حازم شومان : يعني إيه دولة ليبرالية يا برادعي .. يا أيها الليبرالي اللي بنتك متجوزه ليبرالي كافر “
شومان :الليبرالية يعني مفيش حاجه أسمها راجل وست .. الليبرالية أكتر حاجة ضد الإسلام بالله والعبودية لله
ترك اختيار الرئيس للشعب قد يأتي بكافر .. ودي المصيبة اللي إيران مش عارفة تلمها

نشر شباب على موقع اليوتيوب مقطع فيديو للداعية حازم شومان أثناء خطبه له في أحد المساجد هاجم فيه شومان الدكتور محمد البرادعي المدير السابق للوكالة الدولية للطاقة الذرية والفكر الليبرالي هجوماً لاذعاً .

وقال شومان في خطبته على البرادعي إنه يريد دولة مدنية، مضيفاً ” دولة مدنية يعني أيه ؟؟ يعني أمك متلبسش حجاب … ليه ؟؟ أمي أنا.. آه يا حبيبي عشان ده هيفرق بين المسلمة والنصرانية …. أحنا عايزين دولة لا تفرقة فيها ” ،ثم مضى شومان مواصلاً مسلسل هجومه على البرادعي والليبرالية “عايزين دولة ليبرالية .. يعني إيه دولة ليبرالية يا برادعي … يا أيها الليبرالي اللي بنتك متجوزة ليبرالي كافر … إلى بنتك المسلمة متجوزة واحد نصراني كافر لأنها ليبراليه غير إسلامية .. إنما حضرتك ليبرالي إسلامي ، يعني أيه ليبراليه … يعني أي حكم يحكمنا إلا الإسلام .”

وأضاف شومان أن الليبرالية تعني ” إنه يعني مفيش حاجه أسمها راجل وست” وأكمل ” ممنوع أصلاً . مفيش حاجه اسمها نتكلم على الرجولة .. ده مش كلامنا ده كلامهم همه .. دي ألفاظهم همه ”

وعن الليبرالية والاقتصاد قال الشيخ حازم شومان ” ليبرالية في الاقتصاد يعني أي مصدر تكسب منه فلوس أكسبها .. وأي حاجه عايز تصرف فيها الفلوس أصرفها ”

وقال شومان إن الليبرالية ضد الإسلام بالله حيث قال ” ليبراليه يعني متقوليش أبن تيمية وبن القيم يا حبيبي ،، متقوليش الأئمة الأربعة مليش دعوة… ليه يا حبيبي؟.. لأن الليبرالية معناها أني أفهم النصوص بدماغي مفيش أي قيود،، ليبراليه يعني ضد العبودية لله .. شوفو يعني أيه عبودية لله وإسلام لله ،،، الليبرالية هي أكتر نظام ضد الإسلام بالله وضد العبودية لله ”

وأضاف شومان في خطبته “إن الشعب مش عارف حاجه”حيث قال”الناس دلوقتي لو طلعلها أي واحد ظريف لطيف تقول أيوه يا عم هاتلى الراجل الطيب بتاع هيئة الطاقة الذرية اللي ضيع العراق هاتو يحكمنا يا جماعه ،،أو الشاب المخترع بتاع الفمتو ثانية ده زويل اللي بيقول عايزين دولة علمانيه هاتوه يا جماعه يحكمنا،، هاتوا يا جماعه الناس الظريفة دي ما هو الشعب ما هوش عارف حاجه ”

وقال شومان إن النظام الإسلامي كالنظام الأمريكي اختيار الحاكم فيه يكون مرحلة ثانية تسبقها مرحلة طرح الأسماء على مجلس حكماء ، إذ قال شومان ” الإسلام بيقول أيه؟ النظام الأمريكي … أمريكا ببقولك مفيش حاجه أسمها أن الشعب ينتخب الأول .. اللي تابع الانتخابات الأخيرة أو اللي قبليها أو . ليه .. ده أنتو أمريكان وبتقولو حرية .. ببقولك لا.. أصل الشعب ميقدرش يبقى هو المرحلة الأولى في الانتخابات .. الشعب هو المرحلة التانية

اومال إيه هي المرحلة الأولى … قلك لازم حكماء البلد الأول .. الناس اللي فاهمه أوي .. بتاع الفكر أوي .. بتاع فهم الإصلاح أوي … يتعملهم مجلس الأول اسمه الكونجرس ويتعرض المرشحين الأول على دول يتصفصفوا وسطهم … لحد ما يوفقوش على غير اللي شايفينه إصلاحي بحق وحقيقي … صفصفناها على أتنين …. أنت رضيتو يا كونجرس يا حكماء البلد إن إللى أتنين دول أي واحد يحكم، انتو مش زعلانين، انتو شايفين البلد مش هتخرب < آه > … نزلوهم للشعب ينتخب .. نزلوهم .. يا شعب انته هتختار مين …. عايزين فلان أو علان ده النظام الأمريكي ”

وأضاف شومان مبرهناً على تشابه النظام الأمريكي مع النظام الإسلامي ” لما عمر بن الخطاب جاء ليموت .. عين ستة … ثم عرضوا على حاجه عندنا اسمها أهل الحل والعقد … أهل الحل والعقد عندنا دول اللي همه في مصر اسمهم مجلس الشعب ، إللى همه في أمريكا أسمهم الكونجرس .. اللي همه عند اليهود أسمهم الكنيست إللي همه أعلم وأحكم أفراد الأمة .. الناس اللي فاهمه شرع أوي وفاهمه الواقع أوي .. الناس دي الأول يعرض عليها انتو ترضو بال 500 واحد إللى كل واحد طالع يقولك انتخبوني تجدوني .. ترضو بمين من دول .. أو انتو ترشحو مين من دول … أحنا رضينا للأمة فلان وفلان أو فلان وفلان وفلان رضيتو دول …. أيها الشعب تعالى انتخب بقى ”

وقال شومان إن ترك مسألة اختيار الرئيس للشعب قد تأتي بكافر حاكم للبلاد حيث قال في ختام خطبته ” لو سبناها للشعب على طول .. ممكن يجي واحد كافر ياخد الحكم .. ودي المصيبة اللي إيران مش عارفه تلمها لأنه غباء .”

اللهم اكتب لهذه الامه امر رشد يعز فيها اهل طاعتك ويهدى فيه اهل معصيتك
اللهم ارزقنا حاكم عادل يصلح به حال البلاد والعباد

قشدة

السلام عليكم جزاكم الله خيرا يا ابو حميد لكن وايه المشكلة اذا كانت بنت البرادعى متزوجة بنصرانى كافر !!! ما هو كمان متزوج بشيعية ايرانية رافضية كافرة اشد من النصارى واليهود على الاسلام والمسلمين . متزوج بشيعية ايرانية من اخبث فرق الشيعة بايران نسأل الله السلامة والعافية . فهى مش هتفرق معاه خالص هو بنته زوجته ..............الخ وكما قالوا :: اذا كان رب البيت بالدف ضارب فشيمة اهل البيت الرقص

اللهم ولي علينا من يخافك فيناويتقيك
اللهم ولي من يتبع تعاليم دينك
واتباع هدي نبيك محمد صلي الله عليه وسلم

ارجوكم يا اخوان بلاش موضوع التكفير والالفاظ التي تهدم ولا تبني ولا نأخذ من الشئ بعضه ونترك باقيه كتفسير الشيخ للعلمانية والمدنية واللبرالية بهذا الشكل .

الأخوة محمد عز العرب ـ ابن الحتة ـ محمد حسني ـ محمد عبد المنعم
ياريت كل واحد منكم يكتب تعليق يقولنا فيه هل كلام الأخ شومان ده عن معني الليبرالية صح ولا بيعلمنا حاجه غلط ياريت اعرف رأيكم
وياريت نتعلم ان مش اي حد يقول حاجه ومفهوم من عنده نصدقه
محمد البرادعي ( حتي لو فيه القطط الفطسانة ) اللي بيقولوها عليه المشايخ دول له فضل مش عايزين ننسوه انه كان سبب من ضمن الأسباب التي أدت لهذه الثورة التي جعلت هؤلاء جميعاً يتحدثون ومش خايفين من أمن الدولة يعبطهم ياريت يا جماعه ندي لكل واحد حقه انا متعاطف مع الراجل ده ( رغم عدم قدرتي علي تجميع فكر عنه) لأني بصراحه مش عارف اسمعه عليه تعتيم اعلامي من النظام السابق ومن امن الدولة الجديد ( المشايخ ) المحترمين طبعا لعلمهم لكن بحس انهم متحاملين علي الراجل ده هو يا جماعه كل اللي راح امريكا وحش هو يا جماعة دولة مدنية مش في الاسلام هو يا جماعة لو عملنا رئيس الجمهورية والوزراء ورؤساء المصالح مشايخ ينفع انا بصراحه افكاري اتشتت معدتش عارف انا فين !!!!!!!!!!!!!!! ياريت حد فاهم يفهمني انا تعبت ومش انا لوحدي اكيد ناس كتير غيري

هضيف بس ان كلامه عن نظام الانتخاب في امريكا كله غلط ولا انا مش فاهم رده

استاذى الفاضل جمال عباده بعيدا عن راى الشيوخ او الشيخ حازم انا شخصيا لا اؤيد الدكتور البردعى وده راى الشخصى بعيدا عن حملة الفوتوشوب او التشهير ببنته او بعائلته وهذا مبدا نرفضه حضرتك بتقول انه كان سبب من اسباب الثورة وطبعا حضرتك تقصد الجمعية الوطنيه للتغيير لكن هو فى ثورة 25 يناير لم يحضر الى مصر الا بعد الثورة بثلاث ايام وده لانه لم يكن يتوقع مثل جميع المصريين حتى شباب 25 يناير انفسهم نجاح الثورة ولكن عندما ارتقعت موجة الثورة جاء البردعى محاولة ركوب الموجه لتحيق اغراض شخصيه
باختصار انا لااؤيد شخص اعلن انه مستعد للنقاش فى الماده الثانية من الدستور واللتى تنص على ان الاسلام هو (المصدر الاساسى ) للتشريع وليس مصدر وده انا سمعته منه شخصيا فى لقاء مع عمرو الليثى وليس فوتوشوب
انا لااؤيد رجل عاش طيلة حياته بعيدا عن مصر وعن مشاكل مصر مواليا لامريكا ومستنجدا بها فى اول يوم يحضر الى مصر يوم 28 يناير حيث طالب امريكا بالتدخل وباحضار منظمات دولية يعنى بالبلدى (الجواب باين من عنوانه )
انالا اؤيد رجل ساهم فى احتلال العراق وذلك باعتراف ديك اتشينى وبوش ان التقارير كانت مزوره او غير دقيقه ولا يمكن هو كان فى الحمام ساعتها وسؤال يطرح نفسه
اين كان هو وما هو موقفه وهو رئيس وكالة الطاقة الزرية من الترسانه النوويه فى اسرائيل ولماذا كان موقفه واضحا فى العراق وايران ومبهم وغامض بالنسبه لاسرائيل ان دل يدل على انه مطيع ووفى لماما امريكا والمبدا لايتجزا

