اوافق جدا على كلامك
انا واحد من الناس اللى متغربين على البلد وبقعد طول فترة شغلى بره ملهوف على ان ارجع البلد واشوف اصحابى ومعارفى واقعد على قهوة اباظة او ابراهيم الارنبة

بس تصدقى لما بطول واقعد فيها اكتر من شهر بالاقى نفسى زهقت تانى اقوم اطلع اى سفرية اسكندرية شرم كده
قبل ما اسافر تانى

عارفه ليه
لان فعلا مفيش امكانيات للعيشة فيها
يعنى مثال بسيط لو حد فينا الساعة 2مش هيلاقى اى سوبر ماركت مفتوح غير بتاع الحصاوى

ولا ايه؟؟؟؟؟؟؟؟؟؟؟

كلامك صحيح يابو اكرم الناس عندنا فهما حاجات يامه غلط مثلا اذا حبيت تقعد على قهوة يقولوا شوف الصايع الناس عندنا فهمها ان القهوة بتاعت الصيع والفاضين ووووووووووعجبى

السلام عليكم ورحمه الله علي كل كل الناس المحترمين اللي من زمان واللي لسه جايين والللي لسه ها يجو ان شاء الله بجد الانسان مهما سافر وبعد لازم يرجع لبلده واهله واصحابه و احبابه لان دي الطبيعه الاساسيه في الانسان فقليل القليل من هو لا يرجع لبلده لان البلد تحتوي علي هواء خاص من نوع معين لا يعرفه الا اولاد البلد الاوفياء هواء يحتوي علي حب والفه وتعاون

الى الاخ طارق
ابراهيم الارنبة ده

اللى هو ابراهيم بسيونى
ده علم من اعلام شباس عمير
اللى قهوته فى جرن السوق

شكرا علي الاضافه يا ابو أكرم انا كده عرفته وخليه يستمر في القهوه ويستناك لحد متيجي بالسلامه ان شاء الله

:farao: :farao: :?:

شباس عمير كل حرف من حروفها له معنى والدنيا من غيرها بلا معنى شباس بلد الجود والكرم واهل الشهامة وعزة النفس . يقولون من شرب من ماء النيل يرجع لمصر وانا اقول من عاش في شباس لابد يرجع لها ففي حواريها وشوارعها عبق خاص عبق الاصالة والحب والذكريات الجميله فياليت يعود يوم من ايامها الجميله ويحميك الله يا شباس

شباس عمير هى البلد ال اتربينا كلها فيها وحبينا هذه البلد بخيرها وشرها بكل شئ فيها مهما كانت فيكفى انها البلد التى احتواتنا منذ طفولتنا وفيها الاهل والاحباب والاصحاب مهما طالت الغربة فلابد ان شاء الله من العودة اليها ويارب احفظ هذه القرية واهل القرية من كل شر وسوء.....وشكرا لك يا استاذ محمد على كلماتك الجميلة والرائعة....

الله يا جماعة كلامكم اثر فيه وافتكرت ايام الاجازة وانا ماشي العصر ومعايا الولد محمود

احساس رائع الناس الطيبة والارض الخضرا والذكريات الجميلة بتحس انك فعلا عايش

حماك الله يا بلدي

ربنا يرجعك بالسلامة وتشوف محمود وتتمشى انت وهو تانى ان شاء الله ويرجع ابناء البلد كلهم بالسلامة ان شاء الله.....

يا جماعة دا كلام كويس جداااااا
لابعد الحدود ودا مفيش حد يختلف علية من طيبة اهل شباس وكرمهم و شهامتهم

بس انا بتفق مع ابو اكرم في كل اللي قالة الزاي تعيش في شباس ومعظم احتياجاتك مش متاحة
وهو دا حال البلد من سنين فمن الطبيغي اللي شاف الاحسن مش بيقل عنة
فاكيد حيعيش برة و بييجي البلد زي اي زائر
والناس اللي اتقالت اسمائها خير دليل
بس ممكن حد يقولي مين ماهر بية منصور

طاب يا احمد هو مات في حادثة هنا في مصر ولا في امريكا
اعتقد انها تفرق كتير
انا عارف اني حخرج عن الموضوع
بس ممكنتزودني تفاصيل اكتر
او ممكن اي من الاخوة الاعضاء

