بقول يارب فى كل وقت
فك همى ودينى اقضيه
وانا بشر مانيش ملاك
ودينى مش قادر عليه
طاب اعمل ايه
اروح لحد يكون صحابى
على نهجهم
اروح عشان افضفض لهم
بس فين الاقى زيهم
او حتى ماشى على نهجهم
او حد للخير
يكون قادر عليه
طاب اعمل ايه
القاش معاكم
قد حسبه كام جنيه
ولو لاقيتها راح اعمل ايه
يمكن ابنى
او اشترى بيها الملابس
لبناتى وابنى
او يمكن ادفع يوم ايجار
صاحب السكن يمكن يسيبنى
شكله باين مش حاببنى
معذور بس اعمل ايه
واشكى لمين
معدش خير فى الدنيا
ومحدش يعيبنى
محدش يقول الخير موجود
طاب هوه فين
طاب عند مين
طاب كتير
ومش محدود
ولا كلام على الورق
على شات وبينكتب
عمره ما يمسح دمع ع الخدود
لو قصدك خير للمظهره
والفشخره
تدينى تفضحنى
وتبقى اخر مسخره
اللى بيطلب اكيد محتاج
الذله صعبه ومش فشخره
ياسلام
استاذ كلام
ع الخير يقول
ويقولوا عنه سكره
يقول قصايد
يكتب كتب
راح تتنشر وتنقرا
يحط النقط فوق الحروف
حتى النقط كمان حاططها مقطره
بالمسطره
لكن هيعمل
ما اعطلكش
اجيب لك منين
هو انا لاقى
امسح هدوم متعفره
يارب عندك الفرج
وكل هم بيك انفرج
امسك كتاب ربك
اقرأ بخشوع
ساعتها بس
يمكن تحس
همك خرج