سؤالى الان للاستاذ جمال عباده والاستاذ محمد عبدالمنعم انا معترض على البردعى ولا اؤيده وهذا من تاريخ او فكره تكونت فى زهنى عنه ولكنى حتى الان لااعرف ما هو البرنامج الانتخابى له ولا لغيره بل اننا لا نعلم من سوف يترشح اساسا لرئاسة الجمهوريه وهذا راى الشخصى
وسؤالى هو ,,,,,, ان كانت فكرتى هذه خاطئه عن البردعى فما هو الصحيح ولماذا ؟؟؟؟؟؟؟

قشدة

اخي الفاضل محمد عز العرب استاذي الفاضل جمال عبادة جميع الاخوة في المنتدى ..
جل ما قصدته في الموضوع انني ضد التكفير ان يكفر احدنا الآخر هذا شيئ خطير ذلك الخطاب الديني بهذا الشكل فيه قصور شديد وذكرني باحد المدرسين كان يدرس لنا في المرحلة الابتدائية بمدرسة عبد الله النديم وانا في الصف الثاني الابتدائي كان من مدينة دسوق وكان ينتمي الى الفكر السلفي كان هذا الرجل ذو اللحية الطويله وذو الجسم الممتلئ ينسى نفسه في الحصة يقوم بالقاء خطبة باللغة العربية الفصحى كأنه على المنبر في يوم الجمعه وكان يمتلك صوتا قويا يهز اركان الفصل ونحن لا نفهم ولا نعي الكثير مما يقول سوى الترهيب الشديد جدا لنا وتهديده لنا بالشجاع الاقرع الذي سوف يعتصرنا عند دخولنا الى القبر وكذلك الوادي العميق في جهنم ونسي ان يقول لنا ان الله رحمن رحيم يغفر الذنوب جميعا ومايوجد في الجنة من اشجار وفواكه وثمار والله كنت ابول في بنطلوني في كل حصه لهذا الرجل من شدة الخوف وكنت لا انام الا حينما يقتلني التعب ناهيك عن الوساوس والكوابيس ذكرني هذا الشيخ بهذا الاستاذ وانا حاشى لله ان اسبه ولكني اعترض على المفاهيم الضيقه وطريقة السرد وبهذا الصدد ارجو ان تتقبلوا مني الرأي الآخر بدون تكفير او اساءة ..
اولا :
المصطلحات الواردة من علمانية ومدنية وليبرالية هي مستوردة ولا اصل لها عند العرب لذلك اختلفت تفسيراتها ومقصوداتها عندهم ففئة قبلت اللفظ ومفرداته ولم تصل الى غايته وفئة اخرى صرحت بأن الدولة المدنية هي الدولة العلمانية .
ومعنى الدولة المدنية في هذا السياق هي التي تقوم على المواطنة وتعدد الاديان والمذاهب وسيادة القانون داخل محيط حر لا سيطرة فيه لفئة على باقي الفئات مهما اختلفت في الفكر والثقافه ..
ومضمون الفكرة المدنية او العلمانية بشكل اوسع ان الشعب هو مصدر جميع السلطات التي يجب الفصل بينها واستقلال كل منها عن الآخر في اطار من التوازن العام وهذا المبدأ يتضمن حق الشعب في ان يشرع لنفسه وبنفسه القوانين التي تتفق ومصالحه ( هواه) .
وكذلك المساواه التامه في الحقوق والواجبات بكافة اشكالها ومنها السياسية بين الرجل والمرأة وبين اتباع الديانات المختلفه على اساس المواطنة الكاملة وكون الشخص مؤمنا ومتثقفا في الدين هذا لايعطيه الحق ان يكون مدعيا لامتلاك الحقيقة منفردا وان يكون الدين محصورا على الشعائر التعبدية .
وبذلك تكون الدولة المدنية عكس الدولة البوليسية التي تقوم على الاساس القمعي ...
من السرد المختصر السابق يتضح لنا ان الدولة المدنية في مصر هي السبيل الوحيد للتقدم والرفاهية ولكن لابد ان تكون بمرجعية دينية بالكامل في النقاط التي تتعارض مع ديننا الحنيف ...

أساتذتي وأخواني الأحبة
أرجو الحذر كل الحذر من هذه الأراء والأفكار فأنا أعتقد أنها من عناصر الثورة المضادة وأنا متأكد طبعا إن الكلام ده حيزعل مني ناس كتير وأنا متقبل على رأسي من فوق زعلهم مني إنما أنا لازم أقول رأيي وهو أن الأخ اللي بيتكلم ده أقل ما يقال عنه انه منفر ومقذذ ومش عايز أقول جاهل وحمار علشان محدش يزعل مني إنما ده أقل ما يقال عنه في هذا الوقت الحساس إللي الناس محتاجة فيه أنه يخرس خالص وهو طبعا طالما اتخرس أيام أمن الدولة اللي كان بياخد اوامره منها في المواضيع اللي يتكلم فيها والمواضيع اللي ما كانش يقدر يفتح بقه فيها ، واعتقد إن حضراتكم لا تختلفوا معي أن كثير من إخواننا اللي كانوا بييجوا في الفضائيات كانوا شغالين مع امن الدولة والدليل على كدة موقفهم من الحرب على غزة وحصارها ومواقفهم من الحكومة السابقة ومواقفهم من المظاهرات وطبعا دلوقت خلاص ربنا فكها عليهم فالمفروض انهم يقرفونا بكروشهم اللي مليانة فته وأصواتهم الجشة وأسلوبهم المنفر المقذذ طيب هو بيتكلم في موضوعات الدين وله ناس بتسمعه طيب بلاش السياسة وخليه ماشي في الخط القديم اللي كان ماشي فيه وهو الإمتناع عن الكلام في السياسة وأن التصويت في الإنتخابات من الكبائر والكلام اللي قرفونا بيه قبل كده وقرفوا بالذات الإخوان بصراحة أنا بأعتبر دول هما المخلفين من الأعراب الذين ورد ذكرهم في القرآن ولو الأمر بإيدي كنت أقولهم انكم رضيتم بالقعود أول مرة فاقعدوا مع القاعدين . الرجاء إن الأدمن ما يقرفناش بالأشكال دي علشان أنا ما بعرفش امسك نفسي بصراحة . وطبعا انا مستعد لتقبل الشتائم اللي حتنهال على رغم أني والله لا أبتغي بكلامي هذا غير وجه الله الكريم ومش حأرد علي أي شتيمة ( اللي عايز يشتم يتفضل وانا مسامحه ) .
طبعا الأخ ( محمد عبد المنعم ) أنا والله مش قادر امسك نفسي من الضحك .
طبعا المصطلحات دي أنا عن نفسي مش فاهمها ليبرالي وأمبريالي والكلام ده علشان كدة ادعوكم لهذا الفاصل الكوميدي :

انا كل ال عليا نقلت الخبر يا استاذ محمود ومحدش يقدر يغلط فى حضرتك لان رايك يحترم مهما اختلف مع اراء الاخرين .

الأستاذ محم عز العرب مع خالص تحياتي لك أنا أيضاً لا أؤيد البرادعي لنفس اسبابك ( بس نصها بس مش كلها) أولاً بالنسبة لعمله في الوكالة الدولية للطاقة الذرية هو كان بيمثل مصر أما قرارات الوكالة زيها زي كل قرارات الأمم المتحدة لازم تكون بتخدم ( الكبير ) ( الجامد ) اللي يقدر يبلطج علي كل الدول وده قانون الغابة اللي شغال في العالم كله بين الدول وبين الأفراد واظن احنا هنا في شباس عندنا نفس القانون ( ما علينا ) يعني البرادعي زيه زي كوفي عنان زي اي مدير لاي وكاله دولية ملوش كلمه مش عشان هو عايز كده لا لأنه ميقدرش يقول غير كده وعلي فكره بالديمقراطية وراي الدول والبلطجية حتي في الدول صوتهم اعلي
ثانيا الاعلام المصري شوه صورة الراجل ده بشده زي مشوه صور ناس كتير جدا لغرض واحد انه يظهر مصر بدون قيادة توازي مبارك وده برضه شغال في كل حته حتي عندنا في شباس ( محدش يزعل ) وده كان باين جدا في اخر ايام مبارك كان السؤال المطروح هو مين يتفع رئيس ( وده برضه في شباس ) نفس الفكر ودلوقت اتضح لنا ان فيه اكتر من 100 واحد ينفعوا رئيس جمهورية وشويه عليهم وعلي فكرهم وثقافتهم البرادعي واحد منهم ( برضه رغم اني مختلف معاه في رايه في المادة التانية ) عشان كده عايز نصبر شويه لغاية منعرف مين انفع لمصر وبعدين انا كنت عايز منك رد علي الشيخ اللي لخبطنا ده ( ياريت ) يا اخي انا بثق في رايك
وارجوك اقرا تعليق المتر حتلاقي فيه حاجات هتساعدك هقولك حرف واحد منها ( امن الدولة ) لان الموضوع ده شغال قوي لسه كل اللي بيحصل شغل وتكتيك منظم بشده وعشان كده قالوا ( نعم ) وعملوها غزوة الصناديق ( واللي مش عاجبه يطلع من البلد دي الجاي بتاعهم

الأخ محمود بدايتا لحوم العلماء مسمومه ومهما يكن الناس دى أخطأت قبل كده
كتيرررررر وخطأوا فى الاخوان ومع ذلك لم يستطيع أحد ان يتكلم معهم بهذه الطريقه واعرف إن ربنا بيغفر للتائب ولو سمحت براحه شويه عليهم

خالواااااااااااااا ليه بتشبهم المشايخ بأمن الدوله حرام عليك والله هى القاعده دى لسه عندك ( خالف تعرف)

أحمد ياحامد هو انت لسه تكفير الله يصلح حالك هههههههههههههه

وإن شاء الله سوف اوضح لكم مفهوم الدوله المدنيه والدينيه فى الإسلام فيما بعد
إن شاء الله تعالى لضيق الوقت

