عرض اليوم..
اهلا وسهلا بيكم...احنا جينا لكم النهارده ومعانا عرض جديد ورهيب
وعرض النهارده مفأجاه بكل معاني الكلمه...
عرضنا النهارده هو.....المرشح السلفي..!!!!!
أيوا انتا مغلطتش في القراءه....المرشح السلفي هو عرضنا النهارده...
والمرشح السلفي في الحقيقه ليه مزايا كتيره جدا منها
1-المرشح السلفي بشوش ودايما بضحك ..ومش شايل هم أي حاجه...وبيحسسك دايما ان الدنيا لسه بخير...وأن الطقس في غاية البداعه..وكمان ان نهارك سعيده مبارك...
2-(سعة 6 جيجا) اسلاميات وقرآن وأحاديث...بحيث لو مليت شويه وانتا في البرلمان ممكن تشغله وتراجع لك جزئين تلاته علي ما المناقشه تخلص...
3--سعة(14) جيجا لجميع فتاوي حرمة الخروج علي الحكام..وفتن آخر الزمان...مع برنامج خاص يذكرك كل ربع ساعه ان (الاستبداد خير من الفوضي)...
عشان كدا كل الخبراء العسكريين بينصحوا النهارده بالمرشح السلفي...لانه مبرمج علي ان الخروج علي الحاكم او نصحه في العلن او انتقاد توجهاته حرام.....فبديهي انه مش هيعارض ابدا..او ياخد اي موقف.
4- المرشح السلفي اللي معانا النهارده يا جماعه استاذ في فن الخداع والنفاق والتزييف...يعني الجيل الاول منه كان بيقول ان الانتخابات حرام،وان الديمقراطيه كفر...لكن بحمد الله نجحنا في تطوير الجيل التاني واصبح النهارده بيقول ان الانتخابات جائزه شرعا...وان الديمقراطيه زي الشوري بالضبط...وعندنا امل في ربنا كبير ان الجيل الثالث من المرشح السلفي تكون عنده الكفاءه اللي تأهله للعمل كمذيعة أخبار في التلفزيون الحكومي...بس انتوا قولوا يارب...!
5- ومفاجأتنا النهارده...المرشح السلفي يا جماعه مصفح...ايوا مصفح يعني التفجيرات والاغتيالات والكلام دا كله ما بيكلش معاه...ليه...؟؟؟
لانه اولا مرشح متوكل علي ربنا...ثانيا: مرشح وسطي..من بتوع انت والاخر...ثالثا-ودا الاهم- هو واخد دوره تدريبيه في امن الدوله عن كيفية التجسس علي جميع الجماعات الجهاديه...وعن انه ازاي يقدر يحمي نفسه عند اللزوم...يعني المرشح السلفي مش هيكلف الدوله حمايه ولا اي نفقات ترهق الميزانيه.
6- وطبعا احنا مش ناسيين اخوانا العلمانيين والليبراليين المئطئتين...
عشان كدا زودنا المرشح السلفي بمجموعة برامج كلها بتأكد ان العلماني دا مسلم وموحد وانه مهما كفر وتزندق وتعدي حدوده فهو أخ مسلم لا يجوز تكفيره بأي حال من الاحوال.
7- وبالنسبه يا جماعه للنصاري اللي عندهم تخوف من عرضنا النهارده...نحب نطمئهم ونقولهم متخافوش...لان بينزل مع كل مرشح سلفي (سي دي) هديه بيقول انكم اهل زمه....وانكم ممكن تبنوا كنايس عادي جدا...وممكن تعتقلوا اي حد يفكر انه يدخل في الاسلام براحتكم خالص...
ومش كدا وبس....احنا كمان زودنا المرشح السلفي بفتوي مسجله بنقاء صوت عالي جدا(استريو) بتقول ان أي مضيفه تتهدم فمن الواجب ان احنا نحولها لكنيسه فورا...
8- وطبعا محدش ينسي العسكر ابدا....لان الناس دي يا جماعه هي اللي حمت مش بس الثوار....لا دي حمت مبارك كمان...!!!
وعشان نشكر الناس دي زودنا المرشح السلفي بمجموعة انظمه مختلفه كلها بتقول ان العسكر خط احمر..وانه ولي أم شرعي...وان لا يجوز التظاهر ضده...
وبالمره نحب نطمن امريكا والغرب....ونقول لهم انهم في بالنا دايما...وان احنا برمجنا المرشح السلفي علي شجب وادانة العنف والارهاب والتطرف...وان اي مقاومه او جهاد ضد النظم الاحتلاليه فمرشحنا السلفي عنده مقدره عاليه علي شجبها وادانتها....ويقدر كمان انه يطلع اي مجاهد ايا كان....جاهل ومضحوك عليه...وتم تدعيمه بالايات والاحاديث اللي تم تصحيح سندها ومتنها في معامل ومختبرات (السي اي ايه) حتي يكون منطقه في الحديث سليما...
9- وآخر عرض معانا في حلقة النهارده هو :لـــست البيت البسيطه اللي بتشاهدنا دلوقت...وبنحب نقولها كل سنه وانتي طيبه يا ست الكل...وهديتنا ليكي مع كل مرشح سلفي...عدد 4 ليفه....عدد 3 سلك مواعين...عدد 2 مفرش سرير...عدد واحد منفضه....عدد واحد شبشب حمام...عدد 7 طقم جيلي.....وكباية مذهبه لشرب الويسكي براحه وأمان....
ياله اتصل بينا حالا في شركة الفوانيس السحريه ....واطلب اتنين مرشحين سلفيين....واحصل علي الثالث هديه.....!!!
واستنونا في الحلقه الجايه....ومع المفاجأه المتجدده.....المرشح الاخواني 4...ودا بعد ما نجحنا ان احنا نطوره ونعمل ليه حزب جديد...
استنونا......نونا.....ونا.....نا......ااااااااااااااااااا...

