25 يناير 2011
هو تاريخ لبداية ثورة الحرية ثورة تطهير مصر ثورة كتبت اسمها بحروف من نور فى تاريخ الامم ثوره راح ضحيتها شباب مصرى طاهر نحتسبهم عند الله من الشهداء فخير الجهاد كلمة حق عند سلطان جائر
عشنا الحلم وانتشينا باننا جيل الثورة وجيل الحرية ولكن للاسف بدلا من ان تكون ثورة الحرية بقت ثورة العيال شوية عيال واخدينها لعبه هيصه وفرح وفوضى وتهريج وتيارات فكرية موجهه وائتلافات وا حزاب وحركات ويا قلبى لا تحزن لما تلاقى الى على راس الائتلاف مخرج تلفزيون هابط دائما ما يهاجم الفكر الاسلامى والتدين والحجاب زى خالد يوسف ولا صحفى خنفس هيبقى وزير قال وعامل شعره كاريه زى الحمزاوى بيفكرنى بحمزاوى بتاع ميلودى ثورة ايه لما شوية عيال يهاجموا وزارة الداخلية ويحرقوها ثورة ايه لما كل واحد يزعل من مراته يروح يعمل احتجاج ثورة ايه لما عيل ميسواش 3 مليم امبارح كان بيقول عالسكر اكر عقيد عمال يتحايل عليه عشان قال ايه معتصم عشان مصلحة البلد والحقيقه انها بقت ثورة الفيس بوك وشيرنى شكرا وانا متصور فى الميدان ويا قلبى لا تحزن لما تلاقى تافه زى ابراهيم عيسى قال ايه مناضل قومى وهو فى الحقيقه كان سياسة نظام متبعه للتضليل زيه زى رجب حميده هاجم واشتم وزعق وهو فى الحقيقه كلب الحكومه ابراهيم عيسى اللى مكنش عاجبه ان القاضى يبدا حديثه بالقرآن الكريم وينهيه يالدعا لمصر واخيرا يهاجم فكر الشيخ الشعراوى وبقينا كلنا كتاب ومحللين ومثقفين وبنعرف نقول لليبراليه وماسونيه وشيوعيه وارستقراطيه وتكنوقراطيه ومهلبيه وفول بالطعميه هوجه وفوضى وقال ايه هنعمل ثورة سلملى عالثورة بقه لان فى ظل هذا الطوفان اصبحت البلد مركب فى عرض البحر بدون ربان فى ظل هذا الطوفان مصر فى طريقها الى لبنان ثانى حيث التقسيم والفرقه ولك الله يا مصر

من غير قشدة

ماحدث ليله امس يدل على اننا شعب .......................

اتفق معك في الراي يا حماده
دا مش ثقافة الشعب المصري اصبحنا مساقين
وراء شوية اولاد عاطلين ولسه بياخدوا مصرفهم من اهاليهم ما احسن من الشعارات والكل يقول لك ثوره ثوره اصبح لا يشغلنا غير الثوره والكلام فيها لو الناس حبه الاصلاح تعمل على التعمير والبناء مش اعتصام وتخريب وتدمير
زي السفاره الاسرائيليه وليه ما نسال نفسنا هل اسرائيل هتسكت وبكره نشوف امريكا هتقلب الدنيا وكمان ممكن يعملوا في سفارتنا في اسرائيل زي ما عملنا وبكره نشوف
يا جماعه امريكا يتحكم بها اللوبي الصهيوني والله اسرائيل تتحكم بمنصب رئيس امريكا ولا نسينا كلينتون لما اتحيز شويه للعرب شالوه وبفضيحه صح ولا ايه
فلازم نحترم نفسنا شويه ونحسب خطواتنا الوضع سيئ سيئ للغايه

يسلم لسانك والله دى الحقيقة
أصبحت مصر مسرح للمظاهرات والإعتصامات والله يعزكم قلة الأدب والسفالة والبلطجة وعايزين البلد يتغير الكل يقول لك مفيش تغيير والله لو مفيش تغيير برغم كل ده يبقى الثورة نجحت الرحمة ياشباب دي بلدنا وال بنهده بإدينا وبأمر من الآخرين قبل ما نرفعوا الرواتب ونرخصوا السلع ونشوفوا المستشفيات والمدارس لازم نبني ال هدمناه . طاب ليه نهدمه من الأساس
اللهم ارفع مقتك وغضبك عنا .. نعلم أن فينا العاصي ولكن رحمتك وسعت كل شئ اللهم ارحم بلدنا من بطشهم . واجعلها دائماً وأبداً بلد الأمن والأمان ... يارب

تحياتى يا بقوش وابو هايدى والمتالق حماده بيه غلمش وبالفعل لا نملك الا ان ندعو لبلدنا ان تعبر المضيق او عنق الزجاجه وان يهدينا جميعا سبيل الرشاد وان يجعل بلدنا امنا امانا سخاءا رخاءا وسائر بلاد المسلمين فمصر المحروسه ام الدنيا رمانة الميزان للوطن العربى حماها الله قال تعالى ( ادخلوا مصر ان شاء الله آمنين) صدق الله العظيم

