السلام عليكم ورحمة الله وبركاته
الاخوه الاجلاء اعضاء المنتدى الجميل وابناء مصر الحره
تواترت اخبار عن وجود المتحدث الرسمى باسم جماعة الاخوان المسلمين اللى بقت حزب سياسى على مع اعتقد فى قلب ميدان اللؤلؤه فى البحرين مناصرا للرافضه (الشيعه ) ارجو التثبت من هذه المعلومه ومدى صحتها واذا كانت صحيحه حد يفسرلى اللى بيحصل ده لان كده الواحد مخه هينفجر

كيفك ياأخ محمد والله أنا حابب أعبرلك عن رأيى فى مسأله الشيعة وأنا هخصص فرد بشتغل معاي من فئة الشيعة الجعفرية تعرف انه هو و اللى معاه كانوا رافضين اللى حصل من إعتداءات بالسب على أمنا أم المؤمنين السيدة عائشة وعملوا إحتجاجات ومظاهرات عشان يقتصوا من خاسر الخبيث قصدى ياسر الحبيب اللى إتكلم عن أمنا بصورة سيئة. وقد إيه إسلوبه طيب وتعامله محترم وقيس على كده ممكن تلاقى شيعة كتيييير بالشكل ده وياعم الرسول صلى الله عليه وسلم كان دايما بيناشد بضرورة معاملة اليهود بشكل كويس لعل وعسى يدخلوا الاسلام و الايه بتقول ( لكم دينكم ولى دين ) وطبعا إنت عارف الكلام ده كله . مش جايز الاخوان عملوا كده عشان يحببوهم فى أهل السنه ويبينولهم بطريق غير مباشر إنهم خطأ بتفكيرهم عن أهل السنة . وجايز الإخوان عندهم هدف سياسى من اللى بيعملوه ده وأكيد إنت عارف بردة إن الهدف الأساسى عند الإخوان هو السياسة. يعنى فكر برؤية واسعة للمواضيع من كل الجهات وإن شاء الله ربنا هيخفف الضغط اللى على مخك من التفكير.

الاخ العزيز كمال الدين يشرفنى مرورك على صفحتى وتعليقك الجيد على الموضوع بس عاوز اوضحلك شئ بسيط انت بتقول (وياعم الرسول صلى الله عليه وسلم كان دايما بيناشد بضرورة معاملة اليهود بشكل كويس لعل وعسى يدخلوا الاسلام ) طيب دول اليهود معروف انهم يهود ولكن اللى انت بتتكلم عنهم بيقولوا انهم مسلمين وانهم على حق وانا معايا كمان ناس منهم فى الشغل ومش معنى ان بعضهم بينتقد افعالهم انهم كويسين وملتزمين واننا نقف معاهم الموضوع ابعاده اخطر من كده بكتير وطبعا فيه ناس كتير متعرفش عقائد الشيعه . لكن اعتقد ان الاخوان المسلمين عارفين ولما المتحدث الرسمى باسم الاخوان يتفاعل معاهم يبقى فيه علامات استفهام كتير ولو زى ما انت بتقول لهم اهداف سياسيه يبقى ايه معنى شعار الاسلام هو الحل بالعكس انا كده اتشوشت اكتر ياريت حد يفهمنى ايه اللى بيحصل وايه الدافع من وراه واسبابه

تعرف يا أخ محمد أنا أغلبية الإخوان اللى أعرفهم مكنتش بعرفهم إلا وقت لما يكون فيه إنتخابات ولا حاجة سياسية فى الدوله و فى الحياة الإجتماعية تلاقيهم غير ظاهرين ناس عاديين أغلبهم لا ملتحين ولا نساءهم منتقبات وبعدين إسأل نفسك سؤال صغير إمتة بالضبط بتشوف شعار الإسلام هو الحل و الله ما هتلاقيك بتشوفة غير لما بيكون فيه حركة سياسية أيا كان نوعها . أما بخوص الشيعة أنا كنت بعتبرهم شرذمة ولا ألقى لهم بالا أساسا أما بعد السب العلنى اللى شوفته بعينى و الله ما كان أبغض الي قلبى أكثر من الشيعة عشان كده بعتبرهم غير مسلمين وعشان كدة شبهتم باليهود ولو إن سبحان الله أعتقد بيكون جزاؤهم أكبر على حسب كلام حبيبنا المصطفى صلى عليه ( من كذب علي متعمدا فليتبوأ مقعده من النار) صدق رسول الله صلى الله عليه وسلم.

