تقدم أعضاء مكتب الحزب الوطني بكفر الشيخ باستقالات جماعية، إلى أمين الحزب بالمحافظة د.محمد عبدالهادي.
والمستقيلون هم: د.طارق عمارة أمين تنظيم الوطني ود.شوقي عبدالهادي أمين الإعلام وأسامة الشيخ أمين الوطني ببلطيم ومحمد أبوالخير أمين الحزب ببيلا وإبراهيم سيد احمد أمين العضوية بالحزب.

كما قدم نواب من المجلس المحلي ورموز للوطني استقالتهم أيضًا، وهم: علي أحمد أبوعلي ود.محمد يحيي عقل نائبا الوطني عن دائرة سيدي سالم، ومحيي القطان وجمال سعد الدين نائبا الوطني عن قلين، وحجازى عبيدي نائب الشوري، ود.الغمري الشواتفي نائب دسوق، واحمد عبدالقادر نائب العجوزين، وعبدالفتاح الشرنوبي نائب الرياض، والحاج سيد شمس الدين نائب كفرا لشيخ.

وفى إتجاه آخر، قرر محافظ كفر الشيخ اللواء أحمد زكي عابدين ضم مقرات الحزب الوطني السبعة بمختلف مدن المحافظة لملكية المحافظة وهى المقرات التى استحوذ عليها الوطني من قبل.

منقول من جريدة الوفد

دائما لك السبق اخي الحبيب احمد انا كنت لسه هنزل الخبر ده
مشكور ومزيدا من التقدم

شكرا لكلامك الجميل استاذ محمود

لم يوضح هذا العرض سبب الاستقالة ، هل بسبب سياسات الحزب وعدم رضاهم عنها مثلا ياريت ل فيه نص الاستقالة يمكن يوضح السبب
وعلي العموم خطوة كويسة

جزاك الله خيرا يا أ/ احمد
الله أكبر ولله الحمد

مشكور احمد على الخبر
المفروض الكلام ده كان حصل يوم 25 يناير .وبعدين محمد عبدالهادى قاعد ينيل ايه مستقلش ليه
وبما ان الحزب البائد كان وسيله وليس غايه اهؤلاء
انا بدعو الاشراف من الناس دى عمل دعوة لقيام حزب سياسى جديد اسمه حزب "المستقلين "بس يكون له سياسة ومبادئ واضحه مبنيه على العداله الاجتماعيه والتكافؤ والتوازن السياسى وتتبنى الرتقاء بالمواطن فى شتى مجالات الحياة وتكون بعيدة كل البعد عن فكر الحزب البائد

وداعا ايها الوطنى الذى لم تكن يوما وطنى

انا مش فاهم الناس بتعمل ايه بيستقالوا من الحزب ليه يعني مكنوش يعرفوا السرقة دي كلها مثلا مكنوش بيوافقوا علي التعديلات الدستورية اللي عملت من مبارك فرعون مكنوش بيبوسوا ايد احمد عز عشان يجيبهم في الحزب وينجحهم في الانتخابات بالتزوير مكنوش بيشهدوا زور علشان أحمد عز يرضي عليهم ممدوش ايديهم وسرقوا اراضي وفلوس الغلابه وقرارات العلاج و250 ألف بتوع الحزب كل سنه مفرقوش الأراضي علي نسوانهم وقرايبهم وحتي السواق ادوله 40 فدان
هو محدش عنده مبدا ليه ياكلوا الحزب لحم ويرموه عضم عايزين يضحكوا علي الناس تاني

مشكورين لمروركم الجميل

مشكور ياادمن على الموضوع
وانا بأيد كلام الاخ 25 يناير فعلا احمد عز يستحق الذبح وفتحى سرور والاشكال دى يا نهار ابيض يدوا اراضى للسواقين بتعوهم والشباب مش لاقى الله يخرب بيوتهم وكمان الزفت زكريا عومى سرق اراضى الدوله منه لله
اخ 25 يناير ارجو منك المزيد من ايضاح الحقائق عن هؤلاء الفسقه سواء احمد عز او صفوت او سرور او زكريا
جزاك الله خير

الاخ 25
كلام جميل ما اروعه
ولكن من تقصد
كلام بلا دليل نحاسب عليه ارجوا ابراز ما يؤكد ما تقول
ولي سؤال
هل كل من كان يسعي لترشيح نفسه علي قوائم الحزب او من يتقلد منصب في اي من اماناته او ينتمي له كان يبوس الايادي؟
نرجوالتوضيح جزاك الله خيرا

السلام عليكم يا جماعه هى هتفرق كتير يعنى !!! مش انت بتقولوا نحن اصبحنا فى عصر الحرية . طيب هتفرق ايه استقالة الحزب الوطنى او عدم استقالته ؟ اظن ان هى مش فارقه كتير فى عصر يسمى بعصر الحرية يا رب يا ستير استرها يا رب

هقولك يا اخ محمود بس كل مرة حاجه عشان ترد واحدة واحدة
هبدأ بليه استقالوا الأول
المفروض اللي عنده مبدأ وفكر سياسي مقتنع بيه ميتنازلش عنه بسرعه كده لأنه من شهرين تلاته بس كان بتغني بالحزب الوطني وبالهلال والجمل وكان ميت في عتبت الحزب ده وبيقول انا ابن الحزب مرة واحدة كدة اكتشف ان الحزب ده غلط واستقال منه وكمان شويه هينضمن لي حزب تاني كان هو برضه بيسب ويلعن سلسفين جدوده وايه دا ممكن ينضمن للإخوان ولايهمه عادي أو علي الأقل يتحالف معاهم والأدهي من كده وحصلت مرشحي الحزب الوطني دلوقت معلقين يفط بأيدوا فيها شباب الثورة المباركة وجو الحرية وشباب الفيس بوك وكلام يخلي القرع يطلعله شعر بعد ما كانوا بيقولي مرشح الحزب الوطني أو علي مباديء الحزب الوطني والنصيبة الكبيرة يا أخ محمود مش في المرشح اللي بيغير جلده زي التعبان لأ دي المشكلة في المنتفعين كمان بداوا يغيروا جلدهم ومش بعيد ينضموا لحزب شباب الثورة أو حركة كفاية مثلا بزمتك يا اخ محمود ينفع الكلام ده مفيش مباديء خالص عند الناس دي ليه مستمروش علي حزبهم وحاولوا يغيروا فيه وعملوا لنفسهم موقف والانتخابات في مصر مش هتتغير كتير اعضاء مجلس الشعب هما تقريبا نفس عائلات أعضاء البرلمان أيام المللك نفس العائلات تقريبا ........... هسيبك بقه ولو عايز توضيح أكتر في السياق ده برده هقولك ........... لو عايز تتنقل لنقطة تانية أوك