كتير من الناس في بلدي مش عايزه تعيش فيها بس انا بقول اللحظه فيها بالدنيا وما فيها ولو غربنا او شرقنا مسيرنا برده ليها داهي الام الي بتستني تحضن الي اتربا فيها ومها عملوا فيها ولادها هي برده صابره والجرج الي بتتجرحه علي لمه قادره وكتير البلد دي من الاغراب اتظلمت واتسبت بسبب ولادها وهي برده بتفتح حضنها وتخدهم فيه في كل عوده وبقول للي منها زعلان روح دور في اي مكان ولازمان مش هتلاقي زيها في الاوطان

الشهيد ماهر منصور كان ظابط مهندس طيارات
واثناء وجوده في دورة في امريكا اثبت كفاءه وقدم اقتراح بتطوير الطيارة اللي بياخد دورة فيها
وبعد رجوعة كان لاذم يستشهد لان مصر مينفعشي يعيش فيها مخترع

ابو محمود كتب:

الشهيد ماهر منصور كان ظابط مهندس طيارات
واثناء وجوده في دورة في امريكا اثبت كفاءه وقدم اقتراح بتطوير الطيارة اللي بياخد دورة فيها
وبعد رجوعة كان لاذم يستشهد لان مصر مينفعشي يعيش فيها مخترع

ابو محمود الكلام دا اكيد ولا كلام من اللي بنسمعة في شباس
وان كان الكلام دا صحيح
الذاي مافيش اي وجه من اوجه التكريم للراجل دا
دا المفروض انة مثل اعلي لناس كتير

ممكن حد يفيدني وياريت كل اعضاء المنتدي يشاركوني برأيهم في موضوع ذي دا

يعطيك العافيه ابو محمود ,,,,,,,,,,,,,,,,,,,,,,,,,,,,,,,,,,,,,,,,,, ماقصرت

اخ ياسي
أسأل الناس الكبار في السن عن جنازتة الله يرحمه
هيقولولك علي عدد الرتب اللي كانت موجودة في الجنازة
واذاي انهم رفعوا الجسمان ومنعوا اهل البلد من الاقتراب له
ودفنوة بنفسهم وحالة الاهستريا اللي كانوا فيها

اما حقيقة الرواية
أسأل اي حد بيخدم في القوات الجوية
لسة فكرينه الي الان

محمد باشا

صباح الانوار وحشتنا موضوعاتك

ابو محمود كتب:

اخ ياسي
أسأل الناس الكبار في السن عن جنازتة الله يرحمه
هيقولولك علي عدد الرتب اللي كانت موجودة في الجنازة
واذاي انهم رفعوا الجسمان ومنعوا اهل البلد من الاقتراب له
ودفنوة بنفسهم وحالة الاهستريا اللي كانوا فيها

اما حقيقة الرواية
أسأل اي حد بيخدم في القوات الجوية
لسة فكرينه الي الان

متشكر جدا يابو محمود وان شاء الله حابحث في الموضوع دا كويس
وان شاء الله تفيدنا باي جديد

عذرا على التاخير بس عندى ميزانيه اليومين دول

انتظروا معلومات هامة جدااااااا
بالنسبة لموضوع الكابتن ماهر منصور
خلال يوميييييييييييييييييييييييييييييييييييييييييين

yasse كتب:

انتظروا معلومات هامة جدااااااا
بالنسبة لموضوع الكابتن ماهر منصور
خلال يوميييييييييييييييييييييييييييييييييييييييييين

بسم الله الرحمن الرحيم

وكما وعدتكم وبعد يومين من البحث والتأكيد

اتضح ان الكابتن / ماهر عبدالجواد منصور
احد اعظم ابناء شباس عمير ان لم يكن اعظمهم
والذي توفي ليس نتيجة حادث عادي ولكنها كانت مكيدة مدبرة
كما قال الاخوة الاعزاء
ولكن الاهم من ذلك ان هذا البطل العظيم والذي يقدرة ابناء شباس عمير
حتي الان وذلك بتذكرهم له وذكر ذكراة العظيم
وهذا اعظم ما يمكن ان يتمناة المرء
اما عن تكريمة المادي

