اوباما : عاجبك كده يا كلينتون ودتينا في داهيه بافكارك الغبيه
كلينتون : ليه كده بس يا ريس
اوباما : جبتيلي شوية عيال مصريين اغبياء وقلتيلي همه دول اللي لو نضفناهم ودربناهم وقبضناهم ممكن نمسكهم حكم مصر ونطير مبارك ... اديهم عكوها ياختي ولا طولنا مبارك ولا الاغبياء المصريين بتوعك ... يا خسارة الفلوس اللي اندفعت فيهم والحوش اللي معاهم ..... قال 6 ابريل قال موش كفايه اديناهم الجنسيه الامريكيه في الخفا وجوازات سفر امريكية علشان يهربوا بيها
كلينتون :اعمل ايه بس يا ريس مكنتش فاكره ان الجيش المصري لسه فيه ناس بتفكر وتخطط كنت فكراهم اغبياء زي تونس وليبيا واليمن وسوريا
اوباما : ادي اخرة اللي يمشى ورا كلام النسوان ... ادينا كمان حنخسر الانتخابات الامريكية بسببك علشان الربيع العربي بتاعك اللي شكله حيفشل بسبب مصر ..... لا عارفين نخربها زي ليبيا وسوريا ولا عارفين نحط حد تبعنا تاني مكان مبارك بعد ما 6 ابريل بتوعك بقوا مكشوفين
كلينتون : متخافش يا ريس العيال وعدوني انهم حيعملوا كل مجهودهم لتخريب مصر في احتفالات الثورة لاني قلتلهم دي فرصتكم الاخيره واننا حندفعلكم كويس المره دي لو قدروا يخربوا البلد
اوباما : كل شويه يقولوا كده ويقولوا احنا فاهمين اهل بلدنا كويس وطلعوا لا فاهمين ولا نيله ..... بصي الفلوس اللي عماله تندفع دي انا مليش دعوه بيها محدش يحاسبني عليها انتي اللي بتصرفي
كلينتون : انته عاوز تلبسني الليله لوحدي موش انته كانت عجباك الفكرة وقعدت تقولي نخلي الواد وائل غنيم ريس وطلعت فضحتنا عالتليفزيون
اوباما : بصي انا موش ناقصك ..... من هنا ورايح كلمتي هي اللي تمشي وان كان موش عاجبك الباب يفوت جمل
كلينتون : طيب انا حسيبهالك وموش مكمله معاك بعد كده وشوف بقى حتنجح في انتخابات الرئاسة الامريكية ازاي من غيري