انا عن نفسى احترم اى انسان شجاع

الاخ 25
بداية اشكر لك جو الحوار الهادئ هذا
اما من ناحية الانضمام لحزب اي حزب من عدمه فهذه مسالة درج عليها كثيرون
فكما تفضلت حضرتك وقلت ان النصيب الاكبر لاعضاء المجالس النيابية من العهد الملكي الي الان تقريبا من عائلات محددة تمسك بزمام العملية الانتخابية وتطوعها حسب ما تقتضيه مصالحهم
اما من ناحية ان الناس تتغير فهذا امر طبيعي لانه من صنع البشر وليس حكما شرعيا لا يتغير فالحكم الشرعي الذي هو اصل من اصول الدين لا يتغير مهما تغير الاشخاص والعصور والازمان
فانا مثلا اعرف اشخاصا نجلهم ونحترمهم بدأوا حياتهم السياسية مع منظمة التحرير ثم الاتحاد الاشتراكي واخيرا كانوا قيادات بالحزب الوطني والله وحده اعلم غدا الي اي حزب سينضمون هذا هو واقع الحياة السياسية عندنا للاسف اللي تغلب به العب به 000000000اليس كذلك اخي الفاضل
الكل بلا استثناءالا من رحم ربي كان يلهث لينال ثقة الحزب ليخوض الانتخابات علي قائمته بل حتي الطالب الجامعي الذي يريد ان يلتحق بالمدن الجامعية كان كارنيه الحزب هو جواز المرور لذلك
المهم لا اريد ان اطيل عليك وعلي احبائي اعضاء منتدانا الحبيب
لا ضير من التغيراذا كان للافضل فكلنا اخطاء وخير الخطائين التوابون
شكرا لك اخي الحبيب وتقبل تحياتيلك وللاخوة الاعضاء جميعا

أحييك استاذى الفاضل محمود على رأيك الذى تتكلم عنه بكل صراحة بدون ان تجرح فى احد وان تسب او تتهم احد بالباطل ام حكاية الحزب فالكل كان يأخذ الحزب وسيلة وليس غاية فالكل يعرف ان لو اى عضو لم ينضم الى الحزب لم يستطيع ان يحصل على الخدمة لابناء دائرته وانا قاعد مرة اشاهد التليفزيون شاهدت رئيس البورصة الجديد يقول عن اعضاء مجلس الشعب ال كانوا فى الحزب الوطنى قال العضو كل غرضه خدمة لاهل بلده يقدمها من رصف طريق تشغيل صرف صحى يجيب خط مية ...
رررجاء من الجميع بتعاليم الاسلام الذى تنهى عن سب او قذف اى شخص بالباطل وان نراعى الله فى كل كلمة نقولها .

كما قال الله تعالى " ما يلفظ من قول الا لديه رقيب عتيد "
صدق الله العظيم

اخ 25 يناير انت كلامك مظبوط تماما بس ده من اتجاه واحد وده نعتبره وجهه نظر تحترم ......ولكن
موضوع مبادئ وفكر سياسى يجب انه يلتزم به .انا بختلف معاك فى الكلام ده تمام لان كل الحكايه ان لاحد يعرف مبادئ الحزب الوطنى ولاحد يعرف ايه فكره السياسى الحكايه ان فيه حزب تبع الحكومه اللى هينتمى له سيكون الاقوى ضمنيا لان النظام البائد زرع فى الناس ان من سيرشحه الحزب سوف ينجح بأى طريقه كانت .من هنا تكالب المرشحين على الحزب الوطنى بمعنى اخر لو كان حزب الحكومه اسمه حزب الحرافيش كان برضه المرشحين هيتكالبوا عليه لما سيحصل عليه من امتيازات كثيرة تجعله يسبق اقرانه مراحل. والدليل مثلا فى شباس كان مثلا الدكتور سامى بيقول انا مرشح الحزب الاوحد وكان الحاج جمال والحج عبدالحميد بيقولوا نفس الكلام وقبلهم كان العميد مراد القطان وغيرهم وغيرهم

واذا تم تحويل مصر الى جمهوريه برلمانيه بمعنى تشكيل الحكومه حسب حزب الاغلبيه فى البرلمان ستجد تكالب ايضا على الحزب الاقوى .واذا اردت ان تغير هذا الفكر فأتى بأحزاب متعادله فى القوة ذات مبادئ واضحه وفكر متزن مثلمايوجد فى امريكا.هنا ستجد الانتماءات واضحه
واخيرا وليس اخرا مصر شعبها طيب تغلب عليه العاطفه فتجد اهلها يحبون اشخاص وينتمون اليهم .اما الاحزاب فهى مسميات والدليل حزب العداله والحريه

يا جماعة ربنا سبحانه وتعالي يقبل التوبة
لكن في رأيي أن الشعب لن يقبل التوبة أبدا وكل من قدم طلب ترشيح أو ترشح على قائمة الحزب الوطني فهو مرفوض من الشعب تماما ويجب أن يموت موت مدني يعني بلا حقوق سياسية لا ترشيح ولا حتي يعطي صوته ويجب إن كان موظف عام يفصل من وظيفته لانه لا يؤتمن على مصالح الناس هذا على مستوي المجالس التشريعية أو الشعبية بالإضافة إلي عناصر أمن الدولة وجواسيسهم في مصر على الناس ، أنا شخصيا أؤيد عملية اجتثاث الحزب الوطني يعني إسقاط الجنسية المصرية على الأقل عمن قدم طلب ترشيح أو ترشح أو تولي قيادة على مستوي التنظيم .
أما الأعضاء فيجب الحذر لأن كثير من الأعضاء كانت لهم عضوية دون أن يعرفوا حتي انهم أعضاء وعلى فكرة ده تزوير يعني لو واحد له عضوية دون أن يوقع عليها ممكن تحصل مساءلة قانونية زي اللي حصلت مع أيمن نور كدة ويسأل عنها أمين الحزب سواء في المحافظة أو المركز أو القري والمدن

مشكور استاذى الفاضل محمود حشلة بس لو حضرتك زى ما بتقول يبقى أغلب الشعب هيتسحب منه الجنسية علشان كان بينتخب مرشح الحزب .....

لا أنا لم أقل أعضاء الحزب ولم اقل الذين انتخبوا الحزب أنا قلت أكابر أعضاء الحزب يعني مثلا قرية مثل شباس عمير فيها حوالي خمسين ستين واحد قدموا طلبات ترشيح في الحزب قبل كدة سواء على مستوي المجالس الشعبية المحلية أو مجلس الشعب بالإضافة إلي أمناء الحزب السابقين والحاليين ، هؤلاء يجب إسقاط الجنسية المصرية عنهم ويعيشوا بيننا بوثائق تجدد كل سنة وتراجع حالتهم كل عشر سنوات مثلا للنظر في إخلاصهم للوطن ولا زي ما هم .
أو علي الأقل يحرموا من تقلد الوظائف العامة وفي جميع الحالات يجب عزلهم سياسيا يعني حرمانهم من حق الترشح أو الإنتخاب وتقييد حركتهم داخل مصر ومنعهم من السفر إلا بتصريح من وزير الداخلية شخصيا ولاسباب مثل العلاج
بل والله يا أخ احمد أنا لو في يوم من الأيام أستطعت تنفيذ ذلك لن أتردد في أن أضيف إلي القابهم واسمائهم ألقابا تفيد بإنتمائهم الى نظام حسني مبارك بحيث تلاحق هذه اللعنة ابناءهم واحفادهم .
,اعتقد ان هذه هى العدالة في أبسط معانيها ، أمال الناس اللي ماتت دي ماتت ليه ؟ يعني ايه قناصة يقفوا يضربوا الناس بالنار زي ما يكونوا بيصطادوا عصافير ، كل واحد من اللي ماتوا دول عنده اسره واولاد ، وفين ارواح الناس اللي ماتت بالفيروسات الكبدية والفشل الكلوي والمبيدات المسرطنة ، ثلاثة اجيال ضاعت ، ولكم في القصاص حياة يا أولي الألباب
وبعدين يا إخواننا لا يغرنكم ما يقوله يحيي الجمل من موضوع العقو والكلام ده ، بكرة تشوفوا ان ده كله كلام فاضي وأن الشعب حياخد حقة تالت ومتلت ، مفيش حاجة اسمها عقو ، مين اللي يقدر يعفوا غير اللي مات نفسه

