قرية شباس عمير عندما وصل مراسل قناة ( مصر 25 ) قام أعضاء حزب النور بالاعتداء عليه وكسر أدوات التصوير ( كاميرا + شريط ) مما أثار غضبأهل القرية ورغم ذلك لم تتوقف اللجان
قرية شباس عمير تطور الموقف وحدثت اشتباكات عنيفه مما أدي إلي تدخل الجيش والشرطة أدي إلي سقوط أحد المجندين مصاباً وتم نقله في عربة الإسعاف إلي مستشفي قلين المركزي
قرية شباس عمير قام مندوبي حزب النور بالتعدي علي مناصري حزب الحرية والعدالة في تمام الساعة الواحدة مساءاً وحدثت اشتباك بالأيادي وقد قام أحدهم بالسب العلني لمندوب حزب الحرية والعدالة وعندما قال له مندوب حزب الحرية والعدالة أن هذا غير لائق وليس من الإسلام في شئ فرد عليه مندوب حزب النور وقال له أنتم بعيدون كل البعد عن الاسلام مما استفذ كل الحضور
( البكاتوش) اشتباك بين حزب النور وأنصار حزب الاصلاح والتنمية وذلك بمشادة كلامية
وصل إلي التراشق بالحجارة مما أدي إلي سقوط جرحى
وفي قرية البكاتوش الساعة 11:00 حدث
قام مندوبي حزب النور بقرية قونة بالاعتداء بالشتم علي مندوبات حزب الحرية والعدالة وقد تصدى لهم أهل القرية وذلك في تمام الساعة 11:30 ص
وفي تمام الساعة 12:00 قام أنصار حزب النور بالاعتداء علي مندوبين الحرية والعدالة وقد قام اثنين منهم بالاعتداء بالضرب ثم تم تهدئة الموقف من قبل مسؤلين حزب الحرية والعدالة والعقلاء من حزب النور وأهل القرية وقد تم الاعتداء علي مراسل حزب الحرية والعدالة أثناء التصوير وذلك بضربه علي وجهه مما أدي إلي اعوجاج نظارته وفقد التصوير

المصدر

والله زماان يا أبوحميد وحشنى طمنى عنك

اتق الله يا ادمن انت شفت شيء ولا واحد من الاخوان املى عليك الكلام والتلفيق كل دا واضح زي الشمس انت عارف مين اصحاب المصالح لعلمك السلفيين في البكاتوش اكتر بكتير من الاخوان مين اللي عاوز يتخانق وكذلك في كفر الشيخ عموما اكتر من الاخوان يبقا مين اللي عاوز يتخانق

ياعم سليمان اظن ان الخبر منقول ومكتوب تحت المصدر يعنى الكلام منقول من موقع اخر

هنستني ايه من حزب كان ولائه وشرعيته للمخلوع
حسبنا الله ونعم الوكيل
اي نور هذا الذي سموا انفسهم بيه ( نور مبارك ام نور العسكري ام نور مشايخهم ام نور لعبة الانتخابات التي لم ولن يتعلموها الا اذا تفضل الاخوان ومنوا عليهم بأن يعلموهم اياها )
افضل لكم ولنا ان تجلسو في المساجد تتعبدو وتتقربوا الي ربكم عسي ان يغفر لكم ولنا

مين اللي كان ولائه للمخلوع ... السلفين ما دخلوا الانتخابات علشان كانت فيها تزوير وافتوا بعدم الخروج عن الحاكم بس دي ارادة شعب الاخوان ممكن يتحدوا مع اي جنس مخلوق لأجل المصلحةوالله ما راح يدخلنا الحرب والخراب للبلد غير الاخوان بس دا ممكن ما يحصل لانهم يناموا في حضن ايران وامريكا واسرائيل
السلفيين غيررررررررررررررررررررررررر

تعرف تفسر ليه الاخوان ما خرجوا لحماية اخوانهم في الميدان علشان الكراسي والمناصب اللي هيخدوها واللي خدوها من قبل وما عملوا بيها شيء يا ركبيين الثورة
بس متنسوش لم تركبوا البرلمان تقولون دعاء الركوب ؟؟؟؟؟؟؟؟؟؟؟
هههههههههه

