الطريقة الأولى

فى المناسبات السعيدة‮.. ‬قصدى اللى كانت سعيدة بينكم‮.. ‬تجاهلية‮.. ‬اعملى نفسك‮ ‬عبده العبيط‮ ‬وإذا حاول لفت انتباهك حاسيسيه أنه سطحى وتافه وذكريه أنه كبر على الحركات دى‮!‬

الطريقة الثانية

قومى بدور‮ ‬أم أربعة وأربعين‮.. ‬خلى كلامك لاذع وسخيف وماتنسيش لما تشوفيه‮ ‬تركبى وش جبس‮ ‬علشان لما‮ ‬يبص لك‮ ‬يعرف‮ ‬غلطته‮!‬

الطريقة الثالثة

خليكى على مبدأ‮ ‬الحلو حلو ولو صحى من النوم،‮ ‬والوحش وحش ولو‮ ‬غسل وشه كل‮ ‬يوم‮.. ‬اصبحى‮ ‬من‮ ‬غير ما تغسلى وشك ولا تمدى مشط فى شعرك‮.. ‬ولو حاول‮ ‬يواجهك اتهميه بالمبالغة والحقد والغيرة‮!‬

الطريقة الرابعة

تعمدى دائما أنك تسمعيه صوت القطار‮.. ‬اتصلى مخصوص بيه خاصة إذا كان خارج مع أصحابه واتلككى‮ ‬وارفعى صوتك وبعدين اقفلى السكة فى وشه علشان‮ ‬يسمع صوت القطار‮ ‬توت‮.. ‬توت‮!‬

الطريقة الخامسة

سلاحك‮ ‬الزن والنكد‮ ‬استخدميهما بأكبر قدر ممكن ويا ريت لو شوية شكاوى وعدم فرحه بأى شىء‮.. ‬وإذا طلب منك أى طلب قولى له‮ ‬هو أنت مكسح ولا أعور‮.. ‬أخدم نفسك بنفسك ولا روح هاتلك خدامة‮.. ‬أنا مش جارية‮ ‬يا حبيب ماما‮!‬

الطريقة السادسة

لما تصحيه م‮ ‬النوم علشان معاد شغل مهم‮.. ‬تعالى جنبه بالراحة واخبطيه بالمخدة على‮ ‬أم راسه‮.. ‬ساعتها مش هينام تانى خالص‮!‬

الطريقة السابعة

إذا فكر نفسه‮ ‬سيد الرجالة‮ ‬وعزم ضيوف من‮ ‬غير ما‮ ‬يقولك‮.. ‬قولى له بهدوء روح‮ ‬يا‮ ‬حبيب ماما‮ ‬أشتريلهم أكل من برة‮!‬

الطريقة الثامنة

حماتك‮.. ‬الاحترام لازم‮ ‬يكون بحدود وكمان متبادل‮.. ‬يعنى لو حاولت تفتح‮ ‬التلاجة بدون استئذان كهربيها‮ .. ‬التلاجة مش حماتك طبعا‮!‬

الطريقة التاسعة

إذا طلب منك نوع معين‮ ‬م‮ ‬الأكل فى الغدا‮.. ‬كده مش حلو‮.. ‬عرفيه حدوده وما تطبخيش‮ ‬يومها أصلا أو أقنعيه إن الأكل اتحرق‮ ‬ع‮ ‬النار‮!‬

الطريقة العاشرة

الرجل طفل كبير‮.. ‬فإذا دخل‮ ‬م الشغل وبدأ‮ ‬يرمى هدومه‮ ‬يمين وشمال‮.. ‬وطبعا متعشم فيكى تقومى تحطى كل حاجة فى مكانها‮.. ‬عامليه معاملة الأطفال وقولى له لو دخلت بعد ‮٠١ ‬دقايق ولقيتك ما لمتش هدومك هرميهالك م‮ ‬الشباك‮!‬