بس يا استاذ محمود ليس معنى ان المنظومة فاسدة يبقى كل ال فيها فاسدين والعكس برده

تمام استاذ حسام الكلام اللي حضرتك قلته ده تمام 100% ( ان لاحد يعرف مبادئ الحزب الوطنى ولاحد يعرف ايه فكره السياسى الحكايه ان فيه حزب تبع الحكومه اللى هينتمى له سيكون الاقوى ضمنيا لان النظام البائد زرع فى الناس ان من سيرشحه الحزب سوف ينجح بأى طريقه كانت) وهي دي المشكله ان المرحله الجايه عايزه اصحاب الفكر أمثال حضرتك هي اللي تقول للناس الطيبين اللي حضرتك بتقول بينتخبوا شخص مش فكر أن مصلحة مصر ( مصلحة البلد ) في انتخاب فكر مش شخص انتخاب برنامج مش انتخاب مصلحه شخصيه نظرة للمجتمع ككل مش نظرة ضيقه انتخاب الفكر الذي يصلح لتمثيل المجتمع في كافة المواقع هو ده الدور المطلوب من المثقفين ( توعية الناس الطيبين ) وحضرتك ذكرت كل اللي ترشحوا تقريباً في شباس وده كويس ان حضرتك بتأكد ان كلهم زي بعض اللي نجحوا واللي سقطوا مفيش فرق كتير ( لو كنت فهمت قصدك ) كانوا برضه هيجروا ورا الحزب وورا النظام البائد الفاسد بكل أركانه وكانوا برضوا هيخدوا فلوس الرشوة بتاعت الحزب ويوزعوها بنفس الطريقة وأراضي الرشوة بتاعت الحزب ويوزعوها بنفس الطريقة ويوفقوا علي القرارات والقوانين ويعدلوا الدستور زي ما النظام عايز متفق معاك جدا علي كده مفيش فرق
لكن اليوم بعد الثورة هل حضرتك شايف اننا نستمر في نفس النهج ولا نحاول نوصل للناس المصريين الطيبين ابويا وابوك وامي وامك وعمي وعمك الناس الطيبين اللي يستاهلوا كل خير عايزينهم يعرفوا ان السياسة معناها صدق وحق وامانة وشهادة هيحاسبنا عليها ربنا واحترام للراي الآخر حتي لو اختلف مع رأي مش معاناها كذب وضحك علي الناس وضرب الصوت المعارض والإفتراء عليه بالباطل والدفاع عن الحكومة وانا متأكد انها بتخرب بلدي وتزوير الأصوات ودفع الرشاوي وشراء الذمم بهدف الوصول إلي مجلس الشعب وبعد كده لا يحضر ولا يراقب الحكومة ولا يناقش قوانين

يا أخ أحمد انت لك كل احترام وتقدير مني ده أولا . ثانيا أنا لم أقل كل المنظومة أنا وضعت معيار قد أكون أصبت أو أخطأت فيه وهو كل واحد قدم طلب ترشيح للحزب سواء على مستوي المجالس المحلية أو الشعب أو الشوري وكل جواسيس أمن الدولة وعناصرها الذين تخصصوا في النواحي السياسية وظباط الأمن المركزي الملوثة أيديهم بدماء الأبرياء مش بس أثناء الثورة وإنما على مدي العشر سنوات الماضية لأن حجم الفساد في مصر في العشر سنوات الأخيرة هو حجم فعلا يستحق اسقاط الجنسية المصرية عن كل من ساهم فيه حتي ولو كان مش فاهم بل إن اللي مش فاهم ده يستحق العقوبة أكتر لانه فاسد ومش فاهم إنه فاسد ويستتبع اسقاط الجنسية عنهم مراجعة كل ممتلكاتهم ومراجعتها على ملفاتهم الضريبية علشان أي ممتلكات لم تدفع عنها ضريبة يجب مصادرتها فورا ويعيشوا في مصر بوثيقة على أمل استرداد الجنسية في يوم من الأيام ودي مش عقوبة مبالغ فيها ولا حاجة ده اقل شئ مع ناس فرضت علينا الرعب بقانون الطوارئ ومنعتنا من حقوقنا في تولي العمل العام ووضعوا مصر في حالة جعلتها أسوأ بلد في العالم ، يا أخ احمد ربما انت لو ذهبت الي أي سفارة علشان تحصل على تأشيرة سياحة حتعرف كويس ايه معني كلمة مصري ،
هؤلاء يجب عليهم الهجرة أو النفي وده اقل شئ يحصل معاهم

اوافقك الراى استاذا محمود تماما

انت يا استاذ محمود متاكد انك محامي مش عارف انت باين بتضحك علينا واخدت سياسة واقتصاد ولا اقولك يجوز تكون بتشتغل في منظمة العدل الدولية انت جبت الاحكام دي ازاي !!!!!!!!!! عارف اسقاط الجنسية دي افضل حكم لازم يتطبق علي كل الناس التي ضللت هذا الشعب واقنعتهم بان البلد خرابه ومفيهاش فلوس وهم بيسرقوا ويحولوا فلوس البلد بره واسقاط الجنسية ضروري عشان يحترموا عقلية الشعب المصري المقهور اللي صدق كدبهم وتزيف الحقائق

اعتقد ان حضرتك يا استاذ محمود تعرف ان الثورة لم تأتى الا بالحرية و العدالة فكل مرتشى وحرامى هيبان وكل شريف هيبان برده يعنى لو واحد طلع حرامى يبقى مش هنزعل عليه ولو واحد طلع شريف وخالى من التهم ال كنا بننسبها له يبقى هنعمل ايه ساعتها مش عارف بصراحة .
فلازم كلنا نتكلم كلمة حق ال ترضى الله عز وجل يعنى مينفعش اسب واشتم فى واحد من غير ما يكون عندى مستندات حتى لو كان عندى مستندات تدينه مينفعش اشتمه برده فيه طرق مشروعة امشى فيها لكى اثبت عليه هذه التهم فياريت كلنا نراعى الله فى اقوالنا وافعالنا ..

