بأداب الحوار وعدم الخروج عن نطاق الموضوع نفسه يعنى محمد أبوبكر حابب يستفسر عن حاجة معينة طلع 500 تعليق بس كلهم بره نطاق الموضوع نفسه فلذلك انقطعت عن التعليق علشان مش حابب ال انا شايفه .
و ياريت يا جماعة محدش يتريق على حد فى التعليقات ولا حد يشكك فى وطنية حد لان ممكن يكون رأيى مختلف مع راى اخر ولكن لايقوم الطرف الاخر فى التشكيك فى وطنية حد لاننا كلنا مصريين ومش معنى ان واحد نقل خبر معين يبقى بالضرورة ده رأيه ..

ولو خدنا بالنا كلنا من الشعار هتعرفوا المنتدى هدفه ايه فياريت ياجماعة نتواصل مش نتخانق ونتفرق و قبل كده زعلتوا منى لما قلت ان كلنا لازم نعرف نفسنا لبعض علشان المنتدى للتواصل ...
المنتدى (لتواصل أبناء شباس عمير فى كل مكان )
وعاوز اقول حاجة انت عندما تسجل فى المنتدى توافق على شروط قد وضعناها وتعتبر عهد عليك .فحابب اذكركم بقوانين المنتدى

قوانين المنتدى

أولا : منتدى أبناء شباس عمير للتعارف والتواصل بين أبناء البلد الواحدة لذا عليك اخى الكريم /اختى الكريمة التسجيل باسمك الحقيقى او قم بتعريف نفسك للجميع اذا سجلت باسم مستعار واذا لم تقم بالالتزام بهذا الشرط فسوف تعرض عضويتك للايقاف
ثانيا :الا يكون غرضك الاساسى من المنتدى هو مهاجمة شخص معين

وتذكر قول الله تعالى ما يلفظ من قول إلا لديه رقيب عتيد


واظن ان اغلب الاعضاء وافق على هذه الشروط يعنى تعهد بهذه الشروط .


بالنسبة لموضوعك يا محمد ابوبكر ان اعتقد ان جبت ال عندى من مقالات قرتها وفيديوهات فجبتها لك علشان تشوفها مش اكتر سواء تقتنع بها ام لم تقتنع ...

اسكت بقه يا بكر انت السبب وخلاص لا تجادل ولا تناقش ههههههههه

يا جماعه رجاءا يا ريت نهدى وارجو عدم التلميح والسخرية فى التعليقات وبعد ازنكم جميعا اى تعليق هيكون فيه سخرية او تجريح هيتحزف فورا لانناالمفروض نكون اكبر من كده
والمنتدى ليه قوانين ومن اهمها اننا نحترم بعض
ارجو من شباب المنتدى مراعاة فروق السن فى اثناء الحوار حتى لو كنت بتعترض او مش متفق معاه
وبناكد احنا كلنا اخوات واصحاب ولا يصح اننا نكلم بعض بالاسلوب ده


وكل التحيه والتقدير لكم جميعا


حبيبى ابو كمال وحشنى جدا ومن زمان اوى اوى
وسلامى بقه الخصوصى جدا للقائد عبد الرحمن حبيب قلبى اللى وحشنى جدا ومختفى من زمان

منتدانا هو ملتقى محبتنا

ماشى يا حمو انا هاسكت خالص لان انا اصلا عرفت كل حاجه ومش هاجادل زلا هناقش لان واضح ان انا السبب بجد

جزاك الله خيرا ع الموضوع الجديد والجميل ده يا أبوحميد

مشكور اخ محمد ابوبكر على الموضوع وانا لى وجهه نظر فى تعليقات المنتدى والموضوعات الموجودة ولى ملاحظات لاتعبر الا عن رأيى
اولا هناك فكر معتدل وبناء وصائب ومحترم يقودة الاخ عزالعرب ومحمد عزالعرب ومحمد ابو بكر وبعض الاخوة الافاضل وهو يعبر بديمقراطيه وخفه دم ناتجه من معدن نفوس صافيه ليس لديها مصلحه. فهم قد امتعونا بمواضيع وتعليقات اثرت المنتدى دون تجريح او استهزاء او تكبر فهم مثال الشباب الناضج الحر
وهناك فكر متطرف ينادى بالديمقراطيه وهو فاقدها يريد ان يفرض وجهه نظرة على الاخرين ارادوا او ابوا. فكر ملئ بالشوائب والمنهج الاعمى فكر صامت صميم.يقودة الاخ ابوصهيب والاخ الضؤ الشارد لايعجبهم العجب ولا الصيام فى بالله عليكم هل هناك بنت تذكر كل هذه الاسماء بدون شعور بالحياء

