الكلب رافع قضيه
زعلان قوى م البشر
كان نفسه بحضرها
لكن ديلُه انحشر
بيتكلم على لسان الكلاب
بيقولها بحسن نيه
ازاى تشبهوا بشَّار الاسد بيِّه
المجرم النصاب
أنا كلب بصحيح لكن وفى
قلبى صفى
معضش ايد اللى
يأوينى ويطعمنى
واحفظ جميله
واكون له
من اوفى الخِل والاصحاب
ازاى تقولوا كلب
وهو عديم القلب
بيقَّتل الاشراف
بيسرق ونازل نهب
عديم الايمان والدين
التعلب الدحلاب
الكلب يفضل جعان
ميكُلش حق البشر
ومهما بنعامله
ولا عمره يعرف شر
ولامره غرَّق صاحبه
ولا سابه يوم ع البر
ولامره عض اخواته
ولا اذى يوم ولا ضر
وكان بيربط صاحبه
بحبال وينزل جر
ولايوم استعرض عليه
ولا حتى يوم اتغر
ولا كان ف يوم كذاب
والله انا كلب واضح
مانيش لئيم ولا نيرس
عايش ف ملك الله
ولا ليَّه بيت ولا ورث
مش زى بشَّّار الغبى
عايزها تبقى وِرث
ماسك فيها بسنانه
ماسك بكل الحِرص
بيقطع اخواته
من بين سنون التِّرس
ويقطع الالسنه
حتى السنان والضِّرس
ملعون فى كل كتاب