--------------------------------------------------------------------------------

(((( الزوج يريداسقاط المدام))))
لطول فترة حكمها وذلة لسنها وهمها
وشكوتها لجيرانها وأمها
وخدت الفلوس كلها حتى العيال فى صفها
وأقول يارب هدها عملا فرعون عصرها
والله أفظع من سوزان وإبنها
والعدلى غلبان جنبها بجيوشة حتى كلها
والله ماينفعها غير ليبا وإسرائيل لأن هما زيها

ويوم ماتشكى لأبوها وٍأمها
تنزل دمعة من عنيها وإنتا تبكى جنبها
وهى تزعق وتثور وتقعد تشكى همها
وتطلعك غلطان قدام الناس كلها
والمفروض قبل منحاكم مبارك
نحاكم الزوجات كلها
لان طول ماهى حيه هتنفث عليك سمها
وأدعى وقول يارب قدام قطر
منلاقى حته نلمها
ويارب القطرمايدمرش ويروح الركاب بذنبها
وكل كلامى اقول يارب قبر يلمها
ووصيتى فى الدنيا مندفنش جنبها. وتنحط فى تربة لوحدها
لان بذنوبهاهتحرق الناس كلها
وياترى فى صلاة الجنازة هنلاقى حد يصلى خلفها؟
وبكتب من وراها ومحدش يقول لها
لأن لو عرفت هتاخد العيال وتدمرحياتى كلها
وبدعى لها بتسونامى ذى بتاع اليابان


يزلزل الارض من تحتها
والشعب أسقط مبارك والعدلى وحشيتة
اماالزوجة لم تسقط إلا لما تهد حيل الراجل وتشوف حنيتة
وميهد الحريم المفترى إلاالله بقدرتة
مش هنمشى هى تمشى
(الزوج يريد إسقاط المدام)

الله ينور يا معلم وإعتبر القصيده
وصلت للمدام ربنا يسترها
عليك .

الله ينور يا برنس وأنا عن نفسى نازل كمان شهرين

وإن شاء الله أوصل القصيدة بنفسي

خلى عنك انت يا عم حمدي دى مهمتي هو مش نزل القصيدة


يبقي عليه السلام

ودي بالذات مفيهاش حرية فى التعبير

وبرده هأقول الزوج يريد اسقاط المدام

كده بردو ياابن خالتى دانابقول انتا سندى
انتاالوحيدلماطلبتهاانا كتبتها
وبعدين اناكاتب فى القصيدة
انا بكتب من وراها ومحدش يقول لها
هى دى الوعود

اماانتاياحمدى اناهقول
لام عبد الرحمن على كل حاجة
محمود النجار بيقول انا
هبلغ بعد شهرين اناممكن
يحصلى حاجةقبل الشهرين
هتطرونى اعمل ثورة مضادة

يا ابو أحمد سلامتك من أى شر

بس احنا بعد 25 يناير فيه شفافيه فى كل حاجة

ولا عايزنا نرجعوا قبل 25 يناير ونداروا القصيدة عن المدام

عموما سيب على الحاج حمدي واكتب وسمعنا

ويا عندليب قول كلمتك قصيدة واحدة مش هتموتك

بس أكتر من كده أوعدك انها راح تهلكك

والله ياحودةاناماكتبتش الابعد 25يناير
وقلت دى ثورة وفرصة نتنفس شوية
طول عمرنا محبوسين

يا ابو احمد
حمدي قعد يجر رجليك
وهو اول واحد قال لك اعتبرها وصلت
خد بالك منه
دا صاحبي من زمان وانا عارفه كويس

والله يااستاذ/محمدانا كنت
عارف كدة من الاول
وعلاشان كدة واخد حذ رى
منة ومسكة من ادية
ال بتوجعة بالصوت والصورة

هههههههههههه الله ينور يا استاذ محمود قصيده فى الجون
وندعيلك بقه ربنا يسترها

قشدة

قشدة

الله ينور عليك عليك
يااستاذ/محمدعلى الاغنية
ربنا يسترها معايا ومعاك
لان اناوانتا فى القائمة
السوداء

ههههههههه هو انا لسه مدخلتهاش اوى انا لسه على وشك بس شكلى كده هفكر كتير فى الموضوع

قشدة

ههههههههههههههههههههههههههههههه
حلوة القصيدة دى قوى يااستاذ محمود
الله يرحم الرجالة بس بينى وبينك مع الهم والشكوى و النرفزة اللى بتسببها الست هتفضل برضه هى حتة الجاتوه بالشيكولاته اللى فى الدنيا .

