أحداث يوم الجمعة 25 فبراير بالليل
معلش يا جماعة الموضوع طويل شوية بس مهم . أعتقد ان ممكن يكون شرارة توقظ الناس من جديد:
كتبت نوارة نجم ناشطة مصرية: معلش يا جماعة الموضوع طويل شوية بس مهم . أعتقد ان ممكن يكون شرارة توقظ الناس من جديد:
ما كنتش ناوية احكي لأن مافيش حاجة تفرح في اللي باحكيه ده، وبعدين حاحكي على الجيش؟ اتفها تنزل في عبي يعني؟

بس بلال قال لي احكي بالظبط لأن بيان الجيش بيقول إن القيادات لم تصدر هذه الأوامر، فلازم يتحكي لهم بالظبط ايه اللي حصل، واتشجعت اكتر لما ناس ابتدت تقول على ناس انهم بلطجية لمجرد إنهم غلابة و"دون المستوى" وشكلهم مش عاجبهم

طيب

من اول اليوم، اللي هو يوم الجمعة 25 فبراير والمعاملة سيئة بشكل ما اتعودناهوش من الجيش، الجيش دايما بيبتسم في وشنا، وبيأمنا، ولطيف معانا

اليوم ده أولا الرقابة ما كانتش كبيرة على اللي داخلين، ما كانوش بيشوفوا البطاقات، مكشرين في وشنا، ومتحفزين لنا، وشكلهم زي ما يكون حد شاحنهم علينا

اول ما دخلت الميدان الضهر لقيت مجموعة ظباط جيش ماشيين جنبي، فقعدت اكلمهم عادي زي ما باعمل دايما فواحد منهم قال لي: باقولك ايه؟ ما تروحي، اصل هنا فيه تحرشات واغتصاب! قلت له: اغتصاب؟ صعب قوي.. قال لي: خلاص يا ستي انا غلطان حقك عليا.. فيه ناس مندسة هنا بتغتصب البنات واخدوا بنت في محل وجبناها كما ولدتها امها!

قصرت معاهم في الكلام ومشيت

على المغرب كده رحت اعتصام المجلس، كان فيه دبابتين قافلين شارع المجلس وناس كانت جوه عددهم قليل، وبقية الناس برة وعمالين يقولوا عايزين ندخل، وموقفين بين الدبابتين عساكر لابسين بدلة عسكري وعلى راسهم خوذات سودا، سألت عسكري جيش قلت له هم دول امن؟ قال لي لا دي قوات خاصة

جوة بقى عند مجلس الشعب لقينا واقف مع ظباط الجيش ظابط شرطة واتنين امن دولة، الناس قعدت تشتم بتوع امن الدولة من الحديد وتقول للجيش انتوا ليه واقفين مع دول

قعدوا يقولوا عايزين ندخل عايزين ندخل

كان فيه ظابط جيش هناك، الراجل ده هو اللي كان معانا في اعتصام مجلس الشعب ليلة خطاب المخلوع الاخير وهو ده اللي قال لنا يوميها: لو انتوا قتلتوا مننا العشرات عمرنا ما نمد ايدينا عليكم والناس قعدت تعيط وتقول له احنا نفديكم بارواحنا

يوم 25 فبراير بقى هو كان متحفز لنا كده من غير سبب، قلت له: هو انتوا مش بتدخلونا الشارع ليه؟ هو هنا فارق عن جوة؟ قال لي: قولوا لنفسكم، ما انتوا قاعدين هنا!

وظابط على الدبابة باقوله انتوا مش بتدخلونا ليه؟ قال لي ما ينفعش.. الناس فضلت تقول له ما احنا كنا معتصمين جوة لا كسرنا ولا حرقنا ولا عملنا حاجة، انتوا ليه المرة دي مش عايزين تدخلونا؟ وهم ابدا

عرفنا بعد شوية ان تامر السعيد خرج بعد ما انضرب علقة موت جوة مجلس الشعب وخارج وشه مشلفط، ومع ذلك حتى اصحابه قالوا: يا جماعة مش عايزين نعمل مشكلة مع الجيش، ما هو برضه كتر في الكلام معاهم، كان ممكن يتفادى الموضوع ده.. معلش معلش.. الصبر

فضلنا قاعدين، وكل شوية عربية اسعاف تعدي علينا في الاعتصام رايح جاي، الدبابات اللي في القصر العيني تعديها في الرايح والجاي، كل تلات دقايق عربية اسعاف تعدي، بالظبط كده، رايح جاي

فيه ملحوظة مهمة: احمد فيصل قال كان فيه ناس مندسة بتضايق الجيش واحنا كنا بنهتف ضدهم

واحب اوضح ان مافيش دليل على انهم ناس مندسة ده اولا، ثانيا هم ما عملوش حاجة، هم قعدوا يهتفوا عسكر عسكر عسكر ليه احنا في سجن ولا ايه؟ وعددهم كان قليل اللي كانوا بيرددوا الهتاف ده، واول ما يهتفوا كده الناس كلها تقاطعهم: الجيش والشعب ايد واحدة

كان فيه مجموعة شباب حاولوا يعدوا من وسط القوات الخاصة بنفسهم فالناس كلها قعدت تزعق لهم وتتخانق معاهم، بس ده مش معناه انهم مندسين

واغلب الهتافات كانت الجيش والشعب ايد واحدة، يا مشير يا مشير احنا ولادك في التحرير، يا جيشنا يا رجالة طهرونا من الزبالة