الأخ الفاضل الأستاذ عبد الرؤف عبادة
- أولا يا أخي أقسم لك بالله العظيم أني أحبك في الله وعلى فكرة انا أعرفك كويس وأنا قرأت حالا موضوع تنظيف شوارع البلد اللي حضرتك مع إخواننا عامله والله العظيم أنا لو في شباس رغم ظروفي الصحية كنت طلعت أنا وزوجتي ننظف معاكم ونكنس البلد لأن هذا المشروع مش بس حيكنس الشوارع إنما كمان حيكنس الأدمغة القديمة اللي سخرت كثيرا من فعل الخير في البلد فلك كل الشكر وأحتسب هذا المشروع في ميزان حسناتك إن شاء الله كمان هذا المشروع وحتشوف حيعمل ايه . المشروع ده حيخلق مناخ في شباس عمير حيتقدم بيها عشرين سنة قدام وحتشوف الناس وهى بتبكي لما تشوف الشباب بيكنس الشارع . وهى دي رسالة الإسلام فعلا أخي الحبيب
- ثانيا يا أخي العزيز اعلم اني لا أهاجم الإتجاه السلفي بل أؤكد لسيادتك أن الإتجاه السلفي ساهم بشكل واضح في أسلمة المجتمع خلال الفترة الأخيرة مما سهل كثيرا جدا في الدعوة للثورة والحركة فيها وأحسب ذلك أيضا في ميزان حسناتنا لاننا جميعا منهم وهم منا وإن أختلفنا في بعض التفصيلات فلا ضير طالما أن ضمن الخلاف المسموح به .
- ثالثا يا أخي الفاضل ليس كل واحد أطلق لحيته وخبط له سبعة تمانية كيلو لحمة مع شوية فته لحد ما بقى بالشكل الغريب اللي عليه الإنسان اللي اسمه شومان ده يبقى عالم ؟ ، يا أخي جاب العلم منين ؟ ما هى شهاداته وما رأي الأزهر فيها وعلي أي أساس حضرتك قررت أنه عالم وأنه لحمه مسموم ؟ ده بالذات لحمه على كثرته غير المبررة مش مسموم وأنا أؤكد لك ذلك .
- رابعا يا أخي لو حضرتك حللت هذا الكلام تشوفه بيصب في أي إتجاه ؟ أنا أقولك في اتجاه زرع الخوف من الإسلام في هذه المرحلة الخطيرة اللي أكثر الناس حرصا على الإسلام بيحاولوا قدر المستطاع عدم الظهور حتي لا يستفزوا أعداء الثورة من العلمانيين وأصدقاء اسرائيل وأمريكا وذلك إلي أن تستقر الأمور ، أما الظهور بهذا الكلام الآن فله معني واضح جدا وهو زرع الشقاق في الحركات الوطنية التي تحافظ على الثورة ومنها مسيحيين لحد الأمور ما تستقر ويرجع العسكريون الي ثكناتهم وهذا هو الخطر الأكبر حتي أكبر من الخطر الخارجي وحضرتك شفت حسني مبارك وهو عسكري عمل فينا ايه .
إذن يا أخي لعل كل القوي الوطنية متفقة الآن على التهدئة والمرور من هذا النفق الضيق المظلم واعلم يا أخي وانت طبعا عارف الكلام ده أن أمريكا واسرائيل الآن دخلوا على الخط وبينصحوا المجلس العسكري إنه يطول مدة بقائه في السلطة لحد ما يتصرفوا في المصيبة التي حطت على رأسهم دي .
هل رأيت يا أخي الشيخ محمد حسين يعقوب وهو( يقول احنا بتوع الدين ) ( والشعب عايز دين اديله دين ) ( واللي مش عاجبه يسيب البلد ويخرج ) ما هذه اللغة الغريبة على الإسلام يتشبه فيها بقول واحد شوارعي ( إديله ميه اديله زيت خليه يقول يا ريتني ماجيت ) وبأي حق يخرج الناس من أرضهم ؟ النفي ده حد من الحدود للمفسدين في الأرض والإفساد في الأرض له ضوابط لا الشيخ يعقوب ولا غيره يستطيع تحديدها وإنما القاضي المستقل هو الذي يحدد ذلك . وبعد اللوم على الشيخ يعقوب قال انا كنت بأهزر ، هل أنت تقبل هذا الهزار ؟ وأرجو أن تجيبني على سؤالي هل تقبل هذا النوع من الهزار ؟ ألم يسمع الشيخ يعقوب اللي كرشه متر قدامه من كتر أكل الفتة قول الله تعالي (إذا علم من آيات الله شيئا اتخذها هزوا) (، أي مهزوءا بها ، مستخفا بها )، ثم توعده على ذلك بالعذاب المهين . ألم يسمع قول الله عز وجل ولا تتخذوا آيات الله هزوا وما رأيه في الناس التي سمعته وهو يتكلم ولم تسمعه بعد يومين وهو يقول انه كان بيهزر وهل حضرتك تعتبر الشيخ ده برده من العلماء اللي لحومهم مسمومة ؟ بعد أن تعرض لحد من حدود الله وأوضع في الدين ما ليس منه وهو قوله غزوة الصناديق ؟ وإذا كان الخروج للصناديق الآن جهاد وغزو فلم كان يسخر منه من قبل ويدعو إلي طاعة حسني مبارك وأن الخروج عليه حرام يستحق الحد رغم إن القانون هو القانون والدستور هو الدستور ما هو التغيير الذي حدث ؟ أنا أقولك وهو قال ( الشعب عايز دين اديله دين ) . أعتقد يا أخي أن لحمة الشيخ محمد حسين يعقوب مش مسمومة برده على كثرتها الأمر الذي يجعله غير مؤهل صحيا لقيادة أي غزوة علشان الكرش بس .
- هل تتصور يا أخي ما قاله الناس داخل وخارج مصر عما قاله الشيخ يعقوب اللي بيهزر في آيات الله وكتاب الله ودين الله وحدود الله ( واحد قال هيا ندفع الجزية للشيخ يعقوب ) وواحد قال أين ضمير العالم مما يريد الإسلاميون عمله في المسيحيين والتالت قال أنقذوا الأقليات في مصر ، هل حضرتك مصمم على أن الشيخ يعقوب ده لحمتة مسمومة برده ؟
- صدقني أنا لما بأتكلم عن واحد أو اتنين من ذوي الكروش الكبيرة دول والمعروف إنهم طول عمرهم عملاء لأمن الدولة معاذ الله أني أتحدث عن الطريق السلفي بصفة عامة بالعكس هناك الشيخ محمد حسان الراجل المحترم الذي له مواقف جيدة وأنا أذكر له بعضها . يا أخي لا شك أن الثورة المضادة تستخدم أساليب شتي ولابد أن نكون أذكي من الثورة المضادة وأذكي من أصحابها وأذكي من أدواتها بل وأسرع لانهم يمكرون والله أسرع مكرا وإن كنا نحن مسلمين فنحن أنصار الله ولابد أن نكون أسرع مكرا من كثير من المنافقين ، انظر يا أخي إلي ما فعله عبد الله بن ابي بن سلول وانظر إلي طريقة ظهور المذهب الشيعي على يد بعض المنافقين ايضا ، كيف يمكن لشخص أن يكون محصنا من النقد والخلفاء الراشدين أنفسهم كانوا لا يحصنون انفسهم من النقد .
- حضرتك سوف تعرفنا معني الدولة المدنية ؟ أرجوك يا أخي لا تفعل أرجوك . لان الدولة المدنية أول معني لها أن الحاكم لا يتلقي الوحي كما يدعي البابا في الفاتيكان ولا يتكلم الله إليه كما يدعي البابا في الفاتيكان ، بل بشر عادي يخطئ ويصيب ويعارضه الناس ويرتكب الآثام ويعزر عليها بل إن الحاكم في الدولة المدنية الإسلامية ليست له حصانة ، إنما حضرتك بتقول على واحد من عملاء أمن الدولة المشهورين أنه لحمه مسموم يعني ممنوع النقد ، ولا نفس ، ازاي يا أخي يبقى لحمه مسموم وهو بيخرب البلد وبيضيع مكاسب الثورة إزاي ؟يعني لو كان طلع قال احنا في عصر الحرية اللي يحب يترشح يترشح والإختيار للشعب كان ايه اللي جري ؟ احنا فين والإنتخابات الرئاسية فين ؟ لكن هو يقصد انه يوضع الفتنة ويقلب الأمور كما قلبها من قبل أيام حسني مبارك ولما أقوله غلط اللي انت بتقوله ده تقولي لحمتة مسمومة ؟ إنشاله يتسمم ما يوعي البعيد .
- أخيرا يا أخي المصطلحات دي من وجهة نظري المتواضعة من الصعب استعمالها الآن وأنا وضعت فاصل كوميدي من فيلم فوزية البرجوازية - وطبعا حضرتك حتعترض على استعمالي هذا الأسلوب وإعتراضك في محله علشان دي طبعا سينما وكدة – لكن قصدت أقرب فكرة معينة وهى عدم التعالي على الناس بهذه المصطلحات فقط للظهور وحب الحوارات والجدل والكلام الفاضي ، أخي الفاضل الكلام واضح الآن وكل الناس مجمعة عليه وهو الحرية ورأي الشعب هو اللي يمشي وهو في النهاية حيصب في الإتجاه الإسلامي لاننا جميعا مسلمين كل الناس اللي انت شايفهم دول رغم الجدل ورغم الكلام ده كله في النهاية حيقولوا اسلام واللي مش حيقول اسلام دلوقت حيقوله المرة الجاية فبلاش الله يكرمك الحاجات اللي بتعمل فتنة دي علشان ربنا يعديها على خير وحضرتك أولي الناس بأنك تقول للغلطان انت غلطان في وشه ولابد يا أخي الفاضل أن نطهر انفسنا حتي لا نظهر بهذا المظهر القبيح ولابد أيضا أن نشغل مخنا جدا في المرحلة الحرجة دي وأخيرا يا أخي والله إني احبك في الله واشكرك على انك لم تستعمل معي ألفاظ شديدة وده طبعا لأنك كعهدي بك انسان محترم وبتخاف من ربنا لكن ما كنتش حأزعل منك لو قلت أي حاجة لانك أخي .
- ولأي أخ يحب يشتمني بسبب هذا الكلام عنده ثلاث خيارات ، أولا ممكن يشتمني علنا على صفحات المنتدي أو يرسل لي ايميل وايميلي مذكور على المنتدي أو يرسل لي اس إم إس على رقمي 00971508449211 وعمري ما حرد عليه
حبيبي يا أستاذ عبد الرؤف أوعه تكون مفكر اني بأحسبك على هذا التيار بالعكس أنا عارف قد ايه انت متنور أنا بأعتبرك زي الشيخ محمد حسان

استاذى وحبيبى سعاده المستشار محمود بيه حشله ياخى والله بحبك لله فى الله كده عشان خفة دمك وروحك الجميله دى وبس خلاص

استاذى الفاضل جمال عباده شاكر جدا لحضرتك كلماتك الجميله وان كان ردى على كلام الشيخ
,,,, ان اى شيخ او عالم ايا كان قوله عليه رد يحتمل الخطا والصواب فوحده عليه الصلاة والسلام سيدنا محمد صلى الله عليه وسلم الذى لا يرد كلامه
اما ان كان الشيخ كلامه صح او غلط فانا اعترف استاذى الكريم انى لا املك الحجه للرد عل ىهذا السؤال

