قتلتوا ليه حلمنا
ولا خدتوا عنواني
اللي بني مصر
في الأصل حلواني
واللي سرق مصرنا
سرقها حلواني
القصر شايفه في شرم
والتاني أسباني
وان كان جنانك سبق
هيحصله جناني
بدروا الدما ع الورق
والظلم بان تاني
كتبوا النهاية ألم
أنّ القلم ياني
بدرتوا ليه قمحنا
ف البحر إنساني
طلَّع سنابل حجر
والنقش أسواني
قلبي عليك إنفطر
ولا حد واساني
حسرة عليك يا ولد
بالحكم موت تاني
ظلم البشر للبشر
والعدل رباني
قتلتوا ليه حلمنا
ولا خدتوا عنواني
سامح لطف الله