ارجو من الاخوه الاعضاء المشاركه فى هذا الموضوع لعل احدا يفسر لى شيئا يكون قد خفى على ؟

حبيب قلبى محمد بيه
اولا انت عارف انى مقل فى التعليقات على موضوعات المنتدى لكن الموضوع اللى الاقى اسمك عليه بعرف على طول انه موضوع فى الجون ومش بقدر اقاوم انى اعلقش
اما بخصوص الموضوع فتخيل الان اى شيئ يحدث فالمستحيل قد حدث بالفعل
وبعدين انت مستغرب ليه وفيه تصريح من الجماعه الاخوان ان الحزب الذى سيتم تأسيسه سيكون مرحب بالاقباط ان يكونوا اعضاء
حط علامات استفهام زى ما انت عايز

مش كده برده يا سمسم
يعنى مفيش اجابات ؟؟
خلينا احط استفهاااااااااااااااااااااام انا عندى تحليل يكاد يكون اشبه للحقيقه
انا حاسس ان لعبه حصلت فى الاجتماع بين عمر سليمان وبعض المعارضه على اساس انها معارضه
وعلى فكره هو فين عمر سليمان يبقى غلطان الى متخيل ان عمر سليمان رحل مع رحيل مبارك ودى كمان حط عليها 50 علامة استفهام
واشكرك يا حسام على المجامله الرقيقه

يا محمد مبارك أصلا لم يرحل

ما انا باقولك انا حاطط علها 50 علامة استفهام يا ابو صهيب

هههههههههه أيوا أيوا معاك
أنا معاك

يا جماعه محدش فسر لى اللى الكلام اللى انا استفهمت عنه ليه ؟؟؟

اخى العزيز محمد انا سمعت هذا الكلام وعملت بحث على هذا الكلام ووجدت هذا المقال فى احد المواقع ارجو ان تقرأه ..

التواطؤ بين حزب الإخوان المسلمين والشيعة الرافضة في إيران على تخريب البلاد الإسلامية... والجائزة الكبرى: مصر

يا سلاااااام ...!!!

طلعو الاخوان و الشيعه همه اللي عملو الثوره ?!!

يعني ال 20 مليون اللي اتظاهرو في مصر يوم سقوط السفاح مبارك , اتظاهرو بسبب مؤامره من الاخوان و ايران ,??!!

ده كان كلام حسني مبارك و حزبه اللاوطني ,,,,,,,,

و ما يكونش اللي خرب مصر و اقتصادها و دمرها من سرقة مليارات الدولارات و فساد الحزب , و بيع الاراضي و الشركات للحبايب و الاصدقاء , و تزوير الانتخابات و كل البلاوي اللي اتعرفت للشعب كله من بعد سقوط السفاح مبارك ,, يكونش ده كله من تدبير الاخوان و ايران ?!

اتقو الله يا ناس

الفقر و الجوع و الدمار و التزوير و البطاله و المجاري و السرطان و المليارات اللي اتسرقت ,,,,و تدمير البلد و الشعب ....
كل المصايب دي كانت بسبب حسني مبارك و حزبه الوطني الخاين المجرم و العصابي ,,,,,

انتو نفسكو تنامو و تقومو تلاقو اللي حصل في مصر من يوم 25 يناير لحد دلوقت كان كابوس ??

لا ما كانش كابوس ...
كان حلم كل شريف و كل فقير و كل عاطل و كل مظلوم ...

كان حلم و اتحقق منه جزء كبير و باذن الله يتحقق كله و يذهب اعداء الثوره و الشعب الى الجحيم

ياباشا محدش قال ان الشعب قام بالثورة علشان الشيعة بس محمد ابوبكر عاوز يستفسر عن نقطة معينة فانا لقيت موضوع غى احد المواقع عن هذا الكلام ...