" ما يلفظ من قول الا لديه رقيب عتيد "

الف شكر يا أستاذ ابو خالد على ذوقك المعتاد
الف شكر يا أستاذ جمال على مجاملتك الرقيقة ( عايز اشوفك بقى واحشني فعلا )
الأخ أحمد بقوش الف شكر على ردك ، أولا يا أخي أنا لم أتكلم في حق أحد بعينة . انت ليه دايما تاخد الكلام كما لو اني أقصد شخص واحد بعينه ؟ يا عم اللي تقصده ده أولا صاحبي ثانيا موكلي وما زال موكلي هو و إخواته كلهم ، ثالثا حتي في أحرج الظروف اللي خلافنا فيها وصل للذروة كنا بنتعامل مع بعض في منتهي اللياقة ، بس علشان عدم المزايدة على رأيي ورأيي هو الشئ الوحيد الذي لم أؤجره أبدا أو أبيعه وده الحمد لله هو اللي خلاني أحوز ثقة ناس كتير في بلدي وخلاني أقعد في قعدات التحقيقات وانا عمري اتنين وعشرين سنة ، وده مش محل فخر مني ولا حاجة بس أنا حبيبت اقولك يا أستاذ أحمد وانت أخ عزيز أني لما بأقول رأيي في شئ في مصر أو في شباس عمير تأكد أنه بقوله عن خبرة وفهم عميق لدقائق الفكر في شباس ولمحركات العواطف فيها ، وعلشان تبقى عارف أنا عمري ما حأترشح لمجلس الشعب في هذه الدورة على الأقل وأكرر اني سأساند وانتخب وادعو لحزب العدالة والحرية أيا من كان المرشح فيه .
- بالنسبة لموضوع الحوار فأنا لم أذكر شخص بعينه أنا اتكلمت عن حوالي 300 ألف شخص في مصر يجب أنهم يخرجوا من بيننا لانهم أبدا لم يكونوا منا أبدا مثلا في شباس كام واحد منهم ؟ ستين ؟ سبعين ؟ خلاص إحنا مستغنيين عن سبعين واحد في شباس جروا وراء المناصب ولهثوا علشان يتصورا وكانوا مستعدين لعمل أي شئ في سبيل الفتات الذي كان يرمي لهم . في المقابل الشرفاء والمثقفين والصفوة والنخبة في مصر وشباس طبعا جزء من مصر كانوا محل حقد وكراهية من شوية جهلة وللأسف الكلمة العليا كانت للجهلة ،
يا أخ أحمد إحنا عايزين نسقط جمهورية ضبو في شباس عمير

والله يا استاذ محمود انا اتكلم عامة وليس خاصة وزى ما قلت لحضرتك قبل كده عمرى ما هدافع عن اى شخص انا اقول كلمة حق وخلاص ..

انت تريد وانا اريد والله يفعل ما يريد
دع الامور تجري في اعنتها00000ولا تبيتن الا خالي البالي
ما بين طرفة عين وانتباهتها0000يبدل الله من حال الي حال

ثانيا مش كل حاجة سرقة فلوس ، فيه حاجة اسمها المسئولية السياسية ومعناها أن الشخص مسئول عن إتخاذ قرار سياسي معين أثر في المجتمع تأثيرا معينا ، فهل حضرتك تؤيد ناس علقت لافتات تأييد لحسني مبارك الحرامي بن الجزمة في عز الوقت اللي كان بينهب في البلد ؟ رغم انهم مش حرامية
هل حضرتك تؤيد ناس أيدت قانون الطوارئ اللي بسببه تم اعتقال حوالي خمسين الف واحد في مصر خلال تلاتين سنة بدون تهم ؟ رغم انهم مش حرامية
هل حضرتك تؤيد وصلت لأعلي المناصب في الدولة رغم انهم ما بيعرفوش يقرأوا ولا يكتبوا بدرجة معقولة ؟ رغم انهم مش حرامية
هل حضرتك تؤيد ناس أيدت بيع الغاز لإسرائيل ؟ رغم انهم مش مستفيدين من صفقات بيع الغاز
دي يا أخ احمد هى المسئولية السياسية ومش ضروري ان اللي يتحمل هذه المسئولية يكون حرامي علشان اقول انه وحش وده اللي المجلس العسكري فاهمه بس عامل نفسه مش فاهم .

يا حوده لسه الثورة موصلتش شباس مفيش فايدة

لا يا استاذ جمال الثورة وصلت بس للاسف وصلت بتصفية الحسابات بين الناس ...

مفيش حل كلو بقول يلا نفسى
مفيش حد بيحب الخير لحد
مفيش مبادئ
حسبى الله ونعم الوكيل

من الواضح يا إخواني ان كلامي أغضب البعض مني لأن كلامي ربما يمسه أو يمس قريب له أو يمس مصالح محتملة في الأجل الذي كان قريبا ، وأنا والله لم أقصد أن أجرح أحدا ولم يكن الباعث على كلامي هذا سوي ابتغاء الصالح العام والله من وراء القصد ولكن هنا نقطة نظام يجب أن نراجع فيها موقفنا كأبناء لهذا البلد لان قطار التقدم الذي فاتنا منذ اربعين عاما قد دار على الجمهورية كلها وعاد إلينا مرة أخري فأصبحنا متأخرين بما يوازي لفة القطار ولو تركناه هذه المرة حيبقوا لفتين . وهنا يجب أن تظهر حقائق معينة :
1- أولا شباس عمير ليست كيانا صغيرا كما قد ينظر إليها البعض إ ن مساحة الكتلة السكنية والأراضي المجاورة لها تساوي مساحة مقاطعة كاملة في بعض الدول وكذلك عدد السكان ولذا يجب ألا نسخر من أنفسنا بدعوي أننا قرية صغيرة أو مجهولة .
2- إن شباس عمير من حيث المساحة والسكان أقل من قري كثيرة في المحافظة ولذلك يجب أيضا ألا نضخم من شأن أنفسنا ونتنفخ على الفاضي .
3- إن العمل السياسي والشعبي والخيري في شباس عمير ليس أمرا سهلا وهينا لتركه للمجموعة التي أفرزها نظام المجرم حسني مبارك سواء من الناحية دي أو من الناحية التانية وطبعا حضراتكم فاهمين كويس الناحية دي والناحية التانية وكلاهما نسختين متماثلتين تماما .
4- إن النخبة الحقيقية في شباس عمير من معلمين وأطباء ومهندسين ومهنيين ومحاسبين ومفكرين وأزهريين لم تعرف طريقها الي الحياة الشعبية في شباس عمير لان كل واحد من هذه النخبة كان عدوا محتملا للقابضين على الحكم والقابضين على أرواح وارزاق الناس لانه ممكن يترشح في يوم من الأيام .
5- الحقيقة المرة التي أحب أن أكون أول من يسوقها الى اسماع حضراتكم ، أن شباس عمير حتي الآن لم تقدم مرشح واحد سواء في مجلسي الشعب والشوري أو المجالس الشعبية أو المحلية يصلح لتولي العمل العام وأقول مرشح وليس عضو بما يعني صراحة أنه خلال الثلاثين عاما الماضية تعتبر الأطراف المتنافسة في شباس عمير بما يحملاه معهما من أشخاص وبرامج هم أسوأ ما في شباس عمير ولن تنجب شباس عمير على مدي مستقبلها القادم أسوأ من الموجودين المتنافسين سواء أولاد العم أو أولاد الخال ولكل واحد منهم شلته التي هى أسوأ ما في البلد ولكل واحد برنامجه الذي هو الظلم والقهر والتطلع للحرام وظلوا يتنافسون على إرضاء أمن الدولة لكي ترفع عنهم تقارير تقول أن أحدهم أكثر قدرة من الآخر على الظلم ومسح الجوخ والنفاق والهمز واللمز .
6- والله العظيم أنا لا أقول هذا بقصد التجريح ولكني أضع مشرط الجراحة في مخ كل واحد فينا حتي نقتلع معا أوراما خبيثة زرعت في عقولنا وحتي نكون على مستوي المسئولية أمام الله سبحانه وتعالي يوم لا ينفع مال ولا بنون إلا من أتي الله بقلب سليم .
7- بالنسبة لمسألة تصفية الحسابات التي تحدث عنها الأخ أحمد فلا مانع يا أستاذ احمد من تصفية الحسابات طالما أنها لا تحرم حلالا ولا تحل حراما ، مش هى دي العدالة ؟ ولا الناس تؤذي بعضها و نوجه اللوم للمظلومين انهم بيرفعوا اصواتهم بطلب رفع الظلم . ولا فيه حد له مصلحة في الظلم ؟
8- وكما قلت من قبل الله من وراء القصد