اهنيك على هذه القصيدة الجميله بس عايز اسألك سؤال انت مش خايف ؟

ياااااااااا حتة مارون جلاسيه
اتنين لمون وشجرة يبنى عشان خاطر ابو حسناء ماشى يا ابو كمال ماشى كلامك
وانا معاك يا ابو كمال وصدق خير الانام ولبنة التمام درة تاج الجنس البشرى كله حبيبى سيدنا محمد صلى الله عليه وسلم اذ قال ( الدنيا متاع وخير متاعها المرأة الصالحة ) رواه الامام مسلم
حقا ان الزوجة الصالحة هى متاع الدنيا ربنا يرزقنا ياااارب رزق حلال وزوجة صالحة لانى قناعتى ان الزوجة الصالحة رزق من المولى سبحانه وتعالى

اللهم ارزقنى زوجة صالحة تعيننى على امر دينى ودنيًاى

قشدة

شكرا للتعليق الجميل
على اى راى من الاراء
وبعدين يااستاذ. محمود دى
ثورةولازم نتكلم دلوقت

اما الاستاذ كمال والاستاذمحمد
عزيزى لاتخضع لاامراة ولاتفتن بفاتنة
فهم سوء
لاتنتظر بعد ضحكتهاصفاء
ولابعد نظرتها بقاء
ولاينجوا منهم الاالاذكياء

المراة مهماطال شعرهافلسانها اطول
المراة سريعة الذوبان فى الغيرة
المراة لاتصدق فى دموعها
الاعند تقشير البصل

هههههههههههههههه
و الله شكلك يأستاذ محمود مقروص من الستات قوى . بس صدقنى مهما عملوا برده إسمهم الجنس اللطيف . وانا مازلت متفق مع الاستاذ محمد عز العرب فى كل كلمة قالها ويااااااااااااه على توصيات الرسول صلى الله عليه وسلم ما تصلوا عليه فى النساء وأعتقد فى آخر خطبة الوداع قال أوصيك فى النساء خيرا .ما تتحاملش قوى كده على الزوجات يا حج وبرده الرسول قال تخيروا لنطفكم فإن العرق دساس وأعتقد أنه معنى كده فيه الحلو وفيه الوحش وبعدين الرسول صلى الله عليه وسلم برده قال فيما معناه برده تخيروا الودود الولود العؤود يعنى الواحد يعنى لما بيقع فى وحده مفيهاش أي صفة من دول يبقى من أعمالكم سلط عليكم ولا ايه ياحج.

اعتقد ان الاستاذ محمود يقصد بهذه القصيده الرائعه النصح لزوجاتنا وبناتنا واخواتنا ان يتقين الله في ازواجهن وان يتساءلن لماذا يضطر الزوج منا لقول ذلك ؟
قال لي احد اصدقائي ذات مرة انه عاد الى بيته وكان سعيدا تعلو الابتسامه محياه فما كان من الزوجة الا ان قالت له خير ياطير شيفاك جي من بره مبسوط متفرحنا معاك .
ثم عاد في اليوم التالي تعلو محياه تكشيرة فقالت له يعني الضحك بره وهنا النكد ياعيني عليه وعلى بختي المايل .
فاصبح في حيرة من امره هل يعود الى البيت ضاحكا مستبشرا ام يعود حزينا متنكدا حيث انه لا توجد حالة وسط بينهما .
فارجو من اخواتنا واخواننا بث الثقة والتسامح في اجواء الحياة الزوجية فهل ضغوط الحياه لا تكفينا ؟

اعتقد يا استاذة نادية ان الاستاذ محمود قال القصيدة للترفيه لا اكثر

سبحان الله هتفضل النظرة دى موجودة دايما بين الرجل و المرأة الى ماشاء الله إلا من رحم ربى طبعا وعلى فكرة بردة هيفضل الرجل ميستغناش عن الست والست عمرها ما هتستغنى عن الراجل .
يا جماعة والرجالة بالذات هو إحنا نقدروا نعاملوا زوجاتنا زي ما حبيبنا المصطفى كان بيعامل السيدة عائشة .آه نقدر لو قرينا سيرته وتعلمنا منها ولو حتى الجزء الخاص بمعاملته لزوجاته .
أما نصنا التانى اللى مش هنقدر نستغنى عنه هو أنتو تقدروا تعاملوا أزواجكم زى ما أمنا أم المؤمنين السيدة خديجة كانت بتعامل حبيبنا المصطفى .آه تقدروا لو برده قريتوا سيرتها وتعلمتوا منها .
فى الأول و الأخير الراجل بحكمتة وحنكته وتعاملة وحكمه الجيد على الأمور هو اللى بإيده لجام وزمام سير الأمور .
أما بخصوص كلام الاستاذة نادية أنا بتفق مع حضرتك فى كل كلمة إلا إن الست برده لها جانب كبير من السعادة الزوجية لأنها هى اللى بتهئ الأجواء سواء للسعادة أو لل.... لا بلاش أو دى .ربنا يجعل أيامنا كلها سعادة مع زوجاتنا وأزواجنا قولوا آمين .

