ربنا يقويكى يا امه
=====
ربنا يقويكى يا امه
هتلاحقى ايه ولا ايه
ابنك اللى انتى خايفه فى يوم عليه
ولا الواد البلطجى
اللى بتدعى ربنا يهديه
ياه يا امه
عمرى ما شفتك يوم بتدعى عليه
والله حاسك يا امه
شايف ابنك اللى قادر
هاين اخوه عليه
مفكرش يوم يعطيه
والفقير اللى مش لاقى لقمته
واللى بايت وحاضن دمعته
واللى نفسك حته من جوه قلبك تديه
حبيبتى يا امه
صعبانه والله عليه
بس فى ايدى اعمل ايه
ربنا يهون عليكى يا امه
والحمل يا امه تقدرى دايما عليه
عارفه يا امه نفسى ف ايه
نفسى افرش لك نبض قلبى
لجل تمشى فى يوم عليه
عارفك يا مه مؤمنه
عارفه ربك ومطمنه
وكل ظرف مر بيكى
بتقدرى تعديه
معلش يا امه مش قادر
امد ايدى وامسح دمعتك
جهدى يا امه مش لاقيه
واخويه روخر مش لاقيه
بس بدعيلك يا امى
وكل نبض قلبى انتى فيه
ربنا يهدى لك خواتى
خليك صابره يا امه
نصر ربك جايلك واتى
والامل فى الله مواتى
وبدعيلك يا امه
انا وولادى ومراتى
واعاهدك
اوهب حياتهم وكمان حياتى
لجل تقومى شديده
وثابته فى الخطوات
ويسترك ربنا يامه
ومشوارك الصعب تقدرى تمشيه
وحلمك مسيره يا امه هتلاقيه
وان شاء الله اى ظرف هتعديه
مش قادر اكمل كلامى
دمعتى غلبت عليه
لان حبك جوه قلبى وف كيانى
مستحيل افكر يوم ابيعه
او اشتريه