وفيه أنباء من مصدر موثوق به ومقرب من المتحدث الرسمى إنه بعد ميخلص البحريين حيروح عمان وبعد عمان اليمن وذلك للتربيط مع الإخوان فى هذه البلاد وبعد كده حيعدى ياخد الشاى مع مبارك فى شرم ويشكره لأنه لولا مبارك لما نجحت الثوره وبعد نهاية الجوله حيروح بيتهم ويأخد shower وينام

لا بعد كده هيروح النادى علشان يلعب تلاتة عفورة

معلش يا أحمد انت من أول الثورة عمال تجيب مواضيع غريبة .
احنا لا شيعة ولا اخوان . احنا مصريين ومع اللى بيحصل . مع الثورة .
احنا نريد زوال الفساد من كل مؤسسات الدولة . ويرمز للفساد ده الحزب الواطى اللاديمقراطى . مش عايزين نشوف وش نفر منهم .
ومش كل اللى تقراه يا أحمد تعلنه . أنا لما قبل كده حطيت صورة واحدة بس شكلها مش ولابد انت عملتلى هليلة وموضوع خاص للصورة رغم ان الصورة دى أنا مكنتش جايبها من كوالالمبور . دى صورة حصلت فى مصر . أنا مكنتش أعرف انها محصلتش فى الثورة . بعد أن تحققت منها عرفت انها حصلت فى مصرنا وعلى عينك يا تاجر . والمسؤول عن اللى حصل فى الصورة واللى زيها هو الحزب الحاكم اللى هو ولا مؤاخذة الحزب الواطى اللا ديمقراطى .... ماعلينا

بعد اذنك يا أحمد قبل ما تدخل فى موضوع دور هتطلع منه ازاى..
أصل اللى انت بتعمله ده تشويش وخلاص . الحكومة هتمشى والحزب الواطى هيتلغى وامن الدولة اللى لسة شغاليين أسخن من الاول هيتحل ووزارة الداخلية هيعاد تنظيمها ان شاء الله . رغم أنف أى حد فى مصر أو برة مصر والا نموت احنا فى سبيل زوال الطواغيت

يا سيد / محمد أبوبكر
وجود ممثل للاخوان في ميدان اللؤلؤه مع الشيعه ليس بعجيبا ,,,, البحرين فيها سنه و أغلبيتها شيعه ,,,,,,,,,,,,,,,,

لماذا لم يدهشك وجود الاخوان المسلمين مع النصارى و السلفيين و الليبراليين و الشيوعيين في ميدان التحرير ??!!

يا سيد / محمد أبو بكر

نجحت الثوره في تونس و أسقطت بن على و استمرت حتى سقط الغنوشي و نجحت الثوره في مصر و لم تسقط شفيق و نظامه بعد , و قامت الثوره في ليبيا و اليمن و البحرين و عمان و البقيه تأتي ,,,

و لأن كل الشعوب العربيه مع اختلافها ,, كانت واقعة تحت حكومات و أنظمه ظالمه و أغلبها نمطي ,, فإن الحل الوحيد أمامهم لمقاومة الثورات و انقاذ أرواحهم من المشانق على أيدي الشعوب العربيه في ميادين التحرير المنتشره في أغلب الدول العربيه ,,, الحل هو مقاومة الثورات بثورات مضاده ,,,,....
و لكل نظام فاسد حاشية فاسدة و أبواق, تارة يحاولون أن يقومو بثورات مضاده عن طريق تعبئة بقية الشعب بأن هذه مؤامرة من الاخوان و تارة بأن هذ الثوره مدعومة من الموساد و تارة من ايران و تارة من أمريكا , و تارة من القاعدة , و أخيرا كما قال قذافي حبوب الهلوسه هي السبب يا عمده ,,,,,

كل هذا مجرد محاولات لقيام ثورات مضاده ,,,, يعني بالعربي
بيستغفلو بقية الشعب عشان يثور ضد اللي قامو بثوره لاسقاط النظام ,,,,,

وكما تلاحظ فان كل ثورات الشعوب العربيه تنادي بنداء واحد
الشعب يريد إسقاط النظام

باستثناء الثوره القادمه في لبنان سوف تنادي باسقاط الطائفيه ,,
و الثوره القادمه في فلسطين سوف يكون شعارها انشاء الله
الشعب يريد إنهاء الاحتلال

و للأمانه فإنني لا أعرف و لم افكر بعد فيما ستكون عليه شكل الثوره المضاده في لبنان و فلسطين .....