قائدنا محمد وحشتنا ياعم واوعك تنسي ان لازم نقول قشطه




قشطه

كده انت يا عبد الرحمن هتتهم بالسخريه و النفاق و يتقال عليك خالفت شروط المنتدى برده،،،
أمال يا عم بنت،،بنت من بنات اخر زمن

ارجوكم استعرضو جميع موضوعات العضوه ريم التي علقت فيها قبل اليوم ،
للعضوه ريم 7 مواضيع اسهمت بتعليقات فيها
منهم 6 مواضيع لكاتب واحد
هل فعلا ريم أنثى؟ ؟
أشك

لازم كلنا يا جماعة نعرف بعض علشان انا قلت الكلام ده من زمان فى موضوع رسالة الى الاعضاء المجهولين فى المنتدى فيه ناس عرفت نفسهم وفيه ناس زعلت وده ال كنا بنقول عليه لان فيه ناس كتير موجودة فى المنتدى معرفهاش وناس كتير متعرفهاش فياريت كل واحد يعرف نفسه علشان المنتدى للتواصل بين ابناء شباس عمير فى كل مكان ...

معلومة الاخت او الاخ ال مسجل /ة باسم ريم مسجلة من يوم28/04/2010 والبيانات دى محدش يقدر فيها اى شئ ولا حتى
ادمن شركة احلى منتدى يعنى مش ادمن المنتدى .....
رسالة الى كل عضو مجهول فى المنتدى

الاخوه الاجلاء اعضاء المنتدى الجميل وابناء مصر الحره
تواترت اخبار عن وجود المتحدث الرسمى باسم جماعة الاخوان المسلمين اللى بقت حزب سياسى على مع اعتقد فى قلب ميدان اللؤلؤه فى البحرين مناصرا للرافضه (الشيعه )



م الآخر:
هذا الأمر لا يرضاه عاقل
ولكن لا يجوز أن نحكم علي مجموعة بفعل فرد فيها

الفقرة لأولي من كلام صاحب الموضوع

عارفين ان تاريخ التسجيل كده ،،،
بس الغريب ان انته يا ادمن بتذكر التاريخ ،،
و الاغرب انك انته نفسك مش متأكد انه بنت ولا ذكر،،
أصل انا فاكر يوم ما انا حاولت اسجل ف
ي المنتدى بتاعك ده انته كنت معلق تفعيل تسجيل عضويتي لحد ما كلمتنى على المسنجر ، أكيد انته فاكر ،،،،
و اندهشت جدا يومها من سؤالك ليا انته :
انته مع مين في الانتخابات ؟
ولو انته نسيت أنا رديت عليك بتلقائيه و بدون تفكير و قلتلك: لا أحد طبعا،،،
النهارده عايز اسألك : بما انك ما وافقتش على تسجيلي الا لما كلمتني ، إذن انته أكيد عارف اذا كان ريم ولد ولا بنت ،،، ليه عامل نفسك مش عارف بخاصة ان تاريخ التسجيل انته لسه قايل انه من زماااان،،،
انا بس مستغرب ،، انما انا نفسي مش عايز اعرف ريم ده يبقى مين ،،،،
بس و النبي بلاش تتكلم عن اننا شعب ماعندوش ثقافة الحوار و الكلام اللي بالشكل ده ،،،
عشان انا حاورت كل المجترمين في المنتدى بتاعك ،، ماحدش فيهم اتكلم معايا باسلوب ري بتاع الاخ/ ريم ،،، وكنت محترم مع المحترم و اعتقد انك واثق زي ما كتير جدا واثقين اني باحترم المحترمين و مش بادخل في مهاترات و حوارات قليلة الادب ،،،،،
انته كنت شايف امبارح مقدمة اللي حصل النهارده و كان ليك رد ،،،

