منقــــــــــــــــــــــــــــــــــووووووووو ل

سرقة حذاء المشير طنطاوي من أمام مسجد القوات المسلحة اثناء صلاة العيد

بالطبع سرقة حذاء المشير علي الرغم ‏من بساطة عنوانه إلا أنه يدل غلي أن هناك قصور أمني فاضح ومخزي ومخجل قد بلغ أقصاه ومداه لدي الحهات ‏الأمنية الموكل لها الحراسات الخاصة سواء عسكرية أو شرطية أو حتي مخابراتية ،

فالقادر علي سرقة هذا ‏الحذاء يكون قادراً ولا محالة علي تفخيخه ووضع عبوة ناسفة بلاستية داخله وبكل المكر والسهولة ، وهو الأمر ‏الذي لابد أن نلفت النظر إليه ، وهو مايعني مياعة ورعونة القائمين علي أمن شخصية مهمة مثل شخصية ‏المشير طنطاوي .

واليكم التعليقات التي كتبها شباب مصر على الحادثة
*الشعب المصرى: سلمنا السلطه نسلمك الجزمه
‏* المفتش كورمبو‏‎
يا تري مين اللي سرق جزمة المشير‎
‏1- حمبوزو لاوي بوزه‏‎ ‎
‏2- سحس بومبا‎ ‎
‏3- حامد مفيش فكة‎
‎... ... ‎انا عرفت مين اللي سرق الجزمة‎ ‎‏..لو انت عرفت .اتصل من مصر علي علي س 28 نيابات‏‎
تكسب مدرعة من اللي واقفين في ماسبيرو‎ .
وابقو قابلوني في الشهر اللي جاي مع حادثة جديدة من حوادث الجيش‎
‏* كده المجلس مسروق منه ... عدد 1 جزمه و عدد 1 مدرعه‏‎
‏*لجنه تقصى الحقائق : لقد تم سرقه جزمه المشير وهو لابسها‎
‏* والي الان لم تتبني اي جهه او جماعه عمليه سرقه الجزمه ومازال البحث جاري‎
‏* منصور العيسوى:المشير معندوش جزمه اساسا‎ ....
‏*مرتضى منصور : انا عندى سيديهايه إللى سرق الجزمه ومعايه مقاسه كمان‎
‏* توفيق عكاشه: يا سياده المشيييير ماهو انت ياخويا لو كنت واخدها تحت باطك كيداهوّن وانت داخل مكنتش ‏‎ ‎‎ ‎إتسرقت‎ ‎
‎*‎‏ عصام شرف : هو ده عيد أيه بالضبط ؟‎
‏* احمد زوبيضر : هذا مخطط ماسونى لمعرفه مقاس المشير‎
‏*عمرو مصطفى:جزمه المشير اساسا فوتوشوب .... مرسومه على رجله ولا يمكن سرقتها ... هذا خبر كاذب ‏‏*
‏*منصور العيساوى:المشير معندوش جزمه اساسا‎
‏*التلفزيون المصرى :قله مندسه واصابع خفيه تلعب فى جزمه المشير ولكن مازال الرباط شديد بين الجيش ‏والشعب‎
‏*إحنا اسفين يا ريس: حمله مكثفه لجمع اموال لشراء بياده كلاركس للمشير بدل إللى اتسرقت بعنوان (إحنا ‏اسفين يا جزمة ؟
‏* حمله ترشيح المشير: ها هو المشير يسرق حذائه كمواطن بسيط ويلبس قبقاب كمواطن بسيط ويطرقع وهوا ‏ماشى كمواطن بسيط ... يا له من مواطن حافى بسيط يستطيع ان يقود ابناء وطنه الحافين إلى إستقرار الكوتشى ‏وإنسيابيه الإسبدرين ورقى الكعب العالى وهيبه الشبشب أبو ورده‎
‏* طلعت السادات :يقدم بلاغ للنائب العام ضد 6 إبريل بأنهم هم من خططو لسلت جزمه المشير من امام باب ‏الجامع بتمويل صهيونى إرانى مستكوفى مستعفن‎
‏* المجلس العسكرى: أيها الشعب العظيم لقد فقدت مصر جزمتا ... من اشد الرجال ... جزمتاً ... من اغلى المحال ‏‏... جزمتاً ... من اقوى النعال ... جزمتاً ... كان يضرب بها الرجال‎ …‎وبما اننا حمينا الثوره ومش عا رفين ‏نحمى الجزمه‎ ‎‏... فنناشد شعب مصر الشرفاء ... إللى يلاقى الجزمه يسلمها لأقرب وحده شرطه عسكريه وهنيالك ‏يا فاعل الخير والثواب ... وإلا المشير مش هيعرف يسلم العهده ... وهتلبسوه للأبد ....
بعد البيان مباشرة :اعداد هائله من الجزم تنهال بغزاره على المجلس العسكرى‎ .
‏*اللى انا عايز اسال عليه بكرة الشرطة فى الكماين بدل مايشوفوا البطاقة هيشوفوا مقاس ونوع الجزمة ولا ايه ‏؟؟؟‎
‏*محمود معروف : خبر من اليوم السابع بيقول سرقة جزمة المشير .. يعنى ايه الكلام ده؟‎
‏* مدحت شلبى : يعنى سرقة الجزمة بتاع سيادته مفهوم مفهوم‎ .
‏* المشير : الجزمه الي حيلتي ضاااااااااااعت ضاااااااااااااااااعت ... شفيق : ياما قولتله يلبس الشبشب وهوا ‏مسمعش الكلام‎ .‎‏ ‏‎
‏*بس يا بختة , اكيد الجزمة اصلية‎ ‎وجلد طبيعى , لا صنع اليابان ولا صنع الصين‎ ‎دى صنع بلدنا ومبتتقطعش‎ ‎‎ *‎‏ توفيق عكاشه : يابرادعى لو قلتلى نعل الجزمه دهون معمول من جلدة انهى معزه !!! انا هانتخبك رييييس‎
‏* احمد سبايدر : انا جاتلي مكالمة بتقول ان هما الي سرقوا جزمة المشير‎
‏* عكاشة : يا دكتور البرادعي لو تعرف مقاس الجزمة كام قولنا يمكن ننتخبك‎
‏*عمرو مصطفي : الجزمة كان مقاسها 45 يعني نقص منها 20 يديك معاد الثورة‏‎

