طنش فلوله

على قد فولُه
هنجدفوله
يا مراكبى بشبش
حلمك تنوله
وعلى قد قولُه
هنصقفولُه
شعبك يا مصر
خفف حمولُه
طلعت رجالُه
تثبت جمَالُه
صوت لبكرة
وكلامه قالُه
وقف طابوره
وجهز لدوره
عشان ما يظهر
ويفج نوره
هينط سوره
ويقوم بدوره
يكسر قيوده
وينهى جوره
يا ثورة واقفة
فى ميدانا واقفة
لازم تسيرى
وكفانا وقفة
هيقولوا كنبة
وزيت فى علبة
وفلوس رشاوى
دى لسه لعبة
لكن المفاجأة
جموع فى جرأة
طلعت وقالت
كفاية خنقة
على قد قوله
هنصقفوله
شعبك يا مصر
طنش فلوله

سامح لطف الله

http://www.youm7.com/News.asp?NewsID=544775&