يخرب مطنَّكْ
يخرب مطنك بقي
دوختني وياك
بسأل عن القطة
وأسأل عن القطاقيط
والعلم خش الراس
ولاَّ اتحبس ف الشنطة
يا إما عدي الحيط
وابص ع السبورة
نفسي افهم الصورة
مش لاقي غير شخابيط
ودم الولاد ف الحوش
ماتوا من التخطيط
أصل اللي واضع الخطة
لاعمره شاف القطة
ولا شدَّها من ديل
ولا عاش معاها الليل
ولا شاف تعب أو ويل
أو حمل هد الحيل
آخره يقص شريط
جايب معاه الفار
وينطططه ع الحيط
ركز ف شغلك بقي
هتبطل التزييط
سامح لطف الله