‏*مصدر في الجيش : حركة 6 ابريل تلقت تدريبات في الخارج علي كيفية سرقة الجزمة وتفكيك الرباط‏‎
‏* ابناء المخلوع وجماعة مصطفي محمود وآسفين ياريس ؟ قرروا عمل حزب " آسفين يا جزمة "‏‎

إحنا المصريين مش ممكن !!!..... يعنى الراجل يعمل إيه يعنى .. هو فاضى !!!

يا جماعة الخير بقى الراجل كان عاوز يعمل ديموقراطى ههههههه
يعنى لو كان جاب واحد يشيلها زى احمد عز كان بقه كويس بس احمد عز طلع اوعى منه ههههه تربية شوارع برده
اصحى بقه يا مشير وكل واحد يخلى باله من لغا ليغه ههههههه

قشدة

دا زي فؤاد المهندس لما سرقوا منه الفانلة في مسرحية السكرتير الفني
مين عارف لو كان صلي الظهر كانوا سرقوا ايه

طنطاوى نزل الشارع بالبدلة الشعب المصرى ظبطه كاريكاتور
جزمته اتسرقت النكت نزلت ترف على الجزمة
كل ده وهو لسة ماترشحش للرئاسة . أمال لو اترشح هيعملوا فيه ايه؟

على فكرة أنا أظن ان الجزمة لا اتسرقت ولا حاجة واللى يدخل مسجد القوات المسلحة فى أى وقت يعرف انه مش ممكن يدخل فيه حرامية جزم. أمال والمشير موجود؟؟
على فكرة الراجل ده عايز يقول انه فيه فرق بينه بين أحمد عز وان مفيش حارس على جزمته

جزاك الله خيرا اخانا ابا معاذ
فعلا المصريين0000000 كده نمسك في الهايفة وهات يا تعليقات عليها ونترك ما يحاك ويحدث للبلد ربنا يستر من القادم 0000 وعموما هذا تعليق وايضا منقول
للتعليق علي هذه الحادثة

حذاء المشير ,,,, وسذاجة التحرير **



... إلي كل من فكر أو ساهم أو شجع أو روج لموضوع :::: سرقة حذاء المشير



ما هذه الأفكار المدرسية الطفولية



ما هذه الأفكار الساذجة لحد السفاهة والوقاحة ,, بل ما هذا الوطو الحورتجي




ما هذا الغل والحقد والتنفيس الأسود



هل هذه هو أستكمال لمسلسل الخيابة منذ بلوفر شفيق - والراجل اللي واقف ورا عمر سليمان و ......... و................


أين النقد الموضوعي ,,, أين النقد الأيجابي ,,, أين روح الثورة

أين روح 25 يناير !!؟؟



أهؤلاء حكام مصر في الغد !!؟؟ يا هؤلاء السطحيين الأمعات النكرات



حذاء كل من ساهم في أي حرب ضد العدو التاريخي أسرائيل



من أصغر جندي لأكبر قائد ,,,, حذائه أشرف منكم جميعاً




فحذاء كل جندي أو قائد مصري هو رمز لمصر




حذاء تشرف بإن سقط عليه دم جندي مصري أو تلوث بدم جندي أسرائيلي



أو داس به أرض فلسطين أو أرض سيناء




حارب من أجل أجيال مضت ,,, وللأسف حارب من أجل أجيال قادمة ::: أنتم



لولاه ما قدمتم (والله أعلم) ولا تستحقون أن تأتوا ولا يــُــشرف بقدوكم هذا الوطن



لولا هذا الحذاء لكانت القاهرة في خبر كان ولكان تحقق الحلم اليهودي من الفرات للنيل