شكرا

أخى العزيز أحمد
على حد علمى (القليل جدا )بالإخوان إنهم منظميين جدا يعنى مبيرحوش النادى الاول يعنى يصحوا من النوم الاول ويغسلوا وشهم ويتوضوا ويصلوا الصبح وبعدين يفطروا ويلبسوا لبس النادى وبعدين يروحوا النادى يلعبوا تلاته عفوره والحزيه فى الطاقيه وفى الشتا بيلعبوا الغرزا .
وبعد كده يروحوا البيت يقلعوا لبس النادى ويلبسوا لبس الشغل ........

بص يا دكتور انا كنت برد على كلام معين لمحمد ابوبكروبعدين انا مردتشى على لسانى انا نقلت موضوع يقرأه وبعدين اطلع منه ازاى يعنى ههرب مثلا متقلقشى انا ممكن ارد بس الواحد كبر دماغه علشان فيه حاجات كتير غلط ..
وبعدين انا مبجبشى حاجات غلط ولا حاجة يعنى الحقيرة برده هتفضل حقيرة وكلنا عارفيين كده وده كان كل كلامى من اول الثورة وبعدين الصورة بتاع بتاعت اللورى دى مكنتش فى ايام الثورة لان انا فسرتها برده قبل كده ...

الله عليك ,,
ايوه كده فكنا بالناس المحترمه دي :
منتهى الرمحي
طلال الحاج
ريما صالحه
فيصل القاسم
احمد منصور
سامي حداد
جميل عازر
يسري فوده
أسعد طه
تيسير علوني


همه دول الاعلاميين الشرفاء بجد
شكرا يا احمد انك فكرتنا بيهم ,,
ياريت تنزل صور الباقيين

عندى سؤال يا جماعة:
عنوان المقال بيقول تواطؤ بين الاخوان والشيعة لتخريب بلاد المسلمين.
السؤال : أى بلد يقصد صاحب المقال؟ مصر مبارك؟ ولا تونس بن على ؟ ولا ليبيا القردافى؟ ولا اليمن صالح؟ ولا فلسطين المحتلة ؟ ولا السودان المنقسمة؟ ولا المغرب فرنسا؟ ولا العراق أمريكا ؟ ولا ايه ولا ايه ولا ايه؟
هى بلادنا مكنتش مخروبة ؟؟ دا مهما يخربوا مش هيخربوا قد اللى اتخرب .
هنرجع تانى نقول أصابع خفية دخلت ميدان التحرير و أجندات وكشاكيل تانى؟؟
سبحان ربى العظيم

الاخ شارد انا لم يدهشنى وجود الاخوان فى ميدان التحرير لان ميدان التحرير فى مصر وهم مصريين .
لكن الغريب بقا هاقولك عليه اللى يشوف كده يقول احنا خلاص نجحنا ثورتنا وخلصنا البلد من كل الفساد اللى فيها وفضينا بقا للدول التانيه عشان نساعدهم فى المظاهرات مع العلم اننا لسه فى قلب الاحداث والأولى بينا نقف درع واحد وايد واحده لما نطهر بلدنا وهو ده الاساس . البحرين فيها 70% شيعه ويمكن اكتر يعنى لما الاقى المشهد باالشكل ده لازم احط علامات استفهام واسال ليه بيحصل كده عشان اعرف مش عشان انتقد انا كل اللى طلبته حد يفهمنى اللى بيحصل وايه المقصود منه والموضوع بقاله 3 ايام ومحدش رد عليا رد شافى لذلك انا قولت( لو هم) بيناصروا الشيعه فما معنى شعار الاسلام هو الحل هم لو بيناصروا السنه عمرى ما كنت هاستغرب لا هاسأل اصلا لان ده الطبيعى لكن احب اعرفك يا اخ شارد ان المظاهرات اللى فى البحرين اللى قام بيها الشيعه وليس السنه

الاخ ابو صهيب بعيدا عن المقاله وماجاء فيها خلينا فى الموضوع نفسه اللى انا طرحته وانا صاحب الاستفهام عنه وياريت توضحلى شئ يمكن اكون مش فاهمه