بسم الله الرحمن الرحيم
(وما اتاكم الرسول فخذوه وما نهاكم عنه فانتهوا)
اخي العزيز الفاضل محمود حشله 000000حفظه الله
الاخوة الافاضل اعضاء منتدانا العظيم0000حفظكم الله
السلام عليكم جميعا ورحمة الله وبركاته
من الواضح ان الصورة لدي اخي محمودقاتمة بل قاتمة جدا وما عهدت عليه ذلك
فشباس اخي الحبيب مصنفة من اكبرقري المحافظة وهي كبيرةبرجالها ونسائها بشبابها وشباتهابشيوخها واطفالها
شباس التي كتب عنها الجبرتي
شباس ارض الابطال التي قهرت الغزاة
شباس التي تعرف قدر وعطاء ابنائها
شباس وما ادراك ما شباس000000الام والوطن
من هنا لا يستطيع اخي الحبيب كائن من يكون ان يزايد علي شباس ولا علي اي راي يتم الاتفاق عليه فيها
البعض يتهم شباس ان الثورة لم تصل شباس وانا اؤكد لهم ان شباس كانت ممثلة عبرشبابها في ميدان التحرير وانا اعرف كثيرا كانوا هناك وهاتفتهم وباركت عملهم
لكن الثورة في شباس طابعها الهدوء لما بيننا من حب واخوة وصداقة وزمالة ومصاهرة فهذا ما يميز شباس عن غيرها
ليس عيبا ان كانت شباس تحت الحكم البائد فهي منظومة داخل المنظومة الكبري
ام المطلوب ان نسقط الجنسية عن كل ماهو شباسي لانه كان تحتحكم المجرم مبارك
نادت الثورة المباركةبالحرية والديمقراطية وحق الجميع في التعبيروالحياة الكريمة لكل مواطن وليس بمقولة انت لست معي فانت ضدي
اخي الحبيب
الحمد لله اننا مسلمون وكفي بها نعمة ولنا في رسولنا الكريم اسوة حسنة
عندما فتح مكة وهو من هو صلي الله عليه وسلم ويخاطب من رؤس الكفر
ماذا قال لهم
قال لهم ما تظنون اني فاعل بكم؟
قالوا000اخ كريم وابن اخ كريم
قال000اذهبوا فانتم الطلقاء
العفو عند المقدرة من شيم العظماء فداك نفسي واهلي يا رسول الله
ورغم انها كانت حروب عقائدية وليست دنيوية من اجل مناصب زائلة
ايلاما الخلف بينكما ايلاما0000وهذه الضجة الكبري علاما
اخي الحبيب
نعود لشباس
اناعاتب عليك وخصوصا البند الرابع والخامس فالنخب في شباس كلهم ابناؤها علي اختلاف ميولهم وطوائفهم رجال محترمين لهم منا كل تقدير فمنهم الوالد والوالدة والاخ والاخت والصديق والصديقة والمعلم الذي غرس فينا حب هذه البلد
لذا
اعجب واتساءل كيف طاوعك قلمك وانا الذي اعرفك جيدا ان تتهم شباس انها علي مدار ثلاثون عاما لم تفرز عضو مجلس شعب او شوري او اعضاء مجالس محلية
ولم تقدم حتي مرشح ؟
اخي الحبيب من لا ماضي له لا حاضر ولا مستقبل له
من ينسي رجالات شباس في هذه المجالات فقط ولسنا بصدد جميع المجالات
من ينسي الرجل الفاضل عليه رحمة الله الشيخ فتح الله القطان عضو مجلس الشعب ورئيس مجلس ادارة الجمعية العامة للائتمان علي مستوي الجمهورية والذي ترك الحياة وهو لا يملك من حطام الدنيا شيئا
من ينسي المهندس عبد الباعث حامد رئيس مجلس مدينة كفر شكر ورئيس المجلس المحلي للمحافظة رحمه الله
من ينسي الاستاذ عزت مغيزل رئيس المجلس المحلي رحمه الله
من ينسي الرجل الفاضل استذنا واستاذ الاجيال الاستاذ توفيق الحشاش رئيس المجلس المحلي متعه الله بالصحة والعافية
من ينسي الاستاذ محمد حسن مغيزل مرشح الشوري والمنافس عليها بقوة انذاك ورورئيس المجلس المحلي
من ينسي الاستاذ حسني صباح عضو الاتحادالاقليمي علي مستوي الجمهورية وعضو المجالس المحلية عليه رحمة الله
من ينسي استاذنا الفاضل وقد عاصرته وذكرت موقف معه انت شخصيا استاذنا الفاضل عليه رحمة الله الاستاذ محمد الكاشف عضو المجالس المحلية
من ينسي اخونا الفاضل عليه رحمة الله الحاج عبدالعزيز خطاب والذي هو عضو مجلس شعب لولا ما حدث من الامن وكان للبلد عضوين في هذه الدورة
من ينسي الاستاذ الفاضل عبدالفتاح عبادة عضو الاتحاد الاشتراكي وامين لجنة الاعلام بكفر الشيخ
من ينسي المناصرين والمؤيدين والاعضاء الافاضل من نبت هذه البلدة الطيب اهلها
متع الله من منهم علي قيد الحياة بالصحة والعافية ورحم الله من وافته منيته وعلي راسهم استاذي الاستاذ ابراهيم حشله رحمه الله
تقبل مروري اخي الكريم وتحياتي لك ولجميع اعضاء منتدانا العظيم
والسلام عليكم ورحمة الله وبركاته

مع احترامى لاراء الجميع فتصفية الحسابات التى لم تأت بالعدل الذى نعرفه لانهم الاشخاص الذين ينادون بالعدل والاصلاح ليسوا اهل عدل ولا اصلاح فهل يقتنع الناس بما ينادون وهم اساسا ليسوا اهل عدل فتعجب ياستاذ محمود عندما تجد ان فلان وفلان هم الذين عند الحاكم العسكرى يقدمون الشكاوى فى اناس كلنا نعرفهم ونعرف من هم وهؤلاء الاشخاص الذين ذهبوا لكى يعدولوا ويصلحوا كما يدعون نسوا قول الله تعالى " ان الله لايغير ما بقوم حتى يغيروا ما بأنفسهم " ونحن كشباب من اهل البلد نحللون الامور وعندمانجد ان من يطالب بالاصلاح هم ليسوا أهل ثقة فنعجب كل العجب ...

