يابلدنا ياسكرة يا مبنية على أساس
ولادك قالوا كلمتهم ورفعوا بيكى الراس
بقوش وعز العرب جنود لكى حراس
وأبو بكر و السعدنى وكلامهم الحساس
كلام رائع وجميل وينور عقول الناس
ومستشارنا السياسى حامينا لآخر الأنفاس
الكاشف وشهاب الدين وعقل وقلوبهم الألماس
أبو يوسف الله عليه بيه بلدنا ما تنداس
مش بس دول اللى لهم كلمة حق وخلاص
لا دا فيه عقول نيرة كلامهم يملا مية كراس
أستاذة نادية ولقبها عمير وكلها زوق وإحساس
وأم محمد عقيده وتفسير وشرح والله ما لهامقياس
بصراحة وبعزة بفتخر إننا من بلدنا الام شباس

شكر وتقدير لكل إخوانا اللى أثروا منتدانا بأفكارهم وكلامهم وإحساسهم الرائع وإن شاء الله فيه بقية هكمل بيها لإخوانى اللى ماذكرتهم .
طبعا للعلم بقوش بصراحة بخص بيها الآدمن حبيبى.وعز العرب تتضمن الاستاذ شريف و الاستاذ محمد و الكاشف كل اخوانى من العائلة.

والله كلماتك جميله ياأستاذ كمال

تسلم يا كيمو يا ابو حسناء حبيب قلبى على كلاماتك الجميلة

اخي الحبيب الاستاذ / كمال
اشكرك على كلماتك الرائعه والجميله

حبيبى يا كيمو والله انها لمن اجمل المداخلات فى المنتدى وكلمات تحسها صافيه ومن قلب كله حب وخير ربنا يحفظك يا ابوحسناء ويبارك فيك وهى دى الروح اللى بتجمعنا فى منتدى شباس فعلا تحياتى ليك


قشدة

صح لسانك يا كيمو
روعه والله كلمات من القلب

ربنا يبارك فيكم جميعا ويحفظكم و الله بحبكم فى الله
معلش فيه ملحوظه صغيرة هو أنا قصدت مستشارنا القانونى مش السياسى اللى هو أخونا الكبير طبعا أ/ محمود حشله ربنا يبارك فيه بس إختلط على الامر بين السياسى والقانونى

لكل من ساهم

رائع يا كيمو
إنت طلعت شاعر كمان ياريس

عبده حبيبى فى الله فييييييييييييييييييينك؟
ياعم دا مش شعر أنا اعرف ان الشعر أوزان وقافيه وحركات وبينى وبينك مليش فيه خاااااااااااااااااااااااااالص .بس بحب البلد وبحب ناسها قلت اقول فيهم كلمة حق .

إكمالا لإخوانى فى المنتدى

أستاذ جمال عباده أبدا ما نقدر ننساه
هنقف معاه وندعمة فى مشوارة اللى إبتداه
وأبو ماضى لما يغيب تحس المنتدى فيه حاجه نقصاه
والنجار وزعلوك أكيد ولا القمر فى علاه
كلامهم يثرى التفكير هو دا اللى نبغاه
ومواضيعهم دايما قويه وردودهم منتقاه
وأبو حمزة لما أشعر كلنا وقفنا إنتباه
مهى أشعاره روعة وجميله الله عليه الله
أما
أستاذ محمد عبد المنعم أخ فاضل وجليل
فكر وتعبير وذوق وكلامه ماله مثيل
ويرد عليه أستاذ محمود حشله ويمتعنا بالتحليل
ويسرد ويوضح ويفهم ويقول أدق التفاصيل
ويستاهل يكون مستشارنا مهو فى الحق أصيل
و الله يا احمد بقوش إنك إنسان رائع ونبيل
ولو دورنا منتدى تانى أكيد مش هنلاقى بديل

ربنا يجزيك عنا جميعا خير يا أبوحميد ويجعل ثواب منتداك فى ميزان حسناتك
وعلى فكرة ياشباب انا أغلب الناس اللى فى المنتدى معرفهمش شخصيا ومتقابلناش لا لكن الكلام اللى كتبته عن كل وحد هى دى الصورة للى كونتها فى مخى من مناقشتى معاهم وقراءة مواضيعهم . فرجاء تقبلوا تحياتى جميعكم وعذرا برده لإخوانى اللى مذكرتهمش إلا انى بحبكم جميعا فى الله .

ايه الحلاوة دى يا ابو حسناء متالق دائما تسلم على الكلمات الرائعة والجميلة والتى تعتبر تاج فوق رؤسنا ...

[img][/img]

شكرا جزيلا على كلامك الرقيق وذوقك الرفيع
وعلى كل حال ( كل اناء بما فيه ينضح)
وانت مليئ بالمشاعر الطيبة

مشكور علي الكلام الجميل

ايه الحلاوه دي يا كيمو
الله ينور
تسلم

بسم الله ما شاء الله
شيئ ولا اروع من الخيال
تسلم ايديك يا كيمو علي الكلام الحلو ده

اخي وابن اخي الاستاذ كمال الدين
وانا اقرا هذه الابيات الشعرية الجميلة المعني الرصينة المبني اشعر وكانني اجلس الان امام استاذي ومعلمي عمك الحنون الاستاذ محمد الله يرحمه
نعم شريان الحياة في هذه العائلة الكريمة دائما ينبض بحب اهل هذه البلدة الطيب اهلها
تحياتي لك اخي الحبيب نيابة عني خاصة وعن اعضاء منتدانا العظيم بعد اذن حضراتهم جميعا
تقبل مروري اخي الحبيب وللامام دائما باذن الله