النهارده كنت شايف و ساكت ،،،

شوف يا أدمن :
انا اه محترم مع المحترم ، بس ده مش معناه ان اي حد يطول لسانه هاسكتله عشان انا محترم ،،،،
و انته عمال تهدد نشطب العضويه و بتتكلم كاني انتهكت قوانين الشرعيه الدوليه اما رديت على تطاول عليا و على غيري،،،،
و قلت انك ندمان انك عملت المنتدى ،،،،،

لا ماتندمش انته ،،،،

خليلك منتداك ،،،،،

انا بصدق اللي ندمان اني عرفت منتداك
،،،
فاكر لما وعدتني انك مش هتتكلم عن اسمي الحقيقي ،،، كنت أمين و حافظت على وعدك ؟؟؟
انا عمري ماناقشت أمور شخصية مع حد هنا ،،،،،

فلا داعي اطلاقا لان اعلن من انا ،،،،برغم انك عرفت اني ليس لدى ما اخجل منه ،

أدمن :

انت أجبرتني يوما ان أقول لك انك و ان كنت صاحب المنتدى فأنت لست صاحب الانترنت ،،،
قلت لك هذا من ايام قلائل ،،، وهاأنذا أذكرك

اولا انت متأكد انى سألتك سؤال انت مع مين فى الانتخابات ؟
اجيب مصحف احلفلك عليه انى لم اسالك هذا السؤال وبعدين انا كنت كلمتك لانى كنت فعلت عضويتك وكلمتك علشان اقولك انى فعلت عضويتك وده مش معاك انت لوحدك ده مع كل الناس ال بتسجل وبيتفعل عضويتها ومتكنشى دخلت
وعلى العموم انا مش هرد عليك لان مهما كان اكبر منى سنا بس لو انا فعلا زى انت ما بتقول ربنا ينتقم منى ولو انا فعلا غير انت ما بتقول ربنا ينتقم منك لان الحمد لله عارف ضميرى عامل ازاى؟ وربنا يحسبنى عليه .

معلومة : عمرى ما كلمتك وقلت انت مع مين فى الانتخابات وياريت تفتكر شوية لان الظاهر حضرؤتك ناسى

الضوء الشارد كتب:

عارفين ان تاريخ التسجيل كده ،،،
بس الغريب ان انته يا ادمن بتذكر التاريخ ،،
و الاغرب انك انته نفسك مش متأكد انه بنت ولا ذكر،،
أصل انا فاكر يوم ما انا حاولت اسجل ف
ي المنتدى بتاعك ده انته كنت معلق تفعيل تسجيل عضويتي لحد ما كلمتنى على المسنجر ، أكيد انته فاكر ،،،،
و اندهشت جدا يومها من سؤالك ليا انته :
انته مع مين في الانتخابات ؟
ولو انته نسيت أنا رديت عليك بتلقائيه و بدون تفكير و قلتلك: لا أحد طبعا،،،
النهارده عايز اسألك : بما انك ما وافقتش على تسجيلي الا لما كلمتني ، إذن انته أكيد عارف اذا كان ريم ولد ولا بنت ،،، ليه عامل نفسك مش عارف بخاصة ان تاريخ التسجيل انته لسه قايل انه من زماااان،،،
انا بس مستغرب ،، انما انا نفسي مش عايز اعرف ريم ده يبقى مين ،،،،
بس و النبي بلاش تتكلم عن اننا شعب ماعندوش ثقافة الحوار و الكلام اللي بالشكل ده ،،،
عشان انا حاورت كل المجترمين في المنتدى بتاعك ،، ماحدش فيهم اتكلم معايا باسلوب ري بتاع الاخ/ ريم ،،، وكنت محترم مع المحترم و اعتقد انك واثق زي ما كتير جدا واثقين اني باحترم المحترمين و مش بادخل في مهاترات و حوارات قليلة الادب ،،،،،
انته كنت شايف امبارح مقدمة اللي حصل النهارده و كان ليك رد ،،،