أخي الحبيب الفاضل الأستاذ محمود شهاب الدين واخواني الأعزاء جميعا .
- أولا يا أستاذ محمود عندما أتحدث إليك انت بالذات لعلك في غني عن ذكر معزتك عندي واحترامي لك لأنني أعرف أنك واحد من القلائل الذين لم يستفيدوا أبدا من المناخ الذي كان سائدا أو هكذا هى معلوماتي عنك . ولعل من نافلة القول التعريف بمعزتي عندك التي لا أشك فيها يوما أبدا ليس فقط بسبب العلاقة الشخصية المتينة بيننا ولكن الأهم من ذلك هو قدرة كلينا على إدارة حوار هادئ ومتزن لنخرج منه بنتيجة قد نختلف عليها ولكن النتيجة الأهم هو أن يترك كل منا الآخر وهو يحبه ولا يكن له أي ضغينة شخصية .
- ثانيا إن الباعث عندي على الدخول في هذا النوع من الجدل حتي مع شباب هم أصغر مني بكثير هو إيماني بأني فرد من الأفراد مثلي مثل غيري لا يفضلني أحد ولا يدنوني أحد بل كلنا جميعا متساوون في الحقوق والواجبات ولكني أذكر دائما قول الله جل وعلي ( وليخش الذين لو تركوا من خلفهم ذرية ضعافا فليتقوا الله وليقولوا قولا سديدا ) وأنا واحد من الناس عندي بنت وأخشي عليها من المستقبل المجهول ولا أملك شئ اتركه لها سوي التقوي والقول السديد عسي الله أن يحفظها . ولذلك يا أستاذ محمود أنا تعلمت من أبي الله يرحمه أن أقول رأيي فقط ولا أهتم بأي شئ غير أني أقول الشئ الذي اقتنعت به وأنا أذكر مدي صلة أبي بالشيخ فتح الله عليه رحمة الله ومع ذلك ففي أول مرة ذهبت لأعطي صوتي قلت له انتخب مين ؟ قال ده رأيك وأنا مليش تدخل فيه ( سنة 90)
- ثالثا : أنا أتعجب كثيرا عندما تذكر لي حضرتك مآثر شباس عمير وكيف أنها قرية من أكبر القري وأنها جاءت في كتب التاريخ وكأنني هاجمت شباس وهذا يذكرني بأحمد فؤاد نجم عندما كتب قصيدة يهاجم فيها السادات واعتقله السادات لانه بيشتم مصر فقال أحمد فؤاد نجم هو أنت اسمك مصر ؟ أنا بأهاجمك انت مش مصر هههههههههههه . فشباس عمير يا أستاذ محمود هى القرية التي عشنا عليها بإعتبارها جزء من الأمة كلها وهى الأم التي كتبنا فيها الشعر وفيها نذكر مساوئنا وحسناتنا وفضاءلنا وعوراتنا وما الأكثر العورات حين تعدها فينا جميعا فأنا أحب شباس عمير يا أستاذ محمود مثلك وليس أكثر منك لأنني أعرف مدي حبك للبلد وحبك لمصر كلها .
- بالنسبة للصورة القاتمة يا أستاذ محمود فالحقيقة أنها ليست قاتمة بل هى سوداء مثل القطران أو أشد سوادا من القطران ، وأحب أن أقول لك هنا يا أستاذ محمود أن كلامي هذا ليس المرة الأولي التي أذكر فيها ذلك بل أنا قلت كلام أشد من هذا الكلام من قبل في شباس عمير وقدام الناس كلها وقلته بدل المرة ألف مرة وقدام أكابر الناس في مركز قلين والحقيقة انهم مش أكابر ولا حاجة .
- الناس اللي حضرتك ذكرتهم دول كلهم أنا اتربيت على ايدهم حتي الذي تظن حضرتك أني بعيد عنه شوية . لا كلهم مربين أفاضل وربوني أنا شخصيا أو أصدقاء لي رغم فارق السن الكبير بيني وبينهم ، أنا مش عارف انت ذكرت الناس دي ليه يا أستاذ محمود ؟ هما دول ايه علاقتهم بالكلام اللي احنا بنقوله ؟ مش بقولك انت عملت زي السادات لما قال لأحمد فؤاد نجم انت بتشتم مصر هههههههههه. حبيبي يا أستاذ محمود والله .
- لعلمك والله يا أستاذ محمود أنا أقول هذا الكلام لوجه الله . وهذا رأيي ، طيب أا حأحكيلك حكاية صغيرة ، من المرات القليلة اللي الكابتن محيي القطان زارني فيها في البيت ، كان الكلام ده في شهر ستة الفين وخمسة وقلت له فيها أنا بحبك علشان كدة أنا عايزك لما تترشح ما تقدمش في الحزب الوطني لأن الحزب الوطني وصل الي مرحلة لا يمكن قبول أي مرشح من جهته حتي لو كان صاحبي ولو الإخوان اترشحوا احنا كلنا حنقف معاهم مهما كان المرشح بتاعهم لان الحزب الوطني أصبح رمز الفساد . والكلام ده كان قدام حوالي عشرين شاب في شباس عمير وكلهم موجودين ، وحكاية تانية أمين شباب الحزب الوطني وهو من البلد في مرة قالي عايزين نقعد علشان نشوف ممكن الحزب يعمل ايه مع شباب البلد قلت له أنا بأعتبر أن أي واحد يتكلم عن الحزب الوطني هو انسان عديم الحياء ، خلينا اصحاب كدة من غير الحزب الكلام ده كان في غضون سنة الفين وثلاثة . القصد يا أستاذ محمود إن كلامي عن الحزب مش جديد ولا بعد الثورة ولا حاجة ، بس كل ما هنالك إننا جميعا كنا مقيدين قيد شديد جدا يعني كنا حنعمل ايه ؟ كنا بنخبط راسنا في الحيط ومفيش فايدة . لكن ده في جانب المعارضة لكن يا أستاذ محمود أنا بأستغرب على الناس اللي كانت بتعلق لافتتات لحسني مبارك والناس اللي كانت بتهلل لقانون الطوارئ . طيب بالله عليك يا أستاذ محمود هل هؤلاء الذين كانوا يسهرون ويرابطون على تطبيق الطوارئ ينفع اننا نقبلهم بيننا مرة أخري ؟ أنا بأحلفك بالله ينفع ؟ هل مساعدة أحمد عز وجمال مبارك وجرانة والعادلي وعبيد ونظيف عمل شريف ؟ بالله عليك هؤلاء الناس سرقوا مستقبلنا ولا لأ ؟ هل تشعر يا أستاذ محمود أن غربتك دي إيه سببها وبعدك عن أهلك وتحكم ناس جاهلة فيك ؟ هل تشعر يا أستاذ محمود بأن كفيلك أحسن منك ؟ طيب انت بلدك أغني من بلده ، ما هو سبب غربتك وغربتي وبعدنا عن أولادنا ؟ مش هما الحرامية دول ؟ أنا شغال هنا في المنطقة الحرة في دبي ..... تعرف ؟ فيه ناس هنا هنود بيضحكوا علينا بيقولوا انتوا جايين تشتغلوا في المنطقة الحرة هنا و 75 % من تجارة العالم بتمر على ثلاث مدن عندكم هى السويس والإسماعيلية وبورسعيد ؟ في كيب تاون كنت بأتحسر على مصر وانا بأشوف مدينة أحسن من أي مدينة اوربية تم بناؤها خلال عشر سنوات هى عمر إغلاق الملاحة في قناة السويس . والله يا أستاذ محمود أنا زرت قري في كينا في شمال كينيا في حته اسمها الوادي المتصدع أنا بكيت لما شفت القري الكينية مقارنة بالمدن المصرية من حيث البنية التحتية وحتي منظر الناس ولبسهم وناس محاسة بالحرمان بقى يا أستاذ محمود ما صعبش عليك الناس في طوابير العيش وهما برده والدتي ووالدتك واخويا واخوك واختي واختك . بقي ما صعبش عليك بهدلة حريمنا ورا أنبوبة غاز في رمضان أو في الشتا ؟ بقي ما صعبش عليك يا أستاذ محمود وانت داخل معهد الكبد في كفر الشيخ وتلاقي نصه من شباس عمير ؟ طيب أنا عايزك تتصل بالدكتور حمدي صدقي وتسأله عن إحصائية عاملها أستا ذ في كلية طب طنطا وهى موضوع رسالة دكتوراه بيقول فيها إن شباس عمير فيها أكبر نسبة فشل كلوي في العالم بالنسبة لعدد السكان ، والدكتور حمدي صدقي موجود وممكن تسأله .
- طيب بقي ما صعبش عليك الناس لما عملت طرنبات ميه في الأراضي علشان مفيش ميه في حين الحزب الوطني أهمل مشاكل النيل لما ضيعه ؟ بقي ما صعبتش عليك شباس عمير لما المجاري تظل 8 سنوات تحفر فيها وهى التي من الممكن انها تخلص في شهرين ؟ ما صعبش عليك الناس رايحين يعملوا عمليات اللوز والبواسير في المستشفيات الخاصة وبيستلفوا 400 جنيه علشان العملية ومستشفي البلد فيها كل المعدات والتخصصات وغرف للعمليات وخانات العمليات فيها بتتسدد بالتزوير ؟ ما صعبش عليك شباب شباس عمير وهما بيتاجروا في المخدرات علشان يوفروا لأنفسهم ثمن السجائر والحشيش ؟ مش هى دي شباس عمير يا أستاذ محمود الأم والوطن ؟ هى ايه شباس عمير ؟ أرض بس ؟ ولا ناس وبشر وأطفال جعانة ؟ يا أستاذ محمود فيه ناس في شباس عمير ما أكلتش لحمة من ست شهور غير في الأفراح ولما بيروحوا فرح بيطردوهم . يا أستاذ محمود فيه ناس في شباس عمير بتفطر على بربع جنيه طعمية وست ارغفة .
- يا أستاذ محمود مصر دولة غنية وأهلها ناس طيبين ومكافحين وعايزين يعيشوا بس عيشة كريمة من غير ما حد يسرقهم ولا يضربهم ولا يعتقلهم ولا يطلع عليهم أشاعات تمسهم في شرفهم وأخلاقهم . أنا مش عارف والله يا أستاذ محمود حضرتك ازاي في الطرف التاني من المعادلة مش ممكن دا انت محمود شهاب الدين يعني البراءه والشرف والذوق .
- عموما يا أستاذ محمود الحمد لله إن إعطاء الجنسية واسقاطها مش بإيدي وإلا والله العظيم كنت أسقطها عن كل قيادات والقيادات المتوسطة وكل من قدم طلبا للترشيح للحزب الوطني سواء للمحليات أو الشعب او الشوري خلال العشر سنوات الماضية .
-