الاخوان تنظيم عالمي يا محمد منتشر في دول كتير جدا في العالم ,, صحيح هوه اتأسس في مصر سنة 1927 بس الان على ما اعرف انهم جماعه عالميه مش بس مصريه و أدكر ان يوسف ندا , المصري الجنسيه و الذي كان مسؤل العلاقات الدوليه لجماعة الاخوان قال في شهادته على العصر في قناة الجزيره , ان عدد المنتمين للجماعه وصل الى 100 مليون أو اكثر في العالم ,,,,

أخي الفاضل محمد لك أن تعرف أن الإخوان جماعة عالمية منظمه وتأخذ أفراد الجماعة في أي مكان ف العالم أوامرها من المرشد العام ف مصر فظهورهم في ميدان اللؤلؤه مع الشيعه أو غيرهم فهذا لا يعني إتفاق بينهم ف المبدأ أو المنهج وإنما يعني أن هناك إتفاك ف مجرد المشاركة ف الإحتجاجات فلماذا مثلا لم تسأل أو تستفهم عن وجود الإخوان ف التحرير مع الأقباط او الناصريين مثلا _ والأخ أحمد بقوش تعرف جيدا أنك لو أردت أن تبحث عن أي مقال ف النت عن مخالفات أي فرد أو جماعه ستجدها فلو أردت وجود مخالفات ومخططات للشيوخ مثلا ستجدها حتي ل ابن باز وابن عثيمين والألباني والحويني ولحسان ويعقوب والقرضاوي _ أي فرد ستجد مايشبع رغبتك عنه _ فمثلا لماذا كلفت نفسك ف هذا البحث ولماذا لم تبحث مثلا عن إيجابياتهم أو دورهم ف اي مجال _ أرجو من الأخ محمد أن يكون وجد ما يستفهم عنه

والله كنت مستغرب يا عبد الرحمن انك مش بترد و انتظرتك كتير لحد ما احمد بقوش جاب دليل على انها مؤامره ,,,, فحاولت اجيب محمد ,,,,

لكن حمدا لله على سلامتك و يصلح حالك يا عبد الرحمن

انا مجبتش مؤامرة يااستاذنا انا جبت موضوع فيه كلام بيفسر ويرد على تساؤلات اخى محمد ابوبكر والله أعلم بـ نوايا العباد

قلت لك يا أحمد !!
قبل ما تدخل فى موضوع فكر هتخرج منه ازاى!!
مش تهرب منه ازاى . هترد فيه ازاى.
زى موضوع أهالى نزلة السمان. ابقى شوفه علشان فيه فيديوهات جديدة

موضوع اهالى نزلة السمان منقول من اليوم السابع وبعدين مش علشان مجموعه منهم خرجت يبقى كل اهالى نزلة السمان خرجوا ..

والله يا أخ شارد أنا ترددت كثيرا إن أضيع أي وقت ف الرد عن حاجه إن ال مفروض خلاص بعد ثورة 25 الناس تفكيرها إتغير وخلاص عرفوا مين ال كان ضاحك عليهم ورافع لهم شعارات كدابه _ مفروض خلاص بقي كل واحد يشوف عيبه إيه و يحاول يغيره أو يشوف إزاي هنخدم دينا ف ظل الظروف ال ال مفروض إنها بقت أحسن مش نقعد بقي ندور ع أخطاء ده و ده وسبحان الله يا أخي ماشوفتش حد بيدور ع إيجابيات أي حد خالص غير كنا قبل كده بندور ع إيجابيات الحزب الوثني بس ولما سقط وفشل وإتفضح قدام العالم كله بقينا ندور ع سلبيات الإخوان والثوره والشعب _
فصدق الشاعر حين قال
ومن عاش يخشي صعود الجبال
يعش أبد الدهر بين الحفر
ومن لم يعانقه شوق الحياة
تبخر في جوها واندثر