فقد كان سيتوج في يوم حفل تخرج مربي الاجيال الاستاذ / توفيق الحشاش
وذلك في حضور كل من
الاستاذ/حسني صباح (اللهم ارحمه واغفر له)ا
والاستاذ/ عمر خليفة
و الكابتن /خليفة حامد
و الاستاذ/عبدالجواد عقل
والكابتن /صبري خليفة
والكابتن/ محي القطان
والاستاذ/عادل عبدالجواد منصور .......شقيق الكابتن ماهر

ونخبة من ابناء البلد الكرام
وقد طالب الجمع العظيم بضرورة تكريم الكابتن ماهر في هذا العرس الشباسي
وذلك عن طريق وضع اسمة علي مدرسة التجارة سابقا والثانوية حاليا
واتفق الجميع علي هذا وكان الكابتن خليفة حامد من اشد المعجبين بالقرار
ولم لا فهذا اخية وزميلة السابق في كلية الفنية العسكرية يكرم

وتبني القرار الكابتن محي القطان
ولكن عجبا كان ابليس متواجد معهم
فقد وسوس للكابتن محي بضرورة تكريم والدة ايضا
وقال:احنا حنكتب المدرسة باسم الكابتن ماهر و الملعب باسم الشيخ فتح الله
واتفق الجميع علي هذا
لكن دوام الحال من المحال
فقد كان ابليس مرة ثانية
فقد تم كتابة المدرسة باسم فتح الله القطان وضاع حق المرحوم ماهر
وقد ادهش القرار الجميع لكن لا حياة لمن تنادي

اعزروني للاطالة ولكن الامر كان لايحتمل السكوت
لن اعلق ولكن سوف اقرا تعليقاتكم

والله كلام يندي له الجبين خجلا ولكن تعودنا من انفسنا علي ذلك ان نسكت وكأن علي رؤسنا الطير ونري الظلم بانفسنا ونقف موقف الاغراب وكانها ليست بلادنا واننا دخلاء عليها لايحق لنا اي تدخل او رأي فنحن بلد عاطفيه يغلب عليها العاطفة فالي متي سنبقي هكذا اغراب في بلادنا ننساق وراء عواطفنا والكلام المعسول اجيبوني يابناء هذه البلد؟ وعلي العموم شكرا لك للتوضيح yasseالصوره لنا في الغربه ياخ

والله يا خي اغنية شرين دي في منتهي الجمال
بس لو حد يعرف يركب لنا عليها صور شباس الموجودة يبقي كتر خيره

اعزائي المشرفين علي المنتدي
و اعضاء المنتدي الكرام
لقد قضيت معكم اوقات ممتعة
من مداخلات حادة وردود فعل
متواضعة من سيادتكم
ولكن ياتي وقت ولابد من الرحيل
والان انا هنا لاودعكم

سامحني يا بقوش اني مكشفتش عن هويتي
لكن اول ما اقابلك حقولك

سلامي للجميع

yasse كتب:

اعزائي المشرفين علي المنتدي
و اعضاء المنتدي الكرام
لقد قضيت معكم اوقات ممتعة
من مداخلات حادة وردود فعل
متواضعة من سيادتكم
ولكن ياتي وقت ولابد من الرحيل
والان انا هنا لاودعكم

سامحني يا بقوش اني مكشفتش عن هويتي
لكن اول ما اقابلك حقولك

سلامي للجميع

رجاء لا امرا
ان تبدي السبب للانسحاب ممكن تكون فيه لبس في فهم المقاصد
وصدقني انت لم تختار ان تكون من ابناء شباس لذلك ليس من
المنطقي ان تخرج من ابناء شباس بدون اسباب
ابو محمود

شكرا مبدعنا الجميل احمد بقوش

والله يا احمد ما عارف اقولك ايه ايه الحلاوه دى والله كليب روعه بس الصور مزغلله شويه ليييييش؟؟؟

هو مين الاخ ياسي اللي كان عامل الشغل دا

اقول عليه ولا بلاش

لا بلااااااااااااااااااااش
بدال ما يتقطع هههههههههه

السلام عليكم مفيش غيرها