كنت عاوز اعلق بس بصراحة لقيت ما ينفعش اقول الكلام ال انا عاوزه فسكت

يا جماعة الموضوع بسيط واللي حصل :
إن فيه مجموعة سيدات معاهم كروت الحرية والعدالة ورايحيين يعطوا صوتهم ، فيه واحد من السلفيين اسمه رفاعي بيديهم كروت حزب النور قالوله احنا حننتخبوا الإخوان ، بعد ما مشوا بشوية قالهم انتوا " *****" سمعه كمال سمك من الحرية والعدالة طبعا اتنرفز عليه وقاله ازاي تقولهم كده ، وده اللي حصل من شهود عيان واللي مش مصدق يسأل كمال سمك او الناس اللي كانت واقفة . والشيخ عادل الجرن هو اللي صوته طالع في الفيديو بيقوله ما تصورش بدل ما يقوله صور الحقيقة علشان دي شهادة حق بيقوله ما تصورش يعني تغطية على الشهادة وانكار للشهادة .

مش غريبه خالص عنهم

لاحول ولا قوة الا بالله ومشايخ السلفية عرفوا الكلام ده وعملوا ايه ياترى
ياترى

يا جماعة انا مش عارف الجماعة السلفيه ايه التغير والتلون فى مواقفها
الأول قالو لا يجوز الخروج على الحاكم وكتبوا على الجدران فى دمنهور والاسكندرية لما غرقوها
الثانى بيقولو لا يجوز تكفير المسلم ولا التشكيك فى عقيدته ودلوقته بيقولو الاخوان انتم بعيدون عن الاسلام
حد يرد علي منهم يفهمنى يا جماعة يمكن انا معرفهمش

كشفت المؤشرات الأولية لنتائج الفرز للمرحلة الأولى فى المحافظات التسعة تقدم قوائم حزب الحرية والعدالة بنسبة 45% حتى الآن بفارق كبير فى 6 محافظات عن قوائم باقى الأحزاب الأخرى، حيث جاءت الكتلة المصرية فى المرتبة الثانية فى محافظات القاهرة وبورسعيد والبحر الأحمر، فيما حصلت قوائم النور فى محافظة كفر الشيخ على نسبة كبيرة عكست القوة التصويتية فى المحافظة التى ينتمى إليها أبو إسحاق الحوينى.

فيما تنافست قائمة حزب الوسط مع الحرية والعدالة فى محافظة دمياط أما عن دوائر أسيوط على نظام القائمة فبحسب الإحصائيات الأولية الواردة حتى الآن تتقدم قائمة حزب البناء والتنمية "الجماعة الإسلامية" مع الفلول فى صدارة المشهد، ومن بعدهما الحرية والعدالة، وفى محافظة الإسكندرية تقدمت قائمة حزب العدالة وتليها قوائم حزب النور.

ويعتبر حزب الوفد هو الحزب الحاضر فى الشارع من الناحية الدعائية لكنه غائب عن المشهد أثناء عملية الفرز، فمازال حزب الوفد يتذيل القائمة حتى الآن فى معظم الدوائر.
يذكر أن نتائج القوائم فى المرحلة الأولى لن تعلن، أما ما يعلن فقط عدد الأصوات التى حصل عليها كل قائمة على حدة فى كل دائرة انتخابية، ذلك الآن الحساب الإجمالى لمجموع القوائم يتطلب استخدام ما يسمى بالمعامل الانتخابى لحساب كل القوائم للحزب فى المحافظات المختلفة بالمراحل الثلاثة للانتخابات، وهو ما يعنى أن نتيجة القوائم ستعلن مجمعة فى عقب انتهاء المرحلة الثالثة.

أما بالنسبة للمقاعد الفردية فقد شهدت المنافسة سخونة شديدة لقوة المرشحين المتنافسين فى الدوائر المختلفة، ويظهر فيها شباب الثورة بعد اختفائهم فى القوائم، ففى حلوان بمحافظة القاهرة، قالت المؤشرات الأولية إن الكاتب الصحفى مصطفى بكرى حصل على أعلى الأصوات بفارق عن منافسيه ويتصدر المشهد بقوة بفارق كبير عن الناشط ناصر أمين.