يا أحمد انت كنت مرة جايب خبر فى موضوع عجائب الأخبار . على ما أتذكر انه فيه واحد عاطل فشل فى استخراج بطاقة تموين فحاول احراق نفسه.
فيه سؤال بينقح عليا من يومها : هو الراجل العاطل ده ايه اللى معطله؟؟ هو الشغل مالى الدنيا وهو مش راضى يشتغل ؟؟ على فكرة بيقولك فيه واحد كان بيشتغل 45 مهنة . وعلى فكرة برده تبع الحزب الوطنى .
والسؤال التانى هو فشل فى استخراج بطاقة التموين ليه يا ترى؟
كان مجموعه قليل ؟؟ ولا أعمال السنة اللى ضيعته؟؟ ولا دكتور الشفوى كان مستقصده؟؟
ولا هو فشل ازاى؟؟
ومتقوليش زى ما قلت (الخبر كان فى اليوم السابع) . الخبر عجبك علشان كده انت نقلته. لو كان الخبر مش عاجبك كنت سيبته مكانه . احنا كمان بنشوف أخبار أنقح من كده وبنسيبها مكانها . ومش بننقل الا اللى بيتناسق مع فكرنا . احنا بنعرض آراءنا مش بننقل أخبار. خلى الأخبار (للجزيرة )

ماهوه الموضوع اللي حضرتك جبته بيقول ان الثوره العربيه دي مؤامره ,,, و أهدت مصر للمتامرين ........

و لو حضرتك هتتكلم على النوايا , فالأفضل ان لا تنشر كلام يطعن في شرعية الثوره ,,,,
لأن الكلام ده بيهدر دم الشهداء من الشباب اللي فيهم ناس من جيلك ,,,,
و لان الكلام ده يندرج تحت الثوره المضاده ,,
ولان الكلام ده في مصلحة النظام السابق ,
ولان الكلام ده يقتل الثوره و يعمل على ان لا تحقق اهدافها ,,,
ولان الكلام ده بيقوله انصار الحزب الحاكم سابقا و رئيسه السابق ,

و لو انت نيتك كويسه المفروض تكون مع مصلحة الشعب و مش تساعد اللي عاوزين الثوره تموت و عايزين يرجعوا النظام السابق و عاوزين الحزب اللي خربها يرجع تاني ,,, مش كده ?
مش كده كفايه خراب و سرقه و نهب و اهانه و دم و تعذيب ?

و بعدين نظرية المؤامره بتاعة الثوره دي اي عيل صغير عارف ان دي كانت ثوره مش مؤامره على مبارك ,,,
و اي عيل صغير عرف ان مبارك و حزبه اللي خربوها و اللي ينفسهم يرجعو يخربو كمان ....

كفايه يا احمد .....
و بلاش تنشر كلام في صالح الثوره المضاده ,,,, بلاش عشان خاطر الفقراء و العاطلين و دم الشهداء اللي سال على ارض التحرير ,,,,

انته رحت التحرير بعد الثوره ... ما حسيتش و انته هناك انك ماشي على ارض ممكن يكون استشهد تحت رجلك شباب زي الورد فيها ??

قلبك ما وجعكش على شباب من جيلك استشهدو في سبيل الحريه للشعب و تحقيق العداله بين الناس ??

بلاش يا احمد تكتب كلام فيه شبهة الخيانه لدم الشهداء ,, وبلاش ترد و تقول دي حرية رأي .........

اللي ماتو ماتو عشان نبقو احنا احرار , مش عشان نعيشو عبيد لمبارك و حاشيته جيل ورا جيل


شكرا

والله وده ال انا شايفه ان كل واحد بيصطاد للاخر الغلط يعنى لما واحد من الاعضاء دخل وعلق وقال رأيه بدون انحياز لاحد طلعناه مش عارف ايه .....

وكلنا عارفيين ان كل واحد له رأيه الخاص به ولكن لايستطيع احد فرض رأيه على احد مهما كان .....
يعنى لما الواحد يقول رأيه بكل صراحة حتى ولو مخالف لرأينا منطلعوش الراجل ده خاين وعميل ..

وسؤال لك يا دكتور هل تعرف مافى النوايا وهل انت تعرف مافى الضمائر ؟
لو تعرف ذلك يبى كلامك مظبوط ..