شكرا على المرور ياجماعة الأستاذة نادية أنا كتبت القصيدة ولم اقصد
اهانة اى حد والله بالرغم من كدة أنا مش ضد الحريم بالعكس فية حريم ينحطوا على الجرح يبرد
وفية حريم ينحطوا على الجرح يورم بس أكثر المشاكل ال شفتها من الحريم ولذلك لو عملنا
احصاء على الموتى هنلا قى الأزواج يموتوا الاول
قبل الحريم وتلا قى الحريم صحتهم إحلوت
ياجماعة انا كتبت القصيدة ضحك وقبل مااكتبها

عرضتها على زوجتى الأول وقالت احنا فى ثورة
ولا يهمك وضحكت
وعما مشاكلهم الفلفل ال على الأكل من غرهم منعرفش نعيش

الاخت الفاضلة نادية :
بعد خالص التحية والتقدير (السلام لله )
السلام عليكم ورحمة الله وبركاته ,,,
اعتقد انك لم تقرأي السطر الاخير من التعليق على الموضوع ..
وانا معك في كل ماورد بتعليقك ...
ولكي الفضل كل الفضل..

واحنا بنشكرك على المرور يااخت نادية
ومنورانا ومشرفانا على المنتدى
وجزاكى الله خيرا

طيب والله كلام زى الفل اى والله زى الفل
طيب ايه راى حضراتكم نحول الموضوع لمناقشة يعنى مثلا كل واحد من وجهة نظرة يعرض سبب لوجود المشاكل الزوجيه مثلا ليه الزوج بيبقى شايف زوجته ملاك كالبدر ليل الست بعد ثمان ايام الخطوبه اول سنه وتلت شهور من الجواز واسمحولى اقول تلت شهور فى نص الكلام يعنى وبعد كده بيتغير الحال وبيبقى شايفها قمر ليله 29 يا ترى ايه الاسباب من وجهة نظركوا ؟؟؟؟؟؟؟؟
ولكن وبرغم كل الظروف لازم نقول

قشده هههههه ولا ايه يا استاذ محمود وربنا يجعل كلامنا خفيف عليهم

السبب بكل بساطة يا حج محمد بيتلخص من وجهة نظرى فى الأسباب التالية :-

1- إن الواحد أو الوحدة على حد سواء وقت الخطوبة مبيبقوش شايفين غير إيجابيات ولو بانت سلبيات بتكون بسيطة لكن لما بيتعمقوا بقى فى الموضوع ويتجوزوا وبالعشرة بتبان السلبيات كلها .الا من رحم ربى طبعا يا حج وأسأل الله أن أكون منهم .
2- التكرار وأقصد الملل من التكرار يعنى اللى بتبات فيه بتصبح فيه .
3- إنشغال الزوجة بعد الزواج بقى بالحمل و الخلفة و العيال وأمور البيت وأعتقد إن دى بتأثر جدا فى نفسية الراجل وتخليه دايما برة البيت .
4- أهم من دا كلة النظرة الشيطانية اللى بيضعها الشيطان فى الرجل قبل الزواج ومحاولاته المستمرة للتفريق و الهدم بين الأزواج بعد الزواج ودا أخطر الأسباب .
ونحمد الله الذى أنعم علينا بالإسلام فهناك دائما لكل داء دواء فقد ذكرت لحضراتكم بعض الاسباب من وجهة نظرى أما من ناحية العلاج فأتركها لكم للتفكير فيها.

يا اخ كمال بعد التحية ...
انت قلت كل حاجة ماعدا حاجة واحدة وهو دور الحماه في افساد الحياة الزوجية زي دور جمال مبارك في افساد الحياة السياسية والله المستعان ..........