وفى دائرة مصر الجديدة كشفت المؤشرات الأولية نجاح الدكتور عمرو الحمزاوى فى الحصول على أصوات كبيرة بفارق عن منافسه محمد سعد أبو العزائم أحد قيادات السلف والمدعم من الإخوان.

وفى دائرة مدينة نصر قالت المؤشرات الأولية إن مصطفى النجار يتقدم المشهد الانتخابى بعد اقتراب الأصوات التى حصل عليها مع الأصوات التى حصل عليها فوزى السيد.

وفى دائرة السيدة زينب والمنيل كانت الصدارة للناشط الحقوقى حافظ أبو سعدة، فيما تقدم محمد أبو حامد من الكتلة المصرية فى دوائر قصر النيل على منافسته جميلة إسماعيل يليهم عمر خضر مرشح الحرية والعدالة.

وفى محافظة بورسعيد كشفت عن تقدم الكادر الإخوانى وعضو الحرية والعدالة أكرم الشاعر على الناشط السياسى جورج إسحاق بفارق عدد أصوات كبيرة، بعد فرز عدد من الصناديق.
وفى محافظة الإسكندرية يبدو المشهد غامضا وتتكتم اللجنة العامة عن تسريب النتائج التى وصل إليها عمليات الفرز لكن أحصرت المنافسة بين القاضى الأول المستشار محمود الخضيرى وطارق طلعت مصطفى الذى يجد دعما من الإخوان وأبناء الرمل وفى الإسكندرية أيضا يتصدر صبحى صالح عضو الحرية والعدالة المشهد الانتخابى بقوة فى دائرته.

وفى محافظة دمياط يتقدم عصام سلطان نائب رئيس حزب الوسط على منافسه من الحرية والعدالة على مقد الفئات فردى.
المصدر اليوم السابع
هيرد يقول اية

يا اخ محمد ابوزهرة كلامك ونقل لك لما حدث على العين والراس ولكن هذه الكلمات التى ذكرتها لاتذكر فى المنتدى ونرجو من حضرتك الالتزام ...

الأستاذ الأدمن المنتدي
أنا آسف جدا على الكلام ده بس هو ده للأسف اللي حصل و الألفاظ دي مفيش حد عاد بيقولها في البلد فلما يقال انها اتقالت من واحد بيدعي انه سلفي أو مجموعة بيقولوا احنا سلفيين كنا عايزين حد منهم يقول محصلش او يجيب كمال سمك يكذب الكلام ده ، احنا سمعنا وما شفناش بعينا
يا إما الستات ينتخبوا السلفيين يا إما يقولوا عليهم .......... بصراحة انا حزين

عبدالرحمن ماضي أبوبكر كتب:

هنستني ايه من حزب كان ولائه وشرعيته للمخلوع
حسبنا الله ونعم الوكيل
اي نور هذا الذي سموا انفسهم بيه ( نور مبارك ام نور العسكري ام نور مشايخهم ام نور لعبة الانتخابات التي لم ولن يتعلموها الا اذا تفضل الاخوان ومنوا عليهم بأن يعلموهم اياها )
افضل لكم ولنا ان تجلسو في المساجد تتعبدو وتتقربوا الي ربكم عسي ان يغفر لكم ولنا

حزب أم النور

انا بجد مش عارف ايه الاسلوب بتاع الجماعه السلفيين ده يعني هو الاسلام ال بيقولهم اعملو كده , منهم لله كرهو الناس في الاسلام والمسلمين , وان شاء الله لما بيعملو كده في اول تجربة ليهم في الانتخابات امال لو سمح الله وبعد الشر بعد الشر لو نجحوا هيعملو ايه؟؟؟؟؟؟؟
هو مش كانوا تقريبا بيقولو ان مبارك هو ولي الامر ولايجوز الخروج عليه فأنا بنصحهم يستنو مبارك لما يخرج من السجن وينتخبوه عشان مايزعلش منهم ويفضلوا حبايب ويفضل سايبلهم جميع المساجد والمنابر في مصر عشان هما شاطرين وبيسمعوا الكلام وكانوا بيدعوله في كل جمعه ومش بيتكلمو في السياسه علشان ماما سوزان متزعلش منهم
خلو عندكم شوية دم عاوزين تسرقو مجهود الناس ال قضوا عمرهم في المعتقلات وانتو كنتو نايمين في بيوتكم وبتخدوا مراتباتكم وتقولو دا ولي الامر
مع اني مش اخواني بس بعمايلكم دي انا بقيت مع الاخوان قلبا وقالبا وبعت صوتي لهم في السفاره وبدعي ربنا انهم ينجحوا ويارب ما يدي لامثالكم فرصة تتحكموا فينا
حسبنا الله ونعم الوكيل
والله اكبر ولله الحمد