الاستاذ محمد عبد المنعم تحياتى لحضرتك على اسلوبك الراقى المنسق وايضااحييك على ترتيب افكارك وانها لتنم عن فكر راقى مثقف وواعى

ولكن بردك وبرغم كل الظروف يا ابو نجوى لازم هنقول

قشدة

أخي الأكبر محمود أحزنني بشدة تعليقاتك الأخيره في هذا الموضوع لعدة أسباب منها
‏..أنك إنتقدت شكل الرجل وكرشه وهذا خلق الله

‏..أن العلم المعتمد عندك لابد للأزهر أن يصدق عليه أو يقره وهذا غير منطقي ونحن نعرف ما آل إليه الأزهر في حكم مبارك

‏..تعرضك للشيخ يعقوب وإن كنت من أشد المعارضين لهذه الدعوة السلفيه من سلبيتها في الحياة السياسية وغيرها من الأمور ولكن أنا من كثرة سماعي لهذا الشيخ يتضح لي أنه يضيف دائما المزحة في الحديث

‏..لاتنسي دورهم في إخماد فتنة قرية أطفيح

‏..كنت أفضل من أستاذي الفاضل محمود الذي إشتقت لجلساته الممتعه أن يفند وينتقد كلام الشيخ شومان وأن لايتعرض إلا شخصيات وأشكال وأحجام

تقبل تحيات أخيك الأصغر عبدالرحمن

آسف يا كل اعضاء المنتدي
التعليق ده انا بادب بيه ( ابن أختي ) عبد الرؤف عبادة ( قليل الأدب ) اللي شتم خاله
يا ( ..... ) لو انك قرات الموضوع اللي بنرد عليه كنت فهمت ( واعتقد انك مش متعود تفهم ) اني برد علي تعريفات ذكرها اخوك ( شومان ) فهمها زي فهمك كده غلط ، عشان كده لسه بداية حوار موصلناش فيه للمعاني الصحيحة للمرادفات دي وانا يا ( ........) مش انا اللي قلت عليهم انهم بتوع امن الدولة ولكن انتم اللي قلتوا كده مش انا
ثانيا يا ( ...... ) الاسلام أكبر من أي دعيً للعلم الاسلام دين سماوي جاء للآخر الزمان يعني ربنا سبحانه وتعالي اعلم بما سيحدث وبالمعاني والمرادفات اللي هتيجي يعني لاأنت ولا علمائك اللي انت خايف علي لحمهم قوي كده ( أعلم من الله ) ولو تدبرت السنه الشريفة هتعرف ( لو عايز ) ان الليبرالية اللي معانها البسيط من غير فلسفة ( الحرية ) طبقت في كل العصور الاسلامية ومعانها اهوه اقراه
( تعريف الليبرالية هي مذهب رأسمالي ينادي بالحريه المطلقه في السياسة والاقتصاد ، وينادي بالقبول بأفكار الغير وأفعاله ، حتى ولو كانت متعارضة مع أفكار المذهب وأفعاله ، شرط المعاملة بالمثل . والليبرالية السياسية تقوم على التعددية الإيدلوجية والتنظيمية الحزبية . ) وده معناه اننا في مجتمع اسلامي له مرجعية اسلامية لكل منا الحق في حرية في التعرف علي الثقافات والنظم ولا نجرم المثقفين والعلماء ونتهمهم بما ليس فيهم ونستفيد من اختراعاتهم ولكن بمرجعية ديننا الاسلامي يعني ننبذ ما يخالف الأسس الدينية من هذه الأفكار بمعني اكثر وضوح (يمكن تفهم) حرية امتلاك الافراد للمؤسسات وحرية التجارة مع غير المسلمين وحرية تكوين احزاب والكلمة اللي مخوفاك دي ( التعددية الإيدلوجية ) ليس معناها العقيده الدينية ( ده مينفعش مع الدين الاسلامي ) أي مسلم مش الجماعات الدينية بس أي مسلم من عامة المسلمين يرفض المساس بعقيدته
لكن الشيخ اللي انت بشتم خالك ( اللي في رأيك جاهل ) عشانه لم يتق الله في تفسير معني هذه الكلمة وفسرها هكذا
( حازم شومان : يعني إيه دولة ليبرالية يا برادعي .. يا أيها الليبرالي اللي بنتك متجوزه ليبرالي كافر “
شومان :الليبرالية يعني مفيش حاجه أسمها راجل وست .. الليبرالية أكتر حاجة ضد الإسلام بالله والعبودية لله
ترك اختيار الرئيس للشعب قد يأتي بكافر .. ودي المصيبة اللي إيران مش عارفة تلمها)
( يمكن تفهم ) خالك المخالف لمجرد المخالفة في رايك قصده ايه وانا متأكد انك عمرك ما هتفهم
هو الشيخ المسلم ربنا اداله الحق انه يسب الناس ويكفرهم
برده يا ( ..... ) انا ضد هذا الاسلوب رغم اختلافي الشديد مع البرادعي
وبعدين الشيخ ده قال معلومه عن الانتخابات الامريكية برده غلط
ما علينا يا ( ..... ) لو تدينك هو اللي خلاك تشتم خالك ( اللي هو والدك ) تبقي منتش متدين
يا ( .....) لو الاسلام بتاعك هو اللي خلاك تشتم خالك يبقي مش اسلامنا اللي احنا عارفينه واتعلمناه
لو الحوار هيبقي باسلوبك ده يبقي بلاش
يا ( ..... ) النصاري مبيشتموش خالهم
يا ( ..... ) اليهود مبيشتموش خالهم
يا ( .... ) اي دين مبيشتموش خالهم
يارب يكون خالك علمك نقطة أدب

يا عبد الرحمن أنا عندي إحباط منك جامد وكل يوم بأحس يا عبد الرحمن ان كل اللي أنا علمته لك راح على الأرض ، وأنا يا عبد الرحمن آخر ما حأغلب منك ، طز في تلات تلاف درهم وأنزل جنوب إفريقية اديك قلمين علشان استريح ونفسيتي تهدي من ناحيتك ، أنا صابر عليك من زمان بس أنت مفيش فايدة أوعه تفكر علشان انت بقيت اطول مني إن خلاص بقي العملية بقت فرط بقي يا ( ...........) أنت مش فاهم المؤامرة التي تحاك الآن ضد الثورة ، ضلامة مخك وصلت للدرجة دي .
بقي يا ( .........) مش واعي إن إسرائيل بتسخدم الآن كل رجالها وكل مشايخها وكل فلوسها لإحباط الثورة وإلغاء مكتسباتها ، ما شفتش حسام عيسي وهو بيلف الفضائيات يهاجم المجلس العسكري ويهاجم الإستفتاء ويهاجم نتائج الإستفتاء وهو الذي لم يفتح فمه في عهد حسني مبارك بكلمة واحدة . مش ملاحظ أي حاجة يا ( ..........) ده اللي أنا علمتهولك ؟
الظاهر إن قعدتك في بيترمارتسبرج نساتك حاجات كتير ،
هاجمتني لما أبو الزهراء رشحني وقلت ماشي . لسة مش عارف مصلحته على رأي السيد إنما تكون مش فاهم اللي بيحصل حواليك ، لا وألف لا هو ده الذي لا يمكن أن أقبله منك لان فيه ناس استشهدت من أجل الثورة ومش ممكن تكون أنت أقل وطنية منهم وانا متأكد إنك لو كنت في مصر كان زمانك شهيد ( يا ريت كنت بقيت شهيد قبل ما أسمع منك الكلام ده )
- عارف انك حتتفلسف تاني وتقول انا مش بأعترض على الموضوع أنا بأعترض على الكروش والكلام ده . إعتراضك غير مقبول لأن كروش عن كروش تفرق فيه كروش من الأكل والنوم وهما دول أصحاب الكروش المستريحة وفيه كروش بتجاهد بس ربنا مبارك في صحتها ،
- الإتجاه السلفي إتجاه جيد وأنا محبش اسمع منك اساءه للحركة السلفية بصفة عامة وإنما فيه بعض شيوخ الفضائيات الذين كان مصرحا لهم من أمن الدولة ببث أفكار معينة والكلام عن موضوعات معينة وما زال معمول لهم كنترول حديدي للحركة والحوارات والكلام والمطلوب منهم دلوقت الظهور بمظهر مخيف وسيئ علشان يسيئوا للحركة الإسلامية كلها ويشيعوا جو من الإحساس بالراديكالية المتشددة جدا والشبيهة بالقاعدة في أفغانستان علشان يكون هذا مبررا للمجلس العسكري لوقف الحركة الديمقراطية مثلما حدث في الجزائر عام 1992 عندما ظهر رئيس جبهة الإنقاذ وقال أنه سوف يجري تعديلات على الدستور لتصبح الجزائر دولة اسلامية فقام وزير الدفاع بالإنقلاب والغاء نتائج الجولة الأولي التي فاز فيها الإسلاميون ، يا أخي انا كنت مفكر انك فاهم اللي بيحصل ، مش الشيخ بيحب يهزر يا خي شاله ما يوعاه يهزر بعد النهاردة في أيات الله وحدود الله ودين الله يا خي بقولك ربنا بيقول ( ولا تتخذوا آيات الله هزوا ) تقولي الشيخ بيحب يهزر في آيات الله ؟ فيه ايه ؟ إحنا رجعنا لأيام البابا لما كان بيقول أنا الوحي بينزل عليه ومحدش يقدر يعترض ولا ايه ؟ فيه ايه ؟ البلد حتتخرب علشان شوية متخلفين عقليا وعملاء وجواسيس ولا ايه ؟ واللي يتكلم يقولوله الشيخ لحمتة مسمومة علي الله يتسمموا ما يوعوا يا خي
طبعا بين القوسين كلمة حبيبي
الأستاذ جمال عبادة أستاذ الأجيال أنا متأكد إن الأستاذ عبد الرؤف له عشم كبير معاك وطالما إحنا دخلنا مع الشباب في حوارات لازم نتحمل للنهاية مهما حصل ومهما قالوا شباس حتتغير يعني حتتغير لو حتي ايه اللي حصل بالذي .

