يا لمونة دوَّخينا
يا لمونة دوَّخينا
فرَّقينا وبعترينا
إوعوا عنها تسألوني
إنشغلتم عني بيها
إنشغلتم ونستوني
قلتوا ثورة حلم ميت
جوة حلم وعيشوني
والكلام الحلو منكو
صحي قلبي وصحتوني
والسنين بتعدي تجري
ضلمة ليلي ماشفت فجري
بالأماني كتفوني
والبحور فاضت طحينة
والعسل والفخفخينا
والكلام مدهون بزبدة
ف الدموع تغرق سفينة
نفسنا ع البر نرسي
نفسنا نلقالنا مينا
يوم م ثرتوا قلتوا عني
والغُنا يملا المدينة
والرايات شالها الشباب
والكبير سلِّم علينا
يا لمونة دوخينا
سدي بقي وسكتينا
وادي رايتك للشباب
همَّا دول المنقذينا
الأمان ف إيدين ولادنا
مانتي شفتي إيد أخينا
ولاَّ لسه لسه ناوية
ناوية ناوية تدوخينا
سامح لطف الله