النهارده كنت شايف و ساكت ،،،

شوف يا أدمن :
انا اه محترم مع المحترم ، بس ده مش معناه ان اي حد يطول لسانه هاسكتله عشان انا محترم ،،،،
و انته عمال تهدد نشطب العضويه و بتتكلم كاني انتهكت قوانين الشرعيه الدوليه اما رديت على تطاول عليا و على غيري،،،،
و قلت انك ندمان انك عملت المنتدى ،،،،،

لا ماتندمش انته ،،،،

خليلك منتداك ،،،،،

انا بصدق اللي ندمان اني عرفت منتداك
،،،
فاكر لما وعدتني انك مش هتتكلم عن اسمي الحقيقي ،،، كنت أمين و حافظت على وعدك ؟؟؟
انا عمري ماناقشت أمور شخصية مع حد هنا ،،،،،

فلا داعي اطلاقا لان اعلن من انا ،،،،برغم انك عرفت اني ليس لدى ما اخجل منه ،

أدمن :

انت أجبرتني يوما ان أقول لك انك و ان كنت صاحب المنتدى فأنت لست صاحب الانترنت ،،،
قلت لك هذا من ايام قلائل ،،، وهاأنذا أذكرك

اولا انا النهاردة وقت التعليقات دى مكنتش هنا فى البيت وكنت بره حتى اسالوا طارق محمد ال هو طارق القطان ياريت يا دكتور ايمن تقول لطارق مين ال كان عندك المغرب وكان بيعمل وقابلنى فين .
ولما قريت تعليق الدكتور ايمن علقت على كلامه ساعة ماقال ياريت يا اخ عماد الدين تعرفنا نفسك من غير نا اشوف باقى التعليقات .رجااااء من الدكتور ايمن الاتصال بطارق القطان علشان يسأله .

انا مكنتش شايف وساكت لانى تقريبا من الصبح لحد العصر كنت بعمل المجلة ال كان الاستاذ محمود حشلة مكلمنى عليها وال رفعتها لمحمد عز العرب وهو الوحيد ال شافها لحد دلوقتى .

وعمرى ما هددت حد بشطب عضويته الوحيد ال اتشطب عضويته لحد دلوقتى هو صقر مصر وطبعا محمد عز العرب هو الوحيد ال شاف تعليقه وعلشان كده شطبته من غير مشوره من حد ولما بوقف عضوية حد بستاذن منكم فى رسايل خاصة ولما يرجع برده بستاذن منكم فى رسايل خاصة ...

انا عمرى مانتدمت ان المنتدى اتعمل بس نتدمت لما شفت التعليقات الخارجة من بعض الاشخاص وخناقات وخلافه واذا كنت انته ندمان فانامش ندمان وعمرى ما هندم على حاجة عاملها لوجه الله علشان نقرب البعيد ..
وبخصوص الامانة على اسمك انا كنت فاكرك من عائلة زعلوك حتى وانت قلتلى اسمك مهتمشى من انت بقدر ما اهتميت انى اعرفك ان عضويتك اتفعلت علشان نتواصل كلنا مع بعض وعل فكرة الوحيد ال قلتله من انت هو قالى على اسمك ..

ثانيا المنتدى ليس ملكى ولا الانترنت ايضا ليس ملكى ..

ولكن معلومة عمرى ما سألتك انت مع مين فى الانتخابات ولا عمرى سألت حد قبلك ولا بعد ........