قشده

حبيبي الأخ العزيز محمد عز العرب : كلمات صادرة من القلب علشان كدة دخلت قلوبنا على طول فعلا تداعت على الثورة الرويبضة كما تتداعي الأكلة الي قصعتها ولكن المجلس العسكري يتحمل مسئولية كبيرة في هذا الخصوص لانه اعطاهم مساحة كبيرة سواء في الإعلام أو في اللقاءات وهو لدية المعلومات كان يجب أن يحجم الجميع ويبدأ فورا في الإنتخابات وينقل السلطة فنحن لسنا جمهورية موز
جزاكم الله خيرا على الموضوع الشيق

كل التحية والتقدير لحضرتك يا سعادة المستشار ومشكور عالاضافه القيمه بالفعل يتحمل المجلس العسكرى جزء كبير من الفوضى اللى حصلت لانه اعطى اهتمام لبعض التافهين واعطاهم الضوء الاخضر للتحدث بلسان الشعب وكانت هذه النتيجة ظهور بعض الحركات الموجهه مثل 6 ابريل لتعيش دور البطل واخيرا ٌتستغل خارجيا لزرع الفتنه بين مصر والسعوديه اهم واكبر قطرين فى الوطن العربى وبذلك يضمن الصهاينه والصليبيون نجاح سياسة الهيمنه من خلال قانون ( فرق تسد ) المجلس العسكرى سايب شوية رويبضه بيلعبوا فى زرايرالحريه كمثل اب اشترى لابنه لعبه والطفل هيكسرها بدون وعى ومش قادر ياخدها منه عشان ميعيطش

قشدة

موضوعك جميل محمد باشا الجرن اما مع احترامى لكلام الاستاذ محمود فهؤلاء الاشخاص الذى يقوموا بالتظاهرات الآن هم ايضا من شاركوا فى الثورة وقاموا بها وهم ايضا من يدعون اننا فى عصر الحرية والحكومة الموجودة هى السبب فى كل ما يحصل وايضا هناك قنوات حقيرة غرضها ان تثير الفتنة وتثير الفوضى فى مصر امثال قناة الحقيرة التى اصدر قرار باغلاق مكتبها فى مصر لانها تثير وتشعل الامور اكثر من اللازم .

فاحداث السفارة الاسرائيلية رغم اننى اكره وجود اى شخص يهودى يوجد على ارض مصر الا ان عدم وجودها يكون عبر الطرق الرسمية والشرعية التى تجعل الدولة لها هيبتها وليس عن طريق اقتحامها والحكومة الموجودة ايضا هى من جعلت من احمد الشحات بطلا قوميا رغم انه ارتكب فعلا يعاقبه عليه القانون فكل واحد يريد ان يكون احمد الشحات جديد الذى حصل على شقة ووظيفة من محافظ الشرقية فجعل هذا المحافظ من شخص خالف القانون بطلا قوميا فنحن نعيش الان فى عصر مخالفة القانون تحت مسمى الحرية كما قالها اخى محمد ابوبكر قبل ذلك بلطجة الحرية فاليوم مصر بلا هيبة فاليوم اصبح اقتحام مبانى كبيرة فى الدولة اسهل من دخول الفرد بيته وكيف نتصور ان نرى بعض اطفال يتبولون على باب وزارة الداخلية ..

رغم اننى كنت مع اجراء الانتخابات فى اقرب وقت ولكن كيف تجرى الانتخابات ولا وجود لشرطة ولا امن فاعتقد لو اجريت الانتخابات فى عدم وجود امن سوف تكوت هناك كمية دماء كبيرة ..

وهناك ايضا الحركات المشبوهة امثال 6 ابريل التى تتدعى الوطنية فى الوقت نفسه هى المحرض الاساسى هذه مثل هذه المظاهرات التى تريد خراب هذا البلد ..

لكى الله يا مصر .. اللهم احفظ مصرنا من كل سوء .. برحمتك يا ارحم الراحمين

واسف للاطالة

سلمت ايديكم وعقولكم وافواهكم يا شبابنا
فلم اجد ما اقوله بعد هذا التحليل المنطقي للوضع الحالي
الا
كل من كان يرفع صوته قبل 25 ينايرفهذه جراءه
وكل من رفع صوته بعد 25 يناير فهذه حماقه
ولكم جميعا الشكر والتقدير

ابداع ايما ابداع من البدع دائما اخويا وحبيبي محمد بيه الجرن
نعم كتبت بيديك ما يدور بعقولنا جميعا
فتحية لك من كل قلبي وما زلت عند رأيي ان البلد في حاجة لرجل عسكري قوي
ولو لفترة نستفيق فيها جميعا من وقع ما حدث
تقبل مروري وتحياتي لك اخي الكريم

تحياتى ابو شهد الغالى وحبيبى ابو محى ومنكم تعلمنا ومن ارائكم نستفيد

قشدة