هههههههههه
قشطه يامتر
وبعدين إنت قولت ال عاوز يشتم يشتم هههههه
أنا ماشتمتش والرد كان كده أمال بقي لو حد فكر يشتم ههههههه
وبعدين يامتر أنا سبت مانسبرج وقاعد في إيست لاندن دلوقت وياريت تسيب الإمارات وتيجي
وأخيرا أنا والله فطست من الضحك ع تعليقك ده هههههه بس أنت مقتبس نصه من الاستاذ جمال

السلام عليكم و رحمة الله و بركاته
و بعد
لطالما فكرت و ترددت كثيرا في ان أعلق على اي موضوع في المنتدى , و أن أعود لأكتب حرفا فيه ,, و لكن وجدت انه من الواجب توضيح بعض النقاط للمحترمين من إخوتي اللذين دبت بينهم الخلافات بسبب الموضوع المطروح للمناقشه و اسمحو لي ان أدلي ببعض ما أعرفه بخصوص الموضوع , و الله وحده يعلم اني لا ابتغي من كلامي سوى ان يتضح الحق من الباطل , و لكل رأيه و حريته ,,
بداية :
يقول شومان ان البرادعي ليبرالي و بنته متجوزه ليبرالي كافر .
يعني يقصد ان البرادعي ايضا كافر لانه ليبرالي ,,
و هذا لا يختلف عليه 2 من حضراتكم ان هذا الكلام حرام شرعا , ان كان قاله ...

بخصوص ابنة البرادعي :
فقد نشر موقع الدستور الالكتروني و تستطيعون البحث بانفسكم للتأكد . نشر على لسان دبلوماسي مصري سابق في سفارة مصر بالنمسا ان زواج ابنة البرادعي تم على الشريعة الاسلاميه بالسفاره بتاريخ 1 يوليو 2006 و كان شاهدى العقد ابوها و السفير السابق بفيينا/ رمزي عز الدين ,, و وثيقة عقد القران رقمها 1123 / 10 و محفوظه في المركز الرئيسي لمصلحة الاحوال المدنيه بالقاهره ,
نفهم من ذلك ان ابنة البرادعي متزوجه من مسلم طبقا لاحكام الشريعة الاسلاميه ,,,
و قد نشرت صحف مصريه في مصر قبل الاستفتاء تعليق البرادعي على التعديلات الدستوريه فيما يخص شرط الجنسيه المصريه للمرشح الرئاسي بقوله : انه لا يحمل جنسية اجنبيه و ان زوجته من كفر الدوار ... و ان التعديلات المقترحه لا تحرمه من حقه في الترشح للرئاسه ,,,
*ذكرت مسألة زوجة البرادعي ردا على من قال انه متزوج من ايرانيه رافضيه شيعيه كافره .......

إذا ليس لشومان او غيره الحق في ان يكفر البرادعي ولا زوج ابنته ولا ابنته ولا اللي جابوه ......
بخصوص قول شومان : ان البرادعي ضيع العراق ....
فهذا محض افتراء ..
و أقول في هذا الشأن : ان البرادعي لم يقدم تقريرا للجنة تفتيش من الوكاله الدوليه للطاقه الذريه التي كان يرأسها يدين فيه العراق لامتلاكه اسلحه نوويه ,,, بل على العكس ..
هناك تسجيل فيديو لجلسة مجلس الامن في العام 2003 قبل الغزو يقول فيه البرادعي متحدثا عن انه لا دليل على امتلاك العراق لاي اسلحه محرمه دوليا ....
انا شاهدت الخطاب و محتفظ به مترجما للعربيه ....
و ليس بصعب على احدكم البحث عنه في الانترنت ....
ان الذي ضيع العراق هو غباء صدام حسين و تامر النظام العربي الحاكم مع المخططات اليهوديه بشأن العراق و المنطقة العربيه و العالم اجمع...
و كان على رأس النظام العربي الطاغيه المخلوع حسني مبارك ,, حينما بدأ كطرف مصالحه مع سعود الفيصل بين العراق و الكويت و جمعا كل خيوط المفاوضات , و حينما اوشكت المشكله على الحل في مؤتمر جده ( 1990 ) قبل الغزو العراقي للكويت بيومين ,, لم يذهب مبارك متعمدا لافشال المفاوضات لسبب يعلمه الله ,,, و وقف يخطب في الشعب المصري انه لا فائده من ذهابه لجده و حدث الغزو العراقي و بعدها و في أكتوبر 1990 كانت مصر تجهز بشكل سري لقوات عسكريه تشارك في عاصفة الصحراء مطلع العام التالي ,,,
و ان الذي ضيع العراق هو مبارك حينما خالف ميثاق الجامعة العربيه باتخاذ قرار بالاغلبيه لصالح الموافقه على مشروع قرار قدمته السعوديه يسمح لقوات دوليه بحرب عاصفة الصحراء و بالتالي بقاء الامريكان حتى الان في الخليج العربي مما ترتب عليه الغزو الانجلوأمريكي للعراق 2003 ,,, .
‏*‏ ميثاق الجامعة العربيه ينص على الاجماع وليس الاغلبيه في اتخاذ القرارات , و لكن المؤتمر كان في القاهره و ترأسه المخلوع ,, و كانت هناك احقاقا للحق مشادة حاده بين القدافي و بينه لمخالفته لميثاق الجامعه ,, و يمكنكم البحث عن تسجيل الجلسه الحتاميه و التأكد من إصرار المخلوع على جلب الامريكان للخليج ,,
و تحالف المخلوع و أرسل قوات مصريه في حرب تدمير العراق تحت مسمى تحرير الكويت ,, و لمن يهمه الامر أقول : ان حرب عاصفة الصحراء كانت داخل حدود العراق و ليست في الكويت كما كذب المخلوع و اعلامه ,, و اقول للتاريخ : ان هناك وادي كبير ممتد من الخليج العربي شرقا الى شرق السعوديه و بها مدينه سعويه تحمل اسم الوادي و هي حفر الباطن , و يمتد الوادي الى جنوب العراق و شمال الكويت ,,,
هذه كانت حفر الباطن التي نعرفها و ليست مدينة حفر الباطن ,,, لكن شيخ الازهر في وداعه للقوات المصريه التي شاركت في تدمير العراق أضفى الشرعية للمشاركه في الحرب بقوله : انتم ذاهبون للدفاع عن الشرعية الدوليه ,,,
كان شيخ الازهر معينا من قبل الرئيس المخلوع....

الذي دمر و ضيع العراق ليس البرادعي و لذا أطاحو به الامريكان من الوكاله الدوليه للطاقه الذريه ,,,

لم يخون البرادعي عروبته ولا ضميره كما فعل وزير خارجية مبارك بعد توليه أمين عام الامم المتحده ..
هل تذكرونه ?
انه بطرس غالي ... و ما ادراك ما بطرس غالي ...
بطرس الرخيص ألغي القرارين 242 , و 338 ....
و قال ان القرارين غير ملزمة التنفيذ .....

كان من بطانة مبارك فخان عروبته ,,, لكن البرادعي لم يتقلد منصبا وزاريا في حكومات المخلوع الفاشله ,,, فقال ان العراق لا يمتلك اسلحه نوويه ,,,

أما عن كلام ديك تشيني الذي ذكره الاستاذ / محمد عز العرب فأقول :
ان ديك تشيني كان يقصد بالتقارير الكاذبه التي قدمت للبيت الابيض و التي كانت المبرر للقوات الامريكيه ان تغزو العراق في العام 2003 ,, التقارير الكاذبه التي قدمت من ال ‏C I A‏ و عملائها و من الموساد و من IPAC ‎‏ ‏ ,,,
و لم يكن ابدا يقصد بالتقارير الكاذبه تقارير صدرت من وكالة الطاقه الذريه التابعه للامم المتحده التي كان يرأسها البرادعي ,,, ببساطه : لان الغزو الامريكي للعراق كان بدون أي غطاء دولي ,,, بمعنى اخر : لم يصدر قرار من مجلس الامن او من الامم المتحده او من اي هيئة دوليه يخول لامريكا الحق في غزو العراق ...
بمعنى ثالث : ان الغزو الامريكي للعراق هو خرق لما يسمى بالقرارات الدوليه و للشرعيه الدوليه ,,,
لم تغزو أمريكا العراق بناء على تقارير دوليه ,, بل بناء على تقارير مخابراتيه .....

ليس للبرادعي شأن بالغزو بل كان ضده .ولم يكن البرادعي هو الذي ضيع العراق و لكن نظام مبارك شارك في ضياع العراق...

لمن قرأ ترجمة وثائق ويكيليكس : نفهم منها ان أمريكا كانت ضد استمرار البرادعي في رئاسته للطاقة الذريه ,, مما يفند ادعاءات المدعين بأن البرادعي كان عميلا لامريكا ,
اما كذب شومان في هذا الشأن و نشر ماقاله بهذا الخصوص فليس بالغريب .. و لي عتاب على الاستاذ جمال عباده :
كيف تقول بأن الثوره لم تصل شباس بعد ?!
ان الثورة وصلت الى كل العالم و لكنها أكلت و مضغت و جاري هضمها

صور ابنة البرادعـــي











دليل براءة البرادعـــــــــي

اولا بشكر الجميع على التعليقات الممتازة دى
وبسجل اعتراضى على كلام الشيخ شومان لانه خلط الامور ببعضهاوبصرف النظر عما قاله ربما كلامه خطأ يحتمل الصواب
ولكن انا بعترض على البرادعى لشخصه فهو شخصيه غير متحمسه ترى فى وجهه هيئه المناضل الغبى تراه بلا هدف مشتت الذهن ليس له اجندة واضحه
كلنا نحترم علمه فى تخصصه سفقنا له عندما حصل على جائزة نوبل
ولكن ارى من وجهه نظرى انه مثال عصرى ونموذج لكى يدير شركه وممكن الاستفاده منه فى مجال تخصصه فهو اهل لذلك
ولكن رئيس الجمهوريه لابد ان يكون له كاريزما خاصه شخص يحمل فى داخله حماسه الشباب وحكمه الكبار شخص تراه سيفا ودرع للوطن شخص تثق فى انتمائه لوطنه تثق فى قراراته
مصر تحتاج لأب وليس زوج.تحتاج لرجل عندما يتكلم يسمع الجميع يرجع بهيبته هيبة المصرين رجل ترى فى ملامحه الوطنيه الخالصه بشموخها وعظمتها .مناضل من اجل الحق قوى الشكيمه رحيم القلب بالضعفاء
نريد رجل يخرج من رحم الثورة يخرج من قلب الاحداث يخرج من قلب طين مصر .رجل احس بنار الثورة فحترق قلبه بلهيبهاحماسه وتجليل
وانا بعتقد ان الكلام ده لاينطبق على البرادعى وامثاله

الاخ الضوء الشارد شكرا للتوضيح واثرائك للموضوع واود ان اضيف اننا في هذه المرحلة نحتاج الى البناء وليس الهدم ومن يسمع هذا الخطاب من شومان اكيد يصاب بالقلق على مستقبل مصر ارغب في ان تكون مدنية بمرجعية اسلامية لأننا مجتمع له خصوصيته وتقاليده وعن رئيس الجمهورية القادم بصراحة انا معجب جدا بالمستشار البسطويسي .