وفى دائرة مصر الجديدة كشفت المؤشرات الأولية نجاح الدكتور عمرو الحمزاوى فى الحصول على أصوات كبيرة بفارق عن منافسه محمد سعد أبو العزائم أحد قيادات السلف والمدعم من الإخوان


هههههههههههه.

العكس صحيح الاخوان دعموا السلفيين اجدد نكته قول دعموا الشيطان

متنساش دعاء ركوب الثورة

abdelmohsen.gholmesh كتب:

انا بجد مش عارف ايه الاسلوب بتاع الجماعه السلفيين ده يعني هو الاسلام ال بيقولهم اعملو كده , منهم لله كرهو الناس في الاسلام والمسلمين , وان شاء الله لما بيعملو كده في اول تجربة ليهم في الانتخابات امال لو سمح الله وبعد الشر بعد الشر لو نجحوا هيعملو ايه؟؟؟؟؟؟؟
هو مش كانوا تقريبا بيقولو ان مبارك هو ولي الامر ولايجوز الخروج عليه فأنا بنصحهم يستنو مبارك لما يخرج من السجن وينتخبوه عشان مايزعلش منهم ويفضلوا حبايب ويفضل سايبلهم جميع المساجد والمنابر في مصر عشان هما شاطرين وبيسمعوا الكلام وكانوا بيدعوله في كل جمعه ومش بيتكلمو في السياسه علشان ماما سوزان متزعلش منهم
خلو عندكم شوية دم عاوزين تسرقو مجهود الناس ال قضوا عمرهم في المعتقلات وانتو كنتو نايمين في بيوتكم وبتخدوا مراتباتكم وتقولو دا ولي الامر
مع اني مش اخواني بس بعمايلكم دي انا بقيت مع الاخوان قلبا وقالبا وبعت صوتي لهم في السفاره وبدعي ربنا انهم ينجحوا ويارب ما يدي لامثالكم فرصة تتحكموا فينا
حسبنا الله ونعم الوكيل
والله اكبر ولله الحمد

ابقي ادعي دعاء ركوب الثورة ... الله اكبر ولله الحمد المركز التاني من اول جوله ليهم دا فخر للسلفيين

اتعلم من مشايخ السلف بدل ما تهرتل بالكلام وابقي سمعني مشايخ الاخوان وجدي غنيم اللي ما بيطلع في فديوا الا لو سب ولعن في كل الناس
ولا القرضاوي مفتي برميل قطر

ههههههههههههههههههههههههههههههههههههههههههه
يا عم سليمان انت فعلا عايش في الوهم ومعلش انت برده تفكيرك علي قدك وبعدين حوش الدقن بتاعتك النازله لحد رجلك دي يا سلفي وانا عشان عارفك كويس بقول أهو بيهرتل وبيهبل وعاوز يعارض وخلاص عشان ميبقاش زي الناس ممكن تقولي الناس ال انت بتدافع عنهم دول انت ليه منتمتش ليهم ؟ اقولك انا عشان انت بتكره الاسلاميين ايا كانو لا بتحب اخوان ولا سلفيين احنا عارفين انت بتحب مين وبتندم علي مين وبعدين انت مش قولتي انك زعلان من ال في التحرير وبتقول عليهم ناس فاضيه وقولت خليهم بس يستنو الانتخابات؟
وبعدين حقدك علي الاخوان ده معروف سببه حسابات شخصيه عشان بتدورو علي مصلحتكم وهما يا خساره معندهمش الكلام ده وحقدك ده بان في تعليقك لما فرحان ان حمزاوي اليبرالي متقدم في الانتخابات (ايه بقيت ليبرالي) ههههههه
وبعدين احنا مبسوطين انهم ركبوا الثوره بس ركبوها بصدورهم ال كانت دروع بشريه يوم جمعة الغضب
وبعدين المشايخ ال مش عاجبينك دول هما ال لسه مش عارفين ينزلوا مصر لحد دلوقت عشان مبيعرفوش يوالو المفسدين مش زي مشايخ نايمه في بيوتها وفاتحه قنوات وكل شويه يظهرو فيها ومصدعين دماغنا ان ده الحاكم بتاعنا ولا يجوز الخروج عليه (مش مكسوفين من نفسهم دلوقت بعد الشعب ما خرج عليه)
بص يا سليملن باشا هقولك كلمة واحده


















