طعم العيد


للعيد طعمه وكمان لونه
وسط اللمة لما تحوط
حط هدومه جوة ف حضنه
وفي الأحلام يرسم ويخطط
تحت سريره يداري الجزمة
وخبي معاها شراب بيلعلط
هلعب بكرة ماتش الكورة
ويا صحاب هدور وأتنطط
يوم العيد أهلا بحلاوته
وطفل بريئ فرحان ومزقطط
بهجة عيده مفرحة قلبه
وقت الفرح تملي زغنطط
إياك تنسي برضه إخواته
آلافات غيره كمان بتعيط
مِدْ الرحمة يله عليهم
وزع بسمة يمكن تبسط
إبن شهيد وف أول عيد
لابد نحسسه إنه مزبط
وابن فقير علي قد الحال
ضحكة تزوره تلاقيه زقطط
نفسي تكافل يملا ما بينا
شعبنا واحد حب بيربط

——————

سامح لطف الله

http://c4wr.com/blog/?p=5412

http://masress.com/misrelgdida/72449

مشكور باشمهندس سامح
على هذه الكلمات الجميله
التي ارجعتني طفلا
ينتظر طلوع الشمس
ليلبس لبس العيد
ويلعب ويفرح مع اصحابه
وطبعا ما ننسى العيديه
اهم شئ في الموضوع