شكرا يا حنف ,,
واحنا كالعاده في الخدمه
و بعيدا عن الموضوع بس مش بعيد كتير :
معجب إزاي لا مؤاخذه ?!
دنا سمعت ان فيه حد متكلم عليه ... أو مرتبط ....

يا أبو حنفي : لأول مره من يوم ما إتولدنا أنا و انته و بفضل الله ثم بفضل شباب التحرير و دمائهم التي سالت على أرضه , و أرواح الشهداء التي أزهقت , ثم بفضل 20 مليون مصري ثارو في شوارع مصر في 12 فبراير ,,,,
بفضل كل هؤلاء و لأول مره في حياتنا لن نكون كم مهمل ,,,
لن تزور أصواتنا نحن المشردين في كل بلاد الارض ,, كما لن يصوت الموتى في الانتخابات مرة أخرى ,,,

بفضل الثوره سيكون لك الحق في ان تعبر عن رأيك ,,,
ابقى اختار اللي انته معجب بيه يا عم حنف ..

و كل ثوره و انت طيب برده , عشان الثوره المضاده هيه اللي لسه شغاله و ده رأيي ,,
نهارك سعيد

اعتذر حازم شومان للبرادعي في فيديو منتشر على الانترنت و قال فيه انه يعترف بانه أخطأ فيما قاله عن البرادعي .......
و أنا أطالب من إتهم البرادعي بالكفر و قام بنشر معلومات خاطئة في المنتدى بالاعتراف بالخطأ و التوبه الى الله ,,,,,

التكفير يا حضرات مش هزار,,,,

العبث في دين الله مصيبة كبيرة ..

اللهم اهدنا بفضلك فيمن هديت
اميييين

بس ياعزيزى الضوء الشارد الموضوع منقول وليس كلامى واعتقد ان ايقونة الموضوع فى القسم منقول ولا يوجد اى تعليق من التعليقات تتهم البرادعى بالكفر فلايجوز لاحد ان يتهم احد بالكفر

يا أحمد
انت نقلت مادة إعلاميه خاطئة
و اظنك لابد أن تتفق معي في ذلك .

هذه مسؤليتك ,,,,

لا ينبغي أن كل ماتقرأه أو تشاهده لك الحق في نشره دون التأكد من صحته ...

أنت بصفة خاصة أدمن الموقع عليك مسؤلية كبيره تتمثل في حرصك على أمانة الكلمه ...
المنتدى يمثل موقع إعلامي لفئة من الناس تتمثل في الاعضاء المشاركين و اللذين يقرؤن ما ينشر في المنتدى و بكل تأكيد هناك من يقرأ هنا و يناقش و ينشر ما يكتب على صفحات المنتدى مع غيره من الناس من اللذين لا يشاركون في المنتدى.

نشر مادة إعلامية خاطئة هو تشويه للحقيقة و نشر البلبله و تشتيت لأفكار الناس ,...
و بالتأكيد هناك تداعيات لنشر معلومات خاطئه ,, ان أردت إن أحدثك عنها فلا مانع عندي ,,

انت تدافع عن حقك في نقل الموضوع حتى بعد ما قلتلك ان ده كان غلط و ان شومان نفسه اعتذر و بالفيديو و الفيديو سهل انك تنزله و تصحح الخطأ اللي انته نشرته ,,,,,,,
اصرارك على حقك في نقل و نشر خبر مش صحيح يفقدك مصداقيتك انته شخصيا و يفقد المنتدى جزءا من قيمته و كيانه كموقع اعلامي و كمنتدى للنقاش,,

ماذكرته من ان مفيش حد من الاعضاء كفر البرادعي مش صح و فيه 2 من اللي شاركو مثالين على كده :
أولهم - ابن الحته .. انا طبعا مش عارفه برغم انه له صوره ع البروفايل بتاعه ,
لكن تعليقه موجود و اقتنع بنقلك و كمل من عنده بإنه توكل على الله و كفر زوجة البرادعي و الشيعه كمان ...
ثانيهم - الاستاذ جمال عباده قال باللفظ انه اتشتت...

ده من التعليقات اللي اتكتبت في الصفحه بس ,
دور انته بقه على اللي قرأو و اقتنعو بكلامك اللي انته نقلته و اللي انته بتدافع فيه بانك نقلت بس و شايف ان دي حاجه حق ليك ,,, اللي قرأو و صقو و ما علقوش دول تعرف تقول كام واحد ?

على فكره انا مش بتخانق معاك , أحسن انا خايف ريم تنطلي في المنتدى و تشتم تاني ,.
هههه

سلام

ياعزيزى الضوء الشارد اعتقد انى نقلت الموضوع باسمى فمعنى ذلك انه بعيد كل البعد عن الادارة فالموضوع منقول من جريدة البديل على ما اعتقد والفيديو ايضا فانا كل ال عملته حبيت اخلى الفيديو ضمن خصوصيات المنتدى وقمت برفعه لا اكثر ولا اقل فانا لم اوجه احد لفكر معين او قلت لاحد قول ان البرادعى كافر او غيره حتى كاتب الموضوع نفسه هو ناقل للموضوع فقد نقل الموضوع عن طريق الفيديو لا اكثر ولا اقل فالموضوع لايعبر عن رأيه ولا عن رأى من يقرأه .

رابط الموضوع الاصلى من جريدة البديل

انته أكيد سمعت عن الثوره المضاده يا أحمد ,, مش كده ?
و أكيد عرفت يعني ايه الثوره المضاده ...

الكلام عن التطاحن و الصراع بين الاسلاميين و بعضهم و بين الاسلاميين و الليبراليين و العلمانيين و بين المسلمين و النصارى و بين النظام السابق و أتباعه و مريديه و المستفيدين منه و بين الثوره و اللي عملوها و اللي فكرو فيها (و على رأسهم البرادعي على فكره) ,,

الصراع و التطاحن ده كله و إختلاقه و نشره و تكراره بين الناس لا تفسير له غير ان ده الثوره المضاده و أشكال الثوره المضاده و أساليبها كتير برده ,,,

و الهدف من الثوره المضاده ,, الهدف الرئيسي هو عدم استقرار الاوضاع في مصر ,,,سياسيا و أمنيا و اقتصاديا و اجتماعيا ,,,,إلخ .

و أظن ان عدم الاستقرار مش في مصلحة البلد ولا الناس ..
بلاش نساعد أعداء البلد بنشر الاخبار و بصفه خاصه اللي بتخوف الناس و بتنشر البلبله و تشتت الافكار ...
النظام السابق ترك البلد في وضع سيء جدا ,,
40‏ ‏% تحت حد الفقر و ديون الحكومه اكتر من 1000 مليار جنيه و مصايب تانيه كتييييير و انته اكيد عارفها ,,,

البلد محتاجه استقرار مش تشتيت و صراع و رعب و قلق و خوف ,....
دي مصلحة البلد و انته أكيد موافقني على كلامي .......
ربنا يصلح الحال

انا سمعت عنها بس مش كل حاجة تحصل فى البلد يقولك فلول النظام والسلفيين حتى ماتش الزمالك قالك فلول النظام والثورة المضادة يعنى ال حصل فى ماتش الزمالك والافريقى التونسى ده بسبب الامن لان الامن معدش عنده ثقة فى نفسه والشعب كمان لا يحترم الشرطة يعن لو ظابط ماشى فى الشارع اى عيل صغير لو شتمه مش هيقدر يرد عليه فحكاية الثورة المضادة مش عارف هتستمر لحد امته يعنى لو حصل تفجير فى اى مكان فى مصر هتلاقى وسائل الاعلان تقول فلول النظام واتباع الثورة المضادة ومن الطرائف موجة الامطار العزيرة والزلزال قالك السلفيين .
ولو كده يبقى كل ال صوت بنعم فى الاستفتاء يبقى من اعوان الثورة المضادة يبقى 14 مليون مصرى ثورة مضادة انا بصراحة مش عارف مصر رايحة لفين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الأخ الفاضل أحمد محدش قال السلفيين مسئولين عن أي خراب في البلد بالعكس السلفيين كفكر ناس محترمين والخلاف معهم الآن أصبح خلاف سطحي
لكن اللي عمله بعض ممن ينسب للسلفيين خطأ وخطأ جسيم ومش بالصدفة بل هو مخطط ممن كان يتعامل مع أمن الدولة منهم قبل النظام ما يسقط والآن يهمهم العودة وعدم أنكشاف أمرهم وعودةالأزهر معناه أن تبور بضاعتهم المزجاه لأن كثير من الخطباء والوعاظ إنما إشتهروا بسبب غياب الأزهر بسبب الملعون حسني مبارك الذي دمر الأزهر على مدار السنين بالإشتراك مع طنطاوي وهم الآن يكافحون من أجل العودة لأن كلها أشهر قليلة ويكشف العلم الشرعي في مصر عن وجهه الجميل وتمحي هذه الوجوه القديمة التي ألفناها بالقوة وبأوامر من أمن الدولة القديم والمو جود الآن

استاذ محمود حكاية السلفيين ليست نقطة خلاف لان ما يفعله الفرد لا ينسب للعامة من الناس .....