مفيش خدمة توصيل للمنازل؟؟

أخى الحبيب ... حفظك الله
إن لم يحفظ أخوك لك حقك فلا تعصى لله فيه ...و

مهما يكن من ضيم إخوانك لك فأنت وهم دائما موضوعون فى سلة واحدة شئت أم أبيت ..... وهذا أراه مما يعمق الخلاف بين الإسلاميين ....فالسلفيين منقسمون فعليا حول الإنتخابات وكثير منهم لن يصوت دينا ... فلاتعمم وهم لهم حق عندك لايجوز لك غبنهم فيه بهذه الطريقة...

يا واعظ الناس عما أنت فاعله ... يا من يعد عليه العمر بالنفس

احفظ لشيبك من عيب يدنسه ... إن البياض قليل الحمل للدنس

كحامل لثياب الناس يغسلها ... وثوبه غارق في الرجس والنجس

تبغي النجاة ولم تسلك طريقتها ...إن السفينة لا تجري على اليبس

ركوبك النعش ينسيك الركوب على ... ما كنت تركب من بغل و من فرس

يوم القيامة لا مال ولا ولد ... وضمة القبر تنسي ليلة العرس

قشدة

اقول لكاتب الموضوع الحقيقي موت بغيظك
انت تتكلم والسلفيين دول اهدوا ناس كتير
بقنوتهم واسود السلفيين

الشيخ محمد حسان -- ابو اسحاق -- محمود المصري -- محمد حسين يعقوب وغيرهم كتير

اتكلم على قدك يا كاتب الموضوع هل تعلم ان نص السلفيين بالظبط في جميع الدوائر ما دخل الانتخاب واكيد كاتب الموضوع ده علماني ليبرالي بيشوه صورة الاخوان والسلفيين عاوزين ناس توصل جايز ربنا يكرم البلد وتقوم بشرع الله
شوف القنوات بقت كم قناة كلها بتبهدل في الاخوان والسلفيين ربنا يجمعهم على كلمة الحق
اقولهم واقول لكاتب الموضوع الحقيقي (( موتوا بغيظكم ))

رسالة الى الاخ الفاضل احمد اسماعيل المجهول اذا لم تعرف نفسك لجميع اعضاء المنتدى فليس لك مكان بيننا لانك لم تحترم قوانين المنتدى فقد ارسلنا لك اكثر من رسالة لكى تعرف نفسك للجميع ولكنك تتجاهلها وشكرا