اللى هيكسب
ربنا يشد حيله
يتق الله فى ناسه
عشان ربنا يديله
ويمشى ع الصراط
ميلعبش يوم بديله
ومهما كان كلمه بقولهاله
لازم يخلى مبارك دليله
واى بُنا يعليه لباطل
الشعب المصرى
مش هيتردد يذيله
بدل الدموع
راح يبكى دم
ولاتكفيه مناديله
وعلى راس كل باطل
لازم يهيله
لازم يكون رئيس
مفيش مثيله
فى القلوب الناس تشيله
عشان يعرف ينام ليله
اما لو ظلمنا يا ويله
هيكون جزاته
الموت
مفيش بديله
ولو نصفنا
ومعاه نضفنا
من جوه القلب نديله
بس يرجع كرامه المصرى
ميجعلهوش ذليله
ويبنى بحب المجتمع
ويشفى دايما عليله
ويحترم اراء شبابنا
تكون عيونهم سلسبيله
------------------
عطيه الخضرى عطيه
قلين / كفر الشيخ