ابقي اتغطي كويس قبل مل تنام


هههههههههههههه
اوعك تزعل دا رأيي في الجماعه السلفيين دول ال انت برده مش بتحبهم

عبدالمحسن غلمش كتب:

ههههههههههههههههههههههههههههههههههههههههههه
يا عم سليمان انت فعلا عايش في الوهم ومعلش انت برده تفكيرك علي قدك وبعدين حوش الدقن بتاعتك النازله لحد رجلك دي يا سلفي وانا عشان عارفك كويس بقول أهو بيهرتل وبيهبل وعاوز يعارض وخلاص عشان ميبقاش زي الناس ممكن تقولي الناس ال انت بتدافع عنهم دول انت ليه منتمتش ليهم ؟ اقولك انا عشان انت بتكره الاسلاميين ايا كانو لا بتحب اخوان ولا سلفيين احنا عارفين انت بتحب مين وبتندم علي مين وبعدين انت مش قولتي انك زعلان من ال في التحرير وبتقول عليهم ناس فاضيه وقولت خليهم بس يستنو الانتخابات؟
وبعدين حقدك علي الاخوان ده معروف سببه حسابات شخصيه عشان بتدورو علي مصلحتكم وهما يا خساره معندهمش الكلام ده وحقدك ده بان في تعليقك لما فرحان ان حمزاوي اليبرالي متقدم في الانتخابات (ايه بقيت ليبرالي) ههههههه
وبعدين احنا مبسوطين انهم ركبوا الثوره بس ركبوها بصدورهم ال كانت دروع بشريه يوم جمعة الغضب
وبعدين المشايخ ال مش عاجبينك دول هما ال لسه مش عارفين ينزلوا مصر لحد دلوقت عشان مبيعرفوش يوالو المفسدين مش زي مشايخ نايمه في بيوتها وفاتحه قنوات وكل شويه يظهرو فيها ومصدعين دماغنا ان ده الحاكم بتاعنا ولا يجوز الخروج عليه (مش مكسوفين من نفسهم دلوقت بعد الشعب ما خرج عليه)
بص يا سليملن باشا هقولك كلمة واحده





















ابقي اتغطي كويس قبل مل تنام


هههههههههههههه
اوعك تزعل دا رأيي في الجماعه السلفيين دول ال انت برده مش بتحبهم

براحه على نفسك انا لم كلمتك اول مره زعلت من مظاهرة يوم 18 نوفمبر ملهاش لزمه من الطرفين لان الوثيقة السلمي كانوا موافقين عليها من غير ما يفهموها علشان كده مكنتش موافق على النزول اما انهم يقعدوا في ميدان التحرير يوم الجمعه ويمشوا زي الخرفان ويقولوا وصلنا الرساله دي مكنتش رساله دا اظهار قوه طب لم انتو اظهرتوا القوه بتاعتكم يوم 18 نوفمبر ليه لم الشرطه ضربت وكل يوم تقتل اي كان انتماء الناس اللي ماتت دي تبع اي حزب دول برده مصريين ليه يا عم المفتي ما راحوا بدروعهم البشرية يحموا مصابيين الثورة اللي جالسين يخدوا حقهم اللي خلوا للاخوان حس بعد ما كانوا مش قادرين يتنفسوا ولا هما متعودين يروحوا في الاخر وهفضل هقولها للابد الاخوان مصلحجية ولم البلتاجي راح ميدان التحرير رجع زي الخروف مطرود من الميدان اقولك على حاجه يا محسن الاخوان بصراحه انا مش شايف منهم غير لسان طوييييييييييييييييييييييييييييييييييييل وبس وادينا هنشوفهم في المجلس اللي جاي كتير وشوف بقا هيتنازلوا عن كم شيء مخالف للاسلام يا بيه
وشوف الشيخ وجدي غنيم بيشتم على الفاضية والمليانه ...
هو مش برده ربنا بيقول "" مايلفظ من قول الا لديه رقيب عتيد ""
ثانيا الشيخ محمد حسان وابو اسحاق الحويني وانا عن نفسي بعشق الناس دي جدا جدا ويشرفنا ان اكون واحد تحت لوائهم الناس دي برده دخلت السجون ومحمد حسان كم سنه قعدها في السعودية وجم وانتبهوا للدعوه وكانوا سبب بعد ربنا في ان ناس كتير تهتدي وما ركبوا الثورة وما نزلهم في الميدان الا دماء الشهداء اللي بتنقتل وهو الشرع برده مش بيقول حرام الخروج عن الحاكم ولا الفتوى دي جيبنها من بيتهم