بعد اذن جميع الاعضاء لو فيه عضو كنت سألته انت مع مين فى الانتخابات يقولى ؟

ترددت كثيرا قبل ان ارد على هذ الموضوع
اولا ليس على الموضوع الاساسي ولكن على التعليقات التي اتت بعدالموضوع الاساسي
الاخ كاتب الموضوع سال سؤال وطلب الرد
هل هو قصور عنده لا والف لا بل عنه المعلومة بس حب يتاكد من اخوانه في المنتدي زي مقال الادمن على البوابة منتدي شباس للم الشمل وتوعية الفكر وحرية الحوار وادب التعبير ونمو فكر الاخوة ونبذ التخاصم والتباغض والاختلاف في الراي لا يفسد للود قضية واحتواء الكبير للصغير وعرض لكل من الصغير والكبير وجه نظرة دون التجريح او المس بالكرامة او لفظ الالفاظ البذيئة او اتهام الناس بالباطل او تشبيههم بالسفاء والسوقية وانتمائهم الى فئة رزيئلة او الخوض في اعراض الاخرين
ابدا لم يكن هذا هدفنا ان نسفه بعض او نحتقر الاخر او نحجر على راية او نستهزئ بالاخرين
اين اذا كبير السن واين الفرق بين الكبير والصغير انا لن اذكر احد باسمه فيا ليت ان يصل ما في قلبي من حرقة والم على ردود هذا الموضوع الى من قاموا بالرد عليه
الاخوان او الشيعة او غيرهم من يعرف معلومة صحيحة عنهم يذكرها ومن لا يعرف لا يتفلسف او يضل الاخرين كلنا هنا دخلنا وبيننا الثقة في انتقاء المعلومة
كلنا دخلنا وكلنا ثقة ان نخرج باكبر عدد من الاخوة المفقودة
كلنا دخلنا ويملء الامل قلوبنا ان تنمو قريتنا وتزدهر بأبنائها اني في غاية الخجل والاسف على ما سمعته من ردود الاخوة
اسف للاطالة
اكرر اسفي
بعد اذن ابوامنية حبيب قلبي الذي زاد حبي له عن طريق منتدى شباس
اطلب من الادمن حذف الموضوع

اخى الكبير شريف اشكر لك فكرك الراقى وذوقك العالى
واحب اقولك ان القلوب عند بعضها ويؤسفنى جدا ماحدث والله بجد مش لاقى اى كلام يعبر عن اللى جوايا من الاسى انا عرضت الموضوع ولم اجد رد موضوعى ولا اجابه شافيه على الاقل تبرر لى ما حدث ولكن ما علينا ولكن النقاش فى هذا الموضوع اظهر لى اشياءا كثيره لم تكن تخطر لى على بال
وصدق المثل القائل او الحكمه القائله الناس معادن وليس كل ما يلمع ذهبا
واذا طلبت من الادمن ان يحرق الموضوع مش بس يحذفه مش هاقدر اقولك لا وانا موافق على كلامك وشكرا لكل من شارك بتعليق فى الموضوع

فيه إقتراح تاني لو ممكن الأخ الأدمن يحذف كل التعليقات ويترك الموضوع فقط ويتم الرد من جديد بموضوعيه ويكون الرد في صلب الموضوع_
بالنسبه للأدمن في شهادة حق لازم أذكرها إن يوم الضوء الشارد تم تفعيل عضويته إتصل بي وقالي إن إنت سألته عن مع من ف الإنتخابات وأقسم بالله هذا ما قاله لي _ لكن لا أعرف إنك سألته أو لأ _ وأرجو من الجميع أن يكون عنده تجرد لله أو نسامح و نصفح لكل من أساء إلينا لأن من يبدأ بهذا فأكيد هو الأفضل والأخلص

واقسم بالله العظيم اانا لم اساله هذا السؤال وان افاكر نص الحوار ال دار بينى وبينه كويس وكان على موضوع فى الادب والشعر ان فيه واحد كاتب شعر عن شباس وقالى ان ده مش شعره ده شعر مسروق ويعتبر بيسرق حقوق الملكية قلتله عادى ممكن واحد غير بعض الكلمات وقالها لشباس فدى متعتبرشى سرقة وعمرى ما سألت حد هو مع مين فى الانتخابات وكنت عامل التفعيل من عندى لان فيه ناس طلبت منى ده حتى اسال محمد عز العرب لما كان فيه تصويت وفيه واحد سجل حوالى 10 عضويات مرة واحدة علشان الاستفتاء ال كان معمول ولان فيه ناس بتسجل علشان تتدخل تغلط مش اكتر حتى لما قالى اسمه كنت فاكر زعلوك ومهمنيش حاجة تانية مع مين ولا ضد مين لكن كنت عاوز اعرف اسمه علشان فيه ناس مسجلة باسماء مستعارة علشان تغلط واحنا كنا فى وقت انتخابات وكنت مفعله قبل ما يقولى اسمه بس حبيت اقوله ان اشتراكك اتفعل حتى اسأل الاستاذ محمد عز العرب لانه تقريبا على اتصال دائم مع بعض وكل كبيرة وصغيرة هو عارفها ولو كنت فعلا سألته ولقيت كده كنت هفعله طالما انى واخدها ميول انتخابية .
وبعد اذن الجميع وبعد اذنك يا استاذ محمد ابوبكر بصفتك كاتب الموضوع وانت عارفنى من يوم لما كان المنتدى عدد بسيط جداااا وبعد اذنك يا استاذ شريف وانت عارف مدى معزتك عندى الموضوع مش هيتحذف علشان لو كان فيه حد تانى قلتله انت مع فى الانتخابات يكتب ويقول علشان لو كنت فعلا كده فربنا ينتقم منى ولكن لو مكنتش كده ربنا يسامح ال قال عليا كده ...

