يا ريت تشوف
سكينة باردة ف قلبي ليه بتحطها
تحلف يمين لابد لحظه هقتللك
جوة الصلاه و الناس وراك بتقول آمين
من فوق عماير شارخة طالعة للسما
ترميني للقبر اللي فاتح جعبته
ف عنيك ولا ظاهر عليك أي ندم
ملفوف كمان جوة سوادك يا علم
الحقد مالي القلب منك والكفوف
وعنيك رموشها مفنجلة
والرعب لم يرعش إيديك
والدم بقعة فوق عنيك
تسرق هدية م الإله
القلب أعمي والنظر
وقطيع بقر
يصرخ عليك وبأعلي صوت
تقتل أخوك تقتل بشر؟
وتقوللي شرع ربنا؟
تملا الشوارع دمنا
وتكفرونا كلنا؟
إنت الوحيد اللي كفر
إنت الوجيد اللي كفر
سامح لطف الله
