مش كفايه مش هنبطَل
عمر الجمعه ماكان بيعطَل
قومنا بثوره ومش هنسيبها وحقوقنا احنا هنجيبها
بطئ ف بطئ شغل سلاحف
شغل يشل
شغل يمل
ومش هنكل
هاتو حسني والانجال
هاتو مراتو والاندال
هاتو عزمي وغالي وصفوت
هاتو سرور وعبيد وشهاب
هاتو نظيف والجابري وكامل
اللي خلوا مصر خراب
او تخبيط
او تنطيط
حاكموا الناس دي في ميدان عام
فين محاكمكم؟
فين طوارئكم؟
علينا حلال وهم حرام!!
مش رح نسكت ليكم تاني
مش رح نسكت علي مطالبنا
مش رح نسكت ع اللي سرقنا
ع اللي دبحنا
قولوا فين دم شهيدنا؟
دم حبيبنا
اللي فادانا بالروح والدم
دخل الحرب ماعمره اهتم
وساب لنا ثوره لسه خضار
وسابلنا جرح ومابيتلم
سابلنا هاتف جوا ضميرنا
ثاري ف رقابكم ياثوار
راح للجنه وروحه معانا
عايشين بيها في حرقه ونار
مش هنخاف مش هنخاف
عشنا كتير م العمر نخاف
هاتو الناس دي من اوكارهم
من مخابئهم
قولوا كلمة حق ياناس
مين اللي بيحمي الانجاس
مين اللي بيحمي الحراميه؟
مين بيعاند شعبه وبلده
مين فاكرنا ماحناش أده؟
لسه صوتنا جوا وادنا
لما كراجل واحد قولنا
الشعب يريد اسقاط النظام
راجعين تاني بكيان واحد
اسمع اسمع بنقول ايه
الشعب يريد محاكمة الفساد
م التحرير هنقول تاني احنا خلعنا نظام الظلم
احنا خلعنا فرعون والحاشيه
قلنا خلاص ومش رح نرجع
التطهير التطهير
احنا طالبنا بالتغير
لو نسيتونا بصوا عليناا
دحنا بتوع ميدان التحرير
منقول