عزيزى الشارد هلى كل من يهاجم البرادعى مع الثورة المضادة ؟

سؤال غريب بجد .. و مع ذلك هارد:
منذ العام 2004 يعني من 7 سنين , و الاحوال إزدادت سوء في مصر و بدأت أول تجمعات للمعارضين تقوم بتظاهرات و اعتصامات و بدأت أحداث عنف مثل التي حدثت في المحله الكبرى و تشكلت حركات معارضه مثل كفايه و 6 أبريل و غيرهم و قاد حركات التظاهرات و الاعتصامات شخصيات سياسيه معارضه مثل الدكتور حسن نافعه و عبدالحليم قنديل و حمدي قنديل و المستشار محمود الخضيري و جورج اسحاق و غيرهم الكثير بالاضافه للكثير من شباب المدونين مثل وائل عباس و منال و علاء و نواره نجم و كثيرين غيرهم و مع دخول شلة الانس مع جمال مبارك و احمد عز و رجال الاعمال اللي اتعينوا في لجان الحزب اللي كان حاكم , و اتعينو وزراء و ف مناصب عليا ف البلد ,, و بدأ مبارك يتنازل للساده اللي ف الحكم عن ثروات البلد و خيرها لحد ماخربوها ,,كل ده في سبيل حاجتين 2 بس ,,
اولهم - إرضاء سادته في تل أبيب و واشنطن
ثانيهم - تمكين الوريث و دعم الحاشيه له ليرث عرش مصر ,
كانت النتيجه أنهم باعو القطاع العام و وزعو اراضي البلد على بعض و خربو بيت الشعب و أفقروه و خلو مصر وصلت لمستوى بوركينافاسو ,,,
توسعت دوائر المعارضين للحكم و الظلم..
تشكلت حركات معارضه أخرى مثل حشد و شباب من أجل العداله و الحريه و تنوعت اشكال الاضرابات حتى انها وصلت الى امام مجلس الشعب بالملابس الداخليه....
كل الاحزاب و الحركات المعارضه كانت تعمل بشكل منفرد ,, (كل واحد بطريقته )..
إلى أن جاء البرادعي الى مصر و استقبل استقبال شعبي في مطار القاهره ,,
أعلن انه يريد ان يغير الواقع السياسي في مصر , أسس الجمعيه الوطنيه للتغيير ,,
عرض عليه مبارك أن ينضم لأي حزب سياسي معترف به من الحكومه و ان يترشح للرئاسه ,,, فرفض و طالب بتغيير الدستور ,,
أصدر بيان التغيير اللي انا كتبت عنه في المنتدى هنا باسم ( معا سنغير ),, و طالب بجمع مليون توقيع ليستطيع أن يتحدث مع الحكومه و يطالب بالحريه و تغيير مواد الدستور التي تم تعديلها عام 2007 و التي جعلت من مصر عزبه تورث لال مبارك فقط ...
انضم للجمعيه الوطنيه للتغيير كل القوى السياسيه , كلها حتى الاخوان المسلمين ,,,
منعه مبارك من التحدث الى وسائل الاعلام ,, فاضطر للسفر خارج مصر ليتحدث الى وسائل الاعلام ,, قام الاعلام بتشويه صورته و بتكفيره و نشر الاكاذيب عنه ,,,
في الوقت الذي جمعت فيه حملة ترشيح مبارك الابن 70000 , جمع البرادعي اكثر من 800000 توقيع توافق على المطالب ال 7 ,,
وائل غنيم أسس صفحة كلنا خالد سعيد ,, أكيد انته سمعت عن ال 2 ,,
خالد سعيد شهيد الطواريء ,, شاب من دورك كده ربنا يرحمه , كان بينشر فيديو يفضح فيه الداخليه ,, مسكوه المخبرين و قتلوه من كتر التعذيب و قالو انه بلع باكتة بانجو ,, صفحة خالد سعيد جمعت الاف من الشباب الرافضين للتعذيب و بعدها قتلو سيد بلال برده ,,, و قامت مظاهرات كثيره تلبية لدعوات من وائل غنيم الذي لم يكن معروفا انه أدمن الصفحه حتى قامت الثوره ,,, شارك البرادعي المتظاهرين في شوارع الاسكندريه و اللذين تظاهرو لمقتل خالد ,, و طالبو بمحاكمة القتله و وقف التعذيب في أقسام الشرطه ,,,
في عيد الشرطة 25 يناير 2011 لبى الكثير من الشباب نداء صفحة خالد سعيد بالتظاهر في نفس اليوم ,, يوم عيد الشرطه تعبيرا عن رفضهم لممارسات الشرطه و حدث ما حدث من قمع الشرطه للمتظاهرين و قتل 700 تقريبا من زهور شباب مصر و جرح 7000 تقريبا ,, و تفاصيل الثوره كلنا نعرفها ,,,

البرادعي اكبر شخصيه أثرت في الاحداث ,, و أول من طالب بالعصيان المدني و أول من تنبأ بالثوره , و ياريت ما تحرمناش من فيديو تحدث فيه البرادعي مع عمرو أديب قبل الثوره و قال فيه ان الشعب سيثور على ما يحدث في مصر ,,,,,

نفهم من ذلك أنه الشخصيه رقم 1 التي أثرت في قيام الثوره , و أن بقايا النظام و بلطجيتهم يتمنون لو ينتقمو منه ,, فكان ما حدث من تعدي بلطجية أجرهم عضو مجلس شعب سابق عليه في المقطم يوم الاستفتاء و ليس كما ذكرت أنت من أن الاهالي هم من فعلو ذلك ,,,

إذن :الناس اللي بتحاول تعمل ثوره مضاده هم اللذين يحاولون تشويه صورته ..

كما قالو عن وائل غنيم أنه عميل لأمريكا و متزوج أمريكيه و كان فرحان أما نجحت الثوره و غار المخلوع ,, و نشرو صورته هو و مراته في جريمة فرحته بتنحي المخلوع ,,,

و اللي يقرا و ما يعرفش التاريخ يتهيأله ان مبارك كان عدو لأمريكا و ماكانش خدام ليهم ,,,

يارب أكون جاوبتك على سؤالك

اعتقد ان البرادعى من الذين استفادوا من الثورة وليس من الذين قاموا بالثورة بدليل ان الثورة نجحت وهو وكثير اخرون قاموا باستغلال الثورة لصالحهم وصعدوا على الساحة على حساب الثورة بدليل انه لم يأتى يوم 25 يناير ولو كان فعلا هو من غير كان لابد ان يكون من ضمن المتواجدون يوم 25 يناير .

وانا كنت هناك فى التحرير يوم الخميس ال قبل 11 فبرايروشفت الهتافات كانت عامة ايه بدليل انه عندما نزل ميدان التحرير لقى نداءات غير مرحبة به وكلنا شفناها على شاشات التليفزيون .
اما اذا سألتنى عن رأئى فانا لا اريد البرادعى رئيسا لمصر برغم اننى اشك انه ممكن ينجح ويوم ما يفكر البرادعى يغير المادة التانية من الدستور لانه يريدها علمانية فليعلم انه سوف يخلع بعدها مباشرة وذلك بارادة الشعب .
والشخصية رقم 1 التى اثرت فى الثورة هو النظام السابق وليس البرادعى ..
اذن كل من يحاول تشويه صورة البرادعى هو مع الثورة المضادة اذن كل من قال نعم مع الثورة المضادة فكل من قال نعم كان ضد البرادعى لان البرادعى كان يريد لا ...
وانا ضد البرادعى ولكن لست مع تشويه صورته وصورة اسرته حتى ولو كان هذا الكلام صحيح فعلا ..

أخي الضوء الشارد أعترض ع بعض النقاط أولا إن بقوش نقل خبر أو موضوع من أي مكان فده حقه وحقك إنت إنك ترد وتنزل البراءة فأنا شايف إن دي حرية رأي
أما عن البرادعي فهو له دور في تغير شكل المعارضه في مصر لكن ليس له دور في الثوره بدليل إنه كان خارج مصر ٢٥يناير ولما لقي إن الثوره هتاخد شكل تاني رجع في جمعة الغضب
وأنا ضد البرادعي و موسي

أرجوك إشرحلي يعني ايه ان النظام السابق هوه اللي أثر في الثوره ?

اما عن الاستفتاء و رأي البرادعي بانه كان رافض التعديلات و كل اللي قال نعم كان ضد البرادعي ,, و بكده انته عاوز تقول ان نسبة ال 77 % رافضين البرادعي ,, مش كده ?

أحب أفكرك ان ده كان استفتاء على التعديلات الدستوريه مش استفتاء على رئاسة الجمهوريه ولا استفتاء ع البرادعي خالص ,,,,

و بعدين بخصوص الاستفتاء : هم اللي قالو نعم للتعديلات الدستوريه قالوا نعم ليه ? هتقولي من أجل الاستقرار ,, طب كانو أغلبيه و ماحصلش استقرار ,, يبقى ماكانش فيه غلاقه بين نعم و بين الاستقرار و يظل اللي كان رافض التعديلات هوه اللي كان رأيه صح ....
بدليل أن الاعلان الدستوري كان فيه اكتر من 60 مادة في حين الاستفتاء كان على مواد قليله جدا , يبقى الاستفتاء اساسا كان ليه ?? اتعمل ليه اما الاعلان الدستوري كان فيه مواد خارج المواد اللي استفتو عليها الشعب ??

الصحيح أنه ما كان ينبغي ان يحدث الاستفتاء ,, أو يرفض الشعب التعديلات و يتم تعليق العمل بالدستور الحالي (دستور71) الى ان يتم وضع دستور جديد للبلاد ,,,


...‏ ‏

بخصوص انته بتحبه و موافق عليه ولا لأ :
فدي حريتك الشخصيه اللي هوه كان بيطالب بيها ..
رقابه على الانتخابات و إلغاء الطوارئ و التصويت بالرقم القومي و تمكين المصريين بالخارج من التصويت ,, كل دي من المطالب ال 7 بتوع بيان التغيير اللي البرادعي جمع ما يقارب المليون توقيع عليه ...

الهتافات في ميدان التحرير لحد يوم 12 فبراير كانت بتطالب بسقوط النظام و البرادعي ماكانش جزء من النظام السابق..

طب إحلف بالله يا عبد الرحمن إن ده رأيك وانا هاصدقك ,,,

هههههههههه

عزيزى الشارد انا كنت هناك وشفت الهتافات كانت عاملة ازاى وازاى هيا رافضة للبرادعى والنظام اما حكاية ان النظام السابق هو السبب فى الثورة لان النظام هو ال حرك الثورة بنظامه الفاسد وده كان قصدى واعتقد ان الهتافات كانت على شاشات التليفزيون المختلفة انها رافضة البرادعى وانا عن نفسى ارفضه ولا اريده رئيسا لمصر واعتقد ان مش انا لوحدى ال رافضين البرادعى ناس كتير قوووووووووووووووووووووووووى فى مصر مش عاوزينه ولو نجح وفكر يغير فى المادة التانية اعتقد انه هيتخلع من بعد ساعة من تغير المادة التانية مش هقول يوم لان ساعتها 80 مليون هيكونوا فى الميدان اما حكاية الاستفتاء وال حصل فيها مش معنا البرادعى هو ال يتشتم من ضمن الناس ال موجودين على الساحة رغم اننى ضد منع اى شخص يمنع احد من حقه والترشيح حق مكفول للجميع ....

عزيزي الشارد اكيد ده راي وبصراحه انا كرهت البرادعي اكتر بعد حواره مع عمرو الليثي

صدقني يا شارد مش دول اليغيرو مصر

ايه حكاية الماده التانيه دي يا أحمد ?

اللي يشوف الحرب اللي شغاله ع الماده التانيه في مصر اليومين دول ,, يقول ان مصر في عهد النظام السابق كانت مطبقه الشريعه الاسلاميه و بتطرف كمان ,,, كأن البلد ماكنتش مليانه مخدرات و سرقه و نهب و تزوير و توريث و جهل و ظلم و تعذيب و اعتقالات و بطاله و جوع و رشوه و واسطه و محسوبيه .............

و يقول كمان ان البرادعي يهودي و هيطبق التوراه في مصر برغم اني مش عارف اليهود ليهم شريعه ولا ملهمش...

لكن لو ذكر عمرو موسى تتنسي الماده التانيه ,,,,
و لو ذكر حد من الاخوان و لا السلفيين ولا الجهاديين يبقو هيخلو البلد دولة ارهاب و يهدمو الاضرحه و يكسرو الاثار...

يعني كل وضع اتسببت فيه الثوره له قائمة اتهام عشان ده مش تبع النظام السابق

كل التحية والتقدير لكل من ساهم فى المناقشة الجميله والرائعه
تحية خاصة للضوء الشارد على الثقافه العاليه والفكر السياسى الناضج وان كنت لا اتفق معه فى النقطة الخاصة بان البردعى هو السبب فى قيام الثورة فالبردعى يمكن ان نقول هو اول من ركب موجة الثورة وعندى استفسار بسيط من سياسى المنتدى وهو ليس اين كان البردعى فى يوم 25
ولماذا لم يظهر الا بعد ما تحولت مظاهرات الى ثورة حقيقيه
ولكنى اسال اين كان البردعى وما الذى قدمه لمصر او لنا لكى يكوُن عندنا الخلفيه والقناعه لكى نجزم بانه الشخص القادر على النهوض بمصر
ما هى انجازات ما الذى اضافه لنا كرئيس لوكالة الطاقه الزريه هل استفادت مصر من خبرته بالمجال وقامت بانشاء مفاعل نووى للاغراض السلمية مثلا او للطاقه حصل البردعى وزويل على جائزة نوبل
شىء جميل ومدعاة للفخر لنا جميعا لكن سؤالى مالذى قدموه لمصر هل لمجرد انه كان ناجح فى مجاله يكون سببا قويا ليكونالاصلح لرئاسة الجمهورية ما هو تاريخ البردعى بالنسبه لمصر ولماذا الان لماذا الان احس بحاجة مصر للتغيير
اين كان وما الذى قدمه لمصر

قشدة

اعتقد يا محمد يا عز العرب ان الضوء الشارد لا يقصد برده ان البرادعي هو النسب لحكم مصر ولكن اللي فهمته انا من رده انه بيدي الراجل ده حقه في العمل علي زيادة الحراك السياسي في مصر في ظل النظام البلطجي البائد ودوره في اعطاء بعد جديد للعمل السياسي علي اساس شعبي في جمع توقيعات تؤهله للوقوف في وجه طغيان جامح تمثل في عصابة متكاملة الأركان ، وده مش معناه تأيد لكن اعتراف بفضله اما انه بيتهاجم ده طبيعي لأنه قال هترشح وفيه غيره اعلن وفيه ناس ليها مصالح في اشخاص بعينهم وبرده ده طبيعي لكن اللي مش طبيعي ان اي حد يعلن من الآن انه ضد البرادعي لأن الأمور ما زالت غير مكتله عشان نحدد رأي مسبق قبل الهنا بسنه
وبعدين يا عم محمد هو البرادعي كان هيعمل مفاعلات نوويه في مصر بفلوس منين انت شايف ان فلوس البلد كلها طلعت بره دا مش بعيد لو كان عمل مفاعلات يبيعوها لمستثمرين اجانب ويودوا فلوسها بره يا راجل دول زلونا بالمعونه الأمريكية واتضح انها كانت بترجع تاني في نفس الطيارة لحساباتهم في امريكا ودول أوروبا
ربنا يرحمنا

استاذ / محمد عز العرب
تحية طيبه لك ولكل المحترمين من أعضاء المنتدى و بعد :

سألني الاخ أحمد بقوش سؤال يقول فيه :
هل كل اللي بيتكلم عن البرادعي يبقى مع الثوره المضادة ?
‏ و انا رديت عليه بتعليق الساعه 2:25 ظهرا ..
في كلامي رد عن الكثير من تساؤلاتك,,

و ذكرت بان البرادعي وحد صفوف كل القوى المعارضه الحقيقيه الوطنيه تحت كيان اسمه الجمعيه الوطنيه للتغيير , وقبل ذلك كانت كل أطياف المعارضه تعمل بشكل منفرد ,, و طالب الشعب ان يقف خلفه ليقود المعارضه ,, و هو صاحب بيان (معا سنغير ) و الذي طالب فيه الشعب بالتوقيع علي المطالب ال 7 .. و هو أول من كسر حاجز الخوف لدى الشعب ,, حيث وقع على البيان ما يقرب من مليون مصري ,,,

قاد مظاهرة سلميه فب الاسكندريه دعت اليها صفحة ( كلنا خالد سعيد )

نفس الصفحه هي التي دعت للمظاهرات يوم 25 يناير ,,

هو أول من طالب الشعب بالعصيان المدني ,

منعه المخلوع من التحدث الى وسائل الاعلام في مصر فاضطر للسفر خارج البلاد ليخاطب الرأي العام العالمي و ليتحدث الى وسائل الاعلام,,,

ماذا صنع لمصر ?
لاشيء ,, لانه لم يكن يوما مسؤلا في حكومة من الحكومات الفاشله في مصر خلال النظام السابق,,

الجمعيه الوطنيه للتغيير أصدرت كتاب اسمه (الكتاب الاسود ) 30‎ years of failer ‎‏ ثلاثون عاما من الفشل ,, موجود على موقع الوطنيه للتغيير ,, ادخل شوف الكتاب و انته تطالب بثورة جديده كمان على النظام السابق ,,,,,,,,,,,,

لم يسمح المخلوع لاي شخص ان يكون له كلمه او تصرف في مصر من خارج حزبه الفاشل الفاسد و حاشيته ,,,

مفاعل ايه اللي انته كنت عاوز البرادعي يعمله ?!!
يا راجل ده لسه البشير قايل الاسبوع اللي فات انه عرض على المخلوع انه يزرع قمح في السودان رد المخلوع و قاله انته عاوز امريكا تزعل ?! الكلام منشور في الصحافه المصريه الاسبوع اللي فات ...
تقوم عاوز البرادعي يعمل مفاعل ?!
دي الارض بتاعة الضبعه اللي قالو هي الموقع الملائم للمفاعل كانو عايزين يبيعوها لابراهيم كامل صاحبهم .......

مفاعل ايه يا عم ?! الحكومه كانت وصلت ديونها 1000 مليار جنيه ,,, منهم 32 مليار دولار ديون خارجيه و الباقي ديون داخليه ,, عايزهم يفكرو في نووي ?!
و البرادعي عدوهم كمان هوه اللي يعمله ?!

انته ما تسمعش ان فيه 2500 عالم مصري عايشين بره مصر ?
انته ما سمعتش عن ان الباز قدم للمخلوع مشاريع قوميه كتير منهم وفد من كوريا للنهضه بالتعليم , و منهم مشروع ممر التنميه مدعم بصور من محطات الفضاء , و كان مصير المشاريع دي صناديق الزباله ..

انته ما تعرفش ان النظام السابق كان مالى البلد مخدرات و رشوه و سرقه و نهب و واسطه و محسوبيه و سرطان و فشل كلوي و كبدي و جهل و فقر و معتقلات و تعذيب و جوع و بطاله ,,,,,,?

كل ده كان سهو ? ولا كل ده كان بأوامر من نسايبه ?
عارف مين نسايبه ولا مش واخد بالك ?

اذا مش واخد بالك تعمل سيرش صغير على ويكيبديا عن سوزان صالح ثابت , أو منير صالح ثابت , و اتفرج و لو عايز تسأل عن حاجه انا تحت امرك ..

انا مش معترض على انك بتكره البرادعي او بتحب غيره ,,, ده حقك

و عشان اكون واضح :
انا كمان بكرهه و الله مش باحبه
بس انا مش عاوز رئيس احبه , انا عاوز رئيس بيحب البلد و الشعب ,, عاوز رئيس اتحكم فيه و احاسبه و اسحب منه الثقه و أجوعه مش هوه اللي يجوع أهلي ,,
عاوز رئيس موظف عند الشعب ,, مش سيد قراره ,,
عاوز رئيس مش عايش في منتجع شرم الشيخ و ناقل القصر الجمهوري هناك ..
مش عاوز قائد ولا زعيم ,, عاوز رئيس يشتغل ليل و نهار عشان بيتمنى اني انتخبه كمان دوره ,,,
انا من انصار الجمهوريه البرلمانيه مش الرئاسيه ,, بس يارب شعبنا يفهم و يبطل مبدأ المصلحه الخاصه و يفكر في صالح البلد ,,,,
طب ايه رأيك ان شعبنا فشل في اول اختبار لما اختار نعم ع التعديلات الدستوريه ,, يا راجل بقه ينفع البرلمان اللي مسؤليته وضع اول دستور للبلاد يكون نصه عمال و فلاحين ,,,

انا مش باعيب فيهم , ماحنا اصلنا فلاحين ,, بس ده دستور مصر الجديده , دستور مصر بعد الثوره ,, دنا كنت محتاج البرلمان كله أساتذة جامعه , مش نصه عمال و فلاحين , ع الاقل اول دوره ,,,,

بس الشعب معذور ,,, عمره ماشاف حريه و لا عاشها ,, عايش طوال عمره ف الطواريء ,,,

نسيت أقولك يا محمد :
فيه مثل انجليزي بيقول :
إن أردت ان تعرف وطنك فاعرف الاوطان .

يعني مثلا : مش ممكن تجيب شخص مصري إتولد و عاش طول حياته في مصر في عهد النظام البائد و تقوله انته مش عايش حر في بلدك و هيصدقك ,,, لانه ماشافش غير كده ,, لكن لو طلع بره و سافر دوله فيها حريه و شاف الناس عايشه ازاي هيعرف انه مش عايش ف حريه و هيقتنع ,
ومثلا لو سألت نفس الشخص و قلتله : تعرف ان الطرق اللي انته بتسافر عليها و القطارات دي مش مناسبه للاستخدام الادمي ? مش بعيد يشتمك ,,, ماهو برده ماشافش غير كده ,, لكن لو راح دولة منقدمه و شاف الوضع فيها هيطلب لجوء من السلطات هناك و هبرفض يرجع لحسحس ,,,
برده ميزه ف البرادعي يمكن لانه شاف ف النمسا 12 سنه الناس بتاخد حقها ازاي و عايشه إزاي هناك و لما رجع مصر رفض الوضع ,, و طالب بالتغيير و رفض ينضم لحزب من الاحزاب الكرتونيه بتاعة ميكي ماوس ......

تسمع عن الدكتور صابر ? بتاع النووي و الطاقه الذريه اللي اتهموه ظلم بانه خاين و عميل لاسرائيل ..?
انا ليا صديق قعد معاه و هوه كان في بعثه ف دوله أجنبيه , الدكتور صابر بتاع الذره قال : انه بيروح يقعد على مكتب يقرا الجرايد لحد الساعه 4 و يروح يتغدا و ينزل يشتغل في صيدليه تحت البيت فتره مسائيه عشان يعرف يصرف على بيته , ...

تقوم انته كنت عاوز البرادعي يعمل مفاعل ?!!

البرادعي كان موظف في الأمم المتحده وصل رئيس هيئة الطاقه الذريه التابعه للأمم المتحده بشغله و علمه مش ترقيه بالواسطه و المحسوبيه