وبعدين فوجئنا ان شخص ما في الدور الرابع في مجلس الوزرا طافي النور في الاودة وعمال يفتح الستارة ويفتح الشباك كأنه بيستفزنا فالناس قعدت تشاور عليه وتقول: الجيش المصري فيييين الحرامية اهم

وظابط الجيش اللي على الدبابة قعد يشاور له عشان يدخل ويبطل اللي بيعمله ده وهو مصمم يفضل يفتح الستارة ويقفلها ويفتح الشباك ويقفله

فالناس قالت لازم ندخل ونعتصم جوة، وقعدت تهتف: واحد اتنين الجيش بيحمي مين؟

ودول برضه كان عددهم قليل راحت الاغلبية مغطية عليهم: الجيش والشعب ايد واحدة

فجأة لقينا عربية اسعاف دخلت شارع مجلس الشعب اللي هو اصلا ممنوع حد يدخل فيه، ودخلت بالسرينة، ووقفت شوية، وبعدين راحت لافة وراجعة، ده غير بقى عربية الاسعاف اللي رايحة جاية

الغريبة بقى ان كمان بعض من عساكر الجيش وبعض من الظباط غير انهم مكشرين في وشنا قعدوا يقولوا لنا: احنا زهقنا بقى، احنا مش بننام... فنضحك في وشهم ونقول لهم: طب كلموا المجلس الاعلى خليه يمشي لنا شفيق واحنا نمشي

على فكرة الجيش عمره ما كلمنا بالطريقة دي ابدا

بعد شوية جات عربية فيها حد من الشرطة العسكرية رتبة كبيرة، مش عارفة باين بيقولوا رئيس الشرطة العسكرية ولا ايه، مش عارفة هو مين بالظبط، بس حد مهم، ونزل وسط الناس وراح شاخط فيهم وهو مكشر وقال لهم: امشوا...

بس كده، ما قالش غير كده

الناس برضه قعدت تبوس فيه وتحايل فيه عشان يسيبهم يقعدوا

بعد شوية جات عدت عربية الاسعاف اياها تاني، رحت انا رايحة وقلت لهم هي ايه حكاية الاسعاف اللي رايحة جاية دي، لقيت واحد بيقول: الحقوا الحقوا فيه بلطجية في ميدان التحرير.. روحوا لهم.. روحوا لهم.. ده فيه اصابات. فقلت لهم ماحدش يمشي، دول بيقولوا لكم كده عشان يمشوكم، وواحد قال: يا جماعة العدد في التحرير اضعافنا احنا حنروح ننقذ اللي في التحرير وهم عددهم قدنا عشر مرات؟

المهم الناس فضلت قاعدة وانا مشيت ناحية التحرير اشوف حكاية البلطجية دي، وكان فيه ناس جاية منه فسألتهم: فيه بلطجية صحيح في الميدان؟ قالوا لي: ولا فيه اي حاجة..

لقيت مالك جاي في وشي فرجعت معاه تاني للمجلس

بعدين مالك قال لي انا رايح اجيب البطانية من التحرير، فقلت له اجي معاك عشان اجيب البالطو بتاعي من العربية، خرجنا من المجلس متوجهين للتحرير وسمعنا واحنا رايحين انهم بيقبضوا على الناس او حيقبضوا عليهم او ضربوهم او بيضربوهم مش فاكرة بالظبط، المهم سمعنا اخبار مقلقة وبعدين قبل ما ندخل التحرير لقينا باص كل اللي فيه شرطة عسكرية فرجعنا بسرعة للمجلس عشان لو حصل للناس حاجة نبقى معاهم

فضلنا قاعدين شوية وفجأة على الساعة اتناشر الا تلت كده الجيش والشرطة العسكرية عملوا علينا كوردون وقالوا لنا اصل ده عشان حظر التجول، قعدنا نقولهم احنا كده مش بنخرق حظر التجول لاننا مش متظاهرين، احنا معتصمين والاعتصام مش خرق لحظر التجول، المهم فضلوا يضيقوا علينا، وواحد انفعل وقعد يقول انتوا بتعملوا معانا زي الشرطة ليه؟ فقعدنا نسكته، وبعد شوية فكوا الكورودون من علينا في نفس الوقت اللي التليفونات ابتدت تجيلنا من ميدان التحرير يقولوا لنا ان الشرطة العسكرية بتضربهم وبتعتقل ناس منهم، كل واحد جاله التليفون وما رضيش يحكي للي جنبه

بعد شوية جه ناس من ناحية القصر العيني وكان منهم شادي الغزالي حرب عايزين يدخلوا لنا والجيش مش عايز يدخلهم والناس بتقول دخلوهم دخلوهم وسمعت شادي بيقولهم: انتوا بتحموا الثورة مش مفروض تعملوا معانا كده.. ما اعرفش بقى اتقبض عليه ساعتها ولا بعد شوية لاني رجعت اقعد في الاعتصام

بعدين دخلت عربيتين تاكسي ابيض، فواحد وقف اول تاكسي وقال له: ايه اللي بيحصل في التحرير، فالجيش زعقوا له عشان يسيب التاكسي يمشي، والظابط اللي واقف قال قدامنا: اللي بيسأل عن التحرير.. بعد شوية حتعرف ايه اللي حصل في التحرير

فواحد سأله: يعني ايه؟ حتعملوا فينا ايه؟ احنا سمعنا كلام... بس مش ممكن نصدقه ابدا

فالظابط شاور عليا وقال له: لو دي المدام خدها وروح احسن.. دي نصيحة

فهو قال له: ما احنا سمعنا انكم ضربتوهم في التحرير.. بس احنا مش ممكن نصدق حاجة زي دي ابدا

فقال له: لا طبعا.. ما ضربناش حد.. بس فيه ناس اتقبض عليها لخرق حظر التجول، واللي بيتقبض عليه بيروح النيابة العسكرية

المهم الناس اتلمت عليه وقعدوا يتكلموا وهو كل كلامه: انا مش باقول لحد يروح، بس فيه ناس اتقبض عليها، واحنا ما ضربناش حد، اللي بيقولوا انهم انضربوا دول اللي كان بيتقبض عليه فبيقاوم!