يا اخي / أحمد
بالله عليك تروق شويه
يا اخي انا لست ملاكا , و لكني لا اكذب و الحمد لله ,
و اقسم انا بالله اني كنت ناسي اني قلت لعبد الرحمن ,,,,

عموما يا اخي جل من لا ينسى ولا يسهو ولا ينام ......

انا بقول انك نسيت .......

يا / احمد
الكل هنا في المنتدى و خارج المنتدى ايضا يعرف مدى انتمائك للحزب الوطنى و لمرشحه عن بلدنا ,,,,,,,,,
هوه انته ليه معلق على الحكايه دي يعني ?!
انت واحد من ملايين المصريين اللي كانو منتمين للحزب الوطني و انته حر ,, حب اللي تحبه و اكره اللي تكرهه ..........

بس مش معنى انك أدمن , و انك بتحب الوطني
انك تقبل ان العضو الملقب / ريم اللي هوه برضه وطني جدا من خلاب مساهماته السابقه , يدخل يطول لسانه و يغلط فيا و في عبد الرحمن و في ابو صهيب و يغلط في جماعه الاخوان اللي انا مش منهم - ولكن هم افضل مني - و لما انا ارد الاهانه تيجي انته تجيب العاطل في الباطل و تقول الشعب المصري ماعندوش ثقافة الحوار .....
اصبح التطاول اللي بدأه /ريم ثقافه و كان حوار من وجهة نظرك ....
و اصبح ردي على الاهانه اني ماعنديش ثقافة حوار ....
ينفع كلامك ده ?!


و تجيب العاطل في الباطل وانته بتكلم احد الاعضاء و تقول انا لو اعرف ان الاسلوب ده هيحصل ماكنتش فكرت اعمل المنتدى ,,,,
ياراجل ?!

أرجوك يا عبد الرحمن
أرجوك يا أخ ادمن
ارجو كل الساده المحترمين في المنتدى
ان نغلق الحوار في الموضوع ده .

وانا اعتذر لكل محترم عن اسلوبي الذي انحدر رغما عنى دفاعا عن نفسي و كرامتي , و لكن الاسلوب الذي هوجمنا به انتم جميعا تعرفون انه غير لائق .....
وارجو ان لا يتكرر

شكرا لكم

الحمد لله الكل يعرف ما عندى وانت حكمت بإيه انى انتمى للحزب الحمد لله مليش عضوية فى الحزب وبعدين دى حرية ليا اؤيد مين واقف ضد مين وبعدين كويس ال حضرتك قولت انه ابن بلدى .
وبعدين العضوية مفتوحة للعضو انه يفعلها بنفسه يعنى كانت تفعيل العضوية وقت معين .
وبعدين ريم دى لااعرف هيا مين ولا اذا كان ولد ولا بنت وبعدين لو ريم ايا يكن لماذا انترفزت وزعلت لما قال او قالت رأيها علشان تعرف ان احنا لانتقبل رأى الاخر ومعندناش ثقافة الحوار ..

بس حضرتك قولت انى سالتك انت مع مين فى الانتخابات ؟
وده عمرى ما سألت لحد سواءعن طريق المنتدى او غير المنتدى حتى فى الحياة العامة والله العظيم السؤال ده عمرى ما سألته لحد ...