يا قادة الحروب الوهمية ,,, حروب الكي بورد والتويتات والتفييس




يا أصحاب حروب أنزال العلم الأسرائيلي وهدم الجدار




يا أصحاب حروب المقاهي وحروب أبو لمعة وبينوكيو ,,, مع الأعتذار الشديد للأثنين



حروب شعر هشام الــبــخ وتميم المبرغت




حروب من أجل خراب مصر ,,, من أجل عيون العم سام جداً لأجل الغندورة أسرائيل



حروب قول الحق الذي يــُراد به باطل ,,, حروب السم في العسل




سقط الفرات بخونة وعملاء أشباهكم




لكن بمشيئة الله وأمره ,,,, وبفضل حذاء كل جندي وقائد مصري لن يسقط النيل



وسيسقط أمثالكم هم وأسيادهم




دهسا بأحذية المصريين الشرفاء من المدنيين قبل العسكر

يا نهار أبيض منقول منين الكلام ده؟؟
قد كده فيه ناس بتحب الحذاء وتمدحه كل المدح ده؟؟

خبر عاجـــل وحصري مقدم من قناة الجيزه البصرية ..
أعلنت حركة إحنا آسفين ياريس مسؤولتها عن الحادث المأساوي الذي تعرض لجزمة سيادة المشير والرئيس الحالي لجمهورية مصر العربية .. فقد قال أبو نملة المتحدث الرسمي للجماعة . أنه تم تدريب جماعة خاصة ومتميزة بشيكاغو على سرقة حزاء المشير وذلك عملياً على الحزاء الذي ضرب به بوش . ولم يتم تسليم حزاء المشير إلا بعد تنفيذ مطالب الجماعة . وبعد قليل سنأتيكم بشريط مصور للجماعة نعرض فيه شروطهم ... طاب صباحكم

كل عام وأنتم بخير جميعا

أخى الحبيب / محمود .....أشكرك على جديتك المعهودة ولكن الموضوع مع طرافته إلا أنه يحمل فى طياته ويستصحب معه دلالات كثيرة جدا منها مثلا ..... كيف يسرق حذاء المشير من مسجد للقوات المسلحة ...والذى يصل إلى حذاء المشيريصل إلى رقبته ... كذلك ماهذا الفراغ الذى تعيشه الأمة حتى يسرب لها خبر سرقة حذاء المشير .... هناك دلالة مهمة أخرى تتعلق بأخلاقيات هذا الشعب بعد الثورة ألا وهى إنعدام الأمن بدءا من أقسام الشرطة وبلطجة الشوارع وتحدى ماسبيرو وصولا إلى المنطقة الخضراء التى لم تسلم من الإختراق الأمنى بسرقة حذاء المشير

الحاجة الغريبة فى الموضوع ده .... حاجات كتير فى البلد إتسرقت كلها بعلمهم وأمام أعينهم من غير كلمة ....إشمعنى حذاء المشير....
والأغرب من كده .....هو إتسرق ليه أصلا .... حاجة تكسف والله

يا جماعة يمكن الجزمة متسرقتش ولا حاجة ويكون المشير نسي مكانها ، وجلا من لا يسهو

أبومعاذ الدرس كتب:

كل عام وأنتم بخير جميعا

أخى الحبيب / محمود .....أشكرك على جديتك المعهودة ولكن الموضوع مع طرافته إلا أنه يحمل فى طياته ويستصحب معه دلالات كثيرة جدا منها مثلا ..... كيف يسرق حذاء المشير من مسجد للقوات المسلحة ...والذى يصل إلى حذاء المشيريصل إلى رقبته ... كذلك ماهذا الفراغ الذى تعيشه الأمة حتى يسرب لها خبر سرقة حذاء المشير .... هناك دلالة مهمة أخرى تتعلق بأخلاقيات هذا الشعب بعد الثورة ألا وهى إنعدام الأمن بدءا من أقسام الشرطة وبلطجة الشوارع وتحدى ماسبيرو وصولا إلى المنطقة الخضراء التى لم تسلم من الإختراق الأمنى بسرقة حذاء المشير

الحاجة الغريبة فى الموضوع ده .... حاجات كتير فى البلد إتسرقت كلها بعلمهم وأمام أعينهم من غير كلمة ....إشمعنى حذاء المشير....
والأغرب من كده .....هو إتسرق ليه أصلا .... حاجة تكسف والله

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أعتذر لدخولى مرة ثانية
لكن أعجبنى جدااااااااااااا
كلام أستاذ
أبو معاذ
فشكرا لك
أتيت بالملخص المفيد