بعد شوية جه ظابط شعره ابيض، عارفاه انا برضه من ايام الاعتصام الاولاني، قال في الميكروفون: انتوا عارفيني لو سمحتوا اسمعوا كلامي وامشوا دلوقت احنا حنستضيفكم من الساعة ستة الصبح للساعة اتناشر، امشوا دلوقت وتعالوا بكرة!

رحت لمالك وقلت له: الناس دي يا مالك لازم تمشي.. العدد قليل وحيتعجنوا، اللي سمعته من التحرير انهم ما بيعملوش حاجة للستات، بس حيبهدلوا الرجالة، لازم يمشوا، قال لي انا مقتنع بكلامك بس ما اقدرش اقولهم كده، انت شايفة هم متمسكين بالاعتصام ازاي

المهم الناس فضلت تقول للظابط: احنا مش بنخرق حظر التجول ده اعتصام.. اعتصاااااام.. الاعتصام مش خرق لحظر التجول، احنا مش في مظاهرة احنا في اعتصااااااااااااام... المهم الظابط قال لهم انا قلت لكم وبعدين وهو بيدخل تاني شارع مجلس الشعب واحد منا الجيش قبض عليه، فالناس قعدت تقول سيبه سيبه سيبه، راح الظابط ده وقف وقال لهم خلاص، هاته يابني، تعالى.. وراحوا مرجعينه فالناس صقفت وقعدت تقول الجيش والشعب ايد واحدة..

(الناس غلابة قوي.. مش كده؟)

المهم.. بعد ما الظابط ابو شعر ابيض دخل راحوا عملوا علينا كوردون، والناس اول ما اتكردن عليها قعدت تقول: الجيش والشعب ايد واحدة الجيش والشعب ايد واحدة الجيـ.... آآآآه آآآآآآه آآآآآه... اجريييييييييييييي اجرييييييييييييييي

وجرينا، ما تفهمش مالك كان ماشي على مهله ليه، وبعدين الناس ابتدت تتدافع فباشده عشان نجري قال لي اجري انت، وبعدين جه صوت من ورايا قال: البنات تطلع قدام البنات تطلع قدام.. كان معانا الدكتورة ليلى سويف، ما اعرفش دي عرفت تجري، ولا كمان تطلع قدام، ازاي؟ ، واحنا بنجري لقيت الشباب بيجروا ويعيطوا.. اه والله، البنات ما عيطتش، الشباب، اللي كانوا بيشتعلقوا على مدرعات الامن المركزي، هم اللي عيطوا

وبعدين واحنا بنجري لقيت واحد بيلتفت وراه وبعدين فجأة راح فاتح لهم صدره عشان يضربوه وهو بيعيط ويقول: الجيش والشعب مش ايد واحدة.. الجيش والشعب مش ايد واحدة... عاااااا عاااااا

وبعدين الناس تعبت من الجري والظاهر التانيين سابونا شوية، فبدأنا نمشي بالراحة وبعدين فجأة سمعنا: آآآآآآآآآه آآآآآآآآآآآه.. اجرييييي اجرييييي

فجرينا تاني.. وانا كنت على الرصيف، ولقيت الجيش بيجري ورانا وواحد من الجيش بيقول: اجروا.. اجروا... ما حدش يقف

وبعدين سمعنا واحد بيصرخ: دول بيقبضوا على النااااس

فدخلنا شوارع جانبية واحنا بنجري لقينا ظابط بيجري ورا بنت كانت في اخر الصف بتاعنا وبيقول لها: يالا من هنا.. عاملة لي بطلة؟

ظابط جيش يعني، احسن حد فيكم يفتكره شرطة

وبعدين دخلنا بقى الشوارع الجانبية، وقابلنا ناس تانية بيقولوا لنا: الجيش بيقبض على الناس

ما اعرفش حد من اللي كانوا معايا غير واحدة بس قابلتها مرة واحدة في مظاهرة كوبري خمستاشر مايو في يوم 28 يناير اسمها ريم، والباقيين مش عارفاهم، كنا حوالي تسعة كده، وبعدين ريم قالت انا ليا واحدة صاحبتي ساكنة هنا تعالوا نروح لها

كان معانا واحدة قالت وطوا صوتكم لبعدين الجيش يعرف احنا فين وييجي يمسكنا، لان واحد جاله تليفون بيقول له: الجيش بينتشر وبيقبض على اي حد

واحنا ماشيين قابلنا ناس جيش واقفين حراسة في حتة كده في جاردن سيتي ووقفونا وقالوا لنا انتوا رايحين فين، فقلنا لهم اصل الجيش قال لنا نمشي ودلوقت مافيش مواصلات فرايحين نبات عند ناس صحابنا، فسألونا عن العنوان اللي احنا رايحينه وبعدين سابونا نروح، فضلنا مستخبيين في مدخل العمارة لحد ما بقى ريم صحت صاحبتها وجوزها واستقبلونا في بيتهم

