بعد كل اللي كان هيضحك علينا بالاعتذار
وتروح فين ايام زمان لما سقنا الويل والنار
فاكر ولا افكر باللي ماتوا في البحار
ولا اللي بيوتهم اتهدمت ومعدش ليهم اي دار
ولا اللي عاشوا واتعذبوا والدنيا من حوليهم دمار
ولا اللي قالوا واتكلموا واتسجنوا لما قالوا حرام
سؤال ليك قولي حاجة تشفع ليك
هتقولي حرب 73 هقولك كنت واحد من ملايين
هتقولي طابا هقولك فين تل ابيب
هتقولي شوف ودور بص حواليك
هتلاقي مباني مترو مدن وقطار
هقولك حرام ماتوا كتير في القطار
فاكر يوم ما كنا بنبكي علي اللي ماتوا من سنين
لما قمنا وقفنا حداد وبكينا علي اخواتنا المجروحين
وانت ومدامك وحراسك واقفين تقولوا بيب بيب
علي ايه هتعتذر خلاص معدش يفيد الاعتذار
معدش ينفع تسيب فلوسك من غير حسره واي مرار
سنين طوال وانت حاكم قاعد اخدت فيها كام قرار
شفنا ايه غير اهانه وذل وليالي عتمه مفاش نهار
