كلمات مضيئة

ما عاد فارق
ونظرة عين بتشفيني وأعود رايق /
يا بسمة من شفايفها تفرَّح كل متضايق/
علي حدودك أنا صاحي وفوق خدك أنا الحارس/
وانا الفارس هجيب نورك وعندي الندل مش فارق/

سامح لطف الله

إختيار
لمَّا تخيروني/
أحتار ولا أخترش/
لمَّا تشرحولي/
معرفش ليه ماافهمش /
لمَّا تغيب ضمتك/
أسقط وما بنجحش /
حضنك يا روحي الدفا/
وانتي الغطا والفرش /
سامح لطف الله

مسار
حبيبي حياتي وأأبي الفصال
حلول وسيطة بهذا المجال
وأمسك عصايا من المنتصف
محالٌ عليَّ وشبه المحال
أجدد مساري برغم الصعاب
أحب الطريق الطوال الطوال
لشأني طريقي شديد الوضوح
وأكره دربا قصير المجال
سامح لطف الله


مؤمنٌ والقلب عادل

هذه الكلمات أقوي
من براكينٍ زلازل/
تكسر الكرسي وتفني
كل سلطان مخاتل /
فانطقوا الحرف بقوة
أشعلوا نار المراجل /
لن يتال الحكم إلا
مؤمنٌ والقلب عادل /

سامح لطف الله



المراية

والصورة اللي الناس شايفاها مش صورتي ف المرابات /
أكدب كدبة وأغرب غربة فرق ما بين جوَّاك برَّاك /
لمَّا شيطان يسكن جوَّاك /
لمَّا تحط الوش ملاك /
تخدع كل الدنيا بحالها /
إلا مرايتك جوة القلب كمان شايفاك /

سامح لطف الله

شواشي
جمَّع شواشي الدرة/
شوشة فو ق شوشة/
كل البنات ف الهنا/
وانا لسه مدووشة/
م تزور يا شوق وحدتي/
هتنوَّر الكوشة/
سامح لطف الله

إسجنوني

اسجنوني ف نن عينها/
إحبسوني حنب منها/
من جمالها بطني تشبع /
من دموعها كاس وهشرب/
بعدي عنها هوه سجني/
قربي منها الروح تقرَّب/
يكفي إني هشوف جبينها/
والعيون تحضن ف عينها/
سامح لطف الله