انت دخلت جوايا علشان تعرف اذا كنت بكره الاسلاميين ولا بحبهم ليه هو انا داقق صليب وانا معرفش انا عن نفسي بحب السلفيين بس ما كنت عاوزهم يدخلوا الانتخابات لان الانتخابات لعبه قذره جدا جدا وممكن تعمل اي شيء علشان كرسي البرطمان اللي ما بيفيد غير صاحبه

اخر شيء بالنسبه لانتمائي قبل كده احب اقولك ان ما دخلت انتخابات غير مره واحده وكنت مع التيار لم انت بتقول علشان مصلحتي تعرف تقولي ان اخذت ايه منه لمده 15 سنه الحمد لله (( الله الغني )) مش مستني من حد شيء ولله الحمد لان مش قاعد فيها اساسا

بس بحب البلد ونفسي حالها ينصلح بس هتفضل زي ما هيا طول ما فيه كره بين الاطراف اللي بنقول عليهم واجهه للاسلام لابد من الاتحاد مع بعضهم علشان يوصلوا للبلد لبر الامان مش يخربوها
وبالنسبه لحمزاوي انا اتمنا يهودي كان ينجح ولا ان حمزاوي يشوف كرسي البرطمان هو دا برده كان بسبب عدم توحد الاخوان مع السلفيين

وبعدين سواء السلفيين او الاخوان وصلوا الرئاسه نجهز السلاح علشان نبقا زي افغانستان والصومال وتحيا مصر ياعم محسن

خلاصه الكلام :: عاوز اقولك على شيء

عاوزينك تعمل حزب عندك كده بس ابقا كتر من المزز يا محسن

السلام عليكم جميعا نحمد الله عز وجل اننا وصلنا لهذة المرحلة كى كل واحد يدخل ويصوت لمن يشاء بدون ضرب او غيرة من ال كان بيحصل وحصل لجميع اخوان المسلمين وباقى كب من يدخل للترشيح داخل البلد وعن نفسى انا خارج من بيتى لانتخب الفردين لحزب النور وقائمة الحرية والعدالة لان بينهم ناس اقدرهم وعل رأسهم الاستاذ / محمود المعداوى لانة تتطوع معى لله عز وجل من اجل تخليص اوراق محطة مياه الشرب للقرية حتى حصل على تأشيرة الحج الى بيت الله وذهب الى الحجاز وكذالك المهندس / على الحداد والحاج فؤاد الزيات واخرين كثيرين بالبلد وفعلا خرجت وعند مدرسة شجرة الدر والحاجة معى كى تنتخب مثلى وجت بعض الاخوة من النساء وانا اعزهم مثل بناتى واخواتى وتربطنى بهم قراية قوية ولااذكر اسماؤهم يأخذون من بعض النساء من معهم اوراق للسلفين يأخذوهم ويقطعوها ومن تكون متمسكة يقولون لهم بان الورقة قد غيرها حزب النور وعلى الفور وجدت الحاجة تقول بانها سوف تنتخب حزب النور كله وكل من كان معها ومن رأى هذا وكان معهم اوراق للحرية والعداله وانهم شيفنى ولكننى ابيت ان احدث الاستاذا محمود المعداوى عند خروجى من اللجنة مع اننى كنت مبهر من منهم قبل الانتخاب ولكن خاب ظنى واتمنى لايتكرر هذا مرة اخرى حتى لايوصفوا بانهم سلكوا مسلك الوطنى لاننى اكن لهم كل تقدير واحترام لانهم ظلموا من الوطنى مثل غيرهم ورجاء لايفهم كلامى بانه نصرة لحزب على اخر واتمنى بان ينجح الدكتور حسن ابو شعيشع مع العلم باننى لم اراه غير مرتين مرة بشباس وكفر الشيخ وسمعت لقائة مع سعد حشلة على المنتدى وكنت اتمنى ان يكون من بينهم من بشباس لانهم لايقلوا فى التقدير لخوض الانتخابات كنت ترى اجماع او اغلبها معهم وهذا رأى الشخصى فرجائى عدم تأويله الى غير ذلك وعندى خبر جيد وممتاز وشيق بالنسبة لمحطه المياه ولم اطرحة الان حسن الجرن