لا ,,,,
ماحدش يقدر يمنع اى حد يقول رأيه .
ولا حد يقدر يمنع اى حد انه يكون خاين أو عميل برده ,,,
و الخيانه و العماله ما بتتعرفش من النوايا ..
بتتعرف من الاقوال و الافعال ...
و ربنا وحده اللي يعرف النوايا و ربنا يستر برده ,,,,,,

الشافعى رحمه الله قال ( ليس لأحد أن يحكم على أحد إلا بظاهره) يعنى احنا مطالبين بالظاهر وأما النوايا والباطن فعلى الله
أنا أتكلم معاك بظاهرك وليس بباطنك فلا يعلم الباطن الا الله .
وأنا فهمت من كلامك ان اللى انت قلته ونقلته هو رأيك عشان انت قلت (وكلنا عارفيين ان كل واحد له رأيه الخاص به ولكن لايستطيع احد فرض رأيه على احد مهما كان .....
يعنى لما الواحد يقول رأيه بكل صراحة حتى ولو مخالف لرأينا منطلعوش الراجل ده خاين وعميل ..)
يعنى هو ده رأيك فى الثورة؟ انها مؤامرة من الشيعة والاخوان عشان يسلموا الاخوان مصر؟؟

برده يا دكتور مش عاوز تقتنع ان نقلت الخبر ده بعد لما محمد ابوبكر كتب الكلام ده ومحدش رد عليه لمدة 3 ايام الراجل كل لما يدخل يقول ياريت حد يرد عليا .

أنا عرفت ان انت نقلت الخبر ده من موقع تانى
بس السؤال اللى انت مش عايز تجاوبه
هو ده رأيك ولا ده مقال عجبك ولا ده ولا انت شايف ان ده الرد على سؤال محمد؟؟

الاجابة فى التعليق بتاعى ال قبل السؤال بتاع يابوصهيب

خلاص
انت مش عايز تجاوبنى وده حقك
وأنا عرفت الإجابة ومش هاقول لحد

الأخ ضوء أنا عرفت من أحد المواضيع إنك محامى أظن وطبيعة شغلك عارف إنك فى بعض الأوقات بتكون بتدافع عن واحد وإنت عارف إنه مذنب بس بتعمل كده ليه عشان دا شغلك اللى لازم تعملة . القصد إنك ممكن تلقب الحقائق لصالح المتهم عشان تبرأء من أي تهمة والكلام ده أكيد إنت عارفة قبل ماتدخل حقوق أنا بقة واحد من الناس كان نفسى أكون وكيل نيابة لكن تعرف ليه متدخلتش حقوق عشان لو ما إتوفقتش إنى أكون وكيل نيابة مش عاوز أكون محامى عشان مظلمش حد .
إنت لما تكلمت أخر كلام أحمد بقوش مش متهم قدامك وإنت بتدافع عن خصمه وبتحاول تثبت عليه التهمة . محدش إداك الحرية إنك تعلق على آراء حد بطريقة مش كويسة وتحرجه فى مكان عام والمنتدى دلوقتى أصبح مكان عام فيه الكبير و الصغير زى مابتحب تقول رأيك هو كمان قال رأية وتقدر لو إنت شايف إنه غلط تصححه بطريقه حلوه مقبوله مش تعصبة وتخرجه عن شعورة وممكن فى لحظة غضب يرد عليك رد مش كويس .
ياأستاذ ضوء قولنا اللى ماترضاهوش لنفسك ماترضاهوش لحد
وياسيدى دى حرية رأي كل واحد يقول اللى هو عاوزه وياسيدى شهداء الثورة دول إنت شوفتهم وهم بيموتوا وشفت أخر لحظاتهم تعرف كانو بيعملوا ايه ولا نواياهم كانت إيه ولا كانوا بيقولوا إيه ؟ قبل ماتحاسب أحمد عالموضوع حاسب اللى كتب الموضوع نفسه رد عليه بأي طريقه إحنا هنا عدد محدود اللى أحمد نقلهم الخبر لكن الملايين اللى قرأت الخبر مشفناش تعليق متهكم ومتهجم بالشكل دة محدش شكك فى صاحب الخبر بالشكل ده . أرجو من كل واحد إعادة النظر فى كلامه قبل مايقوله ويشوف رد فعله هو أولا لو الكلام اللى هيقوله متوجه له.