تمام يا كيمو وتحياتى لحضرتك استاذ محمد بس انا وجهة نظرى فى حكاية دور الحما دى انها بترجع للزوجين نفسهم او للراجل بشكل اخص انه هو اللى بيديها المساحة اللى تسمحلها بالتدخل فى شئنونه الشخصيه بينه وبين مراته بمعنى ان بنتها ساعة ما بتتجوز المفروض انها بقت فى بيت تانى (بيتها ) وكل بيت وله حدوده

وبالنسبه للعلاج يا ابو حسناء من وجهة نظرى ف ىالنقط اللى انت طرحتها انا بقول ان المشكله مشكلة ( صمت ) بين الزوج والزوجه يعنى المفروض انه اول مبيلاحظ السلبيات دى لازم يكون فيه مناقشه وحوار ما بينهم انها بسكوته وصمته بتتراكم السلبيات دى وتوصل لدرجة النفور والهجر وما يترتب عليه من مشاكل نفسيه ممكن وجنسيه بتحصل حاله من النفور والتباعد بين الزوجين الا انهم لو اتكلموا وتناقشوا فى المشكله اكيد بتنحل
باختصار انا شايف ان الراجل المفروض انه بيمارس قوامته على المراة فى تعدبل اى سلبيه هو ملاحظها فى زوجته وكذلك الزوجة عليها نفس الدور فى حدود صلاحيتها كزوجة لانها متنفعش تبقى هيه اللى قوامه على الزوج والا لا يلومن الا نفسه


قشده

مع احترامى لكل الاراء الاستاذ محمد عزالعرب
بيقول يكون فية حوار مينفعش معاهم الحواراذا
لجات للحوار ضاع الراجل لان لازم يكون فية تنازلات
من نحيتة والزوجة لم تقدم تنازلات الابمقابل اما الحما ه
على راى الاستاذ محمود سوزان كانت حماه لمصر كلها وادى النتيجة اما
الاستاذ كمال اذا امنت للتعبان فى الجحرائمن للحما ه
المراة عندما يكون الراجل لسة بصحتة تقول رجلى
وبعد فترة كم سنة كدة تقول ابو العيال
وبعد فترة تانية تطبطب على ظهره وتقول البركة بتعتنا
اللهم اجعلنا قادرين عليهم يارب
معى تحياتى لكل الحموات والزوجات المخلصات
ومحد ش يفهمنى غلط

فاسمع صفات عرائس الجنات ثم اختر لنفسك يا اخا العرفان
حور حسان قد كملن خلائقا ومحاسنا من اجمل النسوان
حتى يحار الطرف فى الحسن الذى قد البست فالطرف كالحيران
ويقول لما ان يشاهد حسنها سبحان معطى الحسن والاحسان
والطرف يشرب من كؤوس جمالها فتراه مثل الشارب النشوان
كملت خلائقها واكمل حسنها كالبدر ليل الست بعد ثمان
والشمس تجرى فى محاسن وجهها والليل تحت ذوائب الاغصان
فتراه يعجب وهو موضع ذاك من ليل وشمس كيف يجتمعان
فيقول سبحان الذى ذا صنعه سبحان متقن صنعة الانسان

سبحان متقن صنعة الانسان
يا رب اكرمنا وارزقنا الجنه والحور العين

اللهم بعدنا عن الفتن وبعدناعن الشر
وبعد الشر عنا وارزقنا الشهادة وكفنا
بحلا لك عن حرامك وجعلنا من الصوامين القوامين
وارزقناالصبر على البلاء
وارزقنا الجنة والحور العين يارب العالمين

صح و الله أستاذ محمد عبد المنعم فعلا فاتنى دور الحما الكبيييييير قوى يا فى الاصلاح يافى الافساد .
أما حبيبى وأخويا الكبير محمد عز العرب أنا بتفق معاك فى كل كلمة قولتها وفعلا الحوار من أقوى أسباب الحلول و السعادة الزوجية . وتسلم إيدك يا حج على الشعر اللى بصراحة روووووووووووووووووعة.
أما أ/ محمود زعلوك أخو صديقى وحبيبى مصطفى لأنك تشبهه كتييير النظرة التشاؤمية للحريم دى صدقنى هتضرك فى يوم من الايام حتى لو كنت بتهزر خد بالك من الشيطان لأنه دايما بيدور للزوج على مدخل يدخله منها .

بجد كمان موضوع هااااااااااااايل

بس رحم الله امراً عرف قدر نفسهٌ

شكرا للشعر الجامد دأ

بس لولا احنا مكنتش يبقي فيه اصلآ حيااااااااااااه

مع احترامي الشديد لك با آدم

تحيتي

الله ينور انا بحسبك تاجر حبوب لكنك طلعت شاعر

والبنسبة للاخوات ده موضوع للرجالة مع تحيات كمال عبادة