وانا فاكر نص الحوار كويس يعنى ممكن اقولك لما كلمت ابوامال فى التليفون من سنة قالى ايه وقلتله ايه ...

ريم كتب:

وهناك فكر متطرف ينادى بالديمقراطيه وهو فاقدها يريد ان يفرض وجهه نظرة على الاخرين ارادوا او ابوا. فكر ملئ بالشوائب والمنهج الاعمى فكر صامت صميم.يقودة الاخ ابوصهيب والاخ الضؤ الشارد لايعجبهم العجب ولا الصيام فى رجب على رأى المثل
يريدوا ان يفرضوا رأيهم عنوة ومن يخالفهم الرأى فهو لا يفهم ولا يعرف وهم فقط العلماء

يا عم أحمد ! هو ده اسمه وجهة نظر ولا اسمه تطاول؟؟
اللى عايز يقول وجهة نظره يقول يا فلان انت قلت كذا لكن أنا أعتقد كذا . مش متطرف وفاقد مش عارف ايه. وصامت وأعمى والكلام ده ؟؟
ده مش وجهة نظر ده اسمه تطاول على أشخاص وانت كنت موجود فى المنتدى وقتها ومردتش على التطاول .

أنا مش شخصية عامة عشان حد يقول رأيه فيا
وبرده لم أطلب من حد يقول رأيه فيا

دكتور من فضلك
عشان خاطري , اقفل الموضوع ده..
انته مش شخصيه عامه و لا يلزمك ....

ولا انا والا كنت دخلت المنتدي باسمي الحقيقي و لا يلزمني برده ,,

حقك عليا انا , ارجوك انسى الموضوع ده

يا حضراااات الموضوع اخد اكتر من حجمه

خلاص
خلاص يا شارد
عشان خاطرك هنقفل الموضوع

فعلا انا كنت موجود على المنتدى والرد الوحيد ال شفته بظروفها هو رد الدكتور ايمن وبعدين فى خاصية فى المنتدى لو انت فاتح المنتدى وسيبته بدون خروج بيخرجك بعد ساعة من اخر وضع سيبت الجهاز فيه .
ثانيا عندما كانت الردود انا كنت شغال فى حاجة اسمها المجلة وبعد كده مكنتش فى البيت وبعدين انا ردى مش علشان حاجة علشان ال فى دماغه حاجة يطلعها وميظنش فى الناس ظن مش كويس .
ومتزعلش منى فيه اعضاء بينزلوا الخبر كخبر عادى يطلع الاخر ال نزل الخبر ده حاجات وحاجات ..
وبعدين لو الاخت او الاخ ريم قال او قالت رايها او رايه فلو دورت على ردود حضرتك وردود الضوء الشارد تلاقى ان حضرتكم بتنتقدونى فى حاجات كتير حتى اخى اتصل بيا من السعودية قال هو فيه ايه بالظبط ومش هو لوحده دا ناس كتيررررر بس الحمد لله الناس عارفه ال عندى وال فى ضميرى ...

وبرده انا من حقى اقول
أنا مش شخصية عامة عشان حد يقول رأيه فيا
وبرده لم أطلب من حد يقول رأيه فيا

عمرنا مانتقدنا شخصك ولا شخص غيرك ...

و لما انته كنت بتزعل من المناقشه كنت انا بقولك ما تزعلش دي مجرد مناقشه ولا نسيت ,,, ??

عمر ما حد فينا قالك كلمه تجرحك ولا اتعرضنا لشخصك ولا قلنا عليك الفاظ ري اللي اتقالت علينا امبارح .....
باستثناء الموقف القديم اللي انته برده كنت بدأت فيه بالغلط و قلت ربنا لا تؤاخذنا بما فعل السفهاء منا ,,,,
و زعلنا انا و انته و خلص الموضوع لا انت غلطت بعدها ولا انا اتعديت على شخصك ,,,
و كنت دايما في الاول بقولك اما تناقش في مواضيع ما تشاركش كأدمن ,,, شارك باسم تاني , عشان تخلي لكلمة ادمن دي وضع متميز , و غيري برده قالك كده , بس انته مصمم تخلط الامور ,,,


ما حدش فينا قالك مره زي انته ما قلت امبارح : ناس ماعندهاش ادب الحوار .....