على فكرة الميمورى اللى انكسر يبقى بتاعى
وانا عاوزه

بسم الله الرحمن الرحيم
ا/سليمان ابو بكر لم اكمل الكلام المكتوب بعد ما قرات اول تعليقين لك وجدت لهفه في الرد عليك احسست انك تود لو ان تضرب الادمن.
اناسمعت الفيديو وكل اصحابي كانوا موجودين هناك طيب هنقولوا سيبك من الادمن مع احترامي ليه طالما كلامه مش عجبك هنكدبوه ونكدبوا اهل البلد كلها ونصدقوا حضرتك .
اولا والله لست من الاخوان ولا اتبع اي جماعه بس لي راي واحب اشارك به .

بدايه احب اسألك :السلفيين كانوا فين في ال18 يوم اللي الثوره قامت فيهم؟ والله ماسمعت ولا رايت ولا عرفت انهم شاركوا في الثوره فعن اي مبادئ تتكلم .
والله وانا اتحمل يمين الله لو لم تنجح الثوره لظل النوريون لا السلفيون موالين لمبارك ولا احب ان اجمعهم لان هناك من هو محترم منهم .
احب اسألك السؤال التاني ليه الصحفي اتمنع انه يصور اليست هذه هي الديمقراطيه التي يفهمها النوريون بالخطأ.الان يستخدموا اساليب الحزب الوطني والله اني افضل الحزب الوطني علي السلفيه علي الاقل الوطني كان بيعمل ولا يخبئ وما كنش حاطط نفسه تحت ستار الدين اما الجماعه اللي عاملين فيها علماء الامه يا فرحتي يامه هنا يامه هناك .
في النهايه وهذا رأي انا (حزب النور يلعب في الظلام) والله يا سليمان لوانا واحدغريب ومن بره البلد وداخل اقرا كلامك كده والطريقه دي ولا اعرف حزب النور ولا حاجه هاكره من قبل ما اسمع عنه .

قال صلى الله عليه وسلم (( انا زعيم بيت فى وسط الجنه لمن ترك المراء ولو كان محقا)) يا استاذ سلومة زى ما حبايبك بتقولك وانا حبيبك لا تتعصب لحزب معين اتعصب للحق فقط اعرف الرجال بالحق ولا تعرف الحق بالرجال والحق ادلج والباطل لجلج . هو فيها ايه لما يبقى المجلس اخوان ولا سلفية مش الكل بيزعم ان هو هيخدم دين الله وهيحكم شرعه خلاص يبقى المقصد واحد يبقى خلاص لا تذم احد امسك عليك لسانك يا اخى قول لنفسك كده يا لسان قل خيرا تغنم او اسكت عن شر تسلم والا فسوف تندم واقطعك والله لا تذم احد يا اخ سليمان جزاكم الله خيرا هذه الفترة يا اخ سليمان فترة تباين وفتن وابتلاءات واختبارات من الله لعباده ولا بد من لقاء البلاء الناس جميعا يتساون فى وقت النعم فإذا نزل البلاء تباينوا كما قال الحسن البصرى عليه رحمة الله فالعاقل من اعد ذخرا وحصل زادا وازداد من العدد للقاء حرب البلاء جزاك الله خيرا

على فكره انا عطيت كرت الموميرى بتاعى لأ/ محمد عزت وبعدها عرفت مين ال كان فعل هذه الفعله وذهب احد زملائى الى والده بعد ان رفض ان يعطينى حقه واخذنا منه 25 جنيه ثمن الكرت والحمد لله