وخلاص كده

انا بس ما صعبش عليا ولا خلاني اعيط غير اني لما نزلت الصبح بقيت لما اشوف جيش في الشارع اخاف زي ما كنت باخاف لما اشوف شرطة... اول مرة احس بالاحساس ده يوميها

بعدين انا كنت راكنة عربيتي في شارع الجلاء على الناحية التانية من مستشفى الجلاء، رحت مع البنت اللطيفة دي اللي مش عارفة اسمها لقيت الازاز بتاع الشباك اللي ورا السواق مكسور والعربية مفتوحة وكل اللي في داخلها مسروق، الكاسيت وشاحن العربية وكل اللي فيها، العربية اللي ورا عربيتي سليمة ما جرالهاش حاجة، مع انها راكنة من ساعة ما ركنت انا، بس مافيش حاجة بتميز عربيتي عن العربية السليمة غير اني معلقة ورقة مكتوب عليها: الشعب يريد حل حكومة شفيق، محاكمة المخلوع، وانهاء حالة الطوارئ، وورقة تانية مكتوب عليها: مبارك السفاح مكانه في السجن وليس في شرم الشيخ.

كلمت مية واربعين ادوني ارقام 122 و136 و19197 طوارئ الجيش مش بيردوا كلهم

لقيت عربية شرطة وناس قاعدة في الحتة الورانية دي، هي دي اسمها بوكس ولا ايه؟ عربية الشرطة اللي شكل النص نقل دي وفيها حتة ورانية كده، المهم دي قاعد فيها ناس لابسين مدني وحاطين حوالين راسهم علم مصر، ومش مقبوض عليهم، يعني قاعدين مرتاحين ومش متكلبشين

طبعا ما سألتش فيا العربية دي

المهم فضلنا ماشيين عشان نلاقي اي حد جيش مش لاقيين، الدبابات كلها مقفولة والناس الظاهر نايمة جوة، رحنا لحد المتحف المصري، وقبل ما اوصل للمتحف ردت علينا طوارئ الجيش وقالوا لي: طب مين اللي سرقها؟ قلت له ما اعرفش، قال لي ولو انتي مش عارفة مين اللي حيعرف؟ قدمي بلاغ في الشرطة، قلت له واللي مش عايز يتعامل مع الشرطة؟ قال لي: يبقى مع نفسه.

رحت لظابط الجيش اللي عند المتحف وقلت له عربيتي كانت راكنة في الجلاء واتسرقت، قال لي: وانت راكنة في الجلاء كنتي فين؟ قلت له كنت في التحرير، قال لي: كنتي سيبيها في البيت وتعالي.. عموما احنا ما نقدرش نعمل حاجة، احنا هنا للتحرير، روحي قسم قصر النيل، سيبيها مكانها وروحي بتاكسي

رحت قسم قصر النيل، لقيت ظابط شرطة صغنطوط كده بيقول لي اصل الجلاء مش تبعنا، روحي قسم بولاق، طب بصي استني اشوف قسم بولاق شغال ولا لا، قعد يتصل بالناس وماحدش يرد عليه، ويسأل واحد كده ويقول له يعني نعمل المحضر هنا ونبعته لهم ولا ايه؟ وبعدين قال لي معلش استني شوية لحد ما اعرف حنعمل لك المحضر هنا ولا هناك؟ فضلت قاعدة كتير، لان بولاق مش بيرد، وبعدين قلت له طب فيه حد من المعاينة طيب.. قال لي: هو انت ما تقدريش تجيبيها هنا؟

المهم البنت اللطيفة اللي معايا قالت لي نسيبها ولما جيت احط ايدي على العربية قالت لي حاسبي البصمات ههههههههه البنت دي اول ما سمعته بيقول ما تقدروش تيجبوها هنا جالها ذهول، وماما كلمتني قالت لي: يالا يا بنتي، محضر ايه وبتاع ايه؟ عليه العوض ومنه العوض

وروحت

أحداث يوم 26 فبراير
بناء علي لقاء مجموعة من الائتلاف بالمجلس الأعلى للقوات المسلحة اليوم نرجو أن يرد علينا المجلس بتحديد جدول زمني في تنفيذ أول ثلاث مطالب خلال يومين.


1 إقالة حكومة الفريق أحمد شفيق، وإعادة تشكيل حكومة تكنوقراط من غير الحزبيين، يترأسها شخصية وطنية متوافق عليها، في حد أقصاه شهر من الآن.


2 الإفراج عن كافة المعتقلين السياسيين، قبل وبعد 25 يناير، في مدي زمني أقصاه شهر من الآن، والنظر في العفو عن المسجونين السياسيين في غضون شهرين من الآن.


3 تقديم كل المسئولين الحقيقيين عن قتل الشهداء بإطلاق النار، أو بإصدار الأوامر للمحاكمة العادلة، بتهم واضحة، في أمر أقصاه شهر من الآن.


في حالة عدم تحديد جدول زمني للاستجابة للمطالب المذكورة أعلاه سوف يتوقف الائتلاف عن التفاوض ويعمل مع جموع ثوار مصر علي الضغط من أجل تحقيقها كي يثبت أن هذه هي مطالب جموع المصريين الذين اعتصموا في التحرير وسائر مدن مصر ولم يرحلوا الا عندما اعتقدوا أنها قيد التحقق

في حالة موافقة المجلس علي مطالب الثورة المصرية سننتقل الي التفاوض في بقية المطالب المتمثلة في التالي:


4 إعادة هيكلة وزارة الداخلية، بما يسمح بالإشراف القضائي الكامل عليها، والمراقبة الشعبية الحقيقية على أدائها، على أن يتولى رئاستها وزير مدني سياسي، في غضون الستة أشهر المحددة للفترة الانتقالية.