انت اللي دايما بتغلط

.......

ويا سيد ./ احمد
من شويه اترجيتك تقفل الحوار و طلبت من عبد الرحمن و من ابو صهيب برده نقفل الموضوع و كفايه كده ,,,,

ايه اخر الموضوع ده يعني ??

يا جماعه كفااااااايه

شكرا يا دكتور

و شكرا مقدما ليك يا استاذ ./ احمد

ارجوكم كفايه

وبعد ما غلطت فى حضرتك اعتذرت لك وبعدين شوف الردود هتعرف كويس هتعرف اذا كنت انتقدتنى ولا ايه ...

وبعدين لو زعلان من اسم الادمن ممكن يتغير وباسمى عادى يعنى مش غلط ان الادمن يقول رايه
ولو غيرت اسم الادمن محدش هيعرف مين ادمن المنتدى لان مفيش اى صلاحيات ظاهرة على الصفحة الرئيسية للادمن ..
وياريت تراجع ردودك فى المواضيع دى
ثلاثون عاما من حكم مبارك
ماحدث ولم يراه احد
ياريت تراجع كلام حضرتك وطبعا فيه موضوعات كتيرة زى سبحان مغير الاحوال وحاجات تانية

معلش ياجماعة حبيت أقول رأي أخير جدا قبل ماينقفل الحوار فى الموضوع
أنا كل اللى يعرفنى يعرفنى كويس إنى مبحبش المجاملات ومبحبش النفاق واللى فعقلى بلاش قلبى على لسانى .
أستاذ الضوء أنا معرفكش و لا دكتور أبو صهيب ولا دكتور أيمن ولا الأخ عبد الرحمن بس جايز أكون أعرف عبد الرحمن . لكن اللى حبيت أوصلهولكم إنى لسه عضو جديد فى المنتدى ومن أول مادخلت المنتدى كنت كل اللى بشوفه من ردودكم كأن شغلكم هو نقد المواضيع ( نقاد ) وآراءكم فعلا هى الاهم اللى لازم كل واحد يقتنع بيها وكأنكم مشكلين دائرة اللى يدخل فيها عليه العوض فيه .
ومش معنى لما الأخت ريم وقفت وإتكلمت وقالت كلام كتيير فى حقكم وأنا حييتها على صراحتها اللا متناهية فى إبداء الرأي واللى حضرتك يا أستاذ ضوء برده متقبلتش دى وجادلت فيها برده إنى بدافع عنها ولا كنت معاها لا كل واحد حر يعبر عن نفسه بالطريقة اللى هو حاببها . وبعدين ياجماعة الإنسان الناجح عمرة ما يقيم نفسه دايما التقييم بيجى من الاخرين يعنى هي لما قالت كدا وغيرها قال وأنا قولت . يبقى لازم تقفوا وقفه حتى لوصغيرة مع نفسكم وترجعوا لتعليقاتكم مش جايز هى اللى فيها حاجة غلط . و الناس جميعها صح . و ياسيدى لوانتو اللى صح والناس غلط مكنتش رديت وياجبل مايهزك ريح.
لكن زى ماقولت سابق الناس ساعات بتاخدها العزة وخلاص من غيير ماترجع لنفسها وزى ماقلت أنا حاسس إنكم بتعملوا سد مع بعضكم فى وجه أغلبية المواضيع ياريت تنظروا لرأي بأي حكمة.
وجزاكم الله خير

كل التحية والتقدير للاستاذ الضوء الشارد فمن الجميل جدا ان يعتزر الكبير للصغير فى هذا الموقف واعتقد يااحمد ان بكده عليك دور وكان لازم الحوار يتقفل من اللحظة دى وكفايه اوى على كده فى الموضوع ده وبعد اذن اخوانى المشتركين فى المناقشه فى الموضوع بنعتزر عن حدة الحوار وعن اى تعليق كان يحمل اى اساءة لاى طرف



يلا بقه نقول قشدة ونقفل الموضوع ده بعد ازنك يا بيكر