الاساتذة الاجلاء المحترمين الاستاذ محمود شهاب و الاستاذ محمود حشلة بارك الله فيكما وزادكم خيرا وتوفيقا على ما تقدموه من تعبيرات صادقة وصدقونى تعبيرات تقشعر لها الابدان كلامكا و الله من المفترض أن يدرس فى المدارس و الجامعات . ما هذا الحوار الرائع الذى ملأ قلبى بهجة مع إختلاف الرأي بينكما إلا أننى و الله استمتعت كثيرا من هذه الطريق وصدقونى لو إتبع أهل قريتنا نفس الاسلوب ماكنا نسمع عن خلافات بين فلان وفلان فعلا جزاكما الله كل خير .

سبحانك اللهم وبحمدك أشهد أن لا اله الا أنت أستغفرك وأتوب إليك.

أنا كنت بطلت أرد علي تعليقاتك يا أحمد بقوش عشان لقيت النقاش معاك دايما بيروح لسكك هتودينا لخلاف انا شخصياً بكرهه لا لشيء الا لأن الحوار من جميع اعضاء المنتدي بشوفه عقلاني ومحترم وهادف حتي مع الاختلاف في وجهات النظر نقاش زي ما علق كمال الدين كده علي الحوار بين اثنين من الجهابزه المحمودين ( حشله وشهاب الدين ) حوارهما اثري الفكر ولم يعكر الصفو زي تعليقك علي ان الثورة موصلتش شباس عمير وعلي الدعوة للإصلاح في شباس عمير ان دعاة الاصلاح ليسوا أهلاً للإصلاح كلامك يا أحمد شايف انه مش حلو مش عارف ليه شايف انك بتهاجم كل فكر جديد لصالح فكر المفترض انك انت واللي في سنك يبقوا ضده لانكم انتوا الشباب أملنا في مستقبل مشرق يا أحمد لو كان عندنا حد يدافع عن مصالحنا وعن مستقبلك ومستقبل اخواتك واقرانك خريجي الجامعات وخريجي المدارس مكنش زمانك أنت و10 مليون شاب بلا عمل يا أحمد خريج كلية علوم قسم كمياء من شباس عمير بيشتغل ساعي في شركة الكهرباء ( بالواسطة) يا أحمد جامعيين بيلمعوا جزم يا أحمد الملايين دي كلها دمهم في رقبة أعضاء مجلس الشعب اللي اتغنوا علي جثثهم اللي وافقوا علي القوانيين والقرارات سيئة السمعه التي كبلت مصر وأظلمت مستقبلها أعضاء مجلس الشعب دول في رقبتهم كل الفلوس اللي سرقتها الحكومات والأراضي اللي نهبها رجال الأعمال يا أحمد أعضاء مجلس الشعب دول لازم كلنا نطالب بمحاكنتهم لأن دورهم الأساسي مراقبة أداء الحكومة يعني كل مليم اتسرق في مصر هم شركاء في السرقة لأن دورهم محاسبة الناهبين لخيرات مصر يا أحمد عضو مجلس الشعب اللي مسرقش لنفسه شريك في سرقة كل مليم من مصر لأنه شاف الحرامية وسكت وضيع الأمانة التي اؤتمن عليها يا أحمد المصلحين في شباس عمير هم أبناء وآباء من شباس عمير وهم أهل للإصلاح ليس كما قلت يا أحمد انسي الحزب الوطني ووسع اطار فكرك ليجمع كل الأحزاب وكل الأفكار حتي الجماعات الدينية لأن الشعب يريد اسقاط النظام ( كله ) وأنا يا أحمد لسه بحبك ولسه عندي ثقه في فكرك رغم اني شايف للآن كل مشاركاتك في المنتدي رايحه علي الحزب وضد الاخوان وضد الأحزاب وضد الثورة ومع شخص واحد بس مفيش غيره