5 حل جهاز مباحث أمن الدولة في مدي زمني شهرين من الآن، وإلغاء توجيه المجندين لقطاع الأمن المركزي في غضون الستة أشهر المحددة للفترة الانتقالية.


6 الإسراع في تشكيل مجلس رئاسي مدني يضم شخصية عسكرية في مدي زمني شهرين من الآن ، مع تحديد صلاحيات المجلس ، ويتولي بنفسه مع الحكومة الانتقالية الإشراف علي تحقيق المطالب الثورية وإجراء الانتخابات التشريعية والرئاسية .


7 تقديم موعد انتخابات المحليات في حد أقصاه الستة شهور المحددة للفترة الانتقالية، وإعادة النظر في قانون الحكم المحلي .


8 ملاحقة بقايا النظام من الفاسدين ، والمتربحين من دماء هذا الشعب ، وتقديمهم للمحاكمة العادلة ، ومصادرة أموالهم وممتلكاتهم .


9 الشكر والتقدير للجنة التي تم تشكيلها لتعديل الدستور برئاسة المستشار طارق البشري علي المجهود القيم الذي قامت به ، ونؤكد علي أننا في سبيل إعداد ورقة دستورية وقانونية للمشاركة بها في الحوار المجتمعي الدائر حول التعديلات والقوانين المكملة لها ، ولكننا نطالب المجلس العسكري بمطالبة اللجنة بإضافة قانون الأحزاب إلي القوانين المكملة للدستور والتي تعتزم اللجنة تعديلها أو تغييرها .


بيان ائتلاف شباب الثورة

اااااااااااااااااااااااااااااااااااااااااااااااااااااه
والف اااااااااااااااااااااااااااااااه على المخدوعين

نداء من التحرير
بسم الله الرحمن الرحيم
الى كل اخوانى اللى هيقروا رسالتى لازم كلنا نرجع تانى الميدان انا النهاردة روحت ومكنش فى غير حوالى 5000 شخص يبقا ازاى كده شفيق هيمشى وبعدين كلاب امن الدولة والحزب الوطنى كانوا مندسين فينا وقعدوا يقولو لنا شفيق كويس وانتو موقفين حركة البلد..(طيب هم نزلو ليه لو كانو مننا)..انا نفسي اعرف فين ملايين التحرير اللي كانو بينزلو في الميدان؟؟ كده احنا مكسبناش حاجة..انا اتكلمت مع واحد كان معتصم يوم الجمعة وحكي قصة عجيبة..قال بعد ما الجيش اخلي الميدان جه قائد من الجيش وسب الناس اللي كانت في الميدان وقعد يقول انتو مش رجاله..المفروض كنتوا استمريتوا في الميدان بعد تنحي مبارك عشان الجيش يحقق مطالبكم واحنا ضربناكم النهاردة ضغط من الداخلية عشان هي عايزة الجيش يرفع ايده من الشوارع وهي تمسك والشرطة تنزل وامن الدولة يعمل الزبالة اللي كان بيعملها..والله العظيم هذا الكلام صحيح..لازم نرجع نتجمع تاني عشان المشوار يكمل.,,شوفتو تونس عملو ايه..لازم نكمل..لو فضلنا بالعدد البسيط ده عمر ماحاجة هتتغير..والناس هتيجي الجمع بس وبعدين هيزهقو وينسو ويبقي الحال..تبقي حكومة شفيق..وهي حكومة حسني وكأنه هو اللي بيحكم..ياتري الناس اللي ماتوا في المظاهرات دول ماتوا عشان في الاخر حسني يروح يستجم في شرم وحكومته هي اللي تحكم؟؟

الله ينور عليك يا ابو صهيب
وينور العقول اللى عايشه فى الوهم

أمين يا محمد
يا ريت نصحى ونفوق من وهم المكاسب اللى احنا عايشين فيها دى

لماذا سلم مبارك الى مش عارف اقول ايه عليه البلد للمجلس الاعلى للقوات المسلحة؟
مع ان ده مش فى الدستور اصلا، نعم ده غير قانونى
عارفين ليه
اكيد طبعا عارفين علشان الطبخة مع طنطاوى الى عمره ما حيبيعه ابدا و لو باع الشعب المصرى من اجله
لولا كده كان زمانه مع بن على دلوقتى

نوارة نجم كتبت:
مبارك بيتناصح علينا؟

ما عاش ولا كان اللي يفتكر نفسه بيضحك علينا... ده احنا المصريين، نودي اتخن تخين البحر ونرجعة عطشان، احنا طيبين اه، عبط لا، ومش عشان كل اللي حواليه اغبيا افتكر نفسه نبيه

ها؟ اخر حلقات الثورة المضادة ان تحصل مواجهة بين الجيش والشعب؟ ها؟ ده اخر ما جادت عليك بيه المنوفية يا مبارك؟ طب احنا عندنا منايفة انبه منك كتير، ده انت عريت المنايفة

احنا شايلين اكفانا وحافرين قبورنا

وآدي رسالة للجيش المصري باسم الشعب المصري، وايوة باتكلم باسم الشعب لاول مرة في حياتي، وانا ضامنة برقبتي، باسم الخمسة وتمانين مليون بني ادم:

مش حنرفع ايدنا على الجيش المصري، ولا حيطلع من بقنا له غير كل خير، وكل بر، وكل طيبة... واذا احنا هُنّا عليه وقرر يموتنا، احنا بنوعده اننا رافعين ايدينا لفوق، ايادي عزل، وحننام له كمان تحت الدبابة عشان ما نتعبوش في الجري

لئن بسطت يدك إلي لتقتلني ما أنا بباسط يدي إليك لأقتلك... ولا أزقك، ولا حتى أمنعك إنك تقتلني

مش احنا... مش احنا ابدا، ومافيش حد، مهما يعمل، حيعرف يلتف على ثورتنا، واللي احنا عايزينه هو اللي حيحصل، احنا اصحاب الثورة، واحنا اصحاب التضحية، واحنا اصحاب الفلاح... واللي عايزينه هو اللي حيحصل إن شاء الله

يا ريتك بقى يا مبارك تلم تعابينك عشان ما تتعبش قلبك.. سنك ما يستحملش

احنا قلبنا ما بيتعبش، ما عادش خلاص، قلبنا تعب لحد ما نحس، وبعد ما شفنا الجيش بيضربنا مش باقيين على الدنيا دي

اللي عايز يموتنا يموتنا... ويبقى كسب فينا جميلة، واحنا مش حنمنعه يقتلنا، ولا حنمد ايدنا بالسوء، ولا حنلطخ صوابعنا بالشر

مبارك كان دايما يقول للامريكان: انتوا اصلكم ما تعرفوش الشعب المصري

وانت يا مبارك ما تعرفش الشعب المصري

مصر ام الخير... واحنا الخير

والخير له الكلمة الاخيرة

ياريت اى حد فى مصر يستجيب للدعوه بتاع ابو صهيب..الله ينور يا ابو صهيب وبالتوفيق...

وينور عليك يا قائد

عاااااااجل عااااااااجل

إقالة حكومة شفيق خلال ساعات

عااااااااجل
منع مبارك المخلوع وعائلته من السفر


كويس : من أين له قصر شرم الشيخ اللى هو مستخبى فيه؟؟

حريق بالطابق السابع والثامن بمجمع التحرير المخصصين للنيابة الإدارية والأموال العامة

توجه المعتصمون بالتحرير لمكان الحريق احتجاجا منهم على الحريق، حيث اعتبروه حريقا مدبرا من قبل النظام السابق مرددين هتافات "شفيق برة برة "، وبعد إطفاء الحريق عاد المتظاهرون إلى الميدان من جديد

المفسدون يحرقون ما يدينهم وان لم نتدارك الأمر ستوأد الثورة

فيديو لميدان التحرير منذ قليل ويبين مكان المتظاهرين وحركة المرور
الفيديو مصور منذ ساعتين تقريبا

اللجنة التنسيقية لجماهير الثورة تدعو لاعتصام مفتوح لاسقاط حكومة شفيق

نفى المجلس الأعلى للقوات المسلحة خبر اقالة حكومة شفيق وقد وضعته فى الصفحة لأنه من لسان أحد شباب ائتلاف الثورة

أمناء شرطة يقتحمون مدرسة بقنا ويطلبون أسماء طلاب تظاهروا للمطالبة بحذف صور مبارك من الكتب

مظاهرات بسيناء تطالب بإبعاد مبارك عن شرم الشيخ

حتى خيمته لن تؤيه
أبى تااه الا أن يذل الطغاة

لقطة تكشف أماكن القناصة الذين قتلوا شهداء الثورة المصرية يوم 29 يناير

ما حدث فى اعتصام يوم الجمعة 25 فبراير

قائد المنطقة المركزية يطالب معتصمى التحرير بالاستعداد لتشكيل حكومة

مطالب الثوار التى عرضت على المجلس الاعلى للقوات المسلحة بالأمس
[img][/img]

الله ينور ياابا صهيب

852

مرورك الكريم أبا خالد

البيان الثانى
لمجلس ائتلاف الثورة

البيان الثانى: فى إجتماع صباح اليوم 28 فبراير مع قيادات المجلس الاعلى للقوات المسلحة تم التأكيد من جانبنا على التالى

- إقالة الحكومة الحالية برئاسة الفريق احمد شفيق على ان يتم تشكيل حكومة جديدة لايكون من أعضائها الوزراء محمود وجدى وممدوح مرعى واحمد ابو الغيط وحسين مجاور. وقد اعلن المجلس العسكرى عدم ممانعته فى إقالة رئيس الوزراء وتغيير الوزراء الغير مرغوب فيهم من الشعب.

كما قام المجلس بطلب قائمة تحتوى على إقتراحات باسماء رئيس الوزراء والوزراء نقوم نحن بترشيحها شريطة وجود موافقة نهائية من المرشحين.

- أيضا تم التأكيد من جانبنا على ان يسلم المجلس العسكرى السلطة بعد انتهاء ال 6 اشهر المحددة الى مجلس رئاسى ثلاثى الاعضاء بعضوية عسكرى ومدنى وقاضى.

- ونحن نعلن رفضنا لمادتين تم تعديلهم من الدستور * فى المادة الاولى نرفض إشتراط عدم الحصول على جنسية اخرى غير المصرية كما نرفض شرط عدم الزواج من أجنبية لان ذلك يعوق علماء مصر فى الخارج من الترشح ونراه تدخل سافر ومرفوض واعتداء على الحريات الشخصية. ونحن هنا نشير الى ان القيد يجب ان ينحصر فقط على المرشح الذى يحمل الجنسية الاسرائيلية أو من هو متزوج من إسرائيلية. أيضا نرفض التعديل الذى يلزم المرشح بالحصول على تزكية اعضاء من مجلس الشعب حيث اننا نرى ان الشعب وحده هو الذى يقرر لذلك نرى الحصول على 30 الف توقيع من مختلف المحافظات كافى تماما*.

