Bookmark and Share

ع الجوع والله ممكن نصبر
نفوت أكلة وأكلة نكبر
ما شفنا الناس م الجوع بتموت
أما المية يا روحي ما نقدر

واللي يحاول يقفل محبس
أو عننا للمية هيحبس
يضيع حبة من حصتنا
ويركب سد ويقفل منفس

مش هنسيبه واللي وراه
أيا كان دي المية حياة
عمر النيل ما بيقطع خيره
وحتي المصري النيل رواه

نقرا تاريخ النيل وحياته
مضي سنين وسنين آلافاته
محدش مد الأيد لطريقه
وعاش اهالينا من خيراته

لو فيه دولة شمه نفسها
و حاسة القوة يغور إحساسها
من تحت لتحت حد سايقها
بالعين حمرا نفوق راسها

ليه يا ابوزيد تتعامل سلبي
ملف المية أهم مطالبي
لما بتهمل لما بتسكت
تحط الراس ف الرمل تخبي

محتاج دعم يلملم شعبي
يكفي وزيرنا نبيل العربي
راجل دوغري وفاهم دوره
طلبات بلده لابد يلبي

نهر النيل دا نعمة لبلدي
مهما يكون وهيفضل أبدي
له صاينين من كل تحدي
دمه بيجري في قلبي معدي

سامح لطف الله
26/4/2011