أما العزيزين المحمودين ( حشله وشهاب الدين ) لا أري في طرح أي منكم خلافا عن طرح الآخر ولا ألحظ في فكركما أي اختلاف عن مباديء وقيم تربينا عليها قبل العام المظلم ( 1995) لقد تربينا علي احترام الرأي والرأي الآخر علي الحب والموده بنينا والتراحم والتواصل الانساني واحترام الصغير للكبير والتلميذ لمعلمه تعلمنا ان كل ما يقوله لك معلمك يطاع كأن من كلفك به والدك وكنا نخشي أن نذكر لوالدنا ان الأستاذ فلان ضربنا في المدرسة حتي لايكمل هو ضربنا كل هذا وهناك خلاف سياسي شديد بين معلمينا وآبائنا لكن السياسة كانت في الجمعيات وفي صناديق الانتخاب لم يختمص شخصان في شباس عمير وتقع بينهما العداوه بسبب اختلاف الرأي في الانتخابات إلا بعد السنة المظلمة أو بداية الإظلام في شباس عمير ( 1995 ) بداية فرض فكر أمن الدولة والأمن المركزي في شباس عمير
استاذ محمود حشلة سوف ادافع عن طرح أخي محمود شهاب الدين لسبب واحد وبسيط هو اننا ندعوا للإصلاح اننا ندعوا لتغيير الايمان بمنطق القوة ( المطروح بشده الآن في شباس عمير ) وفرض الراي بالبلطجة ( المطروح الآن بقوة في شباس عمير ) حتي بعد الثورة
عشان كده انا بأكد ان الثورة لسة موصلتش شباس وكلنا مطالبين بتوصيلها

اولا شكرا يا استاذ جمال على رايك فى طريقة النقاش معى بس انا الحمد لله لااغلط فى احد اتكلم الحق وميهمنيش اى النتائج لانى اتكلم الكلمة التى اراها صح فعندما أجد فلان وفلان هم الذين يطالبون بالاصلاح وهم اول من يريدون اصلاح فلا يعيب على ان اقول كلمة حق واعتقد ان الناس ال كانوا الفترة ال فاتت بيطلبوا بالاصلاح ايام الثورة معروفيين للجميع وما هى انتمائتهم وماهى اهدافهم واغراضهم واظن ابسط شئ موضوع الموقف ....
اما موضوع الثورة فانا لم اقل ان الثورة شئ مش كويس ولم اقل ان مبارك كان رجل صالح الحمد لله انا لاادفع عن باطل ولم ادافع يوما عن باطل .

وعلى فكرة انا عمرى ما هبطل نقاش معاك لانى احترمك وأحبك لله ...

ليه يا استاذ جمال قيمت تعليقاتى انها رايحة للحزب وضد الاخوان ؟

برغم اننى اقول الحقيقة التى اراها فى شباس عمير ولم اقل اننى ضد الثورة ولم اقل اننى مع مبارك ولم اقل اننى مع توريث جمال مبارك وممكن اكون ضد الاخوان كفكر ولم اقتنع بهم يوماً وليس اشخاص ...

أستاذي الفاضل الأستاذ جمال والإخوة الأحباء جميعا وعلى رأسهم طبعا أخي الأكبر محمود شهاب الدين
- قوة ايه يا أستاذ جمال ؟ والله انا ضحكت لما سمعت الكلام ده . لو حضرتك - وحضرتك استاذنا طبعا – قرأت تصوري للإنتخابات اللي كتبته في الموضوع اللي أبو الزهراء كتبه بخصوص ترشيحي حتلاقيني ذكرت أن فيه قضاة ههههههههههههه يعني أصوات صوت صوت ، والأصوات لا تحب مظاهر العنف ولا الضرب ولا الخبط ،
- ثانيا يا أستاذ جمال مين اللي حيضرب ؟ الناس بتقول يا حيط داريني هههههههههه يا أستاذ جمال التليفون أبو كاميرا ده أصبح أقوي من المدفع ستة ميلي ، طيب أنا حأفكرك من هنا لحد الإنتخابات وإن شاء الله أنا حأعمل اقصي جهدي أني انزل اعط صوتي وطبعا عمري ما حأديه لأي واحد كان له صلة بالحزب الوطني ، ده لو بتوع الحزب الوطني اترشحوا أساسا وخصوصا أبناء العم وأبناء الخال .
- لكن علينا واجب التوعية طبعا وده شئ مهم لأن الفلاحين دول غلابة ما يعرفوش كثيرا مما يدور حولهم بسبب عدم معرفتهم بالقراءة والكتابة ، أنا فاكر سنة الفين الناس كانوا بيطلبوا مننا اننا نخشوا نقفلوا مع القاضي ههههههههههه لذلك رفقا بالناس الغلابة لأننا في كفاحنا كله علشانهم حتي لو أساءوا لنا .
- أخيرا لو حضرتك استعرضت الثلاثين سنة الأخيرة حتلاقيها كلها ظلم في ظلم وده عمل تشوه نفسي كبير جدا خلي الناس بتبقي فرحانة في المصائب رغم أنها مش مستفيدة منها ، يا جماعة الفقر وحش وخلي الناس بتضرب أولادها بهستيرية ، يبقى دول مش حيتكلموا في العنف ؟ لكن لازم نأخذ الأمر ببساطة لأن بلدنا في آآآآآآآخر الرشا بتاع الديمقراطية والمية مش بتوصل لها غير بعد كل مصر ما تشرب هههههههه. لكن علينا واجب أكيد في التوعية والصبر ( ولو كنت فظا غليظ القلب لإنفضوا من حولك )
- حبيبي يا أبو محمد أنت واخويا محمود شهاب الدين

بقولك ايه يا متر حاول تنزل قبل الانتخابات باين المرشحين كلهم هيبقوا من جيرانك