- ايضا أكدنا على رغبة الشعب فى حل الحزب الوطنى الديمقراطى ومنع قياداته من الممارسة السياسية.

- كما قمنا بإلاشارة الى ان قرار الشعب بحل جهاز مباحث امن الدولة لا رجعة فيه إضافة الى إعادة هيكلة وزارة الداخلية بحيث يكون وزير الداخلية مدنى وايضا تغيير مناهج التدريس فى كليات الشرطة التى اصبحت مفارخ لارهاب المواطنين.وان يتم اعداد دورات مراجعات لتغيير فكر رجال الشرطة على غرار مراجعات الجهاديين.

- ايضا تم التأكيد على ترسيخ استقلال الاعلام والقضاء بالغاء منصب الوزير فى الجهازين.

* ونحن نعلن ان ميدان التحرير سيكون بدءا من الجمعة 4 مارس حرم لشهداء الثورة غير مسموح بمرور السيارات فيه أو بالتوقف فيه للشرطة العسكرية أو أفراد الجيش ونهيب بالمواطنين اغلاق مداخل الميدان وتأمينه من شوارع طلعت حرب وقصر النيل ومحمد محمود ومن اتجاه عبد المنعم رياض وكوبرى قصر النيل بكتل خرسانية كالموجودة امام السفارات.

* وسنبدأ من يوم الجمعة 4 مارس بعد الصلاة اعتصام مفتوح بعنوان اعتصام حتى اسقاط حكومة احمد شفيق يصاحبه إعتصامات مليونية أيام الاحد والثلاثاء والجمعة. وسيكون هناك استضافة لاسر الشهداء للسماع منهم عن قصص استشهاد ابنائهم.

* نرجوا من جميع المواطنين استكمال الثورة بنفس القوة والحماس حتى نصل الى هدفنا المنشود الحرية والعدالة والرخاء

الرئيس السابق وعائلته خارج مصر قبل منعهم من السفر

وابقى سلملى على المنع من السفر

في محاولةٍ منهم لإنقاذ أنفسهم، قام ضباط وأفراد من أمن الدولة بمركز دكرنس في محافظة الدقهلية بحرق كمياتٍ كبيرةٍ من الملفات والأوراق أمس أمام المقر وفوق سطح المبنى!.



في الوقت نفسه، ما زال أمن الدولة يهيمن على مديرية أوقاف الدقهلية؛ حيث فوجئ اليوم شوقي الخميسي من قرية منشية عبد الرحمن وخريج أصول الدين بجامعة المنصورة بطلب تصريح للخطابة، حيث قال له الموظف المختص بمديرية الأوقاف عندما أراد أن يحصل على تصريح للخطابة: "هات موافقة من أمن الدولة"!!.

الالاف يحتشدون بميدان التحرير لاسقاط حكومة شفيق

أعلن المجلس الأعلى للقوات المسلحة الجدول الزمنى لإجراء الانتخابات البرلمانية والرئاسية، حيث من المقرر اجراء الاستفتاء على التعديلات الدستورية فى أوائل أبريل القادم، على أن تجرى الانتخابات البرلمانية فى يونيو، والرئاسية فى أغسطس، موضحا أنه سيسلم السلطة لرئيس منتخب فى أول أكتوبر المقبل.

وجدد المجلس الأعلى تأكيده -خلال اجتماعه الاثنين مع عدد من شباب ائتلاف "ثورة ٢٥ يناير" - على أنه يتفهم بشكل كامل مطالب الثورة ، مشيرا الى أن الرئيس القادم سيضع دستوراً جديداً، معتبراً أن تحديد مدة الرئاسة بـ٤ سنوات وقصر الترشح على فترتين فقط، سيمنعان وجود حاشية حول الرئيس لأنهم يعرفون أنه ذاهب ذاهب، بحسب صحيفة المصري اليوم الصادرة الثلاثاء.

ورداً على مطالب ائتلاف شباب الثورة بإلغاء الدستور، وتشكيل لجنة لصياغة دستور جديد، قال أعضاء المجلس إن التعديلات المقترحة وضعت الإطار الذى يضمن نزاهة الانتخابات الرئاسية، وأن تغيير الدستور بأكمله يحتاج فترة تتجاوز عاماً ونصف العام، إضافة إلى أن عدم وجود دستور سيوقف القانون داخل الدولة.

وأكد المجلس أن الحكومة تغيرت بالفعل، وأنها لم تأخذ فرصتها حتى الآن، موضحاً أن وجود بعض الوجوه القديمة فى أماكنها ضرورى حتى لا ينهار الهيكل التنظيمى للدولة، مشددا على أنه ستتم إعادة هيكلة جهازى الشرطة وأمن الدولة، وأنه لا يمكن فى الوقت الحالى إقالة المحافظين ورؤساء المدن، الذين يجب استمرارهم لتسيير الأعمال الإدارية


البشاير

أنباء عن استقالة أبو الغيط وممدوح مرعى

تجميع توقيعات من جميع صحفيي وإداريي وعمال روزاليوسف لتقديمها الى المجلس العسكري للطلب بإقالة كلا من :
كرم جبر - رئيس مجلس إدارة روزاليوسف
عبد الله كمال - رئيس تحرير وزاليوسف المجلة والجريدة
محمد عبد النور - رئيس تحرير مجلة صباح الخير
محمد هاني - مدير تحرير روزاليوسف
...كمال عامر- نائب رئيس التحرير

[img][/img]

عمر عفيفى
ما سوف يحدث الجمعة القادمة

قال صفوت حجازى الداعية الإسلامية إن المتظاهرين سيغلقون ميدان التحرير يوم الجمعة القادم إذا لم يتم تنفيذ مطالب الثوار، وسيحاصرون مقر وزارة الطيران المدنى فى حال عقد الاجتماع الوزارى بها كما حدث من قبل، مؤكداً أن المتظاهرين سيحولون المظاهرة إلى اعتصام مفتوح ليس فى ميدان التحرير فقط إنما فى جميع الميادين الحيوية لحين تحقيق المطالب.