الاخ العزيز الغالى أبو صهيب رجاءا انت كل مانحاول نرجع لموضوع الأخ محمد أبو بكر تخرجنا منه مرة تانيه وطبعا إحنا مش عارفين نيتك . فأنا من الناس اللى دايما بتحب تفترض حسن النوايا . وأرجوك كفاية تعليقاتك بخصوص نقل موضوع أحمد والراجل فاضله شويه ويجيب مصحف ويحلفلك عليه عشان تصدقه وإنت مش مصدق. كفاية وخلينا فى الإخوان والاخ عبد الرحمن اللى إتكلم عن مشايخ الأمة وبيقول دوروا هتلاقوا ياحبيبى الاخ عبد الرحمن مفيش اتنين فى الامة الإسلاميه مختلفين على حد من المشايخ دولو الله يجزيهم عنا كل خير. رجاءا برده متشتتش أفكار حد بخصوص العلماء دول.

أبوصهيب الغريب كتب:

خلاص
انت مش عايز تجاوبنى وده حقك
وأنا عرفت الإجابة ومش هاقول لحد

لا يا دكتور انا جاوبتك بس يمكن انت شايف حاجة تانية .
وياترى ايه هيا الاجابة

يا أخ / ابو كمال
انا أرفض جملة و تفصيلا و شكلا و موضوعا كلامك ,,,,,,
و انا مش ضلالي ,
و ما شفناش احمد بقوش طلب محامي عشان تتدخل و تتكلم باسلوبك ده ,,,,
يلي مارضيتش تكون محامي عشان المحامين بيقلبو الحق باطل و الباطل حق زي ما بتقول ,,,,,,,

و انا مش مستنيك ولا مستني غيرك يعلمني اتكلم ازاي ,,,
من فضلك خليك في حالك

و لو احمد بقوش في نفسه حاجه المفروض يقولي انا , انا اللي كنت باناقشه و انته مش كنت طرف في الحوار اساسا ,,,
والا انت شايفه مش بيقدر يرد فعملت نفسك محامي له ,,,,,

أما عن رأيي في الشهداء و الثوره و اللي انت قلته عن اني ماشفتش الشهداء ولا أعرف اللي انته تعرفه و الكلام ده كله ,,,,, فأنا مش عاجبني أسلوبك عشان كده مش هارد على كلامك ولا عايز اتناقش معاك

استاذ مدحت كمال الدين يعتبر اخى وياريت نتقبل كلام بعض بصدر رحب

الأخ الفاضل كمال يبدو أنك أول مره تدخل نت لأنك تقول أن الضوء محامي و هو محاسب وده مكتوب ع البروفيل بتاعه ويبدو أيضا أنك من كوكب أخر غير كوكب الأرض لأنك بتقول إن المشايخ دول مافيش إتنين إختلفوا عليهم مع العلم إن دول أكتر مشايخ بينهم وبين تلاميذهم إختلاف ولك مثلا هذا العنوان و هو عنوان خطبه لأحد هؤلاء المشايخ والعنوان هو
الرد ع الكلب العاوي يوسف القرضاوي
مع العلم إن دول مشايخ عظماء _ أظن دلوقت تتفق معايا يا أخ كمال إن حضرتك من كوكب أخر

لا كمال من كوكبنا يا عبده يعنى الراجل بيتكلم بحرية ودى ال احنا عايشينها الايام دى يعنى كل واحد يقول رأيه بدون ان يفرض رأيه على الاخر .

الفيديو ده برده لاقيته بظروفها على الفيس بوك فحبيت احمله علشان الكل يشوفه ومش عنى كده انى بهاجم الثورة ولا عميل ولا خاين والعياذ بالله .

أخي العزيز الفاضل أحمد ده مش حرية رأي ومحدش إختلف ع إن لازم يبقي ف حرية رأي _ أظن لما نقول مثلا أحمد بقوش خريج هندسه مثلا وإنت تربية رياضية أو أقول إن أحمد بقوش مافيش إتنين مختلفين عليه وإن البلد كلها مختلفه عليه _ يبقي دي حرية رأي ؟
والبرنامج مش لاقي ليه تحميل يا عم أحمد