هنقابل بعض
وبنمشي ف شوارع الدنيا
الخطوة محسوبة علينا
وندخل من شارع نطلع م التاني
ونقابل بعض
ونتوه أحيانا نتبرجل
تجمعنا الدنيا بأقدارنا
نمشيها مسار
نتكعبل مرة ونتقوّي , نتقوّي ببعض
طب ايه رأيك لو كانت راحت خطاوينا من شارع تاني
لو تهنا ف بعض
انا يس بقولك لو تفرض دا مجرد فرض
بالطبع لا كنا هنتقابل
ولا تجمعنا نفس الأرض
ولا كنت هتدخل من قلبي
وتعيش ف النبض
صدقني الخطوة المكتوبة
نمشيها بالطول والعرض
علشان مكتوب لي
ومكتوب لك هنقابل بعض
سامح لطف الله