وقال حجازى فى مداخلة هاتفية لبرنامج الـ"القاهرة اليوم": "مطالبنا التى نطالب بها ليست جديدة بل هى من بداية الثورة".

كشفت مصادر عليمة أن كلاً من كمال الجنزورى رئيس وزراء مصر الأسبق وعمرو موسى أمين عام جامعة الدول العربية والدكتور أحمد زويل، واللواء أحمد رشدى وزير الداخلية الأسبق والدكتور محمد البرادعى مدير وكالة الطاقة الذرية السابق، ورجل الأعمال نجيب ساويرس والدكتور أحمد كمال أبو المجد، قد التقوا اليوم الثلاثاء، المجلس الأعلى للقوات المسلحة.وأوضحت المصادر أن الاجتماع تطرق إلى إمكانية مشاركة أحدهم فى الحكومة الجديدة

الرويني: قرار إقالة شفيق خلال أيام

وشكووووووووووووووووووووووووووووووووووووووور
ولم اوفيك حقك

جزاك الله خيرا
وشكرا لمرورك أستاذ سعد

المجلس العسكرى وافق على تغيير حكومة "شفيق"

لا لاخماد ثورةالاحرار

نعم لثورة الحرية

[img][/img]

الثورة مستمرة حتى اسقاط النظام
ندعو كل المصريين يوم الجمعه الموافق 4 مارس الساعه الثانيه ظهرا
لمظاهرات مليونيه في ميدان التحرير و كل الميادين الرئيسيه في كل انحاء الجمهوريه
للمطالبه بتنفيذ مطالب الثوره
لقد سقطت راس النظام الفاسد و لكن مطالبنا لم تنفذ
الثوره مستمره لحين تنفيذ المطالب
و سنستمر حتي يتم تغيير حقيقي
لن نتوقف حتي يتم ازاحه كل رؤوس فساد النظام السابق باكمله
لن نتوقف حتي يتم محاسبه المسؤلين عن دم الشهداء
لن نتوقف حتي يسقط النظام السابق باكمله

للاستفسار
0102864919
0107130762
0192492279
0105805657
0100744666
0196458521

لا تنازل عن أعدام مبارك وعمر سليمان بتهمة الخيانه العظمي في ميدان التحرير والتفريط في الأمن القومي المصري

مش قلنالك يا جيشنا اتصرف قبل ما يحرقوها و يحرقوا ادلة فسادهم

حريق كبير جدا في مبني الجهاز المركزي للمحاسبات.. الدور الثاني والثالث

قرر المستشار جودت الملط، رئيس الجهاز المركزي للمحاسبات، اليوم الأربعاء، إغلاق الجهاز إلى أجل غير مسمى، بسبب عدم توفر الحماية اللازمة لحماية الجهاز من عناصر الثورة المضادة ورموز الفساد من العهد السابق، والتي تهدف إلى تعويق عمل الجهاز عن رسالته في كشف الفساد والمفسدين.

لا ليوم غضب نعم لسنين غضب حتى ازاحة كل المفسيدين من النظام القديم ونعم للحرية

لا للفساد والمفسدين
نعم يدا بيد للدفاع عن الثورة وفضح المفسدين من اعوان النظام القديم
و جزاك الله خيرا اخى ابو صهيب عن بذل الجهد
ويدا بيد

أقال المجلس العسكري حكومة أحمد شفيق ,,,( بتاع الاسكواش )....و تلميذ السفاح مبارك . تلميذه النجيب ,

و تم تكليف عصام شريف وزير النقل بتشكيل حكومة جديده ,,,,,,

زىى ما يكون قلبه حاسس و لونه كان مخطوف معلش يا شفيق و صاحب البلوفر بيقولك رجعه

المطالبة غدا بحل امن الدولة و الغاء حالة الطوارىء و حل الحزب الواطى و تنفيذ باقى الطلبات

اللهم ثبت خطاهم للقضاء على باقى الفاسدين

نعم لمحاكمة كل من ضلل او افسد او اهدر مال المصريين
وثبت الله اخواننا المنادين بكلمة الحق بكل مكان
و

جزاكم الله خير

13 ألف تعليق على رسالة استقالة شفيق بعد ساعة من وضعها على "فيسبوك"

تظاهرات مليونية في كل أنحاء مصر للاحتفال باقالة شفيق
والمطالبة بحل أمن الدولة والافراج عن المعتقلي

والثورة مستمرة لاسقاط باقى النظام

ستسمعون قريبا خبر انتحار العادلي وسيكون تصفيه وليس انتحار لقتل اسراره واخراصه
الموساد عاس في مصر فساد لا يصدقه عقل وبموافقة مبارك وشراكة العادلي وعمر سليمان

منقول من العقيد عمر عفيفى