هكتب فى موضوع مهم جدا ويهم الفئه المثقفه اكثر.هل احنا مثقافين والمرشحين للانتخابات مثقافين واعضاءنا فى المجلس مثقافين .عضومجلس الشعب فى اول جلسه بيقسم انه يحافظ على سلامه البلاد وان يحترم الدستور والقانون واجزم ان 99%من الاعضاء لايعرفون الدستور والقانون اللى هيحترموه عايز اى حد يذهب لاى مرشح فى دائرته ويسأله هو ايه الدستور .اللى هتحترمه. المرشح هيجاوب الدستور هو (دستور ياسيادنا او لااحم ولا دستور.وكمان هل المرشحين اللى هيترشحوا يعرفوا كام حزب فى مصر وهل يعرفوا مبادئ الحزب الوطنى اللى بتهافتوا عليه؟ طبعا لا لانهم عايزين يضمنوا تأيد الحكومه والسلام
بالرغم ان فيه 24 حزب فى مصر
الدستور هو:القانونالاعلى الذى يحدد القواعد الاساسيه لشكل الدوله ونظام الحكم وشكل الحكومه وتنظيم السلطات
والقانون هو:مجموعه من القواعد التشريعيه التى تنظم سلوك الفرد فى المجتمع بصورة عامه ومجرده وتوقيع الدوله اى السلطات التنفيذيه جزاء على من يخالفها
وكمان هقولكم احزاب مصر الساسيه وهى:
الحزب الوطنى الديمقراطى
حزب الاحرار الاشتراكى
حزب التجمع الوطنى التقدمى الوحدوى
حزب العمل الاشتراكى
حزب الوفد الجديد
حزب الامه
حزب مصر العربى الاشتراكى
حزب الخضر المصرى
حزب الاتحاد الديمقراطى
حزب مصر الفتاه
الحزب العربى الناصرى
حزب الشعب الديمقراطى
حزب العداله الاجتماعيه
حزب الاتفاق الاجتماعى
حزب الوفاق القومى
حزب الجيل الديمقراطى
حزب مصر 2000
حزب الغد
الحزب الدستورى الاجتماعى
حزب شباب مصر
حزب السلام الديمقراطى
حزب المحافظين
الحزب الجمهورى الحر
حزب الجبهه الديمقراطيه
ايه رأيكم فى الموضوع ده وهل انتم موافقينى انى المرشحين او الاعضاء بمعنى اصح بيقسموا على حاجه هم مش عارفنها

والله كلامك صح يا حسام يسلم لسانك موضوع جميل يستحق التحيه
بس فيه حاجه انت نسيت حزب من الاحزاب يترى عرفته ولا لا
؟؟
؟؟
؟؟
؟؟
؟؟؟؟؟؟؟
؟؟؟
؟؟

؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حزب وداد قلبى يابوى

انت نسيت يابوحميد كمان حزب عارف





حزب الريح.............على حزب الريح مايودى الريح مايودى وياه انا ماشى ماشى لحد مكسر رجلى

موضوع اكثر من رائع اغلب اعضاء مجلس الشعب لايعرفون ما هى احزاب مصر السياسية وأعضاء الحزب الوطنى لايعرف مبادئ وقيم الحزب الوطنى الذى ينتمون اليه وتقبل مرورى حسام وشكرا مرة تانية على الموضوع الرائع.

شكر ياحمد على ردك

كلامك مظبوط ياابو محمود بس دى للاسف ثقافه شعب وثقافه مجتمع اتربى على التسليم بالامر الواقع وده مش جديد ده من ايام الفراعنه كان المصرين القدماء يعظموا الملك لحد ما يعبدوه .3لكن احنا ان شاء الله نبدأ بأنفسنا ونعلم ونزرع فى ولدنا الحريه فى الرأى وكل شيء ونعلمهم ازاى يكونوا احرار فى فكرهم وميكونوش مقيدين العقل والروح
بدأ بالواد محمود ابنك وعلمه ازاى ياخد قرار وازاى يكون راجل حر عنده فكر يفيد بيه نفسه ودينه وبلده وازاى يحترم العقول والفكر دون النظر للشكل والاسم والهيئه والحسب والنسب بكدا هنحط ايدنا على الطريق السليم وهيتولد مجتمع ناضج مثقف محترم له اساس
مش كده ولا ايه

عارف يا ابو محمود احنا بينقصنا هدف قومى ومشروع قوى نسعى لتحقيقه لو الدوله عملت مشروع قومى للشعب من اجل التطور والرقى كل الناس هتسعى لتحقيقه لكن طول ما احنا ماشين والدنيا بتلطش فينا واحنا بنلطشوا فيه وحايتنا ماشيه بعشوائيه وملناش هدف عمرنا ما هنتقدم
فاكر زمان كان فيه مشروع السد العالى وبعده مشروع حرب اكتوبر لكن دلوقت مشروعنا هو لقمه العيش والطوابير فى كل شيئ
لكن ربنا كبير وعالم وعارف ان الفساد ملء البلد دى لكن اليوم جى اكيد
ربنا يكتب لنا العمر ونشوفه

موضوع جميل
شكرا للمعلومات القيمه

رائع

موضوع اكثر من رائع اغلب اعضاء مجلس الشعب لايعرفون ما هى احزاب مصر السياسية وأعضاء الحزب الوطنى لايعرف مبادئ وقيم الحزب الوطنى الذى ينتمون اليه وتقبل مرورى حسام وشكرا مرة تانية على الموضوع الرائع.

كلام زى الفل يا حسام اى والله زى الفل بس بالنسبه للنهضة بالبلد او المشروع القومى انا ليه راى اننا لازم نبدا بنفسينا فى المقام الاول على ابسط الامثله لو عاوزين نعمل مشروع نظافه عامه للبلد شوف ممكن ياخد مجهود قد ايه من المجلس مثلا بس ايه رايك لو عملنا مقارنه فى المجهود اللى ممكن ياخده المشروع ده لو كل واحد بس نضف قدام بيته شوف ممكن توفر وقت ومجهود قد ايه يعنى لازم الثقافه العامه عندنا تتغير الاول اننا ممكن باقل مجهود بس يكون جماعى ومنظم تعمل معجزات الموضوع عاوز فكر يتغير يعنى ارجو ان تكون فكرتى وصلت اننا نربى اولادنا مثلا انه لازم يكون ليهم دور وان البيت نواه للمجتمع
يعنى بيت منظم وعلى قدر من الثقافه ده يعنى مجتمع متقدم ومثقف وانا معاك 100% بالنسبه لا عضاء الحزب هما مش بيدور عالقانون او الدستور اللى هيمشوا عليه دول بيدورا على الناس اللى هتقفل اللجان واللى هيقفو قدام الشار ع الفلانى عشان يحوش انصار المرشح التانى ومقياس النجاح بالنسبالهم او تقيمهم بالنسبه للحكومه اللى بيعرف يسقف احسن بيقى قاعد فى المجلس مستنى احمد سرور ساعة ميقول موافقه عشان يسقف وايدى وجعتنى بقه يلا نقول

قشطة

موضوع رائع يا حسام
هيه فعلا ثقافه
واحنا بسم الله ماشاء الله معندناش منها خالص
لا ثقافه عامه ولا ثقافه انتخابات
ولا ايى ثقافه
وزى ما قال محمد المرشحين بيدورا
على اللى يقفلهم اللجان
اما بالنسبه للاعضاء فهم لا يدخلون من اجل الخدمات
ولا اى شئ همه بيدخلو علشان ينامو فى المجلس
اكيد التكييف بتاعه ملهوش حل
بس معذورين بيتعبو ايام الانتخابات
فيريحوا فى المجلس
ومره تانيه بشكر حسام على الموضوع
وكل الاعضاء اللى ساهموا فيه وكل مساهماتهم اكثر من رائعه

قشطة يا ابو انس