السلام عليكم ورحمة الله وبركاته
الاخوه الاعزاء اعضاء المنتدى الكريم فكرة الموضوع ان كل واحد يقول موقف محرج حصل معاه وما اكثرها ولكن ينتقى اصعب موقف فيهم وانا هابدأ بموضوع حصل معايا وانا فى ثانوى
والله كان يوم صعب وكان موقف محرج
مدرس التربيه اختارنى فى مجموعه من الطلبه عشان نشترك فى مسابقات العاب قوى وفريق كوره وحاجات كده المهم انا كنت رايح عشان مسابقة الجرى والمدرس اثناء المسابقه لقى نفسه محتاج واحد يلعب فى مسابقة الوثب العالى المهم اختارنى العب قال عشان انت طويل وممكن تنفع فى اللعبه دى المهم دخلت المسابقه وفضلت اتقدم فى المراكز لغاية ما وصلت التصفيه النهائيه بينى وبين واحد كمان من دسوق على اللى يصعد لنهائيات بطولة الجمهوريه على مستوى المعاهد الازهريه وفى القفزه قبل الاخيره يتقطع الشورت اللى انا لابسه وسط تجهر وحشد من المشجعين لان المنافسه كانت شرسه والتشجيع واصبحت فى موقف لا احسد عليه ولكن الاخوه الزملاء انقذونى وبدلو الشورت بعد دفعة تشجيع معنويه وفزت فى المسابقه وتم اختيارى للنهائيات بس كان موقف محرج ومن اصعب المواقف اللى مرت عليه

والله يا اخ محمد حدث لي موقف محرج جدا لا استطيع نسيانه ابدا ...
كان عمري تقريبا ستة وعشرون سنه وقتها وكنت نازل اجازة مصر قبل حدوث هذا الموقف بيوم واحد وكان يوم الاثنين وسوق البلد كان ايامها بجانب المجلس لبست واتشيكت على اساس اني رايح طنطا لاستلام الشهادة من ادارة الجامعة .
ثم وانا في وسط السوق تماما مقابل منزل المجلس بالضبط اذ يمسك بي رجل ربما في منتصف الستينات من عمره ولكنه ذو بنية جسمانية متماسكه برغم تقدم سنه امسك قميصي بيده اليسرى واسقط يده اليمنى على خدي الايسر وكان وقع هذا شديدا جدا علي لأنه كان مفاجئ من ناحية ومن ناحية اخرى لشده تأثيره على وجهى تتطايرت النظارة الى اشلاء جراء ذلك ....
وقفت في ذهول وارتباك لماذا يفعل بي هذا الرجل ذلك ......
لم يهمني ما فعل بقدر مايمكن ان يحدث فأنت تعلم ان الناس تتجمع بسرعه في مثل هذه المواقف ويقوموا بمجاملة هذا الرجل ويعني ستنهال علي الاكف من كل مكان والشلاليط وخلافه
وبدون اي ذنب اقترفته وبدون اي وجه حق .......
دارات الدنيا بي ولولا تدخل احد الاشخاص الذين يعرفونني لكان حدث مالا تحمد عقباه وبعد فك الارتباط في هذا الموقف قلت للرجل لماذا ياعم فعلت ذلك ؟ انا لم افعل معك شئ
قال عشان تبطل تيجي تعاكس بنات ابني فقال له الرجدل الذي يعرفني وادين له بكل الفضل ياخي حرام عليك ده لسه جاي من السعوديه امبارح فقلت له على فكرة انا يمكنني ان ارد لك القلم عشرين ولكن انا مسامحك ليس جبنا ولكن احتسب ذلك عند الله .......
وقضيت مشواري ورجعت الى البيت في المساء لاجد الرجل وابناءه في انتظاري في البيت مقدمين اعتذارا لوالدي وقام الرجل ليقبل رأسي هو وابنائه .......
ومن يومها اصبحت تربطنا علاقات متميزة جدا والحمد لله على ضبط النفس وعدم التهور ...

اشكر مرورك استاذ محمد واسعدنى حديثك

أنا حصل لي مواقف محرجة كتير جدا ولكن واحد من ابرزها كنت وكيل عن مدعي عليها في قضية استرداد شبكة وكانت موكلتي من قزمان والقضية كانت محالة للتحقيق يعني سماع الشهود وطبعا قزمان لما يكون واحد عنده قضية البلد كلها بتطلع معاه ههههههههههههه . وانا واقف مع الشهود خارج القاعة منتظرين دورنا القاضي غيب في استدعائنا فدخلت له قالي استني شوية وتأكد اني حأناديلك ، المهم مش عارف هو نسي ولا ايه . الخصوم التانيين دخلوا وسمعوا الشهود بتوعهم وانا واقف برة معرفهمش . والمحكمة خلصت والقضاه مشوا وانا لسة واقف مع لفيف من اخواننا من قزمان وبعدين بسأل الحاجب القاضي ليه مش بينادي لنا . قال يا عم القاضي مشي من ساعة بعد ما خلص كل القضايا .
طبعا قعدت سننة اشتكي في المحكمة ومحدش طبعا مصدقني وفين بعد سنة رجعت القضية تحقيق تاني ، بس بعد اخواننا من قزمان ما احمرت اعينهم غيظا مني ، المهم يومها كنت بقول يا أرض انشقي وابلعيني