ما هى طموحاتك من الثورة
أنا مثلا طموحاتي كالآتي :
1- إنشاء برلمان قوي واسس وتقاليد برلمانية راسخة .
2- إنشاء حكومات محلية مستقله في المحافظات والمدن والقري بالإنتخابات بحييث يمكن ان يكون في المحافظة الواحدة اكثر من حزب سياسي حاكم ، مثلا الوفد يحكم كفر الشيخ والأحرار يحكمون دسوق وهكذا وكله طبقا لصندوق الإنتخاب .
3- تأسيس قوانين نقابية وعمالية وترسيخ القواعد المهنية على اسس علمية ونزيهة .
4- إظلاق الحرية لتأسيس الجمعيات الأهلية والخيرية ومنظمات المجتمع المدني .
5- تشجيع المشروعات الصناعية بحوافز حقيقية .
6- تأسيس مناطق حرة عالمية في السويس والإسماعيلية وبورسعيد على غرار سنغافورة ودبي وهونج كونج .
7- أن يكون لدي كل طالب لاب توب ومنهج صوتي وام بي ثري وطرق تعليم ذاتية مجانية على الإنترنت .
8- إقامة وحدة اندماجية كاملة مع السودان .
9- اقامة سدود مصرية في اثيوبيا وجنوب السودان وكينيا لزيادة حصة مصر من مياه النيل بالتعاون مع هذه الدول الشقيقة .
10 - إقامه جيش الكتروني قوي يستفيد من التركز السكاني والطفرة المهنية للشعب المصري مستقبلا .
11- أن تكون شباس عمير منطقة سياحية بما تحتويه من حياه ريفيه متطورة وعمق انساني وبشري كبير .
12- زراعة الظهير الصحراوي الشرقي والغربي والإستفاده من مياه الأمطار في سيناء والبحر الأحمر
13- إنشاء مطارات دولية وأستادات عالمية لإستضافة الدوري الاوربي في مناطق الصعيد في الشتاء .
14- أن تنتهي من مصر فكرة الواسطة ويعاقب بالإعدام كل موظف يقبل الوساطة او المحسوبية في شأن عام .
15- بداية عهد جديد من البحث العلمي

انا بالنسبة لى اتمنى اننا نبقى احسن بلد فى الدنيا ونكون خير اجناد الارض ونكون ائمن بلد فى الدنيا زى ربنا ما قال علينا فى القرأن .

ونفسى مفيش ناس تستغل الثورة استغلال سئ ابسط مثال فيه ناس عاوز تروح يوم الاحد القادم تعمل مظاهرة اما مجلس القرية ويولعوا فيه طب ليه والناس دى ناس غرضها مش كويس كل ال يهمهم تصفية حسابات مع ناس تانية بس الحمد لله شباب البلد وعائلات البلد واقفين ضدهممش علشان مصلحة معينة علشان المبنى ده ملك لينا كلنا ولازم نحافظ عليه وكل فرد لينا له جزء فيه مش نولع فيه وربنا يسترها من الفتنة ....
بس انا حاسس يا استاذ محمود احنا كدولة امامنا حل من اثنين يا ابيض وتكون حياة كريمة وسعيدة وامورنا تتصلح ان شاء الله او حل اخر يارب ميحصل اننا نكون فى فوضى وخراب .
ودى امنياتى يا استاذ محمود اسف انى مكتبتش تفاصيل زى مجلس شعب قوى وحياة برلمانية بس كل ال اتمناه اننا نكون احسن بلد فى الكون .

استاذ / محمود
انا نفسي يتغير قانون الأحوال الشخصية عشان توصيات مؤتمر السكان 96 تنتهي و يقف تنفيذها , و تعود الاسره المصريه لطبيعتها و تخرج اجيال جديده على أسس سليمه ,,
نفسي تنتهي عنصرية المهن القميئة المستوطنه في شعبنا , و التي فاقت في قبحها عنصرية اللون في الجنوب الافريقي ,,,
نفسي يعرف شعبنا معنى الحريه ليستعيد كرامته و يبني مجده و تفخر الاجيال القادمه بذاتها ,,,
نفسي نهتم بالتعليم عشان العلم يرفع بيتا لا عماد له و الجهل يهدم بيت المجد و الشرف ,,,
و كفايه اللي حصل للاجيال السابقه من حملات افراغ العقل المصري ,,
نفسي نهتم بالبحث العلمي عشان نقدر نعالج اسباب انتشار امراض السرطان و امراض الكبد اللي انا متأكد انها بفعل فاعل ,,,,
الاقتصاااااد يا بيه , محرك الحياه ,,واللي بيه مش تلاقي 8 مليون مصري متشردين في بلاد اللاه....

اخطر حاجه هي ان نفسي الشعب يعرف عدوه الحقيقي ,,, عشان ما نرجعش تاني تحت حكم اسرائيل و أمريكا ,,,
و بالمناسبه دي يسرني أسألك :
تعرف ان بنت عمرو موسى متزوجه من ابن أشرف مروان ??........
نفسي الحكم في مصر يكون حكم وطني مش صهيوني ,,,

عندي أحلام كتير نفسي تتحقق
بس مش عاوز اطول ,
شكرا لك

ولسة بنحلم يا مصر وحالا نحقق أحلامنا ان شاء الله رب العالمين

اتمنى ان تصل الثورة الى الرجل البسيط والرجل العادى واسرتة بالشارع وعندها ستصل الى كل جموع مصر من كل الاهداف

نفسى تتلغى كلمة بطالة من قاموس مصر.
نفسى الحياة ترجع زى زمان يعنى الجنيه مثلا لما تشيله فى إيدك تحس انك ماسك كنز.
نفسى برده تتلغى كلمة غلاء من قاموس مصر.
نفسى يبقى فيه عدالة بين الناس .
نفسى الابآء و الامهات يبطلوا يبالغوا بقى فى المهور و الدهب . أعباء الزواج بشكل عام.
نفسى ياااااااااااااااااااااه دا أنا نفسى فى حاجات كتيرة قوى بس مش عارف أعبر عنها نفسى كده نكون إخوان مش جماعة الاخوان لا نفسى نكون كلنا ايد واحده يعنى الفرح تلاقى الناس كلها بتبارك و الحزن تلاقى الناس كلها بتشارك مش يقتصر الامر على المعارف و الجيران لا يكون الامر أكبر من كده.
نفسى ميكونش فيه حقد وحسد وغل بين الناس .
نفسى نبقوا مسلمين دين مش بطايق بس .
إتهيقلى كفايه عندى قوى كده .

نفسى اشوف مصر تطبق فيها شريعة الله

نفسى ارجع مصر واطمئن